KAL-GOYTA 23
23
Sli-yam kulota vi sa maŋayna
1Nigi ma mer labar ma sin goyɗi, nigi ma gi dirgi kuɗ sa ma joona kay pi lawta kay sa'ɗi. 2Nigi ma gi dirgi kuɗ sum sa kisna kay li jootɗi; la vun kitata, nigi ma gi dirgi kuɗ sum sa kisna kay di law ma bay ɗigeraɗi. 3Sa ma hawna la kitat vumawa, nigi ma gut kuɗumɗi.
4La nigi fi putna lebo kurona vi sa ma gaw kigina viyi goyo, nigi ma naramta.
5La nigi fi kurona vi sa ma gawt kigina ɦuruki gaa kuɗ jak ma nekŋa, nigi ma jik goy galamɗi, nigi ma gutum kay sli jakŋ goy kay kurona.
6La lawta vi sa ma hawn ka ɗigere, nigi ma ɓulak kitat vokomɗi. 7Nigi ma gi dirgi kuɗ law ma sinnaɗi, sa ma tun ɓalam tam vaɗina hiɗi sa ma ɗigera nigi ma hinsi goy vun mittaɗi; kay sa ma li joota nan may vulum gidaɗi. 8Nigi ma vi va hay ɓam saɗi; kay sle ma vum hay ɓam sumuna duk ir sum sa irsi goy malina,#23:8 Ɗuw lawta kayni lo hay Gsm 27:25. nam ɓulak lawt vok sum sa ɗigera kaw.
9Nigi ma curoɗ sa ma pullaɗi, nigi kay tuwgi wi makka vi sa pulla, kay nigi ay goy pulu kaw hay nagata Egipte.
Gatta kay Sabatna
10Jar busat karkiya, nigi ma cuk jafn gaa kay nagata, nigi ma feɗem yalam kaw. 11Hay busata siɗiyata, nigi hina' goy bay zuma, hina' tun suku; sum sa hawna jar sa figina ma ti haya, faray ma sinen ma ti diram ma hinina may. Gulda-guldana hiɗi gu-olivena vigi kaw nigi ma lum ki kayn nala.
12Nigi ma li lopna vigi jar buur karkiya. May hay buurta siɗiyata nigi ma tun sukgiya, kay putna vigiya hiɗi kurona vigiya ma fi tun-sukka, kay goora vi gorvona vigiya hiɗi sa ma pulla fi tun-sukka.
13Nigi ma li kuɗ sle ma nan digitna kaf, nigi ma yi sem lawayn maraɗi kaw, hin sa hum sem lawayn mara'a hay vungi noŋɗi.
14Nigi ma li yuldeta sem ɦidi hay busata kay suburan semda vanu. 15Nigi ma li yuldeta vi fun-bay-kufna ir buur siɗiya, hay liyn ma coliya hay tilla vi feɗna, nigi ma ti fun-bay-kufna, ki nan vulgi hagat nala, kay nigi kalay goy hay Egipte kayni hay til namna zawni; nala sa as co vokanu hiɗi ɓalam goy ɦawa noŋɗi.
16Nigi ma li yuldeta vi feɗna, vi vun-jaf ma niy jewna vi wana vigi kaw, kuɗ sle ma nigi cukum gaa hay sinena; nigi ma li yuldeta vi feɗna hay vatta vi busat kaf, hay li ma nigi feɗ wan ma nigi zumum hay sinenawa, nigi ma li yuldeta.
17Hay busat kaf kayni, sum sa jufayna ma co vok Bum-Sumuna Ma-Vatɗina sem ɦidi.
18Faray ma nigi ŋatam goy ɗifin tanu, nigi ma lum busuwam ɗifin kuɗ tuwam hiɗi fun ma-kufnaɗi, mul-sliwna valamu nigi ma ŋomom kulo ta-ta kay jifintaɗi. 19Vun-jaf ma niyi jewna vi slen ma nigi zumumna, nigi ma maram hay ziyna vi Ma-Vatɗina, Lawna vigiya. Nigi ma zal ɦuna hiɗi miir sulumɗi.#23:19 Zal ɦuna hiɗi miir sulumu kayn mi ɗifin ma sum sa Kanaaniyan ka li'e. Ɗuw Gsm 14:21.
20Humgiya, nan gi sunda-wuralawn vokgiya, kay nam ma ŋomgi hay hagata, kay nam ma nargi hay liyn ma nan kotomna. 21Nigi ma ŋom tuwgi kalam ŋaa'a, humgi kuɗumu; nigi ma ŋelem vunam noŋɗi; kay la naɗina nam ma vulgi gida kay sulukŋa vigi noŋɗi, kay nam zawn mi nan kay tuwanu. 22May la nigi humum delemu, la nigi li kuɗ sle ma nan digit kafna, nan ma lin mi sa ma gaw hiɗi sum sa gaw kigina, nan ma lin mi sa ma dur sum sa durgina kaw. 23Sunda-wuralawna vanu ma tun vokgiya, nam ma nargi hay nagata vi sa Amoriyana, sa Hetiyena, sa Feresiyena, sa Kanaaniyana, sa Heviyena, sa Yebusiyena, nala nan ma vatsi goy kafe.
