YUDAS 1
1
Gi-deɓta
1Yudas, sa ma sunda vi Yesu Kristu, ɓasum Yakubna kaw, tam nisi sa yiyna, sa hayan kisiya hay Lawna bumna, sa ŋarak koɗi kisiya hay Kristu Yesu. 2Slugota, sle'ta hiɗi ti-kamda li tigi ŋol lige.
Sa liwisna hiɗi lop ma nisi lumna
2 Pet 2:1-22; 3:1-3
3Nigi sa hayan kigina, nan min ɗo tigiya hiɗi dikan kaf kay su'da vaya, nan ɗuw kayni, la litigekaw nan ma ɗo tigiya, kay vulgi gatta kay nigi dur dono'o kay vida ta vuli tam sa peldetna sem kepe. 4Kay sum sara'a ka cuki jargiya, sum nisina kitata ay kaay kisiya hay jew ɓa-ɓa, sum sa liwisna, sa bay vi hay Lawna, sa muɗ slugota vi Lawna vaya goy zlata-zulota, nisi sa puw vunsi kay mulla vay ma kepna, Bum-Sumuna Yesu Kristu.
5Tigi nigi sa wi slen kaynawa kafe, nan min gigi humgi ala: Hay li ma Bum-Sumuna suɗ sum sa Israyel goy hay nagat Egipte pa suɗna, sa bay-vina nam basi goy bugolda;#1:5 Ɗuw hay Ŋɓ 14:35. 6Sa Sunda-Wuralawna sa ŋom ŋolda visiɗi, may hin liyn ma lakka visiya, nam ŋomsi juni jun hay jaɓna ma vatɗina gaa kuɗ jufunda, kay cub buur ma ŋolla vi kitata. 7Nala kaw, ki Sodoma hiɗi Gomora, hiɗi hoyok-ziy ma ŋuyi talamna, nisi sa vul tuwsi goy hay zlata-bulota ki kayn nala kaw, nisi sa gar tap-tuwta ta hay hagata ta hay liya'ɗita#1:7 Ɓiretta 7 tani ka law kay buur ma jufayn bur ay tam tuwsiya. ɗekka kayni hini taya, nisi vuli goy tam zumalda vi kuta vatɗita.
8May hiɗi kayni kaf, sum nisina, hay niŋata visiya, nisi muɗ sliw-tuwsi liwisi, ɗuw gaŋeraŋa vi Bum-Sumun birek-ceke, ŋul gajijita kaw. 9May hay li ma ci-wayta fok kulo jar Matna hiɗi sunda-Wuralawna ma ŋolla Mikayel kay tuwna vi Musus, Sunda-wuralawna min di dita ta ŋulda mi Matnaɗi, may dum ɦawa ala: Bum-Sumuna ma gataŋu. 10May nisiya, nisi dum mi slen ma nisi wumɗina, may slen ma nisi wumu hay varta visi ta giɗeŋ ɦawa ki muur ma bay-varta nalana, nam muɗsi muɗi liwisi. 11Joot kisiya, kay nisi slaawa hay baŋal hagata vi Kayin, nisi kal tuwsiyawa hay baŋal Balaam, kay nisi viy tuwsi goyo kay gar gurjuta, nisi ba tuwsiyawa goyo ki fok-kulota vi Kore nala. 12Lakka visi jargi hay tina vigi ma minda kayni mi va ma dabgi segiya. Nisi li yuldeta visi bay zulo'o, var kay tuwsi nisiya, nisi ki ɗugulla ma simeɗn dolomu ma si niyɗi nala, nisi ki guna ma hay menda kaw vu'ɗi nala, miti sem ma', patamis kulo'o hiɗi so'olom kafe. 13Nisi ki billa vi niy-lum ŋolla ma gi pesl dono ŋolo nala, nisi ki mislek ma viyuwna ma jufunda nilta koti kalamu ta-ta hay vatɗita nala!
