ŊAƁTA 27
27
Gatta kay vocota
1Guro-boyna vi Selofkad goora vi Heber, goora vi Galaad goora vi Makir, goora vi Manase, hay jafna vi Manase goora vi Yosef, sem guro-boy nisin ala Mahla, Nowa, Hogla, Milka hiɗi Tirsa. 2Nisi tuɗ vok Musus, vok mul-ma-ɗifinna Eliyazar, vok sumun kaf kaw, goy vun guɗuk ma fi-tuwna, nisi di'e: 3Buma miti hay fulda, sumuna vi Kore sa yaw kulo kat Ma-Vatɗina nam may mit jarsiɗi, may nam mit kayni kay sulukŋa valam kay tuwamu, nam may hin goor jufɗi. 4Nala sem buma ma ɦas goy jar jafna valamu kuɗ ta ala nam may hin goor jufɗita kayn kay mige? Naŋ ma vulma liy ir muma numa'a jar ɓosiyom buma'na.
5Musus tuɗ lawt kayni vok Ma-Vatɗina.
6Nala Ma-Vatɗina di tam Musus. 7Lawta vi guro-boyna vi Selofkad hay liya'a. Naŋ ma vulsi liy ma voco ir misiya jar gurona vi busiya, ir vocota vi busiya naŋ ma vula' misi nisiya. 8Naŋ ma di tam gurona vi Israyel ala: Hay li ma san mitawa bay goor juf baŋalamu, nigi ma vul vocota valam mi goota valam ta cata. 9La nam may hin goot-caɗi, nigi ma vul vocota valam mi ɓosiyomna. 10La ɓosiyom sayɗi lay ni, nigi ma vul vocota valam mi ɓosiyom bulumna. 11La ɓosiyom bulumna say noŋɗi lay ni, nigi ma vul vocota valam mi sugoliyom sa goboyna, nisi ma yaw vocot na'ta, sa Israyella ma col kay gat na'ta kayni, ki Ma-Vatɗina vul hagata tam Musus nala.
Vilek Yosuwa kay nam ma vurna baŋal Musus
12Ma-Vatɗina di tam Musus: Jikaŋ kulo kay hiɗiyta vi Abarim zawni, ɗuwaŋ nagata ta nan min vula' mi gurona vi Israyel. 13Iraŋ ma wi naga na'ta, may naŋ ma tap kuɗ sumiyaŋu, ki ɓasuŋŋa Aaron kaw mit kayn nala; 14kay nigi ŋelan vunanu hay fulda vi Sin, hay li ma sumun fok hiɗi ci-wayta, hay li ma niyn mun goyn kayni, nigi min ɗek peldetta van goy kir sum sa Israyelɗi. Kayni mi niyn ma ci-wayt fok kuɗumu hay Kades, hay fulda vi Sin.
15Musus di tam Ma-Vatɗina ala: 16Naŋ Ma-Vatɗina Lawna ma sukka vi sumun hay ɓaŋ kafna, tunaŋ sa mara kay sumuna, 17ma lin mi sa ma kal goy voksiya, kal kalaf voksiya, ma kalsi goyo, hotsi kalafi, kay tokŋa vi Ma-Vatɗina ma li ki fok-dimina ma bay ŋomda naɗi.
18Ma-Vatɗina di tam Musus: Slaŋ Yosuwa goora vi Nun, sa ma Ŋusta ka hayamu, naŋ ma tun ɓaŋ kalamu. 19Naŋ ma colom vok mul-ma-ɗifinna Eliyazar, vok sumun kaf kaw, naŋ ma vulum gatta kirsi kafe. 20Naŋ ma vulum gajijita vaŋu, kay gurona vi Israyel kaf ma hum kuɗumu. 21Nam ma col vok mul-ma-ɗifinna Eliyazar, Eliyazar ma job Urimna kalamu vok Ma-Vatɗina, Yosuwa hiɗi gurona vi Israyel kaf, ma cukay goyo kuɗ dita vi Eliyazar, nala nisi ma hum kuɗ gatta vi Yosuwa. 22Musus li kuɗ va ma Ma-Vatɗin dumtina. Nam vi Yosuwa, colom vok mul-ma-ɗifinna Eliyazar hiɗi sumun kaf, 23nam tun ɓalam kalamu, hinim lawt hay ɓalamu, ki Ma-Vatɗina dum nala.