24Nigi ma girif gaa'a vok lawayna visiɗi, nigi ma sun lawayna visi noŋɗi, sum nisina nigi ma sli kuɗsiya hay poyta visi noŋɗi, may nigi ma vatsi goyo, lawayna ma nisi inimna nigi ma tom goyo. 25Nigi ma sunan nan Ma-Vatɗina Lawna vigiya, nala nan ma gi bol kay fun ma nigi tumna hiɗi niyn ma nigi cumna, nan ma digiɗ moyn goy gine hiɗi nigiya. 26Nala ca muɗ suroɓ goyɗi, ca muɗ getayɗi kaw, nan ma hob vun buura vigi ma hay nagatna kulo'o kaw.
27Nan ma gi narta-ŋolda van vokgiya, sum sa nigi coowa hay nagata visi kafna nan ma munsi vokgi jaŋi, sum sa gaw kigina kaf nan ma muɗsi ŋorsi kirgiya. 28Nan ma gi ŋofora vokgiya, nam ma digiɗ sum sa Heviyena, sa Kanaaniyana, hiɗi sa Hetiyena kaf vokgiya. 29Nan ma digiɗsi vokgi ɗawni ir busat kep ɦawaɗi, kay a nagat ma muɗ goy ful ɦawa'a a muuriya ma hay fulla ma biya katgiɗi. 30Nan ma digiɗsi goy vokgi ɗawn ŋali ŋali, ta-ta nigi ma biya ŋol tuwa, ta-ta nigi sli yam-nagat kaf tuwa.
31Nagata vigiya nan ma sla' vuna'ay hay niy-lum ma slawn pa ta-ta hay niy-lumna vi sa Filistina, tun caw ay hay fulda pa ta-ta hay niy-lumna, kay sum sa hay nagatna nan min vulsi hay ɓigiya, nigi ma digiɗsi vokgiya. 32Nigi ma jun bonot hiɗi nisi noŋɗi, hiɗi lawayna visiɗi kaw. 33Nisi ma lak hiɗi nigi dar noŋɗi, kay la nisi ka jargiya, nisi ɗawn ma muɗgi li suluk katanu; nigi ɗawn kaw ma muɗ sun lawayna visiya, kayni ma muɗ mi va ma dabgi segiya may.
Currently Selected:
KAL-GOYTA 23: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
KAL-GOYTA 23
23
Sli-yam kulota vi sa maŋayna
1Nigi ma mer labar ma sin goyɗi, nigi ma gi dirgi kuɗ sa ma joona kay pi lawta kay sa'ɗi. 2Nigi ma gi dirgi kuɗ sum sa kisna kay li jootɗi; la vun kitata, nigi ma gi dirgi kuɗ sum sa kisna kay di law ma bay ɗigeraɗi. 3Sa ma hawna la kitat vumawa, nigi ma gut kuɗumɗi.
4La nigi fi putna lebo kurona vi sa ma gaw kigina viyi goyo, nigi ma naramta.
5La nigi fi kurona vi sa ma gawt kigina ɦuruki gaa kuɗ jak ma nekŋa, nigi ma jik goy galamɗi, nigi ma gutum kay sli jakŋ goy kay kurona.
6La lawta vi sa ma hawn ka ɗigere, nigi ma ɓulak kitat vokomɗi. 7Nigi ma gi dirgi kuɗ law ma sinnaɗi, sa ma tun ɓalam tam vaɗina hiɗi sa ma ɗigera nigi ma hinsi goy vun mittaɗi; kay sa ma li joota nan may vulum gidaɗi. 8Nigi ma vi va hay ɓam saɗi; kay sle ma vum hay ɓam sumuna duk ir sum sa irsi goy malina,#23:8 Ɗuw lawta kayni lo hay Gsm 27:25. nam ɓulak lawt vok sum sa ɗigera kaw.
9Nigi ma curoɗ sa ma pullaɗi, nigi kay tuwgi wi makka vi sa pulla, kay nigi ay goy pulu kaw hay nagata Egipte.
Gatta kay Sabatna
10Jar busat karkiya, nigi ma cuk jafn gaa kay nagata, nigi ma feɗem yalam kaw. 11Hay busata siɗiyata, nigi hina' goy bay zuma, hina' tun suku; sum sa hawna jar sa figina ma ti haya, faray ma sinen ma ti diram ma hinina may. Gulda-guldana hiɗi gu-olivena vigi kaw nigi ma lum ki kayn nala.
12Nigi ma li lopna vigi jar buur karkiya. May hay buurta siɗiyata nigi ma tun sukgiya, kay putna vigiya hiɗi kurona vigiya ma fi tun-sukka, kay goora vi gorvona vigiya hiɗi sa ma pulla fi tun-sukka.
