SA KA KITANA 16
16
Dalila ɗut Samson, sa Filistin vumu
1Fat tara kep Samson kalay hay Gaza, ɗawni iram wi cata gawlaŋga, nam kal kalaf va'a. 2Labara co tam sum sa hay Gazana ala Samson ka tani. Nala nisi ŋuyumu. Hay henjet na'ta nisi bar goy hay vun-galana vi hoyok-ziyna kay cigeɗemu, may nisi min jomɗi, nisi di'e: Cubay kiliŋ tuwa, hay li ma liyn foowa goyo, nay ma cum goyo. 3Samson bur gaa waŋ ta-ta henjet daŋalta. Bugol kayni nam fok kulo'o, nam pat cokorom ma duk vun-galana vi hoyok-ziyna, hiɗi dol ma nam piy talamna ma' pete, hiɗi gu ma duk vun ziyn talamna, yawam pelemu, tuɗum ta-ta kulo kay hiɗiyta ta ka ɗiger vok Hesbon.
4Bugol kayni iram vi goot-cat kep hay liyn ma beɗna vi Sorek. Cat na'ta ya' ala Dalila.
5Muliyana vi sa Filistina ma ta'a, nisi da'a: San kayni nak ma ɗutumu, ta-ta nak ma gar yal ma fi caw donota ta ŋol ki kayn nala ta may goy hayam pata, nak ma gar yal ma numa ma vumu, junumu, muɗum maŋaya, gige gige jarma'a ma vulag gurjuta sikel birim kep hiɗi diram kis. 6Dalila di tam Samson: Nan siɗawaŋu, naŋ ma danu: donota ta ŋol ki kayn nala co'ay taŋ kayn arige pa? La san min muɗaŋ maŋaya, nam junaŋ hiɗi mige?
7Samson di ta'a: La sa junan hiɗi zigew ma ŋulomna ma bay so goy tuwana siɗiya ɦawa'a ni, nan muɗ maŋay de', donota van hot ki sum segen ɦawa nala. 8Muliyana vi sa Filistina mar zigew ma ŋulomna ma bay so goy tuwana siɗiya mi Dalila, na' junum hiɗi zigew namna. 9Dolay kayni sumun ka baray kalaf hay ziyda va' lak'. Na' di talamu: Samson! Sa Filistin ka kaŋu. Wulini wulini, nam ja' zigew namna goyo ki nam ay ŋalay hay kut ŋal nala. Liyn ma donota valam may hay pana sa as wum cawamɗi.
10Dalila di tam Samson: Ɗuwaŋu, naŋ dolay ka pananu, naŋ kanti kayn ti sinda. Wulin kayn nan siɗawaŋu, naŋ ɗekan kay va ma san as junaŋ hiɗi namna.
11Nam di ta'a, la sa junan hiɗi zigew ma wulina ma sa bay lo lop hiɗi nam tuwana ni, nan muɗ maŋaya, nan muɗ ki sum segen ɦawa nala. 12Dalila yaw zigew ma wulina, na' junum hiɗi namu. Bugolda na' ka dumu: Samson, sum sa Filistin ka kaŋu. Dolay kayni sumun ka baray hay ziyna va' lak, zigew ma juni hay ɓalamna nam jam goyo ki san ja zigew barawn ɦawa nala.
13Dalila di tam Samson: Ta-ta wulini naŋ ka ɗutanu, naŋ danti kayn ti sinda ɦawa. Daniya, san as junaŋ kayn hiɗi mige? Nam di ta'a: Ɗuŋus yan ma giy kuɗ tuwan siɗiyan lakŋi, la nak cilimawa, junumawa gaa'a hiɗi zigew ma cil sligara ni, tuta. 14Na' cilim ɗuŋus yalamu, junum gaa hiɗi zigew ma cil sligara. Bugolda na' dumu: Samson, sum sa Filistin ka kaŋu. Nam fok kulo'o hay senda pa, ja zigew ma na' cilim ɗuŋusam hiɗi namna hiɗi ma na' junum ɗuŋusam gaa hiɗi namna goy kaf. 15Na' di talamu: Wulin kayn naŋ fi di ala «nan minagu» lo ɗawn hiɗi yal mige? Kay dikaŋ may hiɗi nanɗi. Wulin kayni naŋ liwi hiɗi nanu sem ɦidi, naŋ min dan goy kay liyn ma donota vaŋ ta ŋolda may hayam panɗi. 16Hay buurta kaf na' ka makamu, ka tom vunamu, hinim noŋɗi. Nala nam makawa ka'a, dikam muɗ mina' ti mitta. 17Nam mala' varta vi dikam kaf goyo, nam da'a: Kewta ta wel ɗuŋus yamna bay tun kan fat kep tuwa, kay nan vuli goy tam Lawna kalaf hay suni pa. La sa welan ɗuŋus yanawa goyo, donot ta tanta kal goyo, nan muɗ maŋaya, nan muɗ ki sum segen ɦawa nala.
