2 SAMUEL 13
13
Amnon goora vi David cuk tuwam yawi
1Bugol kayni, law mara li lo. Absalom goora vi David ɓasulum tara ka kepe na' jifiy ŋolo, ya' ala Tamar. Amnon goora vi David mina'a. 2Amnon muɗ loyo, ta-ta nam li tuwam moyo kuɗ goor-bulumta Tamar, kay na' ka hay wayata-pasiyakka,#13:2 Wayata-pasiyakka Ɗuw cawam ma diy goyna hay Skk 11:37. lop ŋolo kay Amnon a nam fa' hagata va'a. 3Amnon banamna ka kep yum Yonadab, goora vi Simeya ɓasum Davidna. Yonadab kayni nam yal ŋolo. 4Yonadab di tam Amnon: Naŋu mi goora vi mulla, may graw culumta kaf nan ɗuwaŋ kayni, naŋ ka ŋok vokaŋ lo lo kayn kay mige? Naŋ may danɗi su? Amnon hotom dita: Tamar ɓasum Absalomta nan mina'a. 5Yonadab dumu: Buraŋ gaa kay gilikŋa vaŋu, laŋ tuwaŋ moyo, hay li ma buŋ coyawa ɗuwaŋu, naŋ ma dum ala: Vulaŋ hagata tam goor-bunta Tamar kay na' ma co vulan va ma ti'e; na' ma kot va ma tin vok iranu, kay nan ma wumu, yawam hay ɓa'a kay tumu kay. 6Amnon bur gaa'a, nam li tuwam moyo. Mulla co kay ɗuwumu. Nala Amnon di tam mulla: Naŋ ma di tam goor-bunta Tamar kay na' ma co'o, kay kot hambulla ma' vok iranu, kay nan ma yawam hay ɓa'a kay tumu. 7Tamar ka musi kalaf hay ziyna, David gi sunda ta' ala na' ma tuɗ hay ziyna vi goor-bu'na Amnon kay kotom va ma ti'e. 8Tamar kalay hay ziyna vi goor-bu'na Amnon, nam ka buri gaa'a. Na' yaw futuwna, hiliɓimu, kot hambulla vok iramu, na' zalamu; 9bugol kayni na' sli ŋalayta, na' kom gaa vok iramu. May Amnon min tiɗi. Nam di'e: Gigi ir sumun kaf goy jiya, sum sa kalaf valamna kaf cuki goy jiya. 10Bugol kayni Amnon di tam Tamar: Narag tinay kalaf hay ziyda buurta, kay nan min tum hay ɓagu. Tamar yaw hambul ma na' kotomna, tuɗum mi goor-bu'na Amnon hay ziyda buura. 11Hay li ma na' ka vulumta kay ti'e, nam bowa'a di'e: Nagaya, burag hiɗi nanu, goor-bunta. 12Na' hot dumu: A'a, goor-bunna, muɗan zuloɗi, kay sa as li slen ki kayn nala hay Israyel noŋɗi, naŋ li law ma yawn kaynɗi. 13Nanu hiɗi zulota vanu, nan ma tuɗ ɗawn arige? naŋ kaw, naŋ ma hin ɗawni ki sa ma yawi nala hay Israyel. Wulin kayn nan siɗawaŋu, jobaŋ tam mulla, a nan muɗ goy ir vaŋu kayn nam as telaŋɗi. 14May nam min huma' noŋɗi; nam la' hiɗi dono'o bur hiɗi na'a. 15Bugol kayni na' muɗ kir Amnon bis ŋolo suw min ma nam mina' jewna. Nam di ta'a: Fokag kulo'o, kalagu! 16Na' hotom dita: Joota ta naŋ la' tanta naŋ min jora' voko hay li ma naŋ min digiɗan goyo kayn may asɗi. 17Nam min huma'ɗi, nam yi goor ma sunumna, dum ala; cat waŋŋi digiɗaŋgi goy gine hiɗi nanu, tunaŋgi ira' goy jiya. Bugolda naŋ duk vunni kulo'o. 18Sligara va' tuwam jariya; kay guro-boyna vi muliyana ay cukum kayn mi sligar ma naana hay li ma nisi bay bur tam sa tuwa. Sa ma sunda vi Amnon digiɗa' goy jiya, nam duk vunni kulo bugola'a. 19Tamar yak butuw-kun kulo ka'a, jet sligara va' ma jifin goyo, na' cuk ba' ka'a, na' kalay hiɗi ciriyna. 20Ɓasu'na Absalom joba'a: Amnon bur hiɗi nak su? Wulin kayni ɓasunta, bag vunagu, kay nam mi ɓasukŋa, kay nam mi goor-bugŋa, nala Lawt kayn nak va' hay dikagɗi. Tamar liyn viy kira'a, na' mus ma' vo hay ziyna vi ɓasu'na Absalom.
