1 LABAR-MA-LIYNA 5

Jafna vi Ruben, Gad hiɗi Manase

1Gurona vi Ruben, ma vuɗi jewna vi Israyel. Kay namu mi ma vuɗi jewna; may kay nam muɗ liyn ma buura vi bulum liwisi, nisi sli ŋolda valam goyo, vula' mi gurona vi Yosef goora vi Israyel; ki kayn nala Ruben selem may ɗoy kulo voko kuɗ ŋolda valamɗi. 2Hay gasita, Yuda nam muɗ dono ŋolo suw guro-biyomna, sa ma tun vok sumuna may goy hay nam pa; may ŋolda na' vi Yosef.

3Gurona vi Ruben ma vuɗi jewna vi Israyel: Henok, Pallu, Hesron hiɗi Karmi. 4Gurona vi Jowel: Semayeya, Gog, Simey, 5Mikka, Reyaya, Baal; 6Beera, ma Tiglat-Pilneser#5:6 Tiglat-Pilneser hay liy hena ɗoy ala Tiglat-Pileser. mulla vi Asiriya kalam gorvo'o, namu mi ma ŋolla vi jafna vi Ruben. 7Ɓosiyom Beera, kuɗ vuɗna visiya, ki nisi ka ɗoy kuɗ tuwsi nala: Ma jewna Yeyel, Zakariya, 8Bella, goora vi Azaz, goora vi Sema, goora vi Jowel, nam musi ziy hay Arower, ta-ta hay Nebo hiɗi Baal-Mewon; 9hay gal ma kuɗuwna, nam ka musi ta-ta goy vun fulda, tun caw tam niy-lumna Eufrata pa, kay farayna visi ay ŋolo hay nagata Galaad. 10Hay liyna vi Sawul kayni, nisi li duura hiɗi sum sa Hagariyena, nisi kol kisiya; nisi lak hay guɗukŋa visiya, hay gal ma kuɗuwna vi Galaad kafe.

11Gurona vi Gad ka lakay goy voksi ɗiger hay nagata vi Basan, ta-ta hay Salka. 12Jowel ma jewna, Safan ma ma'na, Yayenay hiɗi Safat hay Basan. 13Ɓosiyosina kuɗ vuɗna visiya visiya: Mikayel, Mesullam, Seba, Yoray, Yayekan, Ziya hiɗi Eber, nisi siɗiya. 14Kayni si gurona vi Abihayil, goora vi Huri, goora vi Yarowak, goora vi Galaad, goora vi Mikayel, goora vi Yesisay, goora vi Yahdo, goora vi Bowaz; 15Ahi goora vi Abdiyel, goora vi Guni mi ma ŋolla vi jafna visiya. 16Nisi ka li ziy hay Galaad, hay Basan hiɗi naga ma kuɗumna, hiɗi voora vi Saron kaf, ta-ta hay vunam ma vat goyna. 17Nisi ŋaɓsi goyo kuɗ jafna visi kaf hay liyna vi Yotam mulla vi Yuda, hay liyna vi Yerobowam mulla vi Israyel kaw.

18Jafna vi Ruben, jafna vi Gad hiɗi gal-jafna vi Manase ka hiɗi sum sa nagayn jarsiya, sa asay kay ziy marayna hiɗi kew-gaferaŋa, dur hiɗi ɓarawta, sa hatay duura noŋ pet nisi birim dok-fiɗi yam fiɗi diram kis-siɗiya kalam dok-karkiya, sa asay kay tuɗ vun duura. 19Nisi li duura hiɗi sum sa Hagariyena, sum sa Yetura, hiɗi sa Nafisna hiɗi sa Nodabna. 20Nisi fi gutda kay sa Hagariyena hiɗi sum sa kuɗsina vulis goy hay ɓisi kafe. Kay hay buura vi duur kayni, nisi tiy tam Lawna, nam hum tiyta visiya, kay nisi vul tuwsi hay ɓalamu. 21Nisi yaw farayna vi sum nisina: Lamgan birim dok-vasl, fukunayna birim kis-ma' hiɗi diram dok-vasl, kuron birim ma', sumun birim kis kaw. 22Kay hay buur namna sumun mit ŋolo, kay duur namna may vi Lawn pa. Nisi lak hay baŋalsiya ta-ta nisi kalsi goy gorvo kafe.

23Gurona vi gal-jafna vi Manase ka lakay ziy hay nagata, fokay hay Basan pa ta-ta Baal-Hermon, hay Senir pa, ta-ta tam hiɗiyta vi Hermon; nisi ŋolo.

24Kayni si sa ŋulona vi jafna visiya: Efer, Yikey, Eliyel, Azriyel, Yeremiyas, Hodaviya hiɗi Yahdiyel, sum sa dono'o, faray kaw, sum sa sesi tiya, kayni si nisi sa ŋulona vi jafna.

25May nisi noy Lawna vi sumaysi goyo, tun caw muɗ tuwsi viyuwu kuɗ lawayna vi sum sa hay nagata sa Lawn ɓulaksi goy voksina. 26Lawna vi Israyel zut Pul mulla vi Asiriya katsiya, nam zut Tilgat-Pilneser#5:26 Tilgat-Pilneser mi Tiglat-Pileser. mulla vi Asiriya katsiya. Tilgat-Pilneser yaw jafna vi Ruben, jafna vi Gad hiɗi gal-jafna vi Manase, nam kalsi hay Halah, hay Habor, hay Hara, kel niy-lumna Gosan kaw, nisi lak ɗawni ta-ta vaydi.

Jafna vi Levi

27Gurona vi Levi: Gerson, Kehat, hiɗi Merari 28gurona vi Kehat: Amram Yitsehar, Hebron hiɗi Uziyel. Gurona vi Amram: Aaron hiɗi Musus, hiɗi Miriyam. Gurona vi Aaron: Nadab, Abihu, Eliyazar hiɗi Itamar. 29Gurona vi Amram: Aaron hiɗi Musus; hiɗi Miriyam. Gurona vi Aaron: Nadab, Abihu, Eliyazar hiɗi Itamar. 30Eliyazar vuɗ Fineyas; Fineyas vuɗ Abisuwa; 31Abisuwa vuɗ Bukki, Bukki vuɗ Uzzi; 32Uzzi vuɗ Zerahya, Zerahya vuɗ Merayot; 33Merayot vuɗ Amarya; Amarya vuɗ Ahitub, 34Ahitub vuɗ Sadok, Sadok vuɗ Akimaas; 35Akimaas vuɗ Azariya; Azariya vuɗ Yohanan; 36Yohanan vuɗ Azariya ma li lop ɗifinna hay Tempella ma Salomon inim hay Yerusalemna. 37Azariya vuɗ Amarya; Amarya vuɗ Ahitub; 38Ahitub vuɗ Sadok; Sadok vuɗ Sallum; 39Sallum vuɗ Hilkiya; Hilkiya vuɗ Azariya; 40Azariya vuɗ Seraya; Seraya vuɗ Yehotsadak. 41Hay li ma Ma-Vatɗina yaw sa Yudana hiɗi Yerusalem goy gorvo hay ɓam Nebukadnesar kayni, Yehotsadak kalay (gorvo'o) hay na'ta.

Currently Selected:

1 LABAR-MA-LIYNA 5: Massana

Highlight

Compare

Copy