ŊAƁTA 32
32
Nagat Galaad vuli mi jafna vi Gad hiɗi Ruben
1Gurona vi Ruben hiɗi gurona vi Gad farayn ka hay ɓisi ŋolo, nisi sar kayni, nagata Yayezer hiɗi nagat Galaad kayni mi liy ma wul farayn ŋaa'a ŋolo. 2Bugol kayni gurona vi Gad hiɗi gurona vi Ruben co kat Musus hiɗi Eliyazar hiɗi sa ŋulona vi tokŋa, nisi di tisiya: 3Nagat Atarot, Dibon, Yayezer, Nimra, Hesbon, Elale, Sebam, Nebo, Bewon, 4naga namna ma Ma-Vatɗin vat sum sa hayamna goy vok sum sa Israyella lakŋi, mi naga ma wul farayn ŋaa'a, numa ka hiɗi farayn ŋolo. 5Nisi hot di lo: La naŋ min luma slugo'o ni, nagat na'ta lakŋi naŋ ma vulmata, numa as ɦawis goy bugol niy-lumna Yordan loɗi.
6Musus hot dit tam gurona vi Gad hiɗi gurona vi Ruben ala: Nigi min ala guro-biyogin tuɗ vun duura, may nigi hin tan may kayn kay mige? 7Nigi min muɗ gurona vi Israyel nari kay jik kulo hay nagat ta Lawn vulsiya kayn kay mige? 8Sumaygi kaw li ki kayn nala, hay li ma nan cuksi hay Kades-Barneya kay fek nagata, 9nisi jik ta-ta kulo hay liyn ma beɗna vi Eskol, hay li ma nisi ɗuw nagat ɗuwna, nisi muɗ sum sa Israyella nari kay kal hay nagat ta Ma-Vatɗin min vulsita. 10Hay buur namna Ma-Vatɗina dikam muɗ ɦiy ŋolo, nam yi va kalamu di'e: 11Sum nisi sa kalay goy hay nagat Egipten lakŋi, tun caw tam busat dok-ma' ta-ta kulo kalam ɗaw kayni, nagata ta nan yi va kanu kay vula' mi Abraham, mi Isaak hiɗi Yakub kafta visi ma wa'ɗi, kay nisi min li kuɗ dita van kafɗi. 12Say Kaleb goora vi Yefune ma Keniziyena, hiɗi Yosuwa goora vi Nun tuta, kay nisi li kuɗ dita van kafe. 13Nala Ma-Vatɗin muɗ ɦiy kat sa Israyella, nam hinsi tulur goy hay fulda ir busat dok-fiɗi, ta-ta jaf-sum sa li joo kat Ma-Vatɗina vat goy kafe.
14Wulin kayni, nigi vurnaawa hay baŋal sumaygiya ki jafna vi sum sa sulukŋa nala, kay jor ɦiyda vi Ma-Vatɗin vok suw lo kat sum sa Israyella. 15La nigi muɗ ŋorgi talamu, nam ma hin sa Israyella hay fulda dok-doko, nala nigi ma vat sa Israyel ɗawn goy ful kafe.
16Nisi co tam Musus dumu: Numa min kot gurun tani kay farayna vuma'a, in hoyok-ziyna kaw kay gurona vuma'a; 17bugol kayni numa as gan tuwma koliyo kay tun vok gurona vi Israyel, ta-ta numa cosi hay liy ma vuli misina, gurona vuma hin misi hay hoyok-ziy ma numa kot gulmun talamna, kay sum sa hay nagatna ma tamsiɗi. 18La gurona vi Israyel bay lak gaa hay vocota visi tuwa, numa as hot voɗi. 19Numa as yaw voco hiɗi nisi goy bugol Yordan loɗi, goy vok suwɗi kaw, kay galla vuma fiy kuma'a, hay gal ma kuɗuwna vi Yordan tani. 20Musus di tisiya: La nigi li kayni, la nigi kot tuwgi kay dur hay sem Ma-Vatɗina, 21la sum segen jargiya gan tuwsiya kay ɦaw Yordan kulo'o, ta-ta nisi digiɗ sa gawta goy vok ir Ma-Vatɗina, 22la nigi hotay bugolgi kayn hay ma nigi sli nagatiyawa ni, law may kigi vok Ma-Vatɗinɗi lay, vok sa Israyelɗi lay, nala liy namna ma nigi job kalamna tani nam vigiya vok ir Ma-Vatɗina. 23May la nigi li ki kayn naɗi, nigi li sulukawa kat Ma-Vatɗina; wigi goy ala sulukŋa vigi ma hot kigiya. 24Ingi hoyok-ziyna kay gurona vigiya, kotgi guruna kay fukunayna vigiya kaw, ligi kuɗ va ma vungi dumna.
25Gurona vi Gad hiɗi gurona vi Ruben di tam Musus: Numa ma li kuɗ va ma naŋ dumatina. 26Gurona vuma'a, boyna vuma'a farayna vuma'a hiɗi slena vuma kaf ma hin hay hoyok-ziyn Galaad; 27numa kay tuwma ma gan tuwma kay duura, kay tuɗ vun duura, ki naŋ mulman di nala.
