Levítico 4
4
Hucharayku ofrendakunamanta
1-2Israelpa mirayninkunaman ninanpaqmi Moisesta Tayta Dios kaynata nirqa:
Pipas kamachikuyniypa contranpi huchallikuruptinqa, otaq “amam ruwankichu” nisqayta ruwaruptinqa, kaynatam ruwankichik:
3Sichum sumo sacerdote huchallikuruptinqa llaqtapas huchayuqmi kanqa. Hinaptinqa chay sacerdotem ñoqa Tayta Diospaq sanon malta torota wañuchipuwanqa, chaynapi huchan pampachasqa kananpaq.
4Chay torotam asuykuwananku carpapa punkunman pusamunqa, hinaspam chay animalpa umanman makinta churaykunqa, chaymantañam ñoqapa qayllaypi wañurachinqa.
5Hina chay sacerdotem animalpa yawarninta asuykuwananku carpaman apamunqa. 6Chaypim dedonta yawarman challpuykuspan qanchis kutikama ñoqapa qayllaypi challanqa, chaytaqa santuario rakinaq velopa ñawpaqninpim ruwanqa.
7Hina chay sacerdotetaqmi miski asnaq incienso kañana altarpa waqrachankunatapas chay yawarwan llusinqa. Chay altarqa ñoqa Tayta Diospa ñawpaqniypim kachkan ñoqaman asuykuna carpapi. Puchuq yawartañataqmi kañanapaq altarpa sikinman talliykunqa, chay altarqa ñoqaman asuykuna carpapa punkunpim kachkan.
8Hucha pampachanapaq wañuchisqa malta toromantam hurqonqa, chunchulninkunapi llapallan wirankunata, llika wirankunata, 9iskaynin rurunninkunata, rurunninkunapa hawanpi wirankunata, laplanpa hawanpi wirankunata chaynataq kichpanninpi wirantapas. Chay wirakunataqa rurunninkunatawan kuskatam hurqonqa.
10Ñoqawan allinlla kasqanmanta wañuchisqa toropa wiranta hinam sacerdote tukuy chaykunata altarpi lliwta kañanqa. 11Ichaqa malta toropa qaranta, aychanta, umanta, piernankunata, ukunninkunata, akanta, 12otaq chay nakasqan torotam lliwta campamentomanta uchpa wischunanku limpio sitioman hurqorunqa, hinaspam yantapa hawanpi otaq chay uchpapa hawanpi kañaykunqa.
13Sichum ñoqa Tayta Diospa kamachikuyniykunapa contranpi Israelpa mirayninkuna qonqayta huchallikurunmanku, hinaptin chay huchallikusqankumanta mana musyakuptinkuqa, chay huchankumantam llapallan huchayuq kanqaku.
14Huchallikusqankuta musyakuruspankuñataqmi, llapallankupa rantinpi huk malta torota apamuspa ofrecewanqaku huchankumanta pampachasqa kanankupaq. Apamuwanqakuqa asuykuwananku carpamanmi.
15Chaypim ñoqa Tayta Diospa qayllaypi llaqtapa ancianonkuna malta toropa umanman makinkuta churaykunqaku, hinaspam wañuchinqaku.
16Chaymi sumo sacerdote chay malta toropa wakin yawarninta asuykuwananku carpaman apamunqa. 17Hinaspam dedonta yawarman challpuykuspan qanchis kutikama ñoqapa qayllaypi challanqa, chaytaqa santuariota rakinaq velopa qepanpim ruwanqa.
18Chay yawarllawantaqmi ñoqaman asuykuna carpapi kaq ñoqa Tayta Diospa ñawpaqniypi altarpa waqrachankunamanpas llusinqa. Puchuq yawartañataqmi kañana altarpa sikinman talliykunqa, chay altarqa kachkan ñoqaman asuykuna carpapa punkunpim. 19Malta toropa llapallan wirankunata hurqoruspam altarpi kañanqa.
20Chay malta torowanqa ruwanqa hucha pampachanapaq wañuchisqa animalwan hinam. Chaytaqa sacerdotem runakunapa huchan pampachasqa kananpaq ruwanqa, chaynapim huchanku pampachasqa kanqa.
21Chaymantam chay wañuchisqa malta torota campamentomanta karuman hurqoruspa kañanqaku, hucha pampachanapaq punta kaq malta toro kañasqanta hina. Chayqa llaqtapa huchan pampachasqa kananpaq ofrendam.
22Sichum llaqtapi hukkaqnin kamachikuq huchallikurunqa ñoqa Tayta Diospa hukkaqnin kamachikuyniykunapa contranpi hinaspaqa huchayuqmi kanqa.
23Chaynaqa, chay huchanta pipas reqsiykachiptinmi huk sano chivato ofrendata apamunqa. 24Hinaspanmi chay chivatopa umanman makinta churaykunqa, chaymantam wañuchinqa animal kañanapaq wañuchinanku sitiopi, chaytaqa ñoqa Tayta Diospa qayllaypim ruwanqa. Chayqa hucha pampachanapaq ofrendam.
25Chaymantam sacerdote hucha pampachanapaq wañuchisqa chivatopa yawarninman dedonta challpuykuspan kañana altarpa waqrachankunata llusinqa, puchuq yawartañataqmi hina chay altarpa sikinman talliykunqa. 26Hinaspam ñoqawan allinlla kasqanmanta animalpa wirankunata kañachkaq hina, chay chivatopa llapallan wirankunatam altarpi sacerdote kañanqa. Chaynatam sacerdote ruwanqa chay kamachikuqpa huchan pampachasqa kananpaq, hinaptinmi chay huchanta pampachasaq.
27Sichum ñoqa Tayta Diospa kamachikuyniykunapa contranpi hukkaqnin huchallikuruspanqa, chay ruwasqanmantam huchayuq kanqa. 28Chay huchanta pipas reqsiykachiptinmi hucha ruwasqanmanta huk sano cabra ofrendata apamuwanqa. 29Hinaspam chay animalpa umanman makinta churaykunqa, chaymantañam chay cabrata wañuchinqa kañanapaq wañuchinanku sitiopi.
30Sacerdoteñataqmi dedonta yawarman challpuykuspan kañana altarpa waqrachankunaman llusiykunqa, puchuq yawartañataqmi hina chay altarpa sikinman talliykunqa. 31#Nm 15.27-28.Hinaspam ñoqawan allinlla kasqanmanta animalpa wirankunata hurqochkaq hina, chay cabrapa llapallan wirankunata sacerdote hurqorunqa, hinaspam altarpi kañanqa ñoqa Tayta Diospaq miskillaña asnariq ofrendata hina. Chaynatam sacerdote ruwanqa runapa huchan pampachasqa kananpaq, chaynapim paypa huchanqa pampachasqa kanqa.
32Sichum chay runa huchanmanta apamunqa ovejakunamanta ofrendata, hinaspaqa sano ovejatam apamunqa. 33Hinaspam chay animalpa umanman makinta churaykunqa huchan pampachasqa kananpaq, chaymantañam chay animalta kañanapaq sitiopi wañuchinqa, chaynapi huchan pampachasqa kananpaq.
34Chaymantam sacerdoteñataq hucha pampachanapaq wañuchisqa animalpa yawarninman dedonta challpuykuspan kañana altarpa waqrachankunaman llusinqa, puchuq yawartañataqmi hina chay altarpa sikinman talliykunqa. 35Hinaspam ovejapa llapallan wirankunata hurqonqa, imaynam ñoqawan allinlla kasqanmanta wañuchisqan carneropa wirankunata hurqochkaq hina, chaytaqa sacerdotem altarpi kañanqa ñoqa Tayta Diospaq ofrendakunatawan kuskata. Chaynatam sacerdote ruwanqa chay runapa huchan pampachasqa kananpaq, chaynapim huchan pampachasqa kanqa.
Currently Selected:
Levítico 4: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Levítico 4
4
Hucharayku ofrendakunamanta
1-2Israelpa mirayninkunaman ninanpaqmi Moisesta Tayta Dios kaynata nirqa:
Pipas kamachikuyniypa contranpi huchallikuruptinqa, otaq “amam ruwankichu” nisqayta ruwaruptinqa, kaynatam ruwankichik:
3Sichum sumo sacerdote huchallikuruptinqa llaqtapas huchayuqmi kanqa. Hinaptinqa chay sacerdotem ñoqa Tayta Diospaq sanon malta torota wañuchipuwanqa, chaynapi huchan pampachasqa kananpaq.
4Chay torotam asuykuwananku carpapa punkunman pusamunqa, hinaspam chay animalpa umanman makinta churaykunqa, chaymantañam ñoqapa qayllaypi wañurachinqa.
5Hina chay sacerdotem animalpa yawarninta asuykuwananku carpaman apamunqa. 6Chaypim dedonta yawarman challpuykuspan qanchis kutikama ñoqapa qayllaypi challanqa, chaytaqa santuario rakinaq velopa ñawpaqninpim ruwanqa.
7Hina chay sacerdotetaqmi miski asnaq incienso kañana altarpa waqrachankunatapas chay yawarwan llusinqa. Chay altarqa ñoqa Tayta Diospa ñawpaqniypim kachkan ñoqaman asuykuna carpapi. Puchuq yawartañataqmi kañanapaq altarpa sikinman talliykunqa, chay altarqa ñoqaman asuykuna carpapa punkunpim kachkan.
8Hucha pampachanapaq wañuchisqa malta toromantam hurqonqa, chunchulninkunapi llapallan wirankunata, llika wirankunata, 9iskaynin rurunninkunata, rurunninkunapa hawanpi wirankunata, laplanpa hawanpi wirankunata chaynataq kichpanninpi wirantapas. Chