ŊAƁTA 9
9
Nisi li yuldeta vi Paskata goy hay fulda Sinay
1Hay til ma jewna vi busata ma'ta vi kal-goyta vi gurona vi Israyel hay Egipte, Ma-Vatɗina di tam Musus ala: 2Hin gurona vi Israyel li yuldeta vi paskata kuɗ buur ma ŋaɓay ŋaɓna. 3Nigi ma li yuldeta kuɗ buur ma ŋaɓay ŋaɓna, hay buurta doogo yam fiɗita vi til zawni, hay vulatita, nigi ma li paskat ɗawni kuɗ gatta hiɗi dita ma di ka' kafna.
4Musus di tam gurona vi Israyel ala nisi ma li yuldeta vi Paskata. 5Ki kayn nala nisi li paskata hay buur ma doogo yam fiɗina vi til ma jewna, hay hay vulatita, hay fulda vi Sinay; gurona vi Israyel li kuɗ gatta kaf ta Ma-Vatɗin vula' mi Mususta. 6Sum segen ka'a sa muɗi liwis kuɗ sa mitina, nisi asay a li yuldeta vi paskata hay buur namnaɗi. Nisi co vok Musus hiɗi Aaron hay buur namna; 7sum nisina di tam Musus hiɗi Aaron ala: Numa muɗi liwisi kuɗ sa ma mitina. Wulin kayn numa as tap jar gurona vi Israyel, segena kay mar vulda vuma tam Ma-Vatɗina, kuɗ buur ma ŋaɓayna ki nisi nalaɗi kay mige 8Musus di tisiya: Cubgi tuwa, kay nan min wi va ma Ma-Vatɗin dumna. 9Ma-Vatɗina di tam Musus ala: 10Naŋ ma di tam gurona vi Israyel ala, la sa jargiya lebo jar jaf ma bugolgin kaw muɗ tuwam liwisi kuɗ sa ma mitina, lebo nam kal rogoyo hay nagat ta gine'e, nam ma li yuldeta vi paskata kay subur sem Ma-Vatɗina. 11Nisi ma li yuldet ɗawni hay til ma ma'na, hay buurta doogo yam fiɗita, hay vulatita, nisi ma mut sliwn hiɗi fun-bay-kufna, hiɗi hadaf ma galakŋa 12Nisi ma hin mara kulo ta-ta grawtɗi, nisi ma kus zok goy kep noŋɗi. Nisi ma li yuldet ɗawni ki gatta vi paskat kaf di nala.#9:12 Ɗuw hay Kg 12:8, 9, 46. 13La san tuwam muɗi liwisɗi lay, nam may tuɗ rogoyɗi lay, may nam min li yuldeta vi paskatɗi, san kayni ma kaam selem goyo jar gurona vi Israyel, kay nam may mar vulda vi Ma-Vatɗina kuɗ buur ma colaynɗi, san kayni ma ziy zumalda vi sulukŋa valamu. 14La sa ma pul jargina min li yuldeta vi paskata vi Ma-Vatɗina, nam ma li kuɗ gatta hiɗi dita ta di kay paskata. Gatta vi paskat jargi kayni, na' ŋray ca ki tuwa' nala kay sa ma goora vi nagata, kay sa ma pulla kaw.
SA ISRAYELLA KA HAY FULDA IR BUSAT DOK-HIƊI YAM GLAFANDI
Ɗugulla
15Hay buur ma nisi vi tabernaklen kulon kayni, ɗugulla dukum yalamu, guɗukŋa vi di-goyta tun cawis vulatit pa ta-ta goy grawta, nam bur gaa kay tabernaklen ki kut nala. 16Nam ay dok-dok ki kayn nala: Ɗugulla ka ŋuy tabernaklena, hay henjeta nam muɗi ki kut nala. 17Hay li ma ɗugulla vi tuwam goy kay guɗukŋa, gurona vi Israyel kala, nisi vi guɗukŋa visi hay liyn ma ɗugulla col hayamna. 18Gurona vi Israyel tuɗ kayni kuɗ hagat ta Ma-Vatɗin vulsita, nisi vi guɗuk kayn kuɗ hagata ta nam vulsiya kaw, liyn ma nisi vi tabernaklena visi hayna, nisi as lak hayam ta-ta say ɗugul poŋ kulo tuwa. 19La ɗugulla ka coli dok-dok kay guɗukŋa, gurona vi Israyel may kal voksiɗi, kay nisi min hum kuɗ gatta vi Ma-Vatɗina. 20La ɗugulla mus ir buur neeɗa ɦawa kaw, nisi vi guɗukŋ gaa'a hot butum kulo'o kuɗ va ma Ma-Vatɗin disiya. 21La ɗugul col vulatita, may grawt nam poŋ kulo de' kaw, nisi as tuɗa, la ɗugul busa'a, bura hay liyn kep, bugolda nam poŋ kulo de' kaw, nisi as tuɗa. 22La ɗugulla col kay tabernaklena ir buur ma', ir til kepe lebo ir busat kepe kaw, gurona vi Israyel cubum mi namu; la nam poŋawa kulo'o, nisi tuɗ yo.
23La nisi lak hay liy mara'a, vulsi hagat mi Lawna, la nisi tuɗa, vulsi hagat mi Lawna; nisi ka hum kuɗ vun-ma-gatna vi Ma-Vatɗina ma nam vulum mi Mususna.
