1 SAMUEL 16
16
Samuel ɦok mul kay David
1Ma-Vatɗin di tam Samuel: Naŋ ma tiy Sawul ta-ta lancitige? Kay nam noyay goy kan vatiya, a nam ma ti mul kay Israyel loɗi. Miyokka vaŋu naŋ ma hoba' hiɗi mula, naŋ ma tuɗa; nan min gaŋ hay ziyna vi Isay ma Betlehemna, kay nan wi sa kep jar gurona valamu, dikan min kay nam ti mulda. 2Samuel di'e: Nan tuɗ ɗawn tuɗtige? Kay hay li ma Sawul hum labarawa, nam ɗawn ma can goyo: Nala Ma-Vatɗin di'e: Naŋ ma vi put ta gunay kuɗaŋ kepe, naŋ ma di ala naŋ co kayni kay li ɗifin tam Ma-Vatɗina. 3Naŋ ma yi Isay ay hay ɗifin namna: Nan ma daŋ kay va ma naŋ ma lumna: Sa ma nan min daŋ kalamna ɗawni naŋ ma ɦok mul kalamu.
4Samuel li kuɗ va ma Ma-Vatɗin dumna, nala nam kalay hay Betlehem. Sa maariyana vi hoyok-ziyna jaŋay kiram hiɗi narta, nisi di'e: Cota vaŋ kayni kay vulma labar ma sleɗ kaw su? 5Nam hot dit ala: Awa, nan co kayni kay li ɗifin tam Ma-Vatɗina, porgi tuwgi goyo, nigiyay hiɗi nanu hay ɗifinna namna. Nam por Isay hiɗi gurona valamu kaw, nam yisi hay ɗifinna.
6Hay li ma nisi cukay kalafi, nam wi Eliyab kayni, ka di hay dikam kalaf ala: Gasi wete, zawni ma fum ɗawni mi sa ma Lawn vilekemna. 7Ma-Vatɗina di tam Samuel: Naŋ ma tun ŋalda vaŋ kay jifiyta valamu hiɗi fiyokka valamɗi, kay nan noyomawa goyo. Ma-Vatɗin may ɗuw kay va ma san ɗuwumnaɗi, san minim kayn mi va ma ɗuw kiram ŋaana, may Ma-Vatɗin ɗuwum kayni mi dik sana. 8Isay yi Abinadab, nam co vok ir Samuel; Samuel di'e: Nam zawni kaw Ma-Vatɗin may vilekemɗi lay. 9Samma co vok ir Samuel; Samuel di'e: Nam zawni kaw Ma-Vatɗin may vilekemɗi lay. 10Gurona vi Isay sa siɗiyana nam marsi vok ir Samuel kaf; nala Samuel di tam Isay: Ma-Vatɗin may vilek sa kuɗsi kep noŋɗi.
11Bugol kayni Samuel di tam Isay: Nisi kaf lakŋi si gurona vaŋ tuta su? Nam hot dita: Ma goora ay goyo, nam ka goy ŋom fok-dimina. Samuel di'e: Gaŋ sun kalamu kay garam aya, la nam bay co'o, nay as zlar goy tam ɗifinnaɗi. 12Isay gi sun kalamu, nam co'o. Nam kayni slaw cutut', iram tuni ŋaa'a, vokom ɗuw jifiya kaw. Ma-Vatɗina di tam Samuel: Fokaŋ kulo'o, ɦok mul kalamu, kay zawn mi namu. 13Samuel sli miyokka ta hiɗi mula, nam ɦokom mul kalamu jar ɓosiyomna. Ŋusta vi Ma-Vatɗin kal hay David, tun caw hay buur na'ta pa ta-ta voko. Samuel fokay kulo'o, kalay hay Rama.