21Hay li ma mulla David hum slen kayni kafe, dikam ɓulak ŋolo. 22Absalom min di va ma ŋaa'a lebo jooɗi kaw kay Amnon; may nam vum hayamu, kay nam ɓulakam ɓasulumta Tamar.
Absalom ci Amnon goyo, nam cap pira
23Busat ma' bugolda, Absalom vul yita tam gurona vi mulla kaf, kay sum sa ka ɗuŋus fok-dimina valam ka ɗawni hay Baal-Hatserot, goboy hiɗi Efrayim. 24Nam tuɗ tam mulla dum ala: Humaŋu, nan ka ka ɗuŋus fok-dimina vanu; naŋ hiɗi sa sunda vaŋu ma tapgiyay kuɗanu. 25Nala mulla di tam Absalom: A'a, goora vanu, numa as tuɗis kafɗi, kay la naɗi numa ma caŋ neke. Absalom so tuwam talamu, may mulla min tuɗ noŋɗi. Nam gum bolo may. 26Absalom di'e: La naŋ asɗi kaw, vulaŋ hagat tam goor-bunna Amnon kay nam ma tuɗis hiɗi numa'a. Mulla hotom dita: Nam as tuɗis kuɗaŋ ɗawn tuɗ tige? 27Hay li ma Absalom so tuwam talamu, mulla hin hagata tam Absalom hiɗi gurona valam kaf kay tuɗ kuɗumu.
28Absalom ka di tam sa sunda valam ala: Ligi ŋali, hay li ma dolayn tun cawawa li Amnon, la nan digiyawa ala: Calgi Amnon; nigi ma cum goyo, ligi narɗi, kay vulgi hagat kayn mi nanu, ligi dono'o, ligi tuwgi kursuliya. 29Sa sunda vi Absalom li Amnon ki Absalom vulsi hagat nala, nala gurona vi mulla kaf yaway kulo'o, gigekaw ɓe kay kulumna valamu valamu, nisi muni jaŋi may. 30Hay li ma nisi ay hay hagat tuwa, labara co tam David ala Absalom ci gurona valamawa goy kafe, mara kep kaw may hiniɗi. 31Nala mulla fokay kulo'o, nam jet sligara valam goyo, nam bur gaa kay nagata, sa sunda valam sa talamna kaf jet sligara visi goyo. 32Yonadab goora vi Simeya ɓasum Davidna sli ditiya di'e: Mulla vanu, naŋ ma var ala gurona vaŋ sa joriyon kayni miti goy kafeɗi. Miti kayn mi Amnon kepe, kayni mi va ma Absalom varam hay dikam jewe, kayni hay buur ma Amnon ɓulak basulumta Tamar pa. 33Mulla, naŋ ma ɓulak varta vaŋu hiɗi ta ala gurona vaŋ kaf mitiyatɗi, kay miti kayn mi Amnon kepe.
34Absalom pir jaŋi. Goor-joriyo ma coli li ŋomda poŋ iram kulo na kayni, sumun ŋolo ka tuɗay hay hagat ta bugolomta, hay galla vi hiɗiyn pa. 35Yonadab di tam mulla: Gurona vaŋ ka tuɗay zaw, dita ta nan daŋgita laawa hay liya'a. 36Hay li ma vunam ma din vat kayni, gurona vi mulla co may. Nisi mun tiyn bijir'. Mulla hiɗi sa sunda valam kaw cuk zimiy goy ŋol lay. 37Nala kayni Absalom piriya, nam kalay hay ziyna vi Talmay goora vi Ammihur, mulla vi Gesur. David ka tiy hay buurta kaf kay goora valamu.
38Absalom mus hay Gesur ir busat hiɗi bugol nam pir ɗawn pirna. 39Mulla David hin gar ma nam ka gar Absalomna, kay iram teŋi teŋe kay mitta vi goora valam Amnon.
