KAL-GOYTA 25
25
Lawn vul hagata kay in guɗuk ma peldetna
1Lawna di tam Musus ala: 2Naŋ ma di tam gurona vi Israyel ala, nisi ma mar vulda tanu, sum sa li vulda tanu hiɗi diksi kafna nigi ma vi vulda na'ta hay ɓisiya. 3Kayni mi slen ma nigi ma vum hay ɓisiya: Ora, doorota hiɗi wayna. 4Sligar ma tuwam zim-zimna, sligar ma tuwam cih-cihna, sligar ma tuwam slawna, hiɗi baraw ma haɓna hiɗi ɗuŋus fok-meena kaw; 5hiɗi bakŋa vi fok-dimina ma tuwam ɗoy slawi, hiɗi ɗigiy dofeŋŋa hiɗi gu-kasiyana. 6Mula kay fitilla, aromatna kay mul ma set tuwna, hiɗi urdi ma hisna. 7Hiɗi hiɗiyn oniks, hiɗiyn mara'a mara'a kay kot tuw birim ma ɗigiyna hiɗi noŋ ma giɗeŋŋa. 8Nisi ma kotan guɗuk ma peldetna, nala nan ma mus jarsiya, 9nigi ma kot tabernaklena hiɗi jakŋ ma hayamna pet ki nan min ɗekgi kotta valam ɗawn nala.
Ɗekka kay kotta vi timgilla vi bonota, tablena hiɗi va ma tun fitilla
10Nigi ma kot timgilla hiɗi gu-kasiyana, fiyokom ma li goldoŋ ma' hiɗi gali, buɗugam ma li goldoŋ kep hiɗi gali, fiyokom ma kulon ma li goldoŋ kep hiɗi gali. 11Naŋ ma korom tuwam hiɗi or ma may rigasayɗina, naŋ ma korom hayam ma kalafna hiɗi ŋorom ma goy jiyna kaw, gaŋam ma goyna naŋ ma kotom hiɗi or kafe. 12Naŋ ma yor ora mara fiɗi lo, naŋ ma ɓal girliŋ-ora goy gefemu, ma ma'na naŋ ɓalam hay galam hena, ma ma'na hay galam hena kaw. 13Naŋ ma kot malla hiɗi gu-kasiyana, naŋ ma korom tuwam hiɗi ora kaw. 14Naŋ ma kal malla hay girliŋ-ora ma ka ɓalay goy gef timgilla, kay nigi as ziy timgilla hiɗi namu. 15Gu-malla namna ma hin lakay kalam hay gef timgilla na lak dok-doko, sa as patam goy noŋ loɗi. 16Di-goyta#25:16 Va ma yum di-goyta tan kayni mi vun-ma-gatna ma Lawn vulum mi Mususna. ta nan min vulaŋga ɗawni naŋ ma bura' gaa hay timgilla. 17Naŋ ma li goɓoloko ma kuluɓum kalamna kotay hiɗi or ma may rigasayɗina, fiyokka valam ma li goldoŋ ma' hiɗi gali, buɗukka valamu ir goldoŋ kep hiɗi gali. 18Naŋ ma kot kerubena ma ora ma' hiɗi ora ma rigasayna, naŋ ma lakam kulo vun tuwam ma' kay goɓoloko ma kuluɓum vun timgilla. 19Naŋ ma kot kerubena kep goy hay vunam hena, kep goy hay vunam hena may, nigi ma kot keruben ɗawni, nam ma suw goy kay goɓoloko ma kuluɓum vun timgilla, hay gaŋam ma' pete. 20Kerubena ma meɗ gilaŋatsi goy kalamu, nisi ma bar yam goɓolokona hiɗi gilaŋatsiya irsi ma li muɗi kir tuwamu, irsi ma li muɗi kir goɓoloko. 21Goɓolokona naŋ ma kuluɓum kay timgilla, di-goyta ta nan min vulaŋgi ɗawni naŋ ma bura' gaa hay timgilla. 22Kayni mi liyn ma nan ma ŋaf hiɗi naŋ hayamna: Kulo'o kay goɓolokona jar kerubena sa ma'na sa ka lakay kulo kay timgilla vi di-goyta, slen ma naŋ ma ɗekem mi gurona vi Israyella nan min vulaŋga kafe.