18Hay li ma Dalila wiyawa ala nam mala' dikamawa goy kafe, na' gi sunu kay yi muliyana vi sa Filistina; na' disiya: Kuɗ ta wulinta kayni, nigiyay yo, kay nam dan wilek-dekkawa. Muliyana vi sa Filistina co ta'a, nisi mar gurjuta hay ɓisiya. 19Na' burum sene jar ɓala'a, na' yi sa ay kep, ɗuŋus yalam ma siɗiya ma giy tam tuwamna nam kaam goyo, nala na' muɗum maŋaya, donota valam vat goyo. 20Na' di'e: Samson, sum sa Filistin ka kaŋu. Nam zliy kulo'o hay senda, nam var ala nam ma li ki jew nala, nam var ala hulot tuwan goyo, nam may wi ala Ma-Vatɗin vi tuwamawa goy talamuɗi.
21Sum sa Filistin vumu, nisi patam iram goyo, nisi kalam gaa hay Gaza, nisi junum hiɗi jaɓna ma kawayna. Ɗawni hay daŋgayna, nam ka ligat hiɗiyna.
Samson job yalamu, nam cap mita
22Bugol kayni ɗuŋus yalam ma nisi welem goyna tun caw si ne' ne'. 23Fat tara kep muliyana vi sa Filistina tok tuwsiya kay li ɗifin tam lawna visi ma yum Dagon. Kay a li firi ŋol kayni nisi di'e: Lawna vay vulay sa ma gaw kaynawa hay ɓaya. 24Hay li ma sunum kaf irsi wumu, nisi subur lawna visiya di'e: Lawna vaya vulay sa ma gawt kaynawa goy hay ɓaya, nam sa ma ka kiɗa nagata vay goyna, nam mi sa ma ka mar mitta ŋolo hay nagata vayna.
25Hay li ma firit kal hay diksi ŋolo, nisi di'e: Yaygi Samson aya, hinim co'o kay nay liway hiɗi namu. Nisi kal Samson ay goy hay daŋgayna pa, colom goy voksi liwa. Nisi colom goy jar dolla. 26Samson di tam goor ma joriyona ma ka tanam ɓalamna: Naŋ naran tam dolla ma nekka vi ziyd tuni kalamna kay nan min gah' tuwan talamu.
27Ziyd ay hobi hiɗi sumun cep-cep', jufayna hiɗi boyna, muliyana vi sa Filistin kaf ka toki hay liy namna; hay yam ziyd ma kulona sumun ay toki ir ki birim ɦidi nala, jufayn lay boyn lay. Nisi ka ɗuw Samson, nam ka liwa.
28Nala Samson tiy tam Ma-Vatɗina nam di'e: Bum-Sumuna Ma-Vatɗina, nan siɗawaŋu, humaŋ ma gaŋ kan gi ge. Hih! Lawna, kuɗ ta wulinta naŋ vulan dono vulge. A sen kep ɦawa nan job yan tam sa Filistina kay iran ma' ma nisi comna. 29Samson mok ɓalam tam dolla ma ma'na ma ka jar ziyda, ma nekŋa va' ka tuni kalamna. Nam zutum dono'o, kep hiɗi ɓalam ta jufta, kep hiɗi ɓalam ta gulda. 30Samson di delem kulo'o: Nan hiɗi sum sa Filistin mitma kuɗ tuwma yo! Nam zut dolla hiɗi donom kaf, nala ziyd ɦo gaa'a kay muliyan sa Filistina hiɗi sum sa haya'na kaf. Sum sa nam cisi hay bur ma mitta valamna suw sum sa nam cisi hay buur ma nam ka iri tuwana. 31Ɓosiyomna hiɗi sum sa hay ziyna vi bulum kaf co'aya, nisi slum tuwamu. Hay li ma nisi hotawa vo'o, nisi pum jar Soreya hiɗi Estahol, hay zulda vi bulum Manohak. Nam ka kitata vi sum sa Israyella ir busat dok-ma'.
