SA LEVITNA 15
15
Gatta kay liwis ma kuɗ sa jufna
1Ma-Vatɗina di tam Musus hiɗi Aaron: 2Nigi ma di tam gurona vi Israyel ala: Sa gigekaw la va jaŋ goy kuɗumu ni, nam muɗi liwisi. 3Nam muɗi liwis kayn kay va ma jaŋ goy kuɗumna: La busuwn jaŋ goy kuɗum haraŋi, jaŋ goy haraŋɗi kaw, nam liwisi. 4Gilik ma nam bur kalamna hiɗi ɗigal ma nam mus kalamna kaf muɗi liwisi. 5Sa ma tun balam tam gilikŋa valamna, nam ma muz sligara valam goyo, muz tuwam goy hiɗi niyn lay, may nam ka liwisi ta-ta hay vulatita. 6Sa ma musawa kay ɗigal ma nam mus kalamna ni, ma muz sligara valam goyo, muz tuwam goy hay niyna, nam ka liwisi ta-ta hay vulatita. 7Sa ma tun balam tam sa namna ma muz sligara valam goyo, ma muz tuwam goy goloŋ hay niyna, nam muɗi liwisi ta-ta hay vulatita. 8La nam tuf nenen tam sa ma liwisɗina, sa namna ma muz sligara valam goyo, muz tuwam goy hiɗi niyna, nam ka liwisi ta-ta hay vulatita. 9Sle ma nam ɓe kalamna kaf muɗi liwisi. 10La va mige kaw ay buri gaa kuɗumu, sa ma tun ɓalamawa talamuna, sa namna muɗi liwisi ta-ta hay vulatita. Sa ma sli va namnawa kulo hay ɓalamu, ma muz sligara valam goyo, ma muz tuwam goy hay niyna, nam muɗi liwisi ta-ta hay vulatita. 11La sa namna tun balam tam sa'a, may sa namna may muz balam goyɗi, ŋaat kayn nam ma muz sligara valam goyo, muz tuwam goy hay niyna, nam ka liwisi ta-ta hay vulatita. 12Doway-nagana ma nam tun ɓalam talamna kaf ma tom goyo, la mi doway-guna, ma muzum goy hiɗi niyna.
13Hay li ma busuw ma jaŋ talamna yerawa goyo, nam as cub buur siɗiya lo kay por tuwamu, nam ma muz sligara valam goyo, muz tuwam goy hiɗi niy ma kilira, nala nam muɗi peldete. 14Hay buurta glafandita, nam ma yaw gukŋ ma', yaw guk-gabayn ma', nam ma tuɗ vok ir Ma-Vatɗina, goy vun guɗuk ma fi-tuwna, nam ma vul guk namna mi mul-ma-ɗifinna. 15Mul-ma-ɗifinna ma lum ɗifini, kep kay ɗifin ma poora, kep kay ɗifin ma ŋal-goyna, nala mul ma-ɗifinna ma li poor kalamu vok Ma-Vatɗina kuɗ busuw ma jaŋ goy talamna.
16La tuw sa day goyo, nam ma muz tuwam kaf goy hay niyna, nam muɗi liwisi ta-ta hay vulatita. 17Sligara lebo ɗigiyna ma tuwam goɓ talamna kaf ma muzum goyo hay niyna, nam muɗi liwisi ta-ta hay vulatita.
18La san burawa hiɗi cata, nisi ma' pet ma muz tuwsi goyo, nisi muɗi liwisi ta-ta hay vulatita.
Gatta kay liwis ma kuɗ cata
19La busuwn jaŋ goy kuɗ cata, na' ma mus hay liwista ir buur siɗiya. La sa tun ɓalamawa ta'a, nam muɗi liwisi ta-ta hay vulatita. 20Gilik ma na' bur kalamna kaf muɗi liwisi, ɗigal ma na' mus kalamna kaf muɗi liwisi. 21Sa ma jo ɓalam tam gilikŋa va'na ma muz sligara valam goyo, ma muz tuwam goy hay niyn lay, nam muɗi liwisi ta-ta hay vulatita. 22La sa tun ɓalamawa tam ɗigal ma na' mus kalamna, nam ma muz sligara valam goyo, muz tuwam goy hay niyna, nam muɗi liwisi ta-ta hay vulatita. 23La va ka buri kulo kay gilikŋa lebo kay va ma na' mus kalamna, sa ma tun ɓalawa tam va namna, nam muɗi liwisi ta-ta hay vulatita. 24La sa burawa hiɗi na'a, liwisna va' goɓawa talamu, nam muɗi liwisi ta-ta ir buur siɗiya, gilik ma nam bur kalamna kaf muɗi liwisi.