23Naŋ ma kot tablena ma ceɗi hiɗi gu-kasiyana; fiyokka valamu ma li ir goldoŋ ma', be'da valamu ma li ir goldoŋ kep, fiyokka valam ta kulota ma li ir goldoŋ kep hiɗi gali. 24Naŋ ma korom tuwam hiɗi ora ma bay-rigasna, naŋ ma kotom gaŋam kaf hiɗi ora. 25Naŋ ma kot gu mara lo, ŋuyum goy gaŋam cusl', be'da valam ma ŋaɓ cita-ɓamta fiɗi, naŋ ma korom tuwam hiɗi or kaf kaw. 26Naŋ ma kot girliŋ-ora fiɗi kay table namna, naŋ ma cum goy hay gaŋam ma fiɗina, ma ka tam selem ma fiɗina kaw. 27Girliŋ-ora naŋ ma gaɓam goboy hiɗi gu ma goy gaŋamna, ma kal malla haya kay ziy tablena. 28Naŋ ma kot malla ma ziyimna hiɗi gu-kasiyana, naŋ ma korom tuwam hiɗi ora; lopna valam kayni kay ziy tablena. 29Naŋ ma kot slen ma lakam kalamna: Zlarakŋa, kaway ma niyna, ŋalayna hiɗi tasana, kay li vulda ta yama' goyta hiɗi namu, naŋ ma kotom hiɗi or ma may rigasayɗina. 30Tin ma vuli goyna naŋ ma lakam kay tablena, dok-dok naŋ ma hinim lakay vok iranu.
31Naŋ ma kot va ma tun fitilla hiɗi or ma bay-rigasna, va ma tun fitilla namna naŋ ma kotom hiɗi or ma rigasayna; selem ma gaana, zokomu, yalamu, gaslamu hiɗi ɓalamu ma li tapay kulo talamu. 32Ɓalam karkiya ma kalay goy talam pa, balam ma ɦidina ma kalay goy hay galam hena, ɓalam hen ma ɦidina ma kalay goy hay galam hena pa kaw. 33Hay ɓalam ma kepna yalam ma kulona moki ki vuɗna vi moŋgon nala, gaslam hiɗi ɓalam ka'a, hay ɓalam ma hen lo yalam ma kulona moki ki vuɗna vi moŋgon nala lo, gaslna valam ka'a ɓalam ka'a kaw. Ɓalam ma karkiya ma kalay goy hayam pana ma li nala kaw. 34Hay zokŋa vi va ma tun fitilla yalam ma mokayn ma li fiɗi, sli vuɗna vi moŋgon nala, gaslam ka'a, ɓalam ka'a kaw; 35Ɓalam ma' ma ɓet goy hay zokom ma ŋol pana ma li hiɗi gaslna moki gaa jaramu ma ma' hena kaw ma li nala, ma ma' hena kaw ma li nala; kayn di ala nam karkiya kaf, ma kalay goy hay zok va ma tun fitil pan kayn ma li nala. 36Gaslna hiɗi ɓamta vi va ma tun fitilla ma li tapay kulo tam tuwamu; nam kaf ma liys hiɗi or ma tayayna ma bay rigasna. 37Naŋ ma kot fitilla ma siɗiyan kalamu, ma lakam kulo kalamu, kay a nam ma fo liyn goy vokom haraŋi. 38Va ma do kuna hiɗi ŋarak ma butuw-kun ko hayna ma li kotay hiɗi or ma bay rigasna 39kay kot va ma tun fitilla hiɗi sle ma talam kafna, naŋ ma gar ora ir talente kepe.
40Naŋ ma ɗuwa, naŋ ma lum ɗawn ŋray ca ki ma nan ɗekem kiraŋ kulo kay hiɗiyta nala.
