KAL-GOYTA 32
32
Goor-put ma ora
1Hay li ma sum sa Israyel wi ala Musus mus kulo kay hiɗiyt ta-ta bay jikay gaa'a, nisi tok tuwsi kat Aaron, nisi dumu; fokaŋ kulo'o, kotma lawna mara'a ma tun vokma'a, kay sa namna ma yum Musus ma kalma'ay goy hay nagat Egipte pana, wulin kayni la nam ɦod ɦodtige kla kirmaɗi. 2Aaron di tisiya: Ganna ma ora ma ka hay hum boyna vigiya hiɗi gurona vigi sa jufayn lay, sa boyn layna nigi ma patam goyo, margit tanu. 3Nisi kaf pat ganna ma ora ma hay humsin goyo, nisi maram tam Aaron. 4Nam yawam hay ɓisiya, yoromu, kot goor-put ma yorina. Nisi ka di'e: Israyel lawna vay ma kalay ay goy hay nagat Egipte pan zawni. 5Hay li ma Aaron wi kayni, nam in giwin-ma-ɗifinna kulo vokomu, nam ka siwelsi ala: Jifin ɗawni, nay ma li yuldeta kay subur sem Ma-Vatɗina. 6Co hay buurta ka'ta kayni, nisi fok kulo graw culum culum', nisi li ɗifin ma ŋal-goyna hiɗi ɗifinna vi lop ma slugona. Nisi lakay gaa'a kay ti'e hiɗi ci'e, bugol kayni nisi yaw kulo'o kay liwa.
7Ma-Vatɗina di tam Musus: Jikaŋ gaa'a, kay sumuna vaŋu sa naŋ kalsiyay goy hay nagat Egipte pana muɗ tuwsiyawa liwisi. 8Wulin de', hagata ta nan ɗeksi ka'ta nisi hina'awa goyo. Nisi yor goor-putnawa, nisi girif gaa vokomu, nisi li ɗifin talamu, nisi ka di ala: Israyel, lawna vay ma kalay ay goy hay nagata Egipte pan zawni.
9Ma-Vatɗina di tam Musus: Nan wi ala sumun kayni si sum sa yisi ɗeŋe. 10Wulin kayn naŋ hinan yo; nan min muɗ ɦiy katsiya, nan min ŋalsi goyo; may naŋu, nan min muɗaŋ jafaŋ ŋolo.
11Musus tiy tam Ma-Vatɗina Lawna valamu, nam ka dum ala: Wulin kayni, Ma-Vatɗina, sumuna vaŋu sa naŋ kalsiyay goy hay Egipte hiɗi gaŋeraŋa vaŋu, hiɗi ɓaŋ ma donon pana, naŋ muɗ ɦiy katsi ɗawn kay mige? 12A sum sa Egipten ma di ala nam kalsi goy kayn kay lisi joo, kay cisi goy kuɗ hiɗiyna, kay vatsi jafsi goy hay nagata kayn kay mige? Wulin kayn hinaŋ ɦiyda vaŋ goyo, varta vaŋu kay li joo tam sum nisin kayni naŋ ma hina' goyo. 13Humaŋ ma gaŋu kay Abraham, Isaak hiɗi Israyel sa sunda vaŋu, sa naŋ yi va kaŋu hay humsiya hiɗi semda vaŋ ala: Nan ma biya jafna vigiya ki mislek ma dukalawn nala, nagat na'ta ta nan digi ka'ta kaf nan min vulgita, na' ma hin ir vigi nigi dok-doko. 14Varta kay li joo tam sum nisin kayni Ma-Vatɗina hina' goyo.