Sawul hiɗi ŋusiyan joona, David ka sun Sawul
14Ŋusta vi Ma-Vatɗina vi tuwa' goy hay Sawul, Ma-Vatɗin gi ŋusta ta joota aya, na' tun caw vum tuwam bat-bat'. 15Sa sunda vi Sawul dumu: Humaŋu, ŋusta joota ta may vi Ma-Vatɗin ka vaŋ tuwaŋ bat-bat'. 16Mulla vuma'a, naŋ ma di va'a, numa sa sunda vaŋ ka humaŋu. Numa min garaŋ sa kep ma wi liwta vi dilla, hay li ma Lawn cuk ŋusta ta jootawa kanu, nam ma ci dilla, nala naŋ ma muɗ marya. 17Sawul di'e: Garangi sa ma liw dil ŋaa'a, marangit tani.
18Kep jar sa sunda sli ditiya di'e: Humaŋu, nan wi sa ma hay Betlehem kepe, namu mi goora vi Isay, nam wi dil ŋaa'a ŋolo; nam mi sa ma dono'o, ma kursuliya kaw, wi duura kaw, law ŋaa'a ŋolo, jifiy ŋolo kaw. Ma-Vatɗin ka hiɗi namu kaw.
19Sawul cuk sumun tam Isay, kay dum ala: Goora vaŋ David ma ka ŋom fok-dimina naŋ ma vulantiya. 20Isay vi kuro kepe, nam jak fun kulo kalamu, hiɗi doŋolayt ta vinna ka haya, hiɗi goor ɦu-mee kepe kaw, sle namna nam vulum hay ɓam, David goora valamu, kay naram tam Sawul. 21David co kat Sawul, nam col vok iramu; Sawul iram vum ŋaa'a ŋolo, nisi vilekemu kay ziy sle-ma-duura vi mulla. 22Sawul gi sunda tam Isay kay dum ala: Nan siɗawaŋu kay naŋ ma hin David vokanu, kay nam fi slugotawa vok iranu. 23Hay li ma Lawn hin ŋusta joota cuk kay Sawul, David sli dilla, nam liw hiɗi ɓalamu; Sawul sukam hot gaa'a, nam muɗ marya, ŋusta joota vi tuwa' goy talamu.
Currently Selected:
1 SAMUEL 16: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
1 SAMUEL 16
16
Samuel ɦok mul kay David
1Ma-Vatɗin di tam Samuel: Naŋ ma tiy Sawul ta-ta lancitige? Kay nam noyay goy kan vatiya, a nam ma ti mul kay Israyel loɗi. Miyokka vaŋu naŋ ma hoba' hiɗi mula, naŋ ma tuɗa; nan min gaŋ hay ziyna vi Isay ma Betlehemna, kay nan wi sa kep jar gurona valamu, dikan min kay nam ti mulda. 2Samuel di'e: Nan tuɗ ɗawn tuɗtige? Kay hay li ma Sawul hum labarawa, nam ɗawn ma can goyo: Nala Ma-Vatɗin di'e: Naŋ ma vi put ta gunay kuɗaŋ kepe, naŋ ma di ala naŋ co kayni kay li ɗifin tam Ma-Vatɗina. 3Naŋ ma yi Isay ay hay ɗifin namna: Nan ma daŋ kay va ma naŋ ma lumna: Sa ma nan min daŋ kalamna ɗawni naŋ ma ɦok mul kalamu.
4Samuel li kuɗ va ma Ma-Vatɗin dumna, nala nam kalay hay Betlehem. Sa maariyana vi hoyok-ziyna jaŋay kiram hiɗi narta, nisi di'e: Cota vaŋ kayni kay vulma labar ma sleɗ kaw su? 5Nam hot dit ala: Awa, nan co kayni kay li ɗifin tam Ma-Vatɗina, porgi tuwgi goyo, nigiyay hiɗi nanu hay ɗifinna namna. Nam por Isay hiɗi gurona valamu kaw, nam yisi hay ɗifinna.