13Nigi ma li kuɗ sle ma nan digitna kaf, nigi ma yi sem lawayn maraɗi kaw, hin sa hum sem lawayn mara'a hay vungi noŋɗi.
14Nigi ma li yuldeta sem ɦidi hay busata kay suburan semda vanu. 15Nigi ma li yuldeta vi fun-bay-kufna ir buur siɗiya, hay liyn ma coliya hay tilla vi feɗna, nigi ma ti fun-bay-kufna, ki nan vulgi hagat nala, kay nigi kalay goy hay Egipte kayni hay til namna zawni; nala sa as co vokanu hiɗi ɓalam goy ɦawa noŋɗi.
16Nigi ma li yuldeta vi feɗna, vi vun-jaf ma niy jewna vi wana vigi kaw, kuɗ sle ma nigi cukum gaa hay sinena; nigi ma li yuldeta vi feɗna hay vatta vi busat kaf, hay li ma nigi feɗ wan ma nigi zumum hay sinenawa, nigi ma li yuldeta.
17Hay busat kaf kayni, sum sa jufayna ma co vok Bum-Sumuna Ma-Vatɗina sem ɦidi.
18Faray ma nigi ŋatam goy ɗifin tanu, nigi ma lum busuwam ɗifin kuɗ tuwam hiɗi fun ma-kufnaɗi, mul-sliwna valamu nigi ma ŋomom kulo ta-ta kay jifintaɗi. 19Vun-jaf ma niyi jewna vi slen ma nigi zumumna, nigi ma maram hay ziyna vi Ma-Vatɗina, Lawna vigiya. Nigi ma zal ɦuna hiɗi miir sulumɗi.#23:19 Zal ɦuna hiɗi miir sulumu kayn mi ɗifin ma sum sa Kanaaniyan ka li'e. Ɗuw Gsm 14:21.
20Humgiya, nan gi sunda-wuralawn vokgiya, kay nam ma ŋomgi hay hagata, kay nam ma nargi hay liyn ma nan kotomna. 21Nigi ma ŋom tuwgi kalam ŋaa'a, humgi kuɗumu; nigi ma ŋelem vunam noŋɗi; kay la naɗina nam ma vulgi gida kay sulukŋa vigi noŋɗi, kay nam zawn mi nan kay tuwanu. 22May la nigi humum delemu, la nigi li kuɗ sle ma nan digit kafna, nan ma lin mi sa ma gaw hiɗi sum sa gaw kigina, nan ma lin mi sa ma dur sum sa durgina kaw. 23Sunda-wuralawna vanu ma tun vokgiya, nam ma nargi hay nagata vi sa Amoriyana, sa Hetiyena, sa Feresiyena, sa Kanaaniyana, sa Heviyena, sa Yebusiyena, nala nan ma vatsi goy kafe.
24Nigi ma girif gaa'a vok lawayna visiɗi, nigi ma sun lawayna visi noŋɗi, sum nisina nigi ma sli kuɗsiya hay poyta visi noŋɗi, may nigi ma vatsi goyo, lawayna ma nisi inimna nigi ma tom goyo. 25Nigi ma sunan nan Ma-Vatɗina Lawna vigiya, nala nan ma gi bol kay fun ma nigi tumna hiɗi niyn ma nigi cumna, nan ma digiɗ moyn goy gine hiɗi nigiya. 26Nala ca muɗ suroɓ goyɗi, ca muɗ getayɗi kaw, nan ma hob vun buura vigi ma hay nagatna kulo'o kaw.
27Nan ma gi narta-ŋolda van vokgiya, sum sa nigi coowa hay nagata visi kafna nan ma munsi vokgi jaŋi, sum sa gaw kigina kaf nan ma muɗsi ŋorsi kirgiya. 28Nan ma gi ŋofora vokgiya, nam ma digiɗ sum sa Heviyena, sa Kanaaniyana, hiɗi sa Hetiyena kaf vokgiya. 29Nan ma digiɗsi vokgi ɗawni ir busat kep ɦawaɗi, kay a nagat ma muɗ goy ful ɦawa'a a muuriya ma hay fulla ma biya katgiɗi. 30Nan ma digiɗsi goy vokgi ɗawn ŋali ŋali, ta-ta nigi ma biya ŋol tuwa, ta-ta nigi sli yam-nagat kaf tuwa.
31Nagata vigiya nan ma sla' vuna'ay hay niy-lum ma slawn pa ta-ta hay niy-lumna vi sa Filistina, tun caw ay hay fulda pa ta-ta hay niy-lumna, kay sum sa hay nagatna nan min vulsi hay ɓigiya, nigi ma digiɗsi vokgiya. 32Nigi ma jun bonot hiɗi nisi noŋɗi, hiɗi lawayna visiɗi kaw. 33Nisi ma lak hiɗi nigi dar noŋɗi, kay la nisi ka jargiya, nisi ɗawn ma muɗgi li suluk katanu; nigi ɗawn kaw ma muɗ sun lawayna visiya, kayni ma muɗ mi va ma dabgi segiya may.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001