Proverbios 27
27
1 #
Stg 4.13-16. Paqarin punchaw imam ruwanaykimantaqa ama alabakuychu,
paqarin punchaw imam pasakunantaqa manam yachankichu.
2Amayá kikillaykiqa alabakuychu,
runamasikikuna alabasuynikim allinqa.
3Rumipapas aqopapas llasayninmantaqa
mana yachayniyuq runapa piñakuyninmi aswan llasaqqa.
4Piñakuyqa manchakuypaqmi,
rabiakuyqa tuñichikunmi,
ichaqa ¿pitaq envidiakuypa qayllanpi takyanman?
5Uyanpi niykuymi aswan allinqa
sonqollapi kuyakuymantaqa.
6Amigoqa kuyasuspaykim nanaypaq qaqchaykusunki,
cheqnisuqnikipa muchaykususqaykim ichaqa pantachisuqniki.
7Saksasqa runaqa
abejapa miskintapas wischupakunmi,
yarqasqa runapaqmi ichaqa
qatqepas miskillaña.
8Wasinta saqespa purikuq runaqa
qesanta saqespa llutanpi pawakuq
urpitu hinam.
9Perfumewan miski asnaq aceiteqa
sonqotam kusichin,
amigopa consejakuyninqa
runatam kusichin.
10Amigoykitawan taytaykipa amigontaqa
amayá saqeychu.
Sasachakuy chayamusuptikiqa
amayá wawqekipa wasinmanqa kallpaychu,
karupi yachaq wawqekimantaqa
vecinoykim aswan allinqa.
11Churilláy, yachayniyuqyá kay,
sonqollaytayá kusichiy,
chaynapim insultaqniyta kutipakusaq.
12Yachayniyuq runaqa
sasachakuyta qawaspam asurikun,
mana yuyaymanayniyuqmi ichaqa
sasachakuyman yaykuspa ñakarin.
13Mana reqsisqa runata garantizaqtaqa
pachanta qechuychik,
qosanta engañaq warmiman manuqtaqa
pachanta prendapi hapiychik.
14Amigonta tutapayta qaparispa rimaykuq runaqa,
insultaqpaq hapisqam kanqa.
15Peleollata kuyaq warmiqa
para tiempopi sutukuq wasi hinam,
16chayna warmita upallachiyqa
wayrata harkay hinam
otaq aceiteta makiwan putqokuy hinam.
17Fierrotaqa fierrowanmi ñawchiyachina,
runapas huk runawanmi yachanakun.
18Higos sachata cuidaq runaqa
ruruntam mikunqa,
patronninta nanachikuqqa
alabasqam kanqa.
19Uyaqa yakupim imayna kasqanta qawakun,
chaynam runapas sonqonpi yachakun imaynam kasqanta.
20Imaynam wañuywan sepultura
mana haykapipas saksanchu,
chaynam runaqa ima munasqanwanpas
haykapipas mana contentakunchu.
21Qoritawan qollqetaqa
ninapi chulluchispam imaynam kasqanta yachanku,
chaynam runapas
alabasqa kasqanpi imaynam kasqanta qawachikun.
22Mana yachayniyuq runapa mana yachayniyuq kayninqa
trigota hina maraypi chamchasqapas
manam allichakunqachu.
23Ovejaykikunata sumaq reqsiypi kallpanchakuy,
ovejaykikunata sumaqta nanachikuy,
24tukuy imayuq kaypas manam unaypaqchu,
coronapas manam wiñaypaqchu.
25Lliwa wiñaruptinmi,
pasto iklliruptinmi,
orqopi pastokuna rutusqa kaptinmi,
26ovejaykikunapa millwanwan pachakunki,
cabrayki rantikusqaykiwanmi allpata rantinki.
27Cabraykikunapa achkallaña lechenwanmi,
qampas, aylluykikunapas chaynataq criadaykikunapas
vidata pasankichik.
Currently Selected:
Proverbios 27: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012