6Hay li ma nisi cukay kalafi, nam wi Eliyab kayni, ka di hay dikam kalaf ala: Gasi wete, zawni ma fum ɗawni mi sa ma Lawn vilekemna. 7Ma-Vatɗina di tam Samuel: Naŋ ma tun ŋalda vaŋ kay jifiyta valamu hiɗi fiyokka valamɗi, kay nan noyomawa goyo. Ma-Vatɗin may ɗuw kay va ma san ɗuwumnaɗi, san minim kayn mi va ma ɗuw kiram ŋaana, may Ma-Vatɗin ɗuwum kayni mi dik sana. 8Isay yi Abinadab, nam co vok ir Samuel; Samuel di'e: Nam zawni kaw Ma-Vatɗin may vilekemɗi lay. 9Samma co vok ir Samuel; Samuel di'e: Nam zawni kaw Ma-Vatɗin may vilekemɗi lay. 10Gurona vi Isay sa siɗiyana nam marsi vok ir Samuel kaf; nala Samuel di tam Isay: Ma-Vatɗin may vilek sa kuɗsi kep noŋɗi.
11Bugol kayni Samuel di tam Isay: Nisi kaf lakŋi si gurona vaŋ tuta su? Nam hot dita: Ma goora ay goyo, nam ka goy ŋom fok-dimina. Samuel di'e: Gaŋ sun kalamu kay garam aya, la nam bay co'o, nay as zlar goy tam ɗifinnaɗi. 12Isay gi sun kalamu, nam co'o. Nam kayni slaw cutut', iram tuni ŋaa'a, vokom ɗuw jifiya kaw. Ma-Vatɗina di tam Samuel: Fokaŋ kulo'o, ɦok mul kalamu, kay zawn mi namu. 13Samuel sli miyokka ta hiɗi mula, nam ɦokom mul kalamu jar ɓosiyomna. Ŋusta vi Ma-Vatɗin kal hay David, tun caw hay buur na'ta pa ta-ta voko. Samuel fokay kulo'o, kalay hay Rama.
Sawul hiɗi ŋusiyan joona, David ka sun Sawul
14Ŋusta vi Ma-Vatɗina vi tuwa' goy hay Sawul, Ma-Vatɗin gi ŋusta ta joota aya, na' tun caw vum tuwam bat-bat'. 15Sa sunda vi Sawul dumu: Humaŋu, ŋusta joota ta may vi Ma-Vatɗin ka vaŋ tuwaŋ bat-bat'. 16Mulla vuma'a, naŋ ma di va'a, numa sa sunda vaŋ ka humaŋu. Numa min garaŋ sa kep ma wi liwta vi dilla, hay li ma Lawn cuk ŋusta ta jootawa kanu, nam ma ci dilla, nala naŋ ma muɗ marya. 17Sawul di'e: Garangi sa ma liw dil ŋaa'a, marangit tani.
18Kep jar sa sunda sli ditiya di'e: Humaŋu, nan wi sa ma hay Betlehem kepe, namu mi goora vi Isay, nam wi dil ŋaa'a ŋolo; nam mi sa ma dono'o, ma kursuliya kaw, wi duura kaw, law ŋaa'a ŋolo, jifiy ŋolo kaw. Ma-Vatɗin ka hiɗi namu kaw.
19Sawul cuk sumun tam Isay, kay dum ala: Goora vaŋ David ma ka ŋom fok-dimina naŋ ma vulantiya. 20Isay vi kuro kepe, nam jak fun kulo kalamu, hiɗi doŋolayt ta vinna ka haya, hiɗi goor ɦu-mee kepe kaw, sle namna nam vulum hay ɓam, David goora valamu, kay naram tam Sawul. 21David co kat Sawul, nam col vok iramu; Sawul iram vum ŋaa'a ŋolo, nisi vilekemu kay ziy sle-ma-duura vi mulla. 22Sawul gi sunda tam Isay kay dum ala: Nan siɗawaŋu kay naŋ ma hin David vokanu, kay nam fi slugotawa vok iranu. 23Hay li ma Lawn hin ŋusta joota cuk kay Sawul, David sli dilla, nam liw hiɗi ɓalamu; Sawul sukam hot gaa'a, nam muɗ marya, ŋusta joota vi tuwa' goy talamu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001