28Musus di lawta visi tam mul-ma-ɗifinna Eliyazar, tam Yosuwa, goora vi Nun, tam sa ŋulona hay jafna vi gurona vi Israyel. 29Nam di tisiya: La gurona vi Gad hiɗi gurona vi Ruben gan tuwsiyawa kay ɦaw kulo bugol Yordan, kay li duur hiɗi nigiya, hay li ma nigi sli nagatawa, nigi ma vulsi nagat Galaad ir misiya. 30La nisi gan tuwsi kay tuɗis dur hiɗi nigiɗi, nisi ma lak jargi hay nagat Kanaan.
31Gurona vi Gad hiɗi gurona vi Ruben hot dita: Numa ma li kuɗ va ma Ma-Vatɗin dum tam sa sunda vaŋŋa. 32Numa ma gan tuwma'a kay tuɗ dur vok ir Ma-Vatɗina hay nagat Kanaan; may vocota vuma ma hin ɗawn mi galla vi Yordan ma tanna.
33Mulda vi Sihon, mulda vi sa Amoriyana, mulda vi Og ma hay Basan. Nagata hiɗi hoyok-ziy ma haya'na, hiɗi naga ma ŋuyi talam kafna, Musus vulum mi gurona vi Gad hiɗi gurona vi Ruben, hiɗi galla vi gurona vi Manase goora vi Yosef.
34Gurona vi Gad in Dibon, Atarot, Arower, 35Atrot-Sofan, Yayezer, Okbeha, 36Bet-Nimra, hiɗi Bet-Haran, li gulmun talamu kaw, kot guruna kay farayna kaw.
37Gurona vi Ruben in Hesbon, Elale hiɗi Kiryatayim.
38Nagat Nebo hiɗi Baal-Mewon, ma selem muɗiya, hiɗi Sibma, hoyok-ziy ma nisi kotomna nisi tunum selemu.
39Jafna vi Makir goora vi Manase tuɗ dur sa Galaadna, nisi sli nagata; sum sa Amoriyan sa hay nagat jewna nisi digiɗsi goyo. 40Musus vul Galaad mi Makir goora vi Manase, nam mus ziy haya'a. 41Yayir goora vi Manase tuɗ vun duura, nam yaw hoyok-ziyna, nam tunum selem ala hoyok-ziyna vi Yayir. 42Nobak tuɗ vun duura, nam sli Kenat hiɗi naga ma juni kuɗa'na, nam tun sem nagat ala Nobak, hay selem namu.
Currently Selected:
ŊAƁTA 32: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 32
32
Nagat Galaad vuli mi jafna vi Gad hiɗi Ruben
1Gurona vi Ruben hiɗi gurona vi Gad farayn ka hay ɓisi ŋolo, nisi sar kayni, nagata Yayezer hiɗi nagat Galaad kayni mi liy ma wul farayn ŋaa'a ŋolo. 2Bugol kayni gurona vi Gad hiɗi gurona vi Ruben co kat Musus hiɗi Eliyazar hiɗi sa ŋulona vi tokŋa, nisi di tisiya: 3Nagat Atarot, Dibon, Yayezer, Nimra, Hesbon, Elale, Sebam, Nebo, Bewon, 4naga namna ma Ma-Vatɗin vat sum sa hayamna goy vok sum sa Israyella lakŋi, mi naga ma wul farayn ŋaa'a, numa ka hiɗi farayn ŋolo. 5Nisi hot di lo: La naŋ min luma slugo'o ni, nagat na'ta lakŋi naŋ ma vulmata, numa as ɦawis goy bugol niy-lumna Yordan loɗi.
6Musus hot dit tam gurona vi Gad hiɗi gurona vi Ruben ala: Nigi min ala guro-biyogin tuɗ vun duura, may nigi hin tan may kayn kay mige? 7Nigi min muɗ gurona vi Israyel nari kay jik kulo hay nagat ta Lawn vulsiya kayn kay mige? 8Sumaygi kaw li ki kayn nala, hay li ma nan cuksi hay Kades-Barneya kay fek nagata, 9nisi jik ta-ta kulo hay liyn ma beɗna vi Eskol, hay li ma nisi ɗuw nagat ɗuwna, nisi muɗ sum sa Israyella nari kay kal hay nagat ta Ma-Vatɗin min vulsita. 10Hay buur namna Ma-Vatɗina dikam muɗ ɦiy ŋolo, nam yi va kalamu di'e: 11Sum nisi sa kalay goy hay nagat Egipten lakŋi, tun caw tam busat dok-ma' ta-ta kulo kalam ɗaw kayni, nagata ta nan yi va kanu kay vula' mi Abraham, mi Isaak hiɗi Yakub kafta visi ma wa'ɗi, kay nisi min li kuɗ dita van kafɗi. 12Say Kaleb goora vi Yefune ma Keniziyena, hiɗi Yosuwa goora vi Nun tuta, kay nisi li kuɗ dita van kafe. 13Nala Ma-Vatɗin muɗ ɦiy kat sa Israyella, nam hinsi tulur goy hay fulda ir busat dok-fiɗi, ta-ta jaf-sum sa li joo kat Ma-Vatɗina vat goy kafe.
