SA LEVITNA 19
19
Gatta tara'a tara'a
1Ma-Vatɗina di tam Musus: 2Naŋ ma di tam tokŋa vi gurona vi Israyel kaf ala: Nigi ma li tuwgi goy peldete, Kay nan kaw ka peldete, nanu, Ma-Vatɗina, Lawna vigiya. 3Gige gige jargiya ma sli yam bulum hiɗi sulum kulo'o, ma li kuɗ buura van ma sabatna kaw, nanu mi Ma-Vatɗina, Lawna vigiya,
4nigi ma muɗ irgi kuɗ lawayn ma waan noŋɗi, nigi ma kot lawayn ma yoraynɗi kaw.
5Hay li ma nigi ma li ɗifinna vi lop ma slugona tanu, ɗifin namna nigi ma kotanti ŋaa ŋolo. 6Va ma nigi lum ɗifinna nigi ma tum hay buur ta nigi ŋatamta, lebo buurta ka'ta, diram ma hin goyo ta-ta hay buurta ɦidita ma ŋalam goy hay kuta. 7Hay buurta ɦidit ɗawni, nam buwiya, as tum loɗi, ɗifin namna may ŋaa loɗi. 8Sa ma tumawana ma ziy joota valam ɗawn mi nam kay tuwamu, kay va ma vuli goy tam Ma-Vatɗina nam muɗum goy waa'a, sa ma ki kayn naana ma kaam selem goy jar sumuna valamu.
9Hay li ma nigi feɗ sinena vigin ɗawni, nigi ma hin gal sine mara goy bay feɗ ne', ɦelena vi wan ma hin gaana nigi ma yawamɗi, 10vuɗna vi gulda-gulda ma hin goy hay sinena hiɗi ma yak gaana nigi ma yawamɗi. Nigi ma hin kayni goyo mi sa ma hawna hiɗi sa ma pulla. Nanu mi Ma-Vatɗina Lawna vigiya.
11Nigi ma kul noŋɗi, nigi ma ka sin mi tuwgiɗi lay ɗut tuwgi jar-tuwgiɗi lay. 12Nigi ma yi va kigi waa'a hiɗi semda vanɗi, kay nigi ma muɗan semda van goy bisɗi. Nanu mi Ma-Vatɗina.
13Nigi ma curoɗ sugolayginɗi, nigi ma sli va kalam hiɗi donoɗi kaw. Sa ma ligi lop kay gurjuta nigi ma cak kay gurjuta valam ta-ta goy jifinɗi. 14Nigi ma cen kuɗ sa ma gidiŋɗi, nigi ma bur va gaa vok sa ma dukina kay nam ma tupa talamu a cap nig goy gaaɗi; kay mige nigi ma li nar kuɗ Lawna vigiya, nanu mi Ma-Vatɗina.
15Nigi ma li bay-ɗigerta hay kitata vigiɗi nigi ma gi dirgi kuɗ sa ma hawnɗi, gut kuɗ sa ma dononɗi kaw, may sugolgina nigi ma kaam kitata valam hiɗi hagat ta hay liya'ta. 16Nigi ma mer labar ma waa'a goy jar sumuna vigiɗi, tun law kay sugolgina a ɦokom busuwam goyɗi, nanu mi Ma-Vatɗina. 17Nigi ma ka gaw hiɗi sugolgina hay dikgi noŋɗi, nigi ma hin sugolgin bay dum kiramɗi, may nigi tun sulukŋa vi sa hen kigiɗi. 18Nigi ma gar kay hot jootɗi, nigi ma ŋay va hay dikgiya kat sumuna vigiɗi, nigi ma min sugolgina ki tuwgi nala. Nanu mi Ma-Vatɗina.
19Nigi ma li kuɗ gatta vanu, faray ma jafam valamu valamuna nigi as cukum tam tuwam kay fil tuwamɗi. Sinena vigiya nigi ma cuk wal slen gaa hayam kuɗ batam ma'ɗi; nigi ma cuk sligar ma ciliy hiɗi zigewn kuɗ batam ma'ɗi.
