ŊAƁTA 2
2
Hagata vuli kay vi guɗukŋ gaa'a
1Ma-Vatɗina di tam Musus hiɗi Aaron ala: 2Gurona vi Israyel ma cuk ziyn ɗawni, gigekaw goboy tam drapona valamu valamu, kalaf hay va ma ɗek ɗota vi sumiyamu, nisi ma muɗ irsi kir tuwamu tuwamu, nisi ma vi guɗukŋa visi ŋuyi tam guɗuk ma fi-tuwna.
3Hay gal ma kuɗuwna, vokŋa vi gurona vi Yuda, hiɗi drapota visiya, hiɗi vok-ma-duura visiya. Hay li namna vi gurun ɗawni si sa ŋulona vi gurona vi Yuda, nisi kayni Nahson goora vi Aminadab, 4hiɗi vok-ma-duura valamu ma ka hiɗi sumun birim dok-fiɗi yam karkiya hiɗi diram kis-karkiya, ki ŋaɓsi goy nala. 5Ma vi guɗukŋa visi galam ɗawni si sum sa hay jafna vi Isakar, ma ŋolla jar gurona vi Isakar kayni, Netaneel goora vi Suwar, 6hiɗi vok-ma-duura valamu ma ka hiɗi sumun birim dok-vasl yam fiɗi hiɗi diram kis-fiɗi, ki ŋaɓsi goy nala; 7bugol kayni jafna vi Zabulon, ma ŋolla jar gurona vi Zabulon, kayni, mi Eliyab goora vi Helon, 8hiɗi vok-ma-duura valamu ma ka hiɗi sumun birim dok-vasl yam siɗiya hiɗi diram kis-fiɗi, ki ŋaɓsi goy nala. 9Tapta vi sum sa hay farana vi Yuda noŋ kafe ki ŋaɓsi goy nala: Sumun birim kis hiɗi diram dok-glafandi yam karkiya hiɗi kis-fiɗi kuɗ vok-ma-duura visiya, tuɗ vun duur ɗawni, ma tun vok jew si nigiya.
10Hay gal ma kayamn ɗawni, vokŋa vi sumuna vi Ruben hiɗi drapona visiya, hiɗi vok-ma-duura visiya. Ma ŋolla vi gurona vi Ruben ma mus ɗawni hay liy namna, kayni mi Elisur goora vi Sedewur, 11hiɗi vok-ma-duura valamu ma ka hiɗi sumun birim dok-fiɗi yam karkiya hiɗi diram kis-vasl, ki ŋaɓsi goy nala. 12Ma vi guɗukŋa visi galam ɗawni si jafna vi Simeyon, ma ŋolla hay jafna vi gurona vi Simeyon, kayni mi Selumiyel goora vi Suriskaday, 13hiɗi vok-ma-duura valamu ma ka hiɗi sumun birim dok-vasl yam zleeŋe hiɗi diram kis-ɦidi, ki ŋaɓsi goy nala. 14Bugol kayni sum sa hay jafna vi Gad, sa ma ŋolla vi gurona vi Gad, kayni mi Eliyasaf, goora vi Rewel, 15hiɗi vok-ma-duura valamu, hiɗi sumun birim dok-fiɗi yam vasl hiɗi diram kis-karkiya kalam dok-vasl, ki ŋaɓsi goy nala. 16Tapta vi sumuna vi Ruben noŋ kaf ki ŋaɓsi goy nala: Birim kis, hiɗi diram dok-vasl yam kep, hiɗi diram kis-fiɗi kalam dok-vasl, kuɗ vok-ma-duura visiya. Tuɗ vun duur ɗawni, ma tun goy sem ma ma'n ɗawn si nisiya.
17Bugol kayni lo nigi ma tuɗ hiɗi guɗuk ma fi-tuwna, hiɗi farana vi sum sa Levitna ma ka tuni goy jar fara hena: Tuɗna visi nisi ma ŋram kuɗ lakŋa visi ma nisi lakay hay guruna, gigekaw hay liy ma nam hayna kuɗ drapota valamu valamu.
