KAL-GOYTA 37
37
Inda vi tabernaklena, inda vi arkena, tablena, va ma tun fitilla hiɗi giwin-ma-ɗifinna ma ŋal urdin kulo kalamna
1Betsaleel kot timgilla hiɗi gu-kasiyana; fiyokka valamu ir goldoŋ ma' hiɗi gali, buɗukka valamu ir goldoŋ kep hiɗi gali, fiyokka valam ta kulota ir goldoŋ kep hiɗi gali. 2Hayam ma kalafn lay, ŋorom lay, nam korom hiɗi or ma bay-rigasna. Gaŋam kaf nam korom hiɗi ora. 3Nam yor girliŋ-ora fiɗi, lakam goy hay gefem ma fiɗina, girliŋ-ora ma ma'na hay gefem ma hena, ma ma'na lo hay gefem hena may. 4Nam kot malla hiɗi gu-kasiyana, korom tuwam hiɗi ora: 5Nam kal malla hay girliŋŋa ma ka ciy goy gaŋ timgilla kay ziy timgilla hiɗi namu. 6Nam kot goɓolokona hiɗi or ma bay-rigasna; fiyokka valamu ir goldoŋ ma' hiɗi gali, buɗukka valamu ir goldoŋ kep hiɗi gali. 7Nam kot keruben ma' hiɗi ora; nam kotom hiɗi or ma tayayna, nam lakam goy hay vun timgilla gal ma' pete. 8Keruben ma kepna goy hay vunam hena, kep goy hay vunam hena may; nisi kot keruben kayni, nam suw goy kay gaŋ goɓolokon ma' pete. 9Kerubena gilaŋatsi ka meɗay goy kay goɓolokona, gilaŋatsi ka bar yam goɓolokona, ka ɗuw tuwsiya, irsi ka muɗi kir goɓolokona.
10Nam kot tablena hiɗi gu-kasiyana, fiyokka valam ir goldoŋ ma', buɗukka valamu ir goldoŋ kep, fiyokka valam ta kulota ir goldoŋ kep hiɗi gali. 11Nam korom tuwam hiɗi or ma bay rigasna, nam ŋuyum gaŋam hiɗi or kafe. 12Nam kot gu mara'a, ŋuyum goy gaŋam cusl', be'da valam ŋaɓ cita-ɓamta fiɗi', nam korom tuwam noŋ kaf hiɗi ora. 13Nam yor girliŋ-ora fiɗi', cum goy hay gefem ma fiɗina, ma ka tam selem ma fiɗina kaw. 14Girliŋŋa ɓalay kulo goboy tam gaŋamu, malla ka kalay hayamu kay ziy tablena. 15Nam kot malla hiɗi gu-kasiyana, korom tuwam hiɗi ora; lopna valam kayni kay ziy tablena. 16Nam kot jak ma lakam kay tabella; zlarak ora, kaway ma niyna, tasana hiɗi ŋalayna, kay li vulda ta yama' goyta; nam kot kayni kaf hiɗi or ma bay-rigasna;
17nam kot va ma tun fitilla hiɗi or ma bay-rigasna; nam kot va ma tun fitilla hiɗi or ma tayayna; selem ma gaana, zokomu, yalamu, gaslamu hiɗi ɓalamu, nam tapay kulo tam tuwamu. 18Ɓalam karkiya kalay goy talam pa, ɓalam ma ɦidina kalay goy hay galam hena, ɓalam hen ma ɦidina kalay goy hay galam hen pa kaw. 19Hay ɓalam ma kepna yalam ma kulon moki ki vuɗna vi moŋgon nala, gaslam hiɗi ɓalam ka'a, ma hena kaw ay nala. Ɓalam karkiya kaf ma kal ay goy talam pan kayni nam ay ki kayn nala. 20Hay zok va ma tun fitilla, yalam ma moki ki vuɗna vi moŋgon nalan ka fiɗi, gaslam ka'a, ɓalam ka'a kaw. 21Ɓalam ma kalay goy hay tuwam pana gaslna ka mokay gaa kuɗumu, gaslna ka gaa kuɗ hen ma ma'na, hen ma ma'n lo, nam noŋ kaf ay ki kayn nala. 22Gaslna hiɗi ɓam va ma tun fitilla tapay kulo tam tuwamu, nam kaf ay kotay hiɗi or ma tayayna hiɗi ma bay-rigasna. 23Nam kot fitil ma siɗiyana, sle ma do kuta, hiɗi ŋarak ma ko butuwn hayna, kotom kaf hiɗi or ma bay-rigasna. 24Nam yaw or ma bay-rigasna ir kilo dok-ɦidi, kay li va ma tun fitilla hiɗi jak ma talamna.
25Giwin-ma-ɗifinna ma ŋal urdin kulo kalamna, nam kotom hiɗi gu-kasiyana; fiyokka valamu ir goldoŋ kep, be'da valamu ir goldoŋ kep; gefem fiɗi pet ŋray ca, fiyokka valamu ir goldoŋ ma', miyokŋa ka kal goyo hay gef giwin-ma-ɗifinna. 26Nam korom tuwam hiɗi or ma bay-rigasna: Yalam ma kulona, galam noŋ kafe, hiɗi miyokŋa, nam korom gaŋam hiɗi or noŋ kafe. 27Gaa kuɗ gaŋamu nam lak girliŋ-ora hay gal hen ma', hay gal hen ma' lay, kay kal malla ma ziyim hiɗi namna haya. 28Nam kot malla hiɗi gu-kasiyana, korom tuwam hiɗi ora.
29Nam kot mul ma peldetna ma ɦok kamna, hiɗi urdin ma his fayna, bay gese. Kotom kayni mi sa ma wi yal kotta vi urdina.