20La san bura lebo vi cile hiɗi cat ta gorvo'o, la na' ka gaɓay kay sa mara'a, la tuwa' may gusiɗi lebo na' may buti goyɗi, ma watsiya may as cisi goyɗi, kay na' may buti goyɗi. 21Sa jufna ma mar ɦu-gamala mi Ma-Vatɗin kep goy vun guɗuk ma fi-tuwna, kay li ɗifin kay joo ma nam lumna. 22Mul-ma-ɗifinna ma li poor kalamu vok Ma-Vatɗina hiɗi ɦu-gamalana, kuɗ suluk ma nam lumna, kayni mi ɗifin ma kay sulukŋa, nam ma fi gida kay suluk ma nam lumna.
23Hay li ma nigi co hay nagat ɗawni, la nigi pi gu ma vuɗnawa, nigi ma ɗuwum vuɗna valamu ki nam liwisi nala ir busat ɦidi, nam liwis kigiya nigi as tum noŋɗi. 24Hay busata fiɗita, vuɗna valam kaf nigi ma vulum goy mi Ma-Vatɗina hay firita ŋolda. 25Hay busata vaslta, nigi as ti vuɗna valam yo, nigi ma tun caw yawam vuɗna valamu. Nanu mi Ma-Vatɗina, Lawna vigiya.
26Nigi ma ti va hiɗi busuwn noŋɗi, nigi ma ɗuw guyna hiɗi ɗugulla kay li gul-yalda hiɗi nam noŋɗi. 27Ɗuŋus ma kigina nigi ma kaam jukjuriɗi, jiwergi nigi ma welem hay gal kepɗi kaw. 28Nigi ma ɓir va tam sliwgiya kuɗ sa ma mitinɗi, nigi ma ɗo va tigi noŋɗi, nanu mi Ma-Vatɗina.
29Nigi as vul goota vigi goy hay law ma waana kay na' ma muɗ goy viyuwɗi, kay sum sa hay nagatn ɗawn ma muɗ viyuwu, hob hiɗi sum sa ci matna. 30Nigi ma li kuɗ buura van ma sabatna, nigi ma girif liyna van ma peldetna. Nanu mi Ma-Vatɗina.
31Sum sa job ŋusiyana nigi ma tuɗ kuɗsiɗi, tuɗgi kuɗ sum sa tun gireynɗi; nigi ma garsi noŋɗi, kay nigi ma li tuwgi gesay hiɗi nisi noŋɗi. Nanu mi Ma-Vatɗina, Lawna vigiya. 32Nigi ma fok kulo vok sa ma ɗuŋus haɓn kalamna, sum sa maariyana nigi ma hum kuɗsiya. Nigi ma li nar kuɗ Lawna vigiya. Nanu mi Ma-Vatɗina.
33La sa ma pul co mus ziy jargi hay nagata vigiya, nigi ma curoɗom noŋɗi. 34Sa ma pulla ma musi ziy jargina nigi ma ɗuwum ki sa ma vuɗin nala, nigi ma minim ki nigi min tuwgi nala, kay nigi ay pulu hay nagata Egipte. Nanu mi Ma-Vatɗina Lawna vigiya.
35Nigi ma li bay-ɗigerta vun kitatɗi, hay sle ma ŋaɓ fiyokkaɗi, hay sle ma ŋaɓ nekkaɗi, hay dutta-kustaɗi kaw. 36Kilo ma ŋaɓ nekŋa, goto ma ŋaɓ wana, hiɗi gasas ma ŋaɓ mula kaw nigi ma lum hay liyamu. Nanu mi Ma-Vatɗina, Lawna vigiya ma yawgiyay goy hay nagat Egipte pana. 37Gatta vanu hiɗi sle ma nan dumna kaf nigi ma hum kuɗumu, nigi ma ŋomom hay dikgiya. Nanu mi Ma-Vatɗina.