15Musus jik gaa'a kay hiɗiyta, hiɗiy beɗayna vi di-goyta ma' ka hay ɓalamu; hiɗiy namna galam ma' kafe ka ɗoya, hayam ɗoy lay ŋorom ɗoy lay. 16Hiɗiy namna ceɗem mi Lawn kay tuwamu, ɗota ta ɓiri talamta ɓira' mi Lawn kay tuwamu. 17Yosuwa hum del sumun ka ciriya, nam di'e: Sumun ciriy kayn duur ka hay kaŋŋa. 18Musus hot dumu: Kayn may ciriyna vi koldaɗi, ciriyna vi maŋaytɗi ka. Nan ka hum del sumun lum kayn mi nulla. 19Hay li ma nam co goboy tam kaŋŋa, nam wi goor-putna hiɗi pirta-nulla. Musus muɗi ɦiy ŋolo; hiɗi ɓalam ma' nam gi hiɗiy-beɗayna gaa sem hiɗiyn kirit', nam to goyo. 20Nam sli put ma nisi yoromna, ŋalam goy hay kuta; lutum goy futuwu, fat futuw namna kulo kay niyna, vulum vun gurona vi Israyel kay nisi cumu.
21Musus di tam Aaron: Sumun kayni lum taŋ mige a naŋ hinsi kal hay suluk ma ŋol ki kayn nala? 22Aaron hot dita: Mulanna, naŋ muɗ ɦiy katanɗige, kay naŋ wi ala sum nisin kayni diksi mina' dok-dok ti joota. 23Nisi dan ala: Naŋ ma kotma Lawn mara'a ma tun vokma'a; kay Musus namna ma kalma'ay goy hay nagat Egipten pan kayni, la nam ɦod ɦodtige kla numa wi loɗi. 24Nan disi ala: Sum sa or ka ganay tisina nisi ma fokom goyo maram tanu. Nisi maram tanu may. Nan cukum hay kuta, goor-putna kayni kalay goyo may.
25Hay li ma Musus wi ala sumun kayni minim mi law ma gijum-gijumna, Aaron kaw hinsiyawa hay ma gijum-gijumta, dirsi patawa goyo kir sa gaw kisina kaw, 26nam col goy hay vun-galana vi kaŋŋa ka di'e: Nisi sa min Ma-Vatɗin kaf ma co tan tani. Jafna vi Levi kaf tok tuwsi talamu. 27Nam disiya: Ma-Vatɗina Lawna vi Israyel di ala: Gigekaw ma gaɓ kew-gaferaŋa valam galamu, nigi ma jik kulo way kaŋŋa nigi ma ŋuy vun ziyn kaf, gigekaw ma ci ɓasulumna, sugolomna. 28Gurona vi Levi li kuɗ va ma Musus dumna; hay fat na'ta sumun mit jarsi birim ɦidi. 29Musus di'e: Vulgi tuwgi goy mi Ma-Vatɗin vaydi, la nigi li ɗifin hiɗi gurona vigiya, hiɗi ɓosiyogina kaw, kay nam ma vulgi bolda.#32:29 Lawta tani cawa' may hum goy haraŋɗi.
30Hay buurta ka'ta, Musus di tam sumun ala: Nigi li suluk ma ŋolawa. Wulini nan min jik kulo kat Lawna; la nam vulan gida kay sulukŋa vigi klasige? 31Musus hot kat Lawna nam dumu: Hih! Sumun kayn li suluk ma ŋolawa. Nisi kot lawna ma orawa. 32Wulin kayn naŋ vulaŋ gida kay sulukŋa visiya, la naɗi naŋ ma ɦasan sen goy hay ɗerwella vaŋu ma naŋ ɗomna. 33Ma-Vatɗina di tam Musus: Nan ɦasam selem goy hay ɗerwelda van kayni mi sa ma li suluk katanna. 34May naŋu, tuɗaŋu, naraŋ sumun hay liyn ma nan daŋ kalamna. Humaŋu, sunda-wuralawna vanu ma tun vokaŋu, may hay buur ma nan ma job yanna ɗawni, nan ma ka kitat kisiya kay sulukŋa visiya. 35Ma-Vatɗina ci sa Israyella, kuɗ goor-putna ma Aaron kotsitna.
