KAL-GOYTA 22

1La sa ma kulla co ir ziynawa kay kalay vo'o kay kula, may la san fumawa cumawa mati, joota valam may tun kay sa loɗi; 2may la san cum kayn fatta ka dayay kulo'o, joot ma tun kay sa ma cumna. Sa ma kulla ma wurak va ma nam kulumna goyo, la va valam mayɗi, gusum goyo kuɗ kulda valamu; 3la va ma nam kulumna ka hay ɓalam iri tuwa, la mi putu, la mi kuro'o, la mi goor ɦu-dimiya kaw, nam as hotom goyo, vul mara kuɗum kep kaw.

4La san ka kuɗ luwayna may nam hin luwayn cuk kulo sine'e, la nam ɓulak wana lebo gulda-guldana, wana valamu hiɗi gulda-guldana valamu ma liy ŋaana nam as wurakam goy baŋalamu.

5La kut doowa, na' capawa tam zigiyna, la na' cap zak alkamarena ma juni yam tuwamna lebo ma kulo kay selemna, lebo sinen cap ŋala, sa ma do kut na'ta ma wurak sle ma ɓulakayn goyo. 6La san vul gurjuta lebo slen mara'a hay ɓam niramna kay ŋomomta, la sa mara coowa kul sle namnawa, sa ma kulla la diram patawa goyo, nam as wurak sle namna goy sem ma'. 7La sa ma kulla diram may pat goyɗi, sa ma ŋom slena as col vok Lawna, nam ma di goy haraŋ ala slena vi sugolomna may kulum mi namɗi.

8Law ma slewayn kaf kayni, la kuɗ putu, la kuɗ kuro'o, la kuɗ goor ɦu-dimiya, la kuɗ sligari, lebo va mara ma ba goyo kaf, la sa hen ka tun targay kalamu ala valamu, sum sa ma'n lakŋi narsi ta-ta vok Lawna; sa ma Lawn ka kitatawa kalamuna ma wurak goy mi hen sem ma'.

9La san vul kurona valam gol mi sa mara'a, lebo putu, lebo goor ɦu-dimiya, lebo mi faray mige kaw, la va namna mita, lebo selem kep kusa, lebo sa kulumu bay ir sa mara wi'e, 10mul vana hiɗi sa ma golda as halaf tuwsi vok Lawna, sa ma golda as di goy ala nam may ŋay vana vi sugolomna goyɗi; mul vana as vi kuɗ halafna vi sa ma golda, sa ma golda as wurak loɗi. 11May la putn kuli kayn vo hay ziyna valamu, nam as a wurak put namna goy mi mulamna. 12La putna mutum mi muura, nam ma maram bakam kir sumuna, kay va ma muur mutum goyna nam as wurakam goyɗi.

13La san deŋ put kay sa mara'a, may la put namna selem kusawa lebo cap mita, la mulamna iram may wi put namnaɗi, sa ma deŋ put namna as vul mara goy baŋalamu. 14La mul putna ka hiɗi iram zawi, nam as a wurakam putn goy loɗi. May la nam deŋ putn deŋiya nam ma wurakam mi gurju ma nam deŋemna tuta.

15La san ɗut goot-cata ta bay gaɓ kay sa tuwatawa, la nam burawa hiɗi na'a, nam ma ɗuma'a, sla' ca'a. 16La bu' min a vulumtiɗi, nam ma wurak gurjuta ŋray ca ki faray ma ɗum goot-cat nala.

17Sum sa li liskinna naŋ ma hinsi lak iri noŋɗi.

18Gigekaw ma burawa hiɗi va ma faraya kitata valam ti cita-goyta.

19Sa ma li ɗifin tam lawayn ma waana, may tam Ma-Vatɗin kepɗina, ma vatam jafam goyo.

20Naŋ ma las sa ma pullaɗi, naŋ ma curoɗomɗi; kay nigi kaw ay pulu hay nagat Egipte.

21Naŋ ma vul yorta mi cata-duhultaɗi, mi sa ma kuyunɗi kaw. 22La naŋ muɗsiyawa yora, may nisi coowa tiy tanu ni, nan ma hum tiyta visiya; 23nan ma muɗ ɦiy ŋolo, nan ma ɓulakgi goyo hiɗi kew-gaferaŋa; boyna vigi ma hin goy duhulu, gurona vigi ma hin goy kuyu'u kaw.

24La naŋ ni gurjuta mi sumuna vanu, mi sa ma hawna ma ka musi hiɗi naŋu, naŋ ma gar kay nam hotaŋgi goy hiɗi niya'ɗi. 25La nigi deŋ sligara vi sugolginawa, nigi ma hotomti goyo jew a fatta ɗik gaa'a; 26kay kayni mi borgona valam ma kepna, mi sligara valamu ma nam kusuɓ tuwam hiɗi namna: Nam bur ɗawn hay mige? La nam tiyawa tanu, nan ɗawn ma humumu, kay nanu mi sa ma wi haw sumuna.

27Nigi ma law joo kat Lawnɗi, nigi ma law joo kat yerimana vi nagata vigiɗi.

28Nigi ma vi yigiɗi kay vul tanu vun-jaf ma niy jewna vi wana hiɗi gulda-guldana vigiya, gurona vigi sa vuɗi jewna nigi ma vulsi goy ir manu 29luwayna hiɗi fukunayna vigi ma vuɗi jewn kaw, nigi ma vulum ir manu, nam ma lak buur siɗiya hiɗi sumiyamu, hay buurta glafandita, nigi ma vulum goy tanu.

30Nigi ma li dok-dok si sum sa peldete vok iranu, nigi ma mut sliw faray ma muuriyan jetem goy hay fuldaɗi: Nigi ma cukum goy mi durnayna.

Currently Selected:

KAL-GOYTA 22: Massana

Highlight

Copy

Compare