Currently Selected:
KAL-GOYTA 25: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 25
25
Lawn vul hagata kay in guɗuk ma peldetna
1Lawna di tam Musus ala: 2Naŋ ma di tam gurona vi Israyel ala, nisi ma mar vulda tanu, sum sa li vulda tanu hiɗi diksi kafna nigi ma vi vulda na'ta hay ɓisiya. 3Kayni mi slen ma nigi ma vum hay ɓisiya: Ora, doorota hiɗi wayna. 4Sligar ma tuwam zim-zimna, sligar ma tuwam cih-cihna, sligar ma tuwam slawna, hiɗi baraw ma haɓna hiɗi ɗuŋus fok-meena kaw; 5hiɗi bakŋa vi fok-dimina ma tuwam ɗoy slawi, hiɗi ɗigiy dofeŋŋa hiɗi gu-kasiyana. 6Mula kay fitilla, aromatna kay mul ma set tuwna, hiɗi urdi ma hisna. 7Hiɗi hiɗiyn oniks, hiɗiyn mara'a mara'a kay kot tuw birim ma ɗigiyna hiɗi noŋ ma giɗeŋŋa. 8Nisi ma kotan guɗuk ma peldetna, nala nan ma mus jarsiya, 9nigi ma kot tabernaklena hiɗi jakŋ ma hayamna pet ki nan min ɗekgi kotta valam ɗawn nala.
Ɗekka kay kotta vi timgilla vi bonota, tablena hiɗi va ma tun fitilla
10Nigi ma kot timgilla hiɗi gu-kasiyana, fiyokom ma li goldoŋ ma' hiɗi gali, buɗugam ma li goldoŋ kep hiɗi gali, fiyokom ma kulon ma li goldoŋ kep hiɗi gali. 11Naŋ ma korom tuwam hiɗi or ma may rigasayɗina, naŋ ma korom hayam ma kalafna hiɗi ŋorom ma goy jiyna kaw, gaŋam ma goyna naŋ ma kotom hiɗi or kafe. 12Naŋ ma yor ora mara fiɗi lo, naŋ ma ɓal girliŋ-ora goy gefemu, ma ma'na naŋ ɓalam hay galam hena, ma ma'na hay galam hena kaw. 13Naŋ ma kot malla hiɗi gu-kasiyana, naŋ ma korom tuwam hiɗi ora kaw. 14Naŋ ma kal malla hay girliŋ-ora ma ka ɓalay goy gef timgilla, kay nigi as ziy timgilla hiɗi namu. 15Gu-malla namna ma hin lakay kalam hay gef timgilla na lak dok-doko, sa as patam goy noŋ loɗi. 16Di-goyta#25:16 Va ma yum di-goyta tan kayni mi vun-ma-gatna ma Lawn vulum mi Mususna. ta nan min vulaŋga ɗawni naŋ ma bura' gaa hay timgilla. 17Naŋ ma li goɓoloko ma kuluɓum kalamna kotay hiɗi or ma may rigasayɗina, fiyokka valam ma li goldoŋ ma' hiɗi gali, buɗukka valamu ir goldoŋ kep hiɗi gali. 18Naŋ ma kot kerubena ma ora ma' hiɗi ora ma rigasayna, naŋ ma lakam kulo vun tuwam ma' kay goɓoloko ma kuluɓum vun timgilla. 19Naŋ ma kot kerubena kep goy hay vunam hena, kep goy hay vunam hena may, nigi ma kot keruben ɗawni, nam ma suw goy kay goɓoloko ma kuluɓum vun timgilla, hay gaŋam ma' pete. 20Kerubena ma meɗ gilaŋatsi goy kalamu, nisi ma bar yam goɓolokona hiɗi gilaŋatsiya irsi ma li muɗi kir tuwamu, irsi ma li muɗi kir goɓoloko. 21Goɓolokona naŋ ma kuluɓum kay timgilla, di-goyta ta nan min vulaŋgi ɗawni naŋ ma bura' gaa hay timgilla. 22Kayni mi liyn ma nan ma ŋaf hiɗi naŋ hayamna: Kulo'o kay goɓolokona jar kerubena sa ma'na sa ka lakay kulo kay timgilla vi di-goyta, slen ma naŋ ma ɗekem mi gurona vi Israyella nan min vulaŋga kafe.