25La saŋŋa ma co tam catna buura valam jik goyo, la saŋŋa musawa ta' ŋolo, jar buur namna cani na' muɗi liwisi kaw ki hay liy ma saŋŋa ka co ta' hay tilla tilla nala. 26Gilik ma na' bur kalamna kaf nam muɗi ki gilik ma na' bur kalamu hay li ma saŋŋa ka ta'a hay tilla nala. Va ma na' mus kalamna nam muɗi liwisi ki hay li ma saŋŋa ka ta' hay tilla tillan nala kaw. 27La sa tun ɓalamawa tam sle namna, nam muɗi liwisi, nam ma muz sligara valam goyo, muz tuwam goy hay niyna, nam muɗi liwisi ta-ta vulatita. 28Hay li ma busuw namna vatawa ta'a, na' ŋa buur mara bugolom siɗiya lo, bugol kayni na' tay liwis loɗi may. 29Hay buurta glafandita, na' ma yaw gukŋ ma', lebo yaw gukguli ma joriyon ma', na' ma maram mi mul-ma-ɗifinna, hay vun guɗuk ma fi-tuwna. 30Ma kepna, mul-ma-ɗifinna ma li ɗifin ma poora hiɗi namu, hena nam ma li ɗifin ma ŋal-goyna hiɗi namu, mul-ma-ɗifinna ma li poor ka'a vok ir Ma-Vatɗina, kuɗ busuw ma jaŋ goy ta'a, ma muɗa' liwisna.
31Nigi ma ja jar gurona vi Israyel goy hiɗi liwis ma tisina, kay Tempella van ka jarsiya kayni, la nisi gesem hiɗi liwis ma tisina, nisi ɗawn ma mita.
32Kayni ti gatta ta vuliya kay sle ma jaŋ goy kuɗ sana lebo sa ma muɗi liwisi kay tuwam ma day goyna, 33Gatta ta vuliya kay cata ta saŋŋa ka ta'a hay tilla tilla, gatta ta vuli kaw kay sa ma bur hiɗi cata ta muɗi liwisi.
Currently Selected:
SA LEVITNA 15: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 15
15
Gatta kay liwis ma kuɗ sa jufna
1Ma-Vatɗina di tam Musus hiɗi Aaron: 2Nigi ma di tam gurona vi Israyel ala: Sa gigekaw la va jaŋ goy kuɗumu ni, nam muɗi liwisi. 3Nam muɗi liwis kayn kay va ma jaŋ goy kuɗumna: La busuwn jaŋ goy kuɗum haraŋi, jaŋ goy haraŋɗi kaw, nam liwisi. 4Gilik ma nam bur kalamna hiɗi ɗigal ma nam mus kalamna kaf muɗi liwisi. 5Sa ma tun balam tam gilikŋa valamna, nam ma muz sligara valam goyo, muz tuwam goy hiɗi niyn lay, may nam ka liwisi ta-ta hay vulatita. 6Sa ma musawa kay ɗigal ma nam mus kalamna ni, ma muz sligara valam goyo, muz tuwam goy hay niyna, nam ka liwisi ta-ta hay vulatita. 7Sa ma tun balam tam sa namna ma muz sligara valam goyo, ma muz tuwam goy goloŋ hay niyna, nam muɗi liwisi ta-ta hay vulatita. 8La nam tuf nenen tam sa ma liwisɗina, sa namna ma muz sligara valam goyo, muz tuwam goy hiɗi niyna, nam ka liwisi ta-ta hay vulatita. 9Sle ma nam ɓe kalamna kaf muɗi liwisi. 10La va mige kaw ay buri gaa kuɗumu, sa ma tun ɓalamawa talamuna, sa namna muɗi liwisi ta-ta hay vulatita. Sa ma sli va namnawa kulo hay ɓalamu, ma muz sligara valam goyo, ma muz tuwam goy hay niyna, nam muɗi liwisi ta-ta hay vulatita. 11La sa namna tun balam tam sa'a, may sa namna may muz balam goyɗi, ŋaat kayn nam ma muz sligara valam goyo, muz tuwam goy hay niyna, nam ka liwisi ta-ta hay vulatita. 12Doway-nagana ma nam tun ɓalam talamna kaf ma tom goyo, la mi doway-guna, ma muzum goy hiɗi niyna.