Currently Selected:
ŊAƁTA 27: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 27
27
Gatta kay vocota
1Guro-boyna vi Selofkad goora vi Heber, goora vi Galaad goora vi Makir, goora vi Manase, hay jafna vi Manase goora vi Yosef, sem guro-boy nisin ala Mahla, Nowa, Hogla, Milka hiɗi Tirsa. 2Nisi tuɗ vok Musus, vok mul-ma-ɗifinna Eliyazar, vok sumun kaf kaw, goy vun guɗuk ma fi-tuwna, nisi di'e: 3Buma miti hay fulda, sumuna vi Kore sa yaw kulo kat Ma-Vatɗina nam may mit jarsiɗi, may nam mit kayni kay sulukŋa valam kay tuwamu, nam may hin goor jufɗi. 4Nala sem buma ma ɦas goy jar jafna valamu kuɗ ta ala nam may hin goor jufɗita kayn kay mige? Naŋ ma vulma liy ir muma numa'a jar ɓosiyom buma'na.
5Musus tuɗ lawt kayni vok Ma-Vatɗina.
6Nala Ma-Vatɗina di tam Musus. 7Lawta vi guro-boyna vi Selofkad hay liya'a. Naŋ ma vulsi liy ma voco ir misiya jar gurona vi busiya, ir vocota vi busiya naŋ ma vula' misi nisiya. 8Naŋ ma di tam gurona vi Israyel ala: Hay li ma san mitawa bay goor juf baŋalamu, nigi ma vul vocota valam mi goota valam ta cata. 9La nam may hin goot-caɗi, nigi ma vul vocota valam mi ɓosiyomna. 10La ɓosiyom sayɗi lay ni, nigi ma vul vocota valam mi ɓosiyom bulumna. 11La ɓosiyom bulumna say noŋɗi lay ni, nigi ma vul vocota valam mi sugoliyom sa goboyna, nisi ma yaw vocot na'ta, sa Israyella ma col kay gat na'ta kayni, ki Ma-Vatɗina vul hagata tam Musus nala.
Vilek Yosuwa kay nam ma vurna baŋal Musus
12Ma-Vatɗina di tam Musus: Jikaŋ kulo kay hiɗiyta vi Abarim zawni, ɗuwaŋ nagata ta nan min vula' mi gurona vi Israyel. 13Iraŋ ma wi naga na'ta, may naŋ ma tap kuɗ sumiyaŋu, ki ɓasuŋŋa Aaron kaw mit kayn nala; 14kay nigi ŋelan vunanu hay fulda vi Sin, hay li ma sumun fok hiɗi ci-wayta, hay li ma niyn mun goyn kayni, nigi min ɗek peldetta van goy kir sum sa Israyelɗi. Kayni mi niyn ma ci-wayt fok kuɗumu hay Kades, hay fulda vi Sin.
15Musus di tam Ma-Vatɗina ala: 16Naŋ Ma-Vatɗina Lawna ma sukka vi sumun hay ɓaŋ kafna, tunaŋ sa mara kay sumuna, 17ma lin mi sa ma kal goy voksiya, kal kalaf voksiya, ma kalsi goyo, hotsi kalafi, kay tokŋa vi Ma-Vatɗina ma li ki fok-dimina ma bay ŋomda naɗi.
18Ma-Vatɗina di tam Musus: Slaŋ Yosuwa goora vi Nun, sa ma Ŋusta ka hayamu, naŋ ma tun ɓaŋ kalamu. 19Naŋ ma colom vok mul-ma-ɗifinna Eliyazar, vok sumun kaf kaw, naŋ ma vulum gatta kirsi kafe. 20Naŋ ma vulum gajijita vaŋu, kay gurona vi Israyel kaf ma hum kuɗumu. 21Nam ma col vok mul-ma-ɗifinna Eliyazar, Eliyazar ma job Urimna kalamu vok Ma-Vatɗina, Yosuwa hiɗi gurona vi Israyel kaf, ma cukay goyo kuɗ dita vi Eliyazar, nala nisi ma hum kuɗ gatta vi Yosuwa. 22Musus li kuɗ va ma Ma-Vatɗin dumtina. Nam vi Yosuwa, colom vok mul-ma-ɗifinna Eliyazar hiɗi sumun kaf, 23nam tun ɓalam kalamu, hinim lawt hay ɓalamu, ki Ma-Vatɗina dum nala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001