14Nisi kayni, Henok goor-ŋolo ma sem siɗiyana vi Adam ka di vokom kisi ala: Humgiya, Bum-Sumuna ka ma'a hiɗi sa peldetna valam kuɗum birim gu' gu' ŋolo, 15kay ka kitat kay sumun kafe, kay wurak sum sa liwisna kay lop ma joona ma nisi lum kafna, kay wurak sum sa sulukŋa sa liwisna kay yoboyna ma joona ma nisi dum talamna. 16Nisi kayni si sum sa ŋurnay jar-tuwsiya, sum sa giriŋi sa poy kuɗ darta visi kay tuwsiya, nisi di yoboy ma subur-tuwna, ɗut sumun kaw kay gar fita.
17May nigiya sa hayan kigina, humgi jak' kay sle ma sa Apostolayna vi Bum-Sumuna vaya Yesu dumna.
18Nisi di tigi ala hay liyn ma cawna ɗawni, sum sa burahta sa poy hay liwista kuɗ darta joota visiya ma co'o, 19wulini pa nisi coowa, sum sa ɓuraw jar sumuna, sum sa poy hay darta vi sliw-tuwna, nisi sa Ŋusta tay haysiɗi.
Gatta tigiya
20May nigiya sa hayan kigina, wulgi tuwgi kulo'o hay vida vigi ta peldetta, siɗawgi hay Ŋusta-Peldetta, 21ŋomgi tuwgi hay minda vi Lawna, hay li ma nigi cub slugota vi Bum-Sumuna vaya Yesu Kristu ma vul irita vatɗita.
22Sum segena nigi ma gatsiya kay nisi ay giriŋi, 23segena nigi ma suɗsi goyo hay li ma nigi ma patsi goy hay kut pa, nigi ma wi haw sum segena, may kir-hawta ta rigasay hiɗi narta, ta-ta nigi ma ka gawi hiɗi sligar-tuwna ma muɗi liwisi kay sliw-tuwna.
24May nam ma donota valam ka kay ŋomgiya, kay segi ma dabɗi, a nam ma lakgi bay-joota vok gajijita valamu hay firita ŋolo, 25Tam Lawn ma kepna ma su'da vaya hay Yesu Kristu Bum-Sumuna vaya; gajijita, ŋolda, donota hiɗi gaŋeraŋa valamu, jew cawa'ta tunita pa, wulini kaw, ta-ta hay vatɗita. Amen.
Currently Selected:
YUDAS 1: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
YUDAS 1
1
Gi-deɓta
1Yudas, sa ma sunda vi Yesu Kristu, ɓasum Yakubna kaw, tam nisi sa yiyna, sa hayan kisiya hay Lawna bumna, sa ŋarak koɗi kisiya hay Kristu Yesu. 2Slugota, sle'ta hiɗi ti-kamda li tigi ŋol lige.
Sa liwisna hiɗi lop ma nisi lumna
2 Pet 2:1-22; 3:1-3
3Nigi sa hayan kigina, nan min ɗo tigiya hiɗi dikan kaf kay su'da vaya, nan ɗuw kayni, la litigekaw nan ma ɗo tigiya, kay vulgi gatta kay nigi dur dono'o kay vida ta vuli tam sa peldetna sem kepe. 4Kay sum sara'a ka cuki jargiya, sum nisina kitata ay kaay kisiya hay jew ɓa-ɓa, sum sa liwisna, sa bay vi hay Lawna, sa muɗ slugota vi Lawna vaya goy zlata-zulota, nisi sa puw vunsi kay mulla vay ma kepna, Bum-Sumuna Yesu Kristu.
5Tigi nigi sa wi slen kaynawa kafe, nan min gigi humgi ala: Hay li ma Bum-Sumuna suɗ sum sa Israyel goy hay nagat Egipte pa suɗna, sa bay-vina nam basi goy bugolda;#1:5 Ɗuw hay Ŋɓ 14:35. 6Sa Sunda-Wuralawna sa ŋom ŋolda visiɗi, may hin liyn ma lakka visiya, nam ŋomsi juni jun hay jaɓna ma vatɗina gaa kuɗ jufunda, kay cub buur ma ŋolla vi kitata. 7Nala kaw, ki Sodoma hiɗi Gomora, hiɗi hoyok-ziy ma ŋuyi talamna, nisi sa vul tuwsi goy hay zlata-bulota ki kayn nala kaw, nisi sa gar tap-tuwta ta hay hagata ta hay liya'ɗita#1:7 Ɓiretta 7 tani ka law kay buur ma jufayn bur ay tam tuwsiya. ɗekka kayni hini taya, nisi vuli goy tam zumalda vi kuta vatɗita.