18Hay gal ma vulatin kayni vokŋa vi sumuna vi Efrayim, hiɗi drapota visiya, hiɗi vok-ma-duura visiya. Ma ŋolla vi gurona vi Efrayim, Elisama goora vi Amihud, nam ma vi guruna valam hay liy namna, 19hiɗi vok-ma-duura valamu ma ka hiɗi sumun birim dok-fiɗi hiɗi diram kis-vasl, ki ŋaɓsi goy nala. 20Ma vi guruna visi goy galam ɗawni si gurona vi Manase, ma ŋolla vi gurona vi Manase; Gamliyel goora vi Pedatsur, 21hiɗi vok-ma-duura valamu ir sumun birim dok-ɦidi yam ma' hiɗi kis-ma', ki ŋaɓsi goy nala; 22bugol kayni lo jafna vi Benyamin, ma ŋolla vi gurona vi Benyamin, mi Abidan, goora vi Gidewni, 23hiɗi vok-ma-duura valamu ir sumun birim dok-ɦidi yam vasl hiɗi diram kis-fiɗi, ki ŋaɓsi goy nala. 24Tapta vi sum sa hay farana vi Ruben ki ŋaɓsi goy nala, nisi ir birim kis kalam glafandi hiɗi diram kis ɗaw, kuɗ vok-ma-duura visiya. Tuɗ vun duur ɗawni, ma tun goy sem ma ɦidin ɗawn si nisiya.
25Hay gal ma gaan ɗawni, mi guruna vi sumuna vi Dan, hiɗi drapona visiya, hiɗi vok-ma-duura visi kaw. Ma ŋolla vi gurona vi Dan ma vi guruna valam hay liy namna; kayn di ala Ahiyezer goora vi Amiskaday, 26hiɗi vok-ma-duura valamu ma ka hiɗi sumun birim dok-karkiya yam ma' hiɗi kis-siɗiya, ki ŋaɓsi goy nala. 27Ma vi guruna visi goy galam ɗawni si sa hay jafna vi Aser, ma ŋolla vi gurona vi Aser, kayni mi Pagiyel, goora vi Okran, 28hiɗi vok-ma-duura valamu ma ka hiɗi sumun birim dok-fiɗi yam kep hiɗi diram kis-vasl, ki ŋaɓsi goy nala; 29bugol kayni lo, jafna vi Neftali, ma ŋolla vi gurona vi Neftali, kayni mi Ahira, goora vi Enan, 30hiɗi vok-ma-duura valamu ma ka hiɗi sumun birim dok-vasl yam ɦidi hiɗi diram kis-fiɗi, ki ŋaɓsi goy nala. 31Tapta vi sum sa hay guruna vi Dan ki ŋaɓsi goy nala: Sumun birim kis hiɗi diram dok-vasl yam siɗiya kalam kis-karkiya, tuɗ vun duur ɗawni, tun goy bugol tiwe-tiwe si nisiya hiɗi drapona visiya.
32Kayni si gurona vi Israyel sa nisi li ŋaɓta visi goyna, kuɗ jafna vi sumaysiya. Nisi kaf sa li ŋaɓta visi goyna, sa vi guruna visi goyo kuɗ vok-ma-duura visina, nisi co noŋ pet ir birim kis-karkiya hiɗi diram ɦidi, hiɗi diram kis-vasl kalam dok-vasl. 33Ki Ma-Vatɗina vul hagat mi Musus nala, sum sa Levitna nisi may kalsi kulo hay ŋaɓta jar gurona vi Israyelɗi.
34Ki kayn nala, gurona vi Israyel li kuɗ dita kaf ta Ma-Vatɗin da' mi Mususta. Ki kayn nala nisi vi guruna visi kayn gigekaw gaa kuɗ drapona valamu valamu, kuɗ jafna vi sumiyamu kaw.