14Wulin kayni, nigi vurnaawa hay baŋal sumaygiya ki jafna vi sum sa sulukŋa nala, kay jor ɦiyda vi Ma-Vatɗin vok suw lo kat sum sa Israyella. 15La nigi muɗ ŋorgi talamu, nam ma hin sa Israyella hay fulda dok-doko, nala nigi ma vat sa Israyel ɗawn goy ful kafe.
16Nisi co tam Musus dumu: Numa min kot gurun tani kay farayna vuma'a, in hoyok-ziyna kaw kay gurona vuma'a; 17bugol kayni numa as gan tuwma koliyo kay tun vok gurona vi Israyel, ta-ta numa cosi hay liy ma vuli misina, gurona vuma hin misi hay hoyok-ziy ma numa kot gulmun talamna, kay sum sa hay nagatna ma tamsiɗi. 18La gurona vi Israyel bay lak gaa hay vocota visi tuwa, numa as hot voɗi. 19Numa as yaw voco hiɗi nisi goy bugol Yordan loɗi, goy vok suwɗi kaw, kay galla vuma fiy kuma'a, hay gal ma kuɗuwna vi Yordan tani. 20Musus di tisiya: La nigi li kayni, la nigi kot tuwgi kay dur hay sem Ma-Vatɗina, 21la sum segen jargiya gan tuwsiya kay ɦaw Yordan kulo'o, ta-ta nisi digiɗ sa gawta goy vok ir Ma-Vatɗina, 22la nigi hotay bugolgi kayn hay ma nigi sli nagatiyawa ni, law may kigi vok Ma-Vatɗinɗi lay, vok sa Israyelɗi lay, nala liy namna ma nigi job kalamna tani nam vigiya vok ir Ma-Vatɗina. 23May la nigi li ki kayn naɗi, nigi li sulukawa kat Ma-Vatɗina; wigi goy ala sulukŋa vigi ma hot kigiya. 24Ingi hoyok-ziyna kay gurona vigiya, kotgi guruna kay fukunayna vigiya kaw, ligi kuɗ va ma vungi dumna.
25Gurona vi Gad hiɗi gurona vi Ruben di tam Musus: Numa ma li kuɗ va ma naŋ dumatina. 26Gurona vuma'a, boyna vuma'a farayna vuma'a hiɗi slena vuma kaf ma hin hay hoyok-ziyn Galaad; 27numa kay tuwma ma gan tuwma kay duura, kay tuɗ vun duura, ki naŋ mulman di nala.
28Musus di lawta visi tam mul-ma-ɗifinna Eliyazar, tam Yosuwa, goora vi Nun, tam sa ŋulona hay jafna vi gurona vi Israyel. 29Nam di tisiya: La gurona vi Gad hiɗi gurona vi Ruben gan tuwsiyawa kay ɦaw kulo bugol Yordan, kay li duur hiɗi nigiya, hay li ma nigi sli nagatawa, nigi ma vulsi nagat Galaad ir misiya. 30La nisi gan tuwsi kay tuɗis dur hiɗi nigiɗi, nisi ma lak jargi hay nagat Kanaan.
31Gurona vi Gad hiɗi gurona vi Ruben hot dita: Numa ma li kuɗ va ma Ma-Vatɗin dum tam sa sunda vaŋŋa. 32Numa ma gan tuwma'a kay tuɗ dur vok ir Ma-Vatɗina hay nagat Kanaan; may vocota vuma ma hin ɗawn mi galla vi Yordan ma tanna.
33Mulda vi Sihon, mulda vi sa Amoriyana, mulda vi Og ma hay Basan. Nagata hiɗi hoyok-ziy ma haya'na, hiɗi naga ma ŋuyi talam kafna, Musus vulum mi gurona vi Gad hiɗi gurona vi Ruben, hiɗi galla vi gurona vi Manase goora vi Yosef.
34Gurona vi Gad in Dibon, Atarot, Arower, 35Atrot-Sofan, Yayezer, Okbeha, 36Bet-Nimra, hiɗi Bet-Haran, li gulmun talamu kaw, kot guruna kay farayna kaw.
37Gurona vi Ruben in Hesbon, Elale hiɗi Kiryatayim.
38Nagat Nebo hiɗi Baal-Mewon, ma selem muɗiya, hiɗi Sibma, hoyok-ziy ma nisi kotomna nisi tunum selemu.
39Jafna vi Makir goora vi Manase tuɗ dur sa Galaadna, nisi sli nagata; sum sa Amoriyan sa hay nagat jewna nisi digiɗsi goyo. 40Musus vul Galaad mi Makir goora vi Manase, nam mus ziy haya'a. 41Yayir goora vi Manase tuɗ vun duura, nam yaw hoyok-ziyna, nam tunum selem ala hoyok-ziyna vi Yayir. 42Nobak tuɗ vun duura, nam sli Kenat hiɗi naga ma juni kuɗa'na, nam tun sem nagat ala Nobak, hay selem namu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001