SA LEVITNA 2
2
Vulda ɦawata, ɗifinna
1La san min li ɗifinna tam Ma-Vatɗina ki vulda nala, vulda na'ta nam ma la' hiɗi futuwna; nam ma ɦok mul kay futuwna, nam ma yam urdi ma ŋalayn kalamu kaw. 2Nam as maram tam muliyan-sa-ɗifinna, gurona vi Aaron; mul-ma-ɗifinna as hob way-ɓalam hiɗi futuwna ma hiliɓi hiɗi mula, hiɗi urdi ma hisna, nam ma ŋalam kulo kay giwin-ma-ɗifinna ki gi-humda nala. Kayni mi ɗifinna ma hista valam ŋaa ŋolo kir Ma-Vatɗina. 3Ɗifin namna, diram ma hin ɗawni vi Aaron hiɗi gurona valamu; nam kayni mi va ma peldet ŋolo jar ɗifinna ma ŋalay hay kuta vok ir Ma-Vatɗina.
4La naŋ min li ɗifin kuɗ sle ma ɗiliy hay giwinna, naŋ ma yaw futuwna, nam ma lin mi hambulla ma bay-kufna ma hiliɓi hiɗi mula, hiɗi hambulla ma bay-kufna ma mul yamay kalamna.
5La naŋ li ɗifini kayni hiɗi hambul ma cufi hay ŋarakŋa, nam ma li hiɗi futuwna ma hiliɓi hiɗi mula, bay-kufna may. 6Naŋ ma kusum iramu, naŋ ma ɦok mul kalamu; kayni ti vulda.
7La ɗifinna vaŋu mi hambulla ma cufi kulo kay kaway-ciliyna, naŋ ma lum hiɗi futuw ma hiliɓi hiɗi mula.
8Naŋ ma mar ɗifinna ma lum tam Ma-Vatɗina hiɗi sle namna cani; ma vulum hay ɓam mul-ma-ɗifinna, nisi ma naram kulo kay giwin-ma-ɗifinna. 9Mul-ma-ɗifinna ma yaw gal ma vulum goyo kay gi-humda, nam ma ŋalam kulo kay giwin-ma-ɗifinna. Kayni ti vulda ta hista va' ŋaa ŋolo kir Ma-Vatɗina. 10Diram ma hin goyna nam vi Aaron hiɗi gurona valamu, kayni mi va ma peldet ŋolo jar ɗifinna ma ŋalay hay kuta vok ir Ma-Vatɗina.
11Ɗifinna ma nigi maram mi Ma-Vatɗin kaf, nigi as li mara hiɗi kufn noŋɗi; kay mige ɗifin ma nigi ŋalam vok ir Ma-Vatɗina, nigi as li kufna hiɗi yumna kuɗum noŋɗi. 12Nigi as li ɗifin tam Ma-Vatɗina hiɗi namu ki vun-jaf ma jewna nala; may nigi as ŋalam kulo kay giwin-ma-ɗifinna ki ɗifinna ma his ŋaa'a naɗi. 13Sle ma naŋ ɓum ɗifinna naŋ ma cuk mandan kalam kafe, naŋ ma hinim bay cuk manda kalamɗi; kayni va ma ɗek bonota vi Lawna vaŋu, ɗifin ma naŋ ɓumna kaf naŋ ma cuk mandan kalamu.
14La naŋ min li ɗifin tam Ma-Vatɗina hiɗi vun-jaf ma jewna, naŋ ma maram mi yam wan ma wulina, wari hay kuta, iram muniya, ki ɗifinna vi vun-jafna vaŋ ma niyi jewna nala. 15Naŋ ma ɦok mul kalamu; naŋ ma yam urdi ma ŋalayn kalamu; kayni mi ɗifinna. 16Mul-ma-ɗifinna ma ŋal galla vi yam wana ma iram goy munin hiɗi mula, hiɗi urdi ma ŋalayna noŋ kafe, kayni mi ɗifinna ma ŋalay hay kuta vok ir Ma-Vatɗina kay gi-humda.