Currently Selected:
ŊAƁTA 2: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 2
2
Hagata vuli kay vi guɗukŋ gaa'a
1Ma-Vatɗina di tam Musus hiɗi Aaron ala: 2Gurona vi Israyel ma cuk ziyn ɗawni, gigekaw goboy tam drapona valamu valamu, kalaf hay va ma ɗek ɗota vi sumiyamu, nisi ma muɗ irsi kir tuwamu tuwamu, nisi ma vi guɗukŋa visi ŋuyi tam guɗuk ma fi-tuwna.
3Hay gal ma kuɗuwna, vokŋa vi gurona vi Yuda, hiɗi drapota visiya, hiɗi vok-ma-duura visiya. Hay li namna vi gurun ɗawni si sa ŋulona vi gurona vi Yuda, nisi kayni Nahson goora vi Aminadab, 4hiɗi vok-ma-duura valamu ma ka hiɗi sumun birim dok-fiɗi yam karkiya hiɗi diram kis-karkiya, ki ŋaɓsi goy nala. 5Ma vi guɗukŋa visi galam ɗawni si sum sa hay jafna vi Isakar, ma ŋolla jar gurona vi Isakar kayni, Netaneel goora vi Suwar, 6hiɗi vok-ma-duura valamu ma ka hiɗi sumun birim dok-vasl yam fiɗi hiɗi diram kis-fiɗi, ki ŋaɓsi goy nala; 7bugol kayni jafna vi Zabulon, ma ŋolla jar gurona vi Zabulon, kayni, mi Eliyab goora vi Helon, 8hiɗi vok-ma-duura valamu ma ka hiɗi sumun birim dok-vasl yam siɗiya hiɗi diram kis-fiɗi, ki ŋaɓsi goy nala. 9Tapta vi sum sa hay farana vi Yuda noŋ kafe ki ŋaɓsi goy nala: Sumun birim kis hiɗi diram dok-glafandi yam karkiya hiɗi kis-fiɗi kuɗ vok-ma-duura visiya, tuɗ vun duur ɗawni, ma tun vok jew si nigiya.
10Hay gal ma kayamn ɗawni, vokŋa vi sumuna vi Ruben hiɗi drapona visiya, hiɗi vok-ma-duura visiya. Ma ŋolla vi gurona vi Ruben ma mus ɗawni hay liy namna, kayni mi Elisur goora vi Sedewur, 11hiɗi vok-ma-duura valamu ma ka hiɗi sumun birim dok-fiɗi yam karkiya hiɗi diram kis-vasl, ki ŋaɓsi goy nala. 12Ma vi guɗukŋa visi galam ɗawni si jafna vi Simeyon, ma ŋolla hay jafna vi gurona vi Simeyon, kayni mi Selumiyel goora vi Suriskaday, 13hiɗi vok-ma-duura valamu ma ka hiɗi sumun birim dok-vasl yam zleeŋe hiɗi diram kis-ɦidi, ki ŋaɓsi goy nala. 14Bugol kayni sum sa hay jafna vi Gad, sa ma ŋolla vi gurona vi Gad, kayni mi Eliyasaf, goora vi Rewel, 15hiɗi vok-ma-duura valamu, hiɗi sumun birim dok-fiɗi yam vasl hiɗi diram kis-karkiya kalam dok-vasl, ki ŋaɓsi goy nala. 16Tapta vi sumuna vi Ruben noŋ kaf ki ŋaɓsi goy nala: Birim kis, hiɗi diram dok-vasl yam kep, hiɗi diram kis-fiɗi kalam dok-vasl, kuɗ vok-ma-duura visiya. Tuɗ vun duur ɗawni, ma tun goy sem ma ma'n ɗawn si nisiya.
17Bugol kayni lo nigi ma tuɗ hiɗi guɗuk ma fi-tuwna, hiɗi farana vi sum sa Levitna ma ka tuni goy jar fara hena: Tuɗna visi nisi ma ŋram kuɗ lakŋa visi ma nisi lakay hay guruna, gigekaw hay liy ma nam hayna kuɗ drapota valamu valamu.