Currently Selected:
KAL-GOYTA 32: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 32
32
Goor-put ma ora
1Hay li ma sum sa Israyel wi ala Musus mus kulo kay hiɗiyt ta-ta bay jikay gaa'a, nisi tok tuwsi kat Aaron, nisi dumu; fokaŋ kulo'o, kotma lawna mara'a ma tun vokma'a, kay sa namna ma yum Musus ma kalma'ay goy hay nagat Egipte pana, wulin kayni la nam ɦod ɦodtige kla kirmaɗi. 2Aaron di tisiya: Ganna ma ora ma ka hay hum boyna vigiya hiɗi gurona vigi sa jufayn lay, sa boyn layna nigi ma patam goyo, margit tanu. 3Nisi kaf pat ganna ma ora ma hay humsin goyo, nisi maram tam Aaron. 4Nam yawam hay ɓisiya, yoromu, kot goor-put ma yorina. Nisi ka di'e: Israyel lawna vay ma kalay ay goy hay nagat Egipte pan zawni. 5Hay li ma Aaron wi kayni, nam in giwin-ma-ɗifinna kulo vokomu, nam ka siwelsi ala: Jifin ɗawni, nay ma li yuldeta kay subur sem Ma-Vatɗina. 6Co hay buurta ka'ta kayni, nisi fok kulo graw culum culum', nisi li ɗifin ma ŋal-goyna hiɗi ɗifinna vi lop ma slugona. Nisi lakay gaa'a kay ti'e hiɗi ci'e, bugol kayni nisi yaw kulo'o kay liwa.
7Ma-Vatɗina di tam Musus: Jikaŋ gaa'a, kay sumuna vaŋu sa naŋ kalsiyay goy hay nagat Egipte pana muɗ tuwsiyawa liwisi. 8Wulin de', hagata ta nan ɗeksi ka'ta nisi hina'awa goyo. Nisi yor goor-putnawa, nisi girif gaa vokomu, nisi li ɗifin talamu, nisi ka di ala: Israyel, lawna vay ma kalay ay goy hay nagata Egipte pan zawni.
9Ma-Vatɗina di tam Musus: Nan wi ala sumun kayni si sum sa yisi ɗeŋe. 10Wulin kayn naŋ hinan yo; nan min muɗ ɦiy katsiya, nan min ŋalsi goyo; may naŋu, nan min muɗaŋ jafaŋ ŋolo.
11Musus tiy tam Ma-Vatɗina Lawna valamu, nam ka dum ala: Wulin kayni, Ma-Vatɗina, sumuna vaŋu sa naŋ kalsiyay goy hay Egipte hiɗi gaŋeraŋa vaŋu, hiɗi ɓaŋ ma donon pana, naŋ muɗ ɦiy katsi ɗawn kay mige? 12A sum sa Egipten ma di ala nam kalsi goy kayn kay lisi joo, kay cisi goy kuɗ hiɗiyna, kay vatsi jafsi goy hay nagata kayn kay mige? Wulin kayn hinaŋ ɦiyda vaŋ goyo, varta vaŋu kay li joo tam sum nisin kayni naŋ ma hina' goyo. 13Humaŋ ma gaŋu kay Abraham, Isaak hiɗi Israyel sa sunda vaŋu, sa naŋ yi va kaŋu hay humsiya hiɗi semda vaŋ ala: Nan ma biya jafna vigiya ki mislek ma dukalawn nala, nagat na'ta ta nan digi ka'ta kaf nan min vulgita, na' ma hin ir vigi nigi dok-doko. 14Varta kay li joo tam sum nisin kayni Ma-Vatɗina hina' goyo.