13Hay li ma busuw ma jaŋ talamna yerawa goyo, nam as cub buur siɗiya lo kay por tuwamu, nam ma muz sligara valam goyo, muz tuwam goy hiɗi niy ma kilira, nala nam muɗi peldete. 14Hay buurta glafandita, nam ma yaw gukŋ ma', yaw guk-gabayn ma', nam ma tuɗ vok ir Ma-Vatɗina, goy vun guɗuk ma fi-tuwna, nam ma vul guk namna mi mul-ma-ɗifinna. 15Mul-ma-ɗifinna ma lum ɗifini, kep kay ɗifin ma poora, kep kay ɗifin ma ŋal-goyna, nala mul ma-ɗifinna ma li poor kalamu vok Ma-Vatɗina kuɗ busuw ma jaŋ goy talamna.
16La tuw sa day goyo, nam ma muz tuwam kaf goy hay niyna, nam muɗi liwisi ta-ta hay vulatita. 17Sligara lebo ɗigiyna ma tuwam goɓ talamna kaf ma muzum goyo hay niyna, nam muɗi liwisi ta-ta hay vulatita.
18La san burawa hiɗi cata, nisi ma' pet ma muz tuwsi goyo, nisi muɗi liwisi ta-ta hay vulatita.
Gatta kay liwis ma kuɗ cata
19La busuwn jaŋ goy kuɗ cata, na' ma mus hay liwista ir buur siɗiya. La sa tun ɓalamawa ta'a, nam muɗi liwisi ta-ta hay vulatita. 20Gilik ma na' bur kalamna kaf muɗi liwisi, ɗigal ma na' mus kalamna kaf muɗi liwisi. 21Sa ma jo ɓalam tam gilikŋa va'na ma muz sligara valam goyo, ma muz tuwam goy hay niyn lay, nam muɗi liwisi ta-ta hay vulatita. 22La sa tun ɓalamawa tam ɗigal ma na' mus kalamna, nam ma muz sligara valam goyo, muz tuwam goy hay niyna, nam muɗi liwisi ta-ta hay vulatita. 23La va ka buri kulo kay gilikŋa lebo kay va ma na' mus kalamna, sa ma tun ɓalawa tam va namna, nam muɗi liwisi ta-ta hay vulatita. 24La sa burawa hiɗi na'a, liwisna va' goɓawa talamu, nam muɗi liwisi ta-ta ir buur siɗiya, gilik ma nam bur kalamna kaf muɗi liwisi.
25La saŋŋa ma co tam catna buura valam jik goyo, la saŋŋa musawa ta' ŋolo, jar buur namna cani na' muɗi liwisi kaw ki hay liy ma saŋŋa ka co ta' hay tilla tilla nala. 26Gilik ma na' bur kalamna kaf nam muɗi ki gilik ma na' bur kalamu hay li ma saŋŋa ka ta'a hay tilla nala. Va ma na' mus kalamna nam muɗi liwisi ki hay li ma saŋŋa ka ta' hay tilla tillan nala kaw. 27La sa tun ɓalamawa tam sle namna, nam muɗi liwisi, nam ma muz sligara valam goyo, muz tuwam goy hay niyna, nam muɗi liwisi ta-ta vulatita. 28Hay li ma busuw namna vatawa ta'a, na' ŋa buur mara bugolom siɗiya lo, bugol kayni na' tay liwis loɗi may. 29Hay buurta glafandita, na' ma yaw gukŋ ma', lebo yaw gukguli ma joriyon ma', na' ma maram mi mul-ma-ɗifinna, hay vun guɗuk ma fi-tuwna. 30Ma kepna, mul-ma-ɗifinna ma li ɗifin ma poora hiɗi namu, hena nam ma li ɗifin ma ŋal-goyna hiɗi namu, mul-ma-ɗifinna ma li poor ka'a vok ir Ma-Vatɗina, kuɗ busuw ma jaŋ goy ta'a, ma muɗa' liwisna.
31Nigi ma ja jar gurona vi Israyel goy hiɗi liwis ma tisina, kay Tempella van ka jarsiya kayni, la nisi gesem hiɗi liwis ma tisina, nisi ɗawn ma mita.
32Kayni ti gatta ta vuliya kay sle ma jaŋ goy kuɗ sana lebo sa ma muɗi liwisi kay tuwam ma day goyna, 33Gatta ta vuliya kay cata ta saŋŋa ka ta'a hay tilla tilla, gatta ta vuli kaw kay sa ma bur hiɗi cata ta muɗi liwisi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001