23Naŋ ma kot tablena ma ceɗi hiɗi gu-kasiyana; fiyokka valamu ma li ir goldoŋ ma', be'da valamu ma li ir goldoŋ kep, fiyokka valam ta kulota ma li ir goldoŋ kep hiɗi gali. 24Naŋ ma korom tuwam hiɗi ora ma bay-rigasna, naŋ ma kotom gaŋam kaf hiɗi ora. 25Naŋ ma kot gu mara lo, ŋuyum goy gaŋam cusl', be'da valam ma ŋaɓ cita-ɓamta fiɗi, naŋ ma korom tuwam hiɗi or kaf kaw. 26Naŋ ma kot girliŋ-ora fiɗi kay table namna, naŋ ma cum goy hay gaŋam ma fiɗina, ma ka tam selem ma fiɗina kaw. 27Girliŋ-ora naŋ ma gaɓam goboy hiɗi gu ma goy gaŋamna, ma kal malla haya kay ziy tablena. 28Naŋ ma kot malla ma ziyimna hiɗi gu-kasiyana, naŋ ma korom tuwam hiɗi ora; lopna valam kayni kay ziy tablena. 29Naŋ ma kot slen ma lakam kalamna: Zlarakŋa, kaway ma niyna, ŋalayna hiɗi tasana, kay li vulda ta yama' goyta hiɗi namu, naŋ ma kotom hiɗi or ma may rigasayɗina. 30Tin ma vuli goyna naŋ ma lakam kay tablena, dok-dok naŋ ma hinim lakay vok iranu.
31Naŋ ma kot va ma tun fitilla hiɗi or ma bay-rigasna, va ma tun fitilla namna naŋ ma kotom hiɗi or ma rigasayna; selem ma gaana, zokomu, yalamu, gaslamu hiɗi ɓalamu ma li tapay kulo talamu. 32Ɓalam karkiya ma kalay goy talam pa, balam ma ɦidina ma kalay goy hay galam hena, ɓalam hen ma ɦidina ma kalay goy hay galam hena pa kaw. 33Hay ɓalam ma kepna yalam ma kulona moki ki vuɗna vi moŋgon nala, gaslam hiɗi ɓalam ka'a, hay ɓalam ma hen lo yalam ma kulona moki ki vuɗna vi moŋgon nala lo, gaslna valam ka'a ɓalam ka'a kaw. Ɓalam ma karkiya ma kalay goy hayam pana ma li nala kaw. 34Hay zokŋa vi va ma tun fitilla yalam ma mokayn ma li fiɗi, sli vuɗna vi moŋgon nala, gaslam ka'a, ɓalam ka'a kaw; 35Ɓalam ma' ma ɓet goy hay zokom ma ŋol pana ma li hiɗi gaslna moki gaa jaramu ma ma' hena kaw ma li nala, ma ma' hena kaw ma li nala; kayn di ala nam karkiya kaf, ma kalay goy hay zok va ma tun fitil pan kayn ma li nala. 36Gaslna hiɗi ɓamta vi va ma tun fitilla ma li tapay kulo tam tuwamu; nam kaf ma liys hiɗi or ma tayayna ma bay rigasna. 37Naŋ ma kot fitilla ma siɗiyan kalamu, ma lakam kulo kalamu, kay a nam ma fo liyn goy vokom haraŋi. 38Va ma do kuna hiɗi ŋarak ma butuw-kun ko hayna ma li kotay hiɗi or ma bay rigasna 39kay kot va ma tun fitilla hiɗi sle ma talam kafna, naŋ ma gar ora ir talente kepe.
40Naŋ ma ɗuwa, naŋ ma lum ɗawn ŋray ca ki ma nan ɗekem kiraŋ kulo kay hiɗiyta nala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001