18Hay gal ma vulatin kayni vokŋa vi sumuna vi Efrayim, hiɗi drapota visiya, hiɗi vok-ma-duura visiya. Ma ŋolla vi gurona vi Efrayim, Elisama goora vi Amihud, nam ma vi guruna valam hay liy namna, 19hiɗi vok-ma-duura valamu ma ka hiɗi sumun birim dok-fiɗi hiɗi diram kis-vasl, ki ŋaɓsi goy nala. 20Ma vi guruna visi goy galam ɗawni si gurona vi Manase, ma ŋolla vi gurona vi Manase; Gamliyel goora vi Pedatsur, 21hiɗi vok-ma-duura valamu ir sumun birim dok-ɦidi yam ma' hiɗi kis-ma', ki ŋaɓsi goy nala; 22bugol kayni lo jafna vi Benyamin, ma ŋolla vi gurona vi Benyamin, mi Abidan, goora vi Gidewni, 23hiɗi vok-ma-duura valamu ir sumun birim dok-ɦidi yam vasl hiɗi diram kis-fiɗi, ki ŋaɓsi goy nala. 24Tapta vi sum sa hay farana vi Ruben ki ŋaɓsi goy nala, nisi ir birim kis kalam glafandi hiɗi diram kis ɗaw, kuɗ vok-ma-duura visiya. Tuɗ vun duur ɗawni, ma tun goy sem ma ɦidin ɗawn si nisiya.
25Hay gal ma gaan ɗawni, mi guruna vi sumuna vi Dan, hiɗi drapona visiya, hiɗi vok-ma-duura visi kaw. Ma ŋolla vi gurona vi Dan ma vi guruna valam hay liy namna; kayn di ala Ahiyezer goora vi Amiskaday, 26hiɗi vok-ma-duura valamu ma ka hiɗi sumun birim dok-karkiya yam ma' hiɗi kis-siɗiya, ki ŋaɓsi goy nala. 27Ma vi guruna visi goy galam ɗawni si sa hay jafna vi Aser, ma ŋolla vi gurona vi Aser, kayni mi Pagiyel, goora vi Okran, 28hiɗi vok-ma-duura valamu ma ka hiɗi sumun birim dok-fiɗi yam kep hiɗi diram kis-vasl, ki ŋaɓsi goy nala; 29bugol kayni lo, jafna vi Neftali, ma ŋolla vi gurona vi Neftali, kayni mi Ahira, goora vi Enan, 30hiɗi vok-ma-duura valamu ma ka hiɗi sumun birim dok-vasl yam ɦidi hiɗi diram kis-fiɗi, ki ŋaɓsi goy nala. 31Tapta vi sum sa hay guruna vi Dan ki ŋaɓsi goy nala: Sumun birim kis hiɗi diram dok-vasl yam siɗiya kalam kis-karkiya, tuɗ vun duur ɗawni, tun goy bugol tiwe-tiwe si nisiya hiɗi drapona visiya.
32Kayni si gurona vi Israyel sa nisi li ŋaɓta visi goyna, kuɗ jafna vi sumaysiya. Nisi kaf sa li ŋaɓta visi goyna, sa vi guruna visi goyo kuɗ vok-ma-duura visina, nisi co noŋ pet ir birim kis-karkiya hiɗi diram ɦidi, hiɗi diram kis-vasl kalam dok-vasl. 33Ki Ma-Vatɗina vul hagat mi Musus nala, sum sa Levitna nisi may kalsi kulo hay ŋaɓta jar gurona vi Israyelɗi.
34Ki kayn nala, gurona vi Israyel li kuɗ dita kaf ta Ma-Vatɗin da' mi Mususta. Ki kayn nala nisi vi guruna visi kayn gigekaw gaa kuɗ drapona valamu valamu, kuɗ jafna vi sumiyamu kaw.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001