Currently Selected:
SA KA KITANA 16: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA KA KITANA 16
16
Dalila ɗut Samson, sa Filistin vumu
1Fat tara kep Samson kalay hay Gaza, ɗawni iram wi cata gawlaŋga, nam kal kalaf va'a. 2Labara co tam sum sa hay Gazana ala Samson ka tani. Nala nisi ŋuyumu. Hay henjet na'ta nisi bar goy hay vun-galana vi hoyok-ziyna kay cigeɗemu, may nisi min jomɗi, nisi di'e: Cubay kiliŋ tuwa, hay li ma liyn foowa goyo, nay ma cum goyo. 3Samson bur gaa waŋ ta-ta henjet daŋalta. Bugol kayni nam fok kulo'o, nam pat cokorom ma duk vun-galana vi hoyok-ziyna, hiɗi dol ma nam piy talamna ma' pete, hiɗi gu ma duk vun ziyn talamna, yawam pelemu, tuɗum ta-ta kulo kay hiɗiyta ta ka ɗiger vok Hesbon.
4Bugol kayni iram vi goot-cat kep hay liyn ma beɗna vi Sorek. Cat na'ta ya' ala Dalila.
5Muliyana vi sa Filistina ma ta'a, nisi da'a: San kayni nak ma ɗutumu, ta-ta nak ma gar yal ma fi caw donota ta ŋol ki kayn nala ta may goy hayam pata, nak ma gar yal ma numa ma vumu, junumu, muɗum maŋaya, gige gige jarma'a ma vulag gurjuta sikel birim kep hiɗi diram kis. 6Dalila di tam Samson: Nan siɗawaŋu, naŋ ma danu: donota ta ŋol ki kayn nala co'ay taŋ kayn arige pa? La san min muɗaŋ maŋaya, nam junaŋ hiɗi mige?
7Samson di ta'a: La sa junan hiɗi zigew ma ŋulomna ma bay so goy tuwana siɗiya ɦawa'a ni, nan muɗ maŋay de', donota van hot ki sum segen ɦawa nala. 8Muliyana vi sa Filistina mar zigew ma ŋulomna ma bay so goy tuwana siɗiya mi Dalila, na' junum hiɗi zigew namna. 9Dolay kayni sumun ka baray kalaf hay ziyda va' lak'. Na' di talamu: Samson! Sa Filistin ka kaŋu. Wulini wulini, nam ja' zigew namna goyo ki nam ay ŋalay hay kut ŋal nala. Liyn ma donota valam may hay pana sa as wum cawamɗi.
10Dalila di tam Samson: Ɗuwaŋu, naŋ dolay ka pananu, naŋ kanti kayn ti sinda. Wulin kayn nan siɗawaŋu, naŋ ɗekan kay va ma san as junaŋ hiɗi namna.
11Nam di ta'a, la sa junan hiɗi zigew ma wulina ma sa bay lo lop hiɗi nam tuwana ni, nan muɗ maŋaya, nan muɗ ki sum segen ɦawa nala. 12Dalila yaw zigew ma wulina, na' junum hiɗi namu. Bugolda na' ka dumu: Samson, sum sa Filistin ka kaŋu. Dolay kayni sumun ka baray hay ziyna va' lak, zigew ma juni hay ɓalamna nam jam goyo ki san ja zigew barawn ɦawa nala.
13Dalila di tam Samson: Ta-ta wulini naŋ ka ɗutanu, naŋ danti kayn ti sinda ɦawa. Daniya, san as junaŋ kayn hiɗi mige? Nam di ta'a: Ɗuŋus yan ma giy kuɗ tuwan siɗiyan lakŋi, la nak cilimawa, junumawa gaa'a hiɗi zigew ma cil sligara ni, tuta. 14Na' cilim ɗuŋus yalamu, junum gaa hiɗi zigew ma cil sligara. Bugolda na' dumu: Samson, sum sa Filistin ka kaŋu. Nam fok kulo'o hay senda pa, ja zigew ma na' cilim ɗuŋusam hiɗi namna hiɗi ma na' junum ɗuŋusam gaa hiɗi namna goy kaf. 15Na' di talamu: Wulin kayn naŋ fi di ala «nan minagu» lo ɗawn hiɗi yal mige? Kay dikaŋ may hiɗi nanɗi. Wulin kayni naŋ liwi hiɗi nanu sem ɦidi, naŋ min dan goy kay liyn ma donota vaŋ ta ŋolda may hayam panɗi. 16Hay buurta kaf na' ka makamu, ka tom vunamu, hinim noŋɗi. Nala nam makawa ka'a, dikam muɗ mina' ti mitta. 17Nam mala' varta vi dikam kaf goyo, nam da'a: Kewta ta wel ɗuŋus yamna bay tun kan fat kep tuwa, kay nan vuli goy tam Lawna kalaf hay suni pa. La sa welan ɗuŋus yanawa goyo, donot ta tanta kal goyo, nan muɗ maŋaya, nan muɗ ki sum segen ɦawa nala.
18Hay li ma Dalila wiyawa ala nam mala' dikamawa goy kafe, na' gi sunu kay yi muliyana vi sa Filistina; na' disiya: Kuɗ ta wulinta kayni, nigiyay yo, kay nam dan wilek-dekkawa. Muliyana vi sa Filistina co ta'a, nisi mar gurjuta hay ɓisiya. 19Na' burum sene jar ɓala'a, na' yi sa ay kep, ɗuŋus yalam ma siɗiya ma giy tam tuwamna nam kaam goyo, nala na' muɗum maŋaya, donota valam vat goyo. 20Na' di'e: Samson, sum sa Filistin ka kaŋu. Nam zliy kulo'o hay senda, nam var ala nam ma li ki jew nala, nam var ala hulot tuwan goyo, nam may wi ala Ma-Vatɗin vi tuwamawa goy talamuɗi.
21Sum sa Filistin vumu, nisi patam iram goyo, nisi kalam gaa hay Gaza, nisi junum hiɗi jaɓna ma kawayna. Ɗawni hay daŋgayna, nam ka ligat hiɗiyna.
Samson job yalamu, nam cap mita
22Bugol kayni ɗuŋus yalam ma nisi welem goyna tun caw si ne' ne'. 23Fat tara kep muliyana vi sa Filistina tok tuwsiya kay li ɗifin tam lawna visi ma yum Dagon. Kay a li firi ŋol kayni nisi di'e: Lawna vay vulay sa ma gaw kaynawa hay ɓaya. 24Hay li ma sunum kaf irsi wumu, nisi subur lawna visiya di'e: Lawna vaya vulay sa ma gawt kaynawa goy hay ɓaya, nam sa ma ka kiɗa nagata vay goyna, nam mi sa ma ka mar mitta ŋolo hay nagata vayna.
25Hay li ma firit kal hay diksi ŋolo, nisi di'e: Yaygi Samson aya, hinim co'o kay nay liway hiɗi namu. Nisi kal Samson ay goy hay daŋgayna pa, colom goy voksi liwa. Nisi colom goy jar dolla. 26Samson di tam goor ma joriyona ma ka tanam ɓalamna: Naŋ naran tam dolla ma nekka vi ziyd tuni kalamna kay nan min gah' tuwan talamu.
27Ziyd ay hobi hiɗi sumun cep-cep', jufayna hiɗi boyna, muliyana vi sa Filistin kaf ka toki hay liy namna; hay yam ziyd ma kulona sumun ay toki ir ki birim ɦidi nala, jufayn lay boyn lay. Nisi ka ɗuw Samson, nam ka liwa.
28Nala Samson tiy tam Ma-Vatɗina nam di'e: Bum-Sumuna Ma-Vatɗina, nan siɗawaŋu, humaŋ ma gaŋ kan gi ge. Hih! Lawna, kuɗ ta wulinta naŋ vulan dono vulge. A sen kep ɦawa nan job yan tam sa Filistina kay iran ma' ma nisi comna. 29Samson mok ɓalam tam dolla ma ma'na ma ka jar ziyda, ma nekŋa va' ka tuni kalamna. Nam zutum dono'o, kep hiɗi ɓalam ta jufta, kep hiɗi ɓalam ta gulda. 30Samson di delem kulo'o: Nan hiɗi sum sa Filistin mitma kuɗ tuwma yo! Nam zut dolla hiɗi donom kaf, nala ziyd ɦo gaa'a kay muliyan sa Filistina hiɗi sum sa haya'na kaf. Sum sa nam cisi hay bur ma mitta valamna suw sum sa nam cisi hay buur ma nam ka iri tuwana. 31Ɓosiyomna hiɗi sum sa hay ziyna vi bulum kaf co'aya, nisi slum tuwamu. Hay li ma nisi hotawa vo'o, nisi pum jar Soreya hiɗi Estahol, hay zulda vi bulum Manohak. Nam ka kitata vi sum sa Israyella ir busat dok-ma'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001