8May hiɗi kayni kaf, sum nisina, hay niŋata visiya, nisi muɗ sliw-tuwsi liwisi, ɗuw gaŋeraŋa vi Bum-Sumun birek-ceke, ŋul gajijita kaw. 9May hay li ma ci-wayta fok kulo jar Matna hiɗi sunda-Wuralawna ma ŋolla Mikayel kay tuwna vi Musus, Sunda-wuralawna min di dita ta ŋulda mi Matnaɗi, may dum ɦawa ala: Bum-Sumuna ma gataŋu. 10May nisiya, nisi dum mi slen ma nisi wumɗina, may slen ma nisi wumu hay varta visi ta giɗeŋ ɦawa ki muur ma bay-varta nalana, nam muɗsi muɗi liwisi. 11Joot kisiya, kay nisi slaawa hay baŋal hagata vi Kayin, nisi kal tuwsiyawa hay baŋal Balaam, kay nisi viy tuwsi goyo kay gar gurjuta, nisi ba tuwsiyawa goyo ki fok-kulota vi Kore nala. 12Lakka visi jargi hay tina vigi ma minda kayni mi va ma dabgi segiya. Nisi li yuldeta visi bay zulo'o, var kay tuwsi nisiya, nisi ki ɗugulla ma simeɗn dolomu ma si niyɗi nala, nisi ki guna ma hay menda kaw vu'ɗi nala, miti sem ma', patamis kulo'o hiɗi so'olom kafe. 13Nisi ki billa vi niy-lum ŋolla ma gi pesl dono ŋolo nala, nisi ki mislek ma viyuwna ma jufunda nilta koti kalamu ta-ta hay vatɗita nala!
14Nisi kayni, Henok goor-ŋolo ma sem siɗiyana vi Adam ka di vokom kisi ala: Humgiya, Bum-Sumuna ka ma'a hiɗi sa peldetna valam kuɗum birim gu' gu' ŋolo, 15kay ka kitat kay sumun kafe, kay wurak sum sa liwisna kay lop ma joona ma nisi lum kafna, kay wurak sum sa sulukŋa sa liwisna kay yoboyna ma joona ma nisi dum talamna. 16Nisi kayni si sum sa ŋurnay jar-tuwsiya, sum sa giriŋi sa poy kuɗ darta visi kay tuwsiya, nisi di yoboy ma subur-tuwna, ɗut sumun kaw kay gar fita.
17May nigiya sa hayan kigina, humgi jak' kay sle ma sa Apostolayna vi Bum-Sumuna vaya Yesu dumna.
18Nisi di tigi ala hay liyn ma cawna ɗawni, sum sa burahta sa poy hay liwista kuɗ darta joota visiya ma co'o, 19wulini pa nisi coowa, sum sa ɓuraw jar sumuna, sum sa poy hay darta vi sliw-tuwna, nisi sa Ŋusta tay haysiɗi.
Gatta tigiya
20May nigiya sa hayan kigina, wulgi tuwgi kulo'o hay vida vigi ta peldetta, siɗawgi hay Ŋusta-Peldetta, 21ŋomgi tuwgi hay minda vi Lawna, hay li ma nigi cub slugota vi Bum-Sumuna vaya Yesu Kristu ma vul irita vatɗita.
22Sum segena nigi ma gatsiya kay nisi ay giriŋi, 23segena nigi ma suɗsi goyo hay li ma nigi ma patsi goy hay kut pa, nigi ma wi haw sum segena, may kir-hawta ta rigasay hiɗi narta, ta-ta nigi ma ka gawi hiɗi sligar-tuwna ma muɗi liwisi kay sliw-tuwna.
24May nam ma donota valam ka kay ŋomgiya, kay segi ma dabɗi, a nam ma lakgi bay-joota vok gajijita valamu hay firita ŋolo, 25Tam Lawn ma kepna ma su'da vaya hay Yesu Kristu Bum-Sumuna vaya; gajijita, ŋolda, donota hiɗi gaŋeraŋa valamu, jew cawa'ta tunita pa, wulini kaw, ta-ta hay vatɗita. Amen.
BIBALDA TA PELDETTA © L'Alliance Biblique du Cameroun, 2001