Currently Selected:
SA LEVITNA 2: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 2
2
Vulda ɦawata, ɗifinna
1La san min li ɗifinna tam Ma-Vatɗina ki vulda nala, vulda na'ta nam ma la' hiɗi futuwna; nam ma ɦok mul kay futuwna, nam ma yam urdi ma ŋalayn kalamu kaw. 2Nam as maram tam muliyan-sa-ɗifinna, gurona vi Aaron; mul-ma-ɗifinna as hob way-ɓalam hiɗi futuwna ma hiliɓi hiɗi mula, hiɗi urdi ma hisna, nam ma ŋalam kulo kay giwin-ma-ɗifinna ki gi-humda nala. Kayni mi ɗifinna ma hista valam ŋaa ŋolo kir Ma-Vatɗina. 3Ɗifin namna, diram ma hin ɗawni vi Aaron hiɗi gurona valamu; nam kayni mi va ma peldet ŋolo jar ɗifinna ma ŋalay hay kuta vok ir Ma-Vatɗina.
4La naŋ min li ɗifin kuɗ sle ma ɗiliy hay giwinna, naŋ ma yaw futuwna, nam ma lin mi hambulla ma bay-kufna ma hiliɓi hiɗi mula, hiɗi hambulla ma bay-kufna ma mul yamay kalamna.
5La naŋ li ɗifini kayni hiɗi hambul ma cufi hay ŋarakŋa, nam ma li hiɗi futuwna ma hiliɓi hiɗi mula, bay-kufna may. 6Naŋ ma kusum iramu, naŋ ma ɦok mul kalamu; kayni ti vulda.
7La ɗifinna vaŋu mi hambulla ma cufi kulo kay kaway-ciliyna, naŋ ma lum hiɗi futuw ma hiliɓi hiɗi mula.
8Naŋ ma mar ɗifinna ma lum tam Ma-Vatɗina hiɗi sle namna cani; ma vulum hay ɓam mul-ma-ɗifinna, nisi ma naram kulo kay giwin-ma-ɗifinna. 9Mul-ma-ɗifinna ma yaw gal ma vulum goyo kay gi-humda, nam ma ŋalam kulo kay giwin-ma-ɗifinna. Kayni ti vulda ta hista va' ŋaa ŋolo kir Ma-Vatɗina. 10Diram ma hin goyna nam vi Aaron hiɗi gurona valamu, kayni mi va ma peldet ŋolo jar ɗifinna ma ŋalay hay kuta vok ir Ma-Vatɗina.
11Ɗifinna ma nigi maram mi Ma-Vatɗin kaf, nigi as li mara hiɗi kufn noŋɗi; kay mige ɗifin ma nigi ŋalam vok ir Ma-Vatɗina, nigi as li kufna hiɗi yumna kuɗum noŋɗi. 12Nigi as li ɗifin tam Ma-Vatɗina hiɗi namu ki vun-jaf ma jewna nala; may nigi as ŋalam kulo kay giwin-ma-ɗifinna ki ɗifinna ma his ŋaa'a naɗi. 13Sle ma naŋ ɓum ɗifinna naŋ ma cuk mandan kalam kafe, naŋ ma hinim bay cuk manda kalamɗi; kayni va ma ɗek bonota vi Lawna vaŋu, ɗifin ma naŋ ɓumna kaf naŋ ma cuk mandan kalamu.
14La naŋ min li ɗifin tam Ma-Vatɗina hiɗi vun-jaf ma jewna, naŋ ma maram mi yam wan ma wulina, wari hay kuta, iram muniya, ki ɗifinna vi vun-jafna vaŋ ma niyi jewna nala. 15Naŋ ma ɦok mul kalamu; naŋ ma yam urdi ma ŋalayn kalamu; kayni mi ɗifinna. 16Mul-ma-ɗifinna ma ŋal galla vi yam wana ma iram goy munin hiɗi mula, hiɗi urdi ma ŋalayna noŋ kafe, kayni mi ɗifinna ma ŋalay hay kuta vok ir Ma-Vatɗina kay gi-humda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001