1 SAMUEL 3
3
Yita vi Samuel
1Goor ma joriyona Samuel ka sun Ma-Vatɗina vok Eli. Hay na'ta kayni, yoboyna vi Ma-Vatɗina may di tam sumun dok-dokɗi lay, Lawn may vul tuwam kir sa dok-dokɗi lay. 2Hay na'ta kayn kaw, Eli iram muɗi ɗuw turum-turum', ta-ta nam muɗ wi noŋɗi, kay na'ta nam ka buri gaa hay liyna valam waŋ'. 3Samuel ka buri kalaf hay Tempella vi Ma-Vatɗina, hay liyn ma arkena vi Ma-Vatɗin ka tuni hayna. Hay na'ta fitilla vi Ma-Vatɗin bay tew tuwa. 4Bugol kayni Ma-Vatɗin yi Samuel. Nam hot dit ala: Nanis zawni! 5Nam jaŋ kat Eli, ka dum ala: Nanis zawni, kay naŋ yanu. Eli hot dit ala: Nan may yaŋɗi, goora vanu, hotaŋ buraŋ gaa'a. Nam kalay bur gaa'a. 6Ma-Vatɗina hot yi Samuel mara lo. Samuel fokay kulo'o, kalay kat Eli, nam di'e: Nanis zawni, kay naŋ yanu. Eli hot dita: Nan may yaŋɗi, goora vanu, hotaŋ buraŋ gaa'a. 7Samuel may wi Lawn tuwaɗi, yoboyna vi Lawn bay ɗek tuwan kiram tuwa hay na'ta.
8Ma-Vatɗina yi Samuel mara lo hay sem ma ɦidina. Samuel fok kulo'o, kalay tam Eli, ka dum ala: Nan zawni, kay naŋ yanu. Nala Eli wi ala yi goor kayni mi Lawna, 9nala nam di tam Samuel: Tuɗaŋ buraŋ gaa'a; la naŋ hum yitawa mara lo, naŋ ma hot dit ala: Ma-Vatɗina, daŋiya, kay sa ma sunda vaŋ ka huma. Samuel hota, nam bur gaa hay liyna valamu.
10Ma-Vatɗin co'o, nam vul tuwamu, nam yi'e ki nam ka yi jew nala: Samuel, Samuel! Samuel hot dit ala: Daŋiya, kay sa ma sunda vaŋ ka jak humamu. 11Nala Ma-Vatɗin di tam Samuel: Humaŋu: Nan min li va mara jar sa Israyella, kay gigekaw ma hum va namna, humam ma ŋel goyo. 12Hay buur namna, sle ma nan dum tam ziyna vi Eli kafna nan ma hobom vunamu; nan ma tun caw hiɗi namu, ta-ta nan vatam goyo. 13Nan dum ala nan min ka kitat kay ziyna valamu kay dok-doko, kay gurona valam muɗ tuwsi liwisi hiɗi jiw-zlata, nam kay tuwamu wi lawt kayni hiɗi iramu, may nam min ka kitat kisiɗi. 14Kuɗ kayni nan yi va kanu ala jiw-zlata vi ziyna vi Eli as por noŋɗi, la lum mi ɗifini, la la' ti vulda kaw.
15Samuel hot bur gaa'a ta-ta goy grawta, bugol kayni nam mal vun-ziyna vi Ma-Vatɗin goyo. Tuwam nari kay vi labara kay sle ma vul tuwam kiramna tam Eli. 16May Eli yi Samuel, dum ala: Samuel goora vanu! Samuel hot dit ala: Nanis zawni! 17Eli dumu: Ma-Vatɗin daŋgi mi law mige? Naŋ ma ŋayan noŋɗi. La sle ma Lawn daŋgi kafna naŋ ŋay mara kanu, Lawn ma laŋ joo ŋolo. 18Samuel vum labar kafe, min ŋay mara kuɗum kep noŋɗi. Nala Eli di'e: Nam mi Ma-Vatɗina, hinim li va ma kiram ŋaan yo ɗisu.
19Samuel ka wula. Ma-Vatɗin ay hiɗi namu, yoboyna vi Lawna nam min hin mara nig gaa kuɗum kep noŋɗi. 20Sum sa Israyel kaf, vunsi fokay hay Dan pa ta-ta hay Bar-Seba, nisi wi ala Ma-Vatɗin tun Samuelawa sa ma jobta valamu. 21Ma-Vatɗin ka vul tuwam kiram dok-dok hay Silo, hiɗi yoboyna valamu.