Currently Selected:
SA LEVITNA 19: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 19
19
Gatta tara'a tara'a
1Ma-Vatɗina di tam Musus: 2Naŋ ma di tam tokŋa vi gurona vi Israyel kaf ala: Nigi ma li tuwgi goy peldete, Kay nan kaw ka peldete, nanu, Ma-Vatɗina, Lawna vigiya. 3Gige gige jargiya ma sli yam bulum hiɗi sulum kulo'o, ma li kuɗ buura van ma sabatna kaw, nanu mi Ma-Vatɗina, Lawna vigiya,
4nigi ma muɗ irgi kuɗ lawayn ma waan noŋɗi, nigi ma kot lawayn ma yoraynɗi kaw.
5Hay li ma nigi ma li ɗifinna vi lop ma slugona tanu, ɗifin namna nigi ma kotanti ŋaa ŋolo. 6Va ma nigi lum ɗifinna nigi ma tum hay buur ta nigi ŋatamta, lebo buurta ka'ta, diram ma hin goyo ta-ta hay buurta ɦidita ma ŋalam goy hay kuta. 7Hay buurta ɦidit ɗawni, nam buwiya, as tum loɗi, ɗifin namna may ŋaa loɗi. 8Sa ma tumawana ma ziy joota valam ɗawn mi nam kay tuwamu, kay va ma vuli goy tam Ma-Vatɗina nam muɗum goy waa'a, sa ma ki kayn naana ma kaam selem goy jar sumuna valamu.
9Hay li ma nigi feɗ sinena vigin ɗawni, nigi ma hin gal sine mara goy bay feɗ ne', ɦelena vi wan ma hin gaana nigi ma yawamɗi, 10vuɗna vi gulda-gulda ma hin goy hay sinena hiɗi ma yak gaana nigi ma yawamɗi. Nigi ma hin kayni goyo mi sa ma hawna hiɗi sa ma pulla. Nanu mi Ma-Vatɗina Lawna vigiya.
11Nigi ma kul noŋɗi, nigi ma ka sin mi tuwgiɗi lay ɗut tuwgi jar-tuwgiɗi lay. 12Nigi ma yi va kigi waa'a hiɗi semda vanɗi, kay nigi ma muɗan semda van goy bisɗi. Nanu mi Ma-Vatɗina.
13Nigi ma curoɗ sugolayginɗi, nigi ma sli va kalam hiɗi donoɗi kaw. Sa ma ligi lop kay gurjuta nigi ma cak kay gurjuta valam ta-ta goy jifinɗi. 14Nigi ma cen kuɗ sa ma gidiŋɗi, nigi ma bur va gaa vok sa ma dukina kay nam ma tupa talamu a cap nig goy gaaɗi; kay mige nigi ma li nar kuɗ Lawna vigiya, nanu mi Ma-Vatɗina.
15Nigi ma li bay-ɗigerta hay kitata vigiɗi nigi ma gi dirgi kuɗ sa ma hawnɗi, gut kuɗ sa ma dononɗi kaw, may sugolgina nigi ma kaam kitata valam hiɗi hagat ta hay liya'ta. 16Nigi ma mer labar ma waa'a goy jar sumuna vigiɗi, tun law kay sugolgina a ɦokom busuwam goyɗi, nanu mi Ma-Vatɗina. 17Nigi ma ka gaw hiɗi sugolgina hay dikgi noŋɗi, nigi ma hin sugolgin bay dum kiramɗi, may nigi tun sulukŋa vi sa hen kigiɗi. 18Nigi ma gar kay hot jootɗi, nigi ma ŋay va hay dikgiya kat sumuna vigiɗi, nigi ma min sugolgina ki tuwgi nala. Nanu mi Ma-Vatɗina.
19Nigi ma li kuɗ gatta vanu, faray ma jafam valamu valamuna nigi as cukum tam tuwam kay fil tuwamɗi. Sinena vigiya nigi ma cuk wal slen gaa hayam kuɗ batam ma'ɗi; nigi ma cuk sligar ma ciliy hiɗi zigewn kuɗ batam ma'ɗi.
