1 MULIYANA 4
4
Sum sa ŋulona vi Salomon
1Salomon ay ti mulda kay sum sa Israyella kafe. 2Kayni mi sem sum sa ŋulona valamu: Azariya goora vi mul-ma-ɗifinna Sadok, 3Elihoref hiɗi Akiya, gurona vi Sisa kayn sa ɗo slena; Yosafat goora vi Akilud mi ma ŋom slena; 4Benaya goora vi Yehoyada mi ma ŋolla vi sojena; Sadok hiɗi Abiyatar si muliyan-sa-ɗifinna may; 5Azariya goora vi Natan mi ma ŋolla vi sa tuni goy kay nagat kafna; Zabud goora vi Natan mi ma ŋolla vi nagata, nam mi bana mullana. 6Ahikar mi ma ŋom ziyna vi mulla, Adoniram goora vi Abda mi ma ŋom sa li lop ma ɦiɓiyna.
7Salomon tun sum sa ŋulon goy doogo yam ma' kay nagata vi Israyel kafe. Gar sle ma tinay kay mulla hiɗi ziyna valam kayn si nisiya, sa ma kepna sli til kep hay busata. 8Kayni mi semda visiya: Goora vi Hur, kay hiɗiyta vi Efrayim.
9Goora vi Deker, hay Makas, hay Saalbim, hay Bet-Semes, hay Elon, hay Bet-Hanan kaw.
10Gurona vi Hesed hay Arrubod, Soko hiɗi nagata vi Hefer ay hay ɓalam kafe.
11Goora vi Abinadab ka hiɗi galla vi Dor hay balam kafe. Tafat goota vi Salomon kayn ti cata valamu.
12Baana goora vi Akilud, hay ɓalam kayni Taanak, hiɗi Megiddo, Bet-Seyan kaf ma ka goboy hiɗi Sartan gaa kuɗ Yisreel, fokay hay Bet-Seyan pa ta-ta Abel-Mehola, ta-ta goy bugol Yokmeyam.
13Goora vi Geber tuni hay Ramot vi Galaad, naga ma gurayna vi Yayir, goora vi Manase hay Galaad; nagata vi Argob hay Basan kaw ay hay ɓalamu, hoyok-ziy ma ŋulon dok-karkiya ma gulmun koti talamu hiɗi cokorom ma vunamna mi kawaya kaw.
14Akinadab goora vi Iddo ka hay Mahanayim.
15Akimaas ka hay Neftali. Cata valam ta nam sla'ta ti Basmat goota vi Salomon.
16Baana, goora vi Husay, hay Aser hiɗi Beyalot.
17Yosafat, goora vi Paruwak, hay Isakar.
18Simey goora vi Ela hay Benyamin.
19Geber goora vi Uriyas, hay nagata vi Galaad; naga ma hay ɓalamna kayni: Sihon nagata vi mulla vi sa Amoriyana, hiɗi Og mulla vi Basan. Naga na'ta sa ma musi ka'n kayn kep tuta.
20Sumuna vi Yuda hiɗi Israyel ay ŋolo, ŋray ca ki ŋesl ma goloŋ kel niyn nala. Nisi ka ti'e, ka ci'e, ka li firiya kaw.
Currently Selected:
1 MULIYANA 4: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