Currently Selected:
ŊAƁTA 9: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 9
9
Nisi li yuldeta vi Paskata goy hay fulda Sinay
1Hay til ma jewna vi busata ma'ta vi kal-goyta vi gurona vi Israyel hay Egipte, Ma-Vatɗina di tam Musus ala: 2Hin gurona vi Israyel li yuldeta vi paskata kuɗ buur ma ŋaɓay ŋaɓna. 3Nigi ma li yuldeta kuɗ buur ma ŋaɓay ŋaɓna, hay buurta doogo yam fiɗita vi til zawni, hay vulatita, nigi ma li paskat ɗawni kuɗ gatta hiɗi dita ma di ka' kafna.
4Musus di tam gurona vi Israyel ala nisi ma li yuldeta vi Paskata. 5Ki kayn nala nisi li paskata hay buur ma doogo yam fiɗina vi til ma jewna, hay hay vulatita, hay fulda vi Sinay; gurona vi Israyel li kuɗ gatta kaf ta Ma-Vatɗin vula' mi Mususta. 6Sum segen ka'a sa muɗi liwis kuɗ sa mitina, nisi asay a li yuldeta vi paskata hay buur namnaɗi. Nisi co vok Musus hiɗi Aaron hay buur namna; 7sum nisina di tam Musus hiɗi Aaron ala: Numa muɗi liwisi kuɗ sa ma mitina. Wulin kayn numa as tap jar gurona vi Israyel, segena kay mar vulda vuma tam Ma-Vatɗina, kuɗ buur ma ŋaɓayna ki nisi nalaɗi kay mige 8Musus di tisiya: Cubgi tuwa, kay nan min wi va ma Ma-Vatɗin dumna. 9Ma-Vatɗina di tam Musus ala: 10Naŋ ma di tam gurona vi Israyel ala, la sa jargiya lebo jar jaf ma bugolgin kaw muɗ tuwam liwisi kuɗ sa ma mitina, lebo nam kal rogoyo hay nagat ta gine'e, nam ma li yuldeta vi paskata kay subur sem Ma-Vatɗina. 11Nisi ma li yuldet ɗawni hay til ma ma'na, hay buurta doogo yam fiɗita, hay vulatita, nisi ma mut sliwn hiɗi fun-bay-kufna, hiɗi hadaf ma galakŋa 12Nisi ma hin mara kulo ta-ta grawtɗi, nisi ma kus zok goy kep noŋɗi. Nisi ma li yuldet ɗawni ki gatta vi paskat kaf di nala.#9:12 Ɗuw hay Kg 12:8, 9, 46. 13La san tuwam muɗi liwisɗi lay, nam may tuɗ rogoyɗi lay, may nam min li yuldeta vi paskatɗi, san kayni ma kaam selem goyo jar gurona vi Israyel, kay nam may mar vulda vi Ma-Vatɗina kuɗ buur ma colaynɗi, san kayni ma ziy zumalda vi sulukŋa valamu. 14La sa ma pul jargina min li yuldeta vi paskata vi Ma-Vatɗina, nam ma li kuɗ gatta hiɗi dita ta di kay paskata. Gatta vi paskat jargi kayni, na' ŋray ca ki tuwa' nala kay sa ma goora vi nagata, kay sa ma pulla kaw.
SA ISRAYELLA KA HAY FULDA IR BUSAT DOK-HIƊI YAM GLAFANDI
Ɗugulla
15Hay buur ma nisi vi tabernaklen kulon kayni, ɗugulla dukum yalamu, guɗukŋa vi di-goyta tun cawis vulatit pa ta-ta goy grawta, nam bur gaa kay tabernaklen ki kut nala. 16Nam ay dok-dok ki kayn nala: Ɗugulla ka ŋuy tabernaklena, hay henjeta nam muɗi ki kut nala. 17Hay li ma ɗugulla vi tuwam goy kay guɗukŋa, gurona vi Israyel kala, nisi vi guɗukŋa visi hay liyn ma ɗugulla col hayamna. 18Gurona vi Israyel tuɗ kayni kuɗ hagat ta Ma-Vatɗin vulsita, nisi vi guɗuk kayn kuɗ hagata ta nam vulsiya kaw, liyn ma nisi vi tabernaklena visi hayna, nisi as lak hayam ta-ta say ɗugul poŋ kulo tuwa. 19La ɗugulla ka coli dok-dok kay guɗukŋa, gurona vi Israyel may kal voksiɗi, kay nisi min hum kuɗ gatta vi Ma-Vatɗina. 20La ɗugulla mus ir buur neeɗa ɦawa kaw, nisi vi guɗukŋ gaa'a hot butum kulo'o kuɗ va ma Ma-Vatɗin disiya. 21La ɗugul col vulatita, may grawt nam poŋ kulo de' kaw, nisi as tuɗa, la ɗugul busa'a, bura hay liyn kep, bugolda nam poŋ kulo de' kaw, nisi as tuɗa. 22La ɗugulla col kay tabernaklena ir buur ma', ir til kepe lebo ir busat kepe kaw, gurona vi Israyel cubum mi namu; la nam poŋawa kulo'o, nisi tuɗ yo.
23La nisi lak hay liy mara'a, vulsi hagat mi Lawna, la nisi tuɗa, vulsi hagat mi Lawna; nisi ka hum kuɗ vun-ma-gatna vi Ma-Vatɗina ma nam vulum mi Mususna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001