Currently Selected:
1 SAMUEL 3: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
1 SAMUEL 3
3
Yita vi Samuel
1Goor ma joriyona Samuel ka sun Ma-Vatɗina vok Eli. Hay na'ta kayni, yoboyna vi Ma-Vatɗina may di tam sumun dok-dokɗi lay, Lawn may vul tuwam kir sa dok-dokɗi lay. 2Hay na'ta kayn kaw, Eli iram muɗi ɗuw turum-turum', ta-ta nam muɗ wi noŋɗi, kay na'ta nam ka buri gaa hay liyna valam waŋ'. 3Samuel ka buri kalaf hay Tempella vi Ma-Vatɗina, hay liyn ma arkena vi Ma-Vatɗin ka tuni hayna. Hay na'ta fitilla vi Ma-Vatɗin bay tew tuwa. 4Bugol kayni Ma-Vatɗin yi Samuel. Nam hot dit ala: Nanis zawni! 5Nam jaŋ kat Eli, ka dum ala: Nanis zawni, kay naŋ yanu. Eli hot dit ala: Nan may yaŋɗi, goora vanu, hotaŋ buraŋ gaa'a. Nam kalay bur gaa'a. 6Ma-Vatɗina hot yi Samuel mara lo. Samuel fokay kulo'o, kalay kat Eli, nam di'e: Nanis zawni, kay naŋ yanu. Eli hot dita: Nan may yaŋɗi, goora vanu, hotaŋ buraŋ gaa'a. 7Samuel may wi Lawn tuwaɗi, yoboyna vi Lawn bay ɗek tuwan kiram tuwa hay na'ta.
8Ma-Vatɗina yi Samuel mara lo hay sem ma ɦidina. Samuel fok kulo'o, kalay tam Eli, ka dum ala: Nan zawni, kay naŋ yanu. Nala Eli wi ala yi goor kayni mi Lawna, 9nala nam di tam Samuel: Tuɗaŋ buraŋ gaa'a; la naŋ hum yitawa mara lo, naŋ ma hot dit ala: Ma-Vatɗina, daŋiya, kay sa ma sunda vaŋ ka huma. Samuel hota, nam bur gaa hay liyna valamu.
10Ma-Vatɗin co'o, nam vul tuwamu, nam yi'e ki nam ka yi jew nala: Samuel, Samuel! Samuel hot dit ala: Daŋiya, kay sa ma sunda vaŋ ka jak humamu. 11Nala Ma-Vatɗin di tam Samuel: Humaŋu: Nan min li va mara jar sa Israyella, kay gigekaw ma hum va namna, humam ma ŋel goyo. 12Hay buur namna, sle ma nan dum tam ziyna vi Eli kafna nan ma hobom vunamu; nan ma tun caw hiɗi namu, ta-ta nan vatam goyo. 13Nan dum ala nan min ka kitat kay ziyna valamu kay dok-doko, kay gurona valam muɗ tuwsi liwisi hiɗi jiw-zlata, nam kay tuwamu wi lawt kayni hiɗi iramu, may nam min ka kitat kisiɗi. 14Kuɗ kayni nan yi va kanu ala jiw-zlata vi ziyna vi Eli as por noŋɗi, la lum mi ɗifini, la la' ti vulda kaw.
15Samuel hot bur gaa'a ta-ta goy grawta, bugol kayni nam mal vun-ziyna vi Ma-Vatɗin goyo. Tuwam nari kay vi labara kay sle ma vul tuwam kiramna tam Eli. 16May Eli yi Samuel, dum ala: Samuel goora vanu! Samuel hot dit ala: Nanis zawni! 17Eli dumu: Ma-Vatɗin daŋgi mi law mige? Naŋ ma ŋayan noŋɗi. La sle ma Lawn daŋgi kafna naŋ ŋay mara kanu, Lawn ma laŋ joo ŋolo. 18Samuel vum labar kafe, min ŋay mara kuɗum kep noŋɗi. Nala Eli di'e: Nam mi Ma-Vatɗina, hinim li va ma kiram ŋaan yo ɗisu.
19Samuel ka wula. Ma-Vatɗin ay hiɗi namu, yoboyna vi Lawna nam min hin mara nig gaa kuɗum kep noŋɗi. 20Sum sa Israyel kaf, vunsi fokay hay Dan pa ta-ta hay Bar-Seba, nisi wi ala Ma-Vatɗin tun Samuelawa sa ma jobta valamu. 21Ma-Vatɗin ka vul tuwam kiram dok-dok hay Silo, hiɗi yoboyna valamu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001