Currently Selected:
2 SAMUEL 13: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
2 SAMUEL 13
13
Amnon goora vi David cuk tuwam yawi
1Bugol kayni, law mara li lo. Absalom goora vi David ɓasulum tara ka kepe na' jifiy ŋolo, ya' ala Tamar. Amnon goora vi David mina'a. 2Amnon muɗ loyo, ta-ta nam li tuwam moyo kuɗ goor-bulumta Tamar, kay na' ka hay wayata-pasiyakka,#13:2 Wayata-pasiyakka Ɗuw cawam ma diy goyna hay Skk 11:37. lop ŋolo kay Amnon a nam fa' hagata va'a. 3Amnon banamna ka kep yum Yonadab, goora vi Simeya ɓasum Davidna. Yonadab kayni nam yal ŋolo. 4Yonadab di tam Amnon: Naŋu mi goora vi mulla, may graw culumta kaf nan ɗuwaŋ kayni, naŋ ka ŋok vokaŋ lo lo kayn kay mige? Naŋ may danɗi su? Amnon hotom dita: Tamar ɓasum Absalomta nan mina'a. 5Yonadab dumu: Buraŋ gaa kay gilikŋa vaŋu, laŋ tuwaŋ moyo, hay li ma buŋ coyawa ɗuwaŋu, naŋ ma dum ala: Vulaŋ hagata tam goor-bunta Tamar kay na' ma co vulan va ma ti'e; na' ma kot va ma tin vok iranu, kay nan ma wumu, yawam hay ɓa'a kay tumu kay. 6Amnon bur gaa'a, nam li tuwam moyo. Mulla co kay ɗuwumu. Nala Amnon di tam mulla: Naŋ ma di tam goor-bunta Tamar kay na' ma co'o, kay kot hambulla ma' vok iranu, kay nan ma yawam hay ɓa'a kay tumu. 7Tamar ka musi kalaf hay ziyna, David gi sunda ta' ala na' ma tuɗ hay ziyna vi goor-bu'na Amnon kay kotom va ma ti'e. 8Tamar kalay hay ziyna vi goor-bu'na Amnon, nam ka buri gaa'a. Na' yaw futuwna, hiliɓimu, kot hambulla vok iramu, na' zalamu; 9bugol kayni na' sli ŋalayta, na' kom gaa vok iramu. May Amnon min tiɗi. Nam di'e: Gigi ir sumun kaf goy jiya, sum sa kalaf valamna kaf cuki goy jiya. 10Bugol kayni Amnon di tam Tamar: Narag tinay kalaf hay ziyda buurta, kay nan min tum hay ɓagu. Tamar yaw hambul ma na' kotomna, tuɗum mi goor-bu'na Amnon hay ziyda buura. 11Hay li ma na' ka vulumta kay ti'e, nam bowa'a di'e: Nagaya, burag hiɗi nanu, goor-bunta. 12Na' hot dumu: A'a, goor-bunna, muɗan zuloɗi, kay sa as li slen ki kayn nala hay Israyel noŋɗi, naŋ li law ma yawn kaynɗi. 13Nanu hiɗi zulota vanu, nan ma tuɗ ɗawn arige? naŋ kaw, naŋ ma hin ɗawni ki sa ma yawi nala hay Israyel. Wulin kayn nan siɗawaŋu, jobaŋ tam mulla, a nan muɗ goy ir vaŋu kayn nam as telaŋɗi. 14May nam min huma' noŋɗi; nam la' hiɗi dono'o bur hiɗi na'a. 15Bugol kayni na' muɗ kir Amnon bis ŋolo suw min ma nam mina' jewna. Nam di ta'a: Fokag kulo'o, kalagu! 16Na' hotom dita: Joota ta naŋ la' tanta naŋ min jora' voko hay li ma naŋ min digiɗan goyo kayn may asɗi. 17Nam min huma'ɗi, nam yi goor ma sunumna, dum ala; cat waŋŋi digiɗaŋgi goy gine hiɗi nanu, tunaŋgi ira' goy jiya. Bugolda naŋ duk vunni kulo'o. 18Sligara va' tuwam jariya; kay guro-boyna vi muliyana ay cukum kayn mi sligar ma naana hay li ma nisi bay bur tam sa tuwa. Sa ma sunda vi Amnon digiɗa' goy jiya, nam duk vunni kulo bugola'a. 19Tamar yak butuw-kun kulo ka'a, jet sligara va' ma jifin goyo, na' cuk ba' ka'a, na' kalay hiɗi ciriyna. 20Ɓasu'na Absalom joba'a: Amnon bur hiɗi nak su? Wulin kayni ɓasunta, bag vunagu, kay nam mi ɓasukŋa, kay nam mi goor-bugŋa, nala Lawt kayn nak va' hay dikagɗi. Tamar liyn viy kira'a, na' mus ma' vo hay ziyna vi ɓasu'na Absalom.
21Hay li ma mulla David hum slen kayni kafe, dikam ɓulak ŋolo. 22Absalom min di va ma ŋaa'a lebo jooɗi kaw kay Amnon; may nam vum hayamu, kay nam ɓulakam ɓasulumta Tamar.
Absalom ci Amnon goyo, nam cap pira
23Busat ma' bugolda, Absalom vul yita tam gurona vi mulla kaf, kay sum sa ka ɗuŋus fok-dimina valam ka ɗawni hay Baal-Hatserot, goboy hiɗi Efrayim. 24Nam tuɗ tam mulla dum ala: Humaŋu, nan ka ka ɗuŋus fok-dimina vanu; naŋ hiɗi sa sunda vaŋu ma tapgiyay kuɗanu. 25Nala mulla di tam Absalom: A'a, goora vanu, numa as tuɗis kafɗi, kay la naɗi numa ma caŋ neke. Absalom so tuwam talamu, may mulla min tuɗ noŋɗi. Nam gum bolo may. 26Absalom di'e: La naŋ asɗi kaw, vulaŋ hagat tam goor-bunna Amnon kay nam ma tuɗis hiɗi numa'a. Mulla hotom dita: Nam as tuɗis kuɗaŋ ɗawn tuɗ tige? 27Hay li ma Absalom so tuwam talamu, mulla hin hagata tam Absalom hiɗi gurona valam kaf kay tuɗ kuɗumu.
28Absalom ka di tam sa sunda valam ala: Ligi ŋali, hay li ma dolayn tun cawawa li Amnon, la nan digiyawa ala: Calgi Amnon; nigi ma cum goyo, ligi narɗi, kay vulgi hagat kayn mi nanu, ligi dono'o, ligi tuwgi kursuliya. 29Sa sunda vi Absalom li Amnon ki Absalom vulsi hagat nala, nala gurona vi mulla kaf yaway kulo'o, gigekaw ɓe kay kulumna valamu valamu, nisi muni jaŋi may. 30Hay li ma nisi ay hay hagat tuwa, labara co tam David ala Absalom ci gurona valamawa goy kafe, mara kep kaw may hiniɗi. 31Nala mulla fokay kulo'o, nam jet sligara valam goyo, nam bur gaa kay nagata, sa sunda valam sa talamna kaf jet sligara visi goyo. 32Yonadab goora vi Simeya ɓasum Davidna sli ditiya di'e: Mulla vanu, naŋ ma var ala gurona vaŋ sa joriyon kayni miti goy kafeɗi. Miti kayn mi Amnon kepe, kayni mi va ma Absalom varam hay dikam jewe, kayni hay buur ma Amnon ɓulak basulumta Tamar pa. 33Mulla, naŋ ma ɓulak varta vaŋu hiɗi ta ala gurona vaŋ kaf mitiyatɗi, kay miti kayn mi Amnon kepe.
34Absalom pir jaŋi. Goor-joriyo ma coli li ŋomda poŋ iram kulo na kayni, sumun ŋolo ka tuɗay hay hagat ta bugolomta, hay galla vi hiɗiyn pa. 35Yonadab di tam mulla: Gurona vaŋ ka tuɗay zaw, dita ta nan daŋgita laawa hay liya'a. 36Hay li ma vunam ma din vat kayni, gurona vi mulla co may. Nisi mun tiyn bijir'. Mulla hiɗi sa sunda valam kaw cuk zimiy goy ŋol lay. 37Nala kayni Absalom piriya, nam kalay hay ziyna vi Talmay goora vi Ammihur, mulla vi Gesur. David ka tiy hay buurta kaf kay goora valamu.
38Absalom mus hay Gesur ir busat hiɗi bugol nam pir ɗawn pirna. 39Mulla David hin gar ma nam ka gar Absalomna, kay iram teŋi teŋe kay mitta vi goora valam Amnon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001