2 SAMUEL 1
1
DAVID TI MULDA
David ka tiy kay Sawul hiɗi Yonatan
1Hay li ma Sawul mit kayni, David ay hoti vo hay Siklag ir buur ma', bugol nam ci sa Amalekŋa ay cina. 2Hay buurta ɦidita, san kep may goy hay kaŋŋa vi sa fi Sawul pa, sligara valam goy jeti jet, butuwn koy kalam ko may. Hay li ma nam co vok ir David, nam gi tuwam gaa kay nagata, dab vokom gaa'a. 3David dumu: Naŋ may arige pa? Nam hot dita: Nan piray goy hay vokŋa vi Israyella pa. 4David dumu: Va ma li'e mi mige? Naŋ danay tuwa. Nam hot dita: Sum sa Israyella muni jaŋi vun duura, sumun ŋolo yak gaa'a, fi mitta kaw, Sawul hiɗi goora valam Yonatan kaw mitiya. 5David di tam goor-joriyo ma maram labara ala: Naŋ wi ala Sawul hiɗi goora valam Yonatan mitiya kayn witige? 6Goor ma joriyona ma maram labara ka dum ala: Nan ka coli man kulo kay hiɗiyt Gilbowa zaw, nan ɗuw kayni, Sawul ka deŋ tuwam tam kawayta valamu, ɗuw na kayni, keke-ma-duura hiɗi sa ɓey kay kulumayna goboy co talamu. 7Nam muɗ iram kayni, nam wanu, nam ka yanu. Nan ala nanis zawni. 8Nam ka di tan ala naŋ naŋ mi sa marige? Nan hotom dit ala nan mi sa ma Amalekŋa. 9Nala nam dan ala: Naŋaya, can goy mati, kay nan ka iri man zaw may, iran ka tuwuranu. 10Nan ma talamu, nan cum goy mati, kay nan wi ŋaa'a ŋolo ala nam ma mus iri loɗi. Nan pat bogoray ta kalamta goyo, hiɗi way ta ɓalamta, nan maraŋgi yawni.
11David vi sligara valamu, jetem goyo, sum sa talamna kaf li ki kayn nala kaw. 12Nisi tun caw ti do'olla, tiya, li laata kaw ta-ta goy vulatita, kuɗ Sawul hiɗi goora valam Yonatan hiɗi sumuna vi Lawn kaf, hiɗi jafna vi Israyel kaf, kay ci ma sumun cisi hiɗi kew-gaferaŋa.
13David di tam goor-joriyo ma maram labara: Naŋ sa ma gal arige? Nam hot dita: Nan mi goora vi sa ma pulu, sa ma Amalekŋa. 14David dumu: Naŋ may li nar noŋɗi kay ci sana vi Lawn ma mul ɦoki kalamna kayn kay mige? 15David yi sa kep jar sumuna valamu dumu: Naŋaya, cum goyo, san cal sa ma Amalekŋa, cum goyo. 16David dumu: Busuwaŋ hot kaŋu, kay vunaŋ li di-goytawa kaŋu, kay naŋ di ala: Sana vi Ma-Vatɗin ma mul ɦoki kalamna naŋ cum goyo.
17Kayni mi nulla vi tiyna ma David gum kay Sawul hiɗi goora valam Yonatan; 18nam vul hagat kaw kay hat nul namna mi gurona vi Yuda, kayni mi nulla vi ɓarawta, nam ka ɗoy hay ɗerwella vi sa ma ɗigera.
19Sum sa manjufna hay Israyel mitawa kulo'o kay liyn ma ɗiŋiriŋŋa.
Sum sa wi duur mit kayn mittige?
20Nigi ma vi labar kayni hay Gat loɗi,
vulgi labar kayni hay hoyok-ziyna vi Askalon noŋɗi,
kay guro-boyna Filistin ma li firi noŋɗi,
kay guro-boyna vi sum sa bay ka-gosayna ma ciriy noŋɗi.
21Hiɗiyt Gilbowa, maɗayn ma gi kag noŋɗige,
niy ma si kag noŋɗige,
sine ma vul vun-jaf ma jewna kay li ɗifinɗi kaw,
kay ɗawni marayta vi sum sa donon yakay goyo,
marayta vi Sawul, mul ma set tisina vatawa yo.
22Vok busuwna vi sum sa tuwsi ka goy mili,
vok mul ma tam sum sa dono ŋolla,
ɓarawta vi Yonatan may hot goy bugola' noŋɗi,
kew-gaferaŋa vi Sawul may hot goy bugolom ɦawaɗi.
23Sawul hiɗi Yonatan,
minda-ŋolda jarsiya hay buur irita visiya,
ta-ta vun mitta visi kaw jarsi may ja goyɗi,
nisi ay koloy ŋolo suw bakŋa,
nisi ay dono ŋolo suw zlona.
24Guro-boyna vi Israyel, tiygi kay Sawul,
nam ma ay gangi ŋaa'a hiɗi sligar ma slawna,
ma ka ci ganna ma ora tam sligara vigiya.
25Sum sa donon cuk gaa vun duur kayn cuktige?
Yonatan puk gaa kay hiɗiyt kayn puktige?
26Nan ka hay tiyta kuɗaŋ naŋu, Yonatan ɓasunna.
Naŋ ay sleɗan hayan ŋolo.
Minda vaŋ ta naŋ minanta na' may ŋraɗi,
na' suw minda vi cata.
27Sum sa donon cuk gaa kayn cuktige?
Sle-ma-duura visi ba goy kayn batige?