20La san bura lebo vi cile hiɗi cat ta gorvo'o, la na' ka gaɓay kay sa mara'a, la tuwa' may gusiɗi lebo na' may buti goyɗi, ma watsiya may as cisi goyɗi, kay na' may buti goyɗi. 21Sa jufna ma mar ɦu-gamala mi Ma-Vatɗin kep goy vun guɗuk ma fi-tuwna, kay li ɗifin kay joo ma nam lumna. 22Mul-ma-ɗifinna ma li poor kalamu vok Ma-Vatɗina hiɗi ɦu-gamalana, kuɗ suluk ma nam lumna, kayni mi ɗifin ma kay sulukŋa, nam ma fi gida kay suluk ma nam lumna.
23Hay li ma nigi co hay nagat ɗawni, la nigi pi gu ma vuɗnawa, nigi ma ɗuwum vuɗna valamu ki nam liwisi nala ir busat ɦidi, nam liwis kigiya nigi as tum noŋɗi. 24Hay busata fiɗita, vuɗna valam kaf nigi ma vulum goy mi Ma-Vatɗina hay firita ŋolda. 25Hay busata vaslta, nigi as ti vuɗna valam yo, nigi ma tun caw yawam vuɗna valamu. Nanu mi Ma-Vatɗina, Lawna vigiya.
26Nigi ma ti va hiɗi busuwn noŋɗi, nigi ma ɗuw guyna hiɗi ɗugulla kay li gul-yalda hiɗi nam noŋɗi. 27Ɗuŋus ma kigina nigi ma kaam jukjuriɗi, jiwergi nigi ma welem hay gal kepɗi kaw. 28Nigi ma ɓir va tam sliwgiya kuɗ sa ma mitinɗi, nigi ma ɗo va tigi noŋɗi, nanu mi Ma-Vatɗina.
29Nigi as vul goota vigi goy hay law ma waana kay na' ma muɗ goy viyuwɗi, kay sum sa hay nagatn ɗawn ma muɗ viyuwu, hob hiɗi sum sa ci matna. 30Nigi ma li kuɗ buura van ma sabatna, nigi ma girif liyna van ma peldetna. Nanu mi Ma-Vatɗina.
31Sum sa job ŋusiyana nigi ma tuɗ kuɗsiɗi, tuɗgi kuɗ sum sa tun gireynɗi; nigi ma garsi noŋɗi, kay nigi ma li tuwgi gesay hiɗi nisi noŋɗi. Nanu mi Ma-Vatɗina, Lawna vigiya. 32Nigi ma fok kulo vok sa ma ɗuŋus haɓn kalamna, sum sa maariyana nigi ma hum kuɗsiya. Nigi ma li nar kuɗ Lawna vigiya. Nanu mi Ma-Vatɗina.
33La sa ma pul co mus ziy jargi hay nagata vigiya, nigi ma curoɗom noŋɗi. 34Sa ma pulla ma musi ziy jargina nigi ma ɗuwum ki sa ma vuɗin nala, nigi ma minim ki nigi min tuwgi nala, kay nigi ay pulu hay nagata Egipte. Nanu mi Ma-Vatɗina Lawna vigiya.
35Nigi ma li bay-ɗigerta vun kitatɗi, hay sle ma ŋaɓ fiyokkaɗi, hay sle ma ŋaɓ nekkaɗi, hay dutta-kustaɗi kaw. 36Kilo ma ŋaɓ nekŋa, goto ma ŋaɓ wana, hiɗi gasas ma ŋaɓ mula kaw nigi ma lum hay liyamu. Nanu mi Ma-Vatɗina, Lawna vigiya ma yawgiyay goy hay nagat Egipte pana. 37Gatta vanu hiɗi sle ma nan dumna kaf nigi ma hum kuɗumu, nigi ma ŋomom hay dikgiya. Nanu mi Ma-Vatɗina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001