15Musus jik gaa'a kay hiɗiyta, hiɗiy beɗayna vi di-goyta ma' ka hay ɓalamu; hiɗiy namna galam ma' kafe ka ɗoya, hayam ɗoy lay ŋorom ɗoy lay. 16Hiɗiy namna ceɗem mi Lawn kay tuwamu, ɗota ta ɓiri talamta ɓira' mi Lawn kay tuwamu. 17Yosuwa hum del sumun ka ciriya, nam di'e: Sumun ciriy kayn duur ka hay kaŋŋa. 18Musus hot dumu: Kayn may ciriyna vi koldaɗi, ciriyna vi maŋaytɗi ka. Nan ka hum del sumun lum kayn mi nulla. 19Hay li ma nam co goboy tam kaŋŋa, nam wi goor-putna hiɗi pirta-nulla. Musus muɗi ɦiy ŋolo; hiɗi ɓalam ma' nam gi hiɗiy-beɗayna gaa sem hiɗiyn kirit', nam to goyo. 20Nam sli put ma nisi yoromna, ŋalam goy hay kuta; lutum goy futuwu, fat futuw namna kulo kay niyna, vulum vun gurona vi Israyel kay nisi cumu.
21Musus di tam Aaron: Sumun kayni lum taŋ mige a naŋ hinsi kal hay suluk ma ŋol ki kayn nala? 22Aaron hot dita: Mulanna, naŋ muɗ ɦiy katanɗige, kay naŋ wi ala sum nisin kayni diksi mina' dok-dok ti joota. 23Nisi dan ala: Naŋ ma kotma Lawn mara'a ma tun vokma'a; kay Musus namna ma kalma'ay goy hay nagat Egipten pan kayni, la nam ɦod ɦodtige kla numa wi loɗi. 24Nan disi ala: Sum sa or ka ganay tisina nisi ma fokom goyo maram tanu. Nisi maram tanu may. Nan cukum hay kuta, goor-putna kayni kalay goyo may.
25Hay li ma Musus wi ala sumun kayni minim mi law ma gijum-gijumna, Aaron kaw hinsiyawa hay ma gijum-gijumta, dirsi patawa goyo kir sa gaw kisina kaw, 26nam col goy hay vun-galana vi kaŋŋa ka di'e: Nisi sa min Ma-Vatɗin kaf ma co tan tani. Jafna vi Levi kaf tok tuwsi talamu. 27Nam disiya: Ma-Vatɗina Lawna vi Israyel di ala: Gigekaw ma gaɓ kew-gaferaŋa valam galamu, nigi ma jik kulo way kaŋŋa nigi ma ŋuy vun ziyn kaf, gigekaw ma ci ɓasulumna, sugolomna. 28Gurona vi Levi li kuɗ va ma Musus dumna; hay fat na'ta sumun mit jarsi birim ɦidi. 29Musus di'e: Vulgi tuwgi goy mi Ma-Vatɗin vaydi, la nigi li ɗifin hiɗi gurona vigiya, hiɗi ɓosiyogina kaw, kay nam ma vulgi bolda.#32:29 Lawta tani cawa' may hum goy haraŋɗi.
30Hay buurta ka'ta, Musus di tam sumun ala: Nigi li suluk ma ŋolawa. Wulini nan min jik kulo kat Lawna; la nam vulan gida kay sulukŋa vigi klasige? 31Musus hot kat Lawna nam dumu: Hih! Sumun kayn li suluk ma ŋolawa. Nisi kot lawna ma orawa. 32Wulin kayn naŋ vulaŋ gida kay sulukŋa visiya, la naɗi naŋ ma ɦasan sen goy hay ɗerwella vaŋu ma naŋ ɗomna. 33Ma-Vatɗina di tam Musus: Nan ɦasam selem goy hay ɗerwelda van kayni mi sa ma li suluk katanna. 34May naŋu, tuɗaŋu, naraŋ sumun hay liyn ma nan daŋ kalamna. Humaŋu, sunda-wuralawna vanu ma tun vokaŋu, may hay buur ma nan ma job yanna ɗawni, nan ma ka kitat kisiya kay sulukŋa visiya. 35Ma-Vatɗina ci sa Israyella, kuɗ goor-putna ma Aaron kotsitna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001