Currently Selected:
2 SAMUEL 1: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
2 SAMUEL 1
1
DAVID TI MULDA
David ka tiy kay Sawul hiɗi Yonatan
1Hay li ma Sawul mit kayni, David ay hoti vo hay Siklag ir buur ma', bugol nam ci sa Amalekŋa ay cina. 2Hay buurta ɦidita, san kep may goy hay kaŋŋa vi sa fi Sawul pa, sligara valam goy jeti jet, butuwn koy kalam ko may. Hay li ma nam co vok ir David, nam gi tuwam gaa kay nagata, dab vokom gaa'a. 3David dumu: Naŋ may arige pa? Nam hot dita: Nan piray goy hay vokŋa vi Israyella pa. 4David dumu: Va ma li'e mi mige? Naŋ danay tuwa. Nam hot dita: Sum sa Israyella muni jaŋi vun duura, sumun ŋolo yak gaa'a, fi mitta kaw, Sawul hiɗi goora valam Yonatan kaw mitiya. 5David di tam goor-joriyo ma maram labara ala: Naŋ wi ala Sawul hiɗi goora valam Yonatan mitiya kayn witige? 6Goor ma joriyona ma maram labara ka dum ala: Nan ka coli man kulo kay hiɗiyt Gilbowa zaw, nan ɗuw kayni, Sawul ka deŋ tuwam tam kawayta valamu, ɗuw na kayni, keke-ma-duura hiɗi sa ɓey kay kulumayna goboy co talamu. 7Nam muɗ iram kayni, nam wanu, nam ka yanu. Nan ala nanis zawni. 8Nam ka di tan ala naŋ naŋ mi sa marige? Nan hotom dit ala nan mi sa ma Amalekŋa. 9Nala nam dan ala: Naŋaya, can goy mati, kay nan ka iri man zaw may, iran ka tuwuranu. 10Nan ma talamu, nan cum goy mati, kay nan wi ŋaa'a ŋolo ala nam ma mus iri loɗi. Nan pat bogoray ta kalamta goyo, hiɗi way ta ɓalamta, nan maraŋgi yawni.
11David vi sligara valamu, jetem goyo, sum sa talamna kaf li ki kayn nala kaw. 12Nisi tun caw ti do'olla, tiya, li laata kaw ta-ta goy vulatita, kuɗ Sawul hiɗi goora valam Yonatan hiɗi sumuna vi Lawn kaf, hiɗi jafna vi Israyel kaf, kay ci ma sumun cisi hiɗi kew-gaferaŋa.
13David di tam goor-joriyo ma maram labara: Naŋ sa ma gal arige? Nam hot dita: Nan mi goora vi sa ma pulu, sa ma Amalekŋa. 14David dumu: Naŋ may li nar noŋɗi kay ci sana vi Lawn ma mul ɦoki kalamna kayn kay mige? 15David yi sa kep jar sumuna valamu dumu: Naŋaya, cum goyo, san cal sa ma Amalekŋa, cum goyo. 16David dumu: Busuwaŋ hot kaŋu, kay vunaŋ li di-goytawa kaŋu, kay naŋ di ala: Sana vi Ma-Vatɗin ma mul ɦoki kalamna naŋ cum goyo.
17Kayni mi nulla vi tiyna ma David gum kay Sawul hiɗi goora valam Yonatan; 18nam vul hagat kaw kay hat nul namna mi gurona vi Yuda, kayni mi nulla vi ɓarawta, nam ka ɗoy hay ɗerwella vi sa ma ɗigera.
19Sum sa manjufna hay Israyel mitawa kulo'o kay liyn ma ɗiŋiriŋŋa.
Sum sa wi duur mit kayn mittige?
20Nigi ma vi labar kayni hay Gat loɗi,
vulgi labar kayni hay hoyok-ziyna vi Askalon noŋɗi,
kay guro-boyna Filistin ma li firi noŋɗi,
kay guro-boyna vi sum sa bay ka-gosayna ma ciriy noŋɗi.
21Hiɗiyt Gilbowa, maɗayn ma gi kag noŋɗige,
niy ma si kag noŋɗige,
sine ma vul vun-jaf ma jewna kay li ɗifinɗi kaw,
kay ɗawni marayta vi sum sa donon yakay goyo,
marayta vi Sawul, mul ma set tisina vatawa yo.
22Vok busuwna vi sum sa tuwsi ka goy mili,
vok mul ma tam sum sa dono ŋolla,
ɓarawta vi Yonatan may hot goy bugola' noŋɗi,
kew-gaferaŋa vi Sawul may hot goy bugolom ɦawaɗi.
23Sawul hiɗi Yonatan,
minda-ŋolda jarsiya hay buur irita visiya,
ta-ta vun mitta visi kaw jarsi may ja goyɗi,
nisi ay koloy ŋolo suw bakŋa,
nisi ay dono ŋolo suw zlona.
24Guro-boyna vi Israyel, tiygi kay Sawul,
nam ma ay gangi ŋaa'a hiɗi sligar ma slawna,
ma ka ci ganna ma ora tam sligara vigiya.
25Sum sa donon cuk gaa vun duur kayn cuktige?
Yonatan puk gaa kay hiɗiyt kayn puktige?
26Nan ka hay tiyta kuɗaŋ naŋu, Yonatan ɓasunna.
Naŋ ay sleɗan hayan ŋolo.
Minda vaŋ ta naŋ minanta na' may ŋraɗi,
na' suw minda vi cata.
27Sum sa donon cuk gaa kayn cuktige?
Sle-ma-duura visi ba goy kayn batige?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001