Currently Selected:
KAL-GOYTA 37: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 37
37
Inda vi tabernaklena, inda vi arkena, tablena, va ma tun fitilla hiɗi giwin-ma-ɗifinna ma ŋal urdin kulo kalamna
1Betsaleel kot timgilla hiɗi gu-kasiyana; fiyokka valamu ir goldoŋ ma' hiɗi gali, buɗukka valamu ir goldoŋ kep hiɗi gali, fiyokka valam ta kulota ir goldoŋ kep hiɗi gali. 2Hayam ma kalafn lay, ŋorom lay, nam korom hiɗi or ma bay-rigasna. Gaŋam kaf nam korom hiɗi ora. 3Nam yor girliŋ-ora fiɗi, lakam goy hay gefem ma fiɗina, girliŋ-ora ma ma'na hay gefem ma hena, ma ma'na lo hay gefem hena may. 4Nam kot malla hiɗi gu-kasiyana, korom tuwam hiɗi ora: 5Nam kal malla hay girliŋŋa ma ka ciy goy gaŋ timgilla kay ziy timgilla hiɗi namu. 6Nam kot goɓolokona hiɗi or ma bay-rigasna; fiyokka valamu ir goldoŋ ma' hiɗi gali, buɗukka valamu ir goldoŋ kep hiɗi gali. 7Nam kot keruben ma' hiɗi ora; nam kotom hiɗi or ma tayayna, nam lakam goy hay vun timgilla gal ma' pete. 8Keruben ma kepna goy hay vunam hena, kep goy hay vunam hena may; nisi kot keruben kayni, nam suw goy kay gaŋ goɓolokon ma' pete. 9Kerubena gilaŋatsi ka meɗay goy kay goɓolokona, gilaŋatsi ka bar yam goɓolokona, ka ɗuw tuwsiya, irsi ka muɗi kir goɓolokona.
10Nam kot tablena hiɗi gu-kasiyana, fiyokka valam ir goldoŋ ma', buɗukka valamu ir goldoŋ kep, fiyokka valam ta kulota ir goldoŋ kep hiɗi gali. 11Nam korom tuwam hiɗi or ma bay rigasna, nam ŋuyum gaŋam hiɗi or kafe. 12Nam kot gu mara'a, ŋuyum goy gaŋam cusl', be'da valam ŋaɓ cita-ɓamta fiɗi', nam korom tuwam noŋ kaf hiɗi ora. 13Nam yor girliŋ-ora fiɗi', cum goy hay gefem ma fiɗina, ma ka tam selem ma fiɗina kaw. 14Girliŋŋa ɓalay kulo goboy tam gaŋamu, malla ka kalay hayamu kay ziy tablena. 15Nam kot malla hiɗi gu-kasiyana, korom tuwam hiɗi ora; lopna valam kayni kay ziy tablena. 16Nam kot jak ma lakam kay tabella; zlarak ora, kaway ma niyna, tasana hiɗi ŋalayna, kay li vulda ta yama' goyta; nam kot kayni kaf hiɗi or ma bay-rigasna;
17nam kot va ma tun fitilla hiɗi or ma bay-rigasna; nam kot va ma tun fitilla hiɗi or ma tayayna; selem ma gaana, zokomu, yalamu, gaslamu hiɗi ɓalamu, nam tapay kulo tam tuwamu. 18Ɓalam karkiya kalay goy talam pa, ɓalam ma ɦidina kalay goy hay galam hena, ɓalam hen ma ɦidina kalay goy hay galam hen pa kaw. 19Hay ɓalam ma kepna yalam ma kulon moki ki vuɗna vi moŋgon nala, gaslam hiɗi ɓalam ka'a, ma hena kaw ay nala. Ɓalam karkiya kaf ma kal ay goy talam pan kayni nam ay ki kayn nala. 20Hay zok va ma tun fitilla, yalam ma moki ki vuɗna vi moŋgon nalan ka fiɗi, gaslam ka'a, ɓalam ka'a kaw. 21Ɓalam ma kalay goy hay tuwam pana gaslna ka mokay gaa kuɗumu, gaslna ka gaa kuɗ hen ma ma'na, hen ma ma'n lo, nam noŋ kaf ay ki kayn nala. 22Gaslna hiɗi ɓam va ma tun fitilla tapay kulo tam tuwamu, nam kaf ay kotay hiɗi or ma tayayna hiɗi ma bay-rigasna. 23Nam kot fitil ma siɗiyana, sle ma do kuta, hiɗi ŋarak ma ko butuwn hayna, kotom kaf hiɗi or ma bay-rigasna. 24Nam yaw or ma bay-rigasna ir kilo dok-ɦidi, kay li va ma tun fitilla hiɗi jak ma talamna.
25Giwin-ma-ɗifinna ma ŋal urdin kulo kalamna, nam kotom hiɗi gu-kasiyana; fiyokka valamu ir goldoŋ kep, be'da valamu ir goldoŋ kep; gefem fiɗi pet ŋray ca, fiyokka valamu ir goldoŋ ma', miyokŋa ka kal goyo hay gef giwin-ma-ɗifinna. 26Nam korom tuwam hiɗi or ma bay-rigasna: Yalam ma kulona, galam noŋ kafe, hiɗi miyokŋa, nam korom gaŋam hiɗi or noŋ kafe. 27Gaa kuɗ gaŋamu nam lak girliŋ-ora hay gal hen ma', hay gal hen ma' lay, kay kal malla ma ziyim hiɗi namna haya. 28Nam kot malla hiɗi gu-kasiyana, korom tuwam hiɗi ora.
29Nam kot mul ma peldetna ma ɦok kamna, hiɗi urdin ma his fayna, bay gese. Kotom kayni mi sa ma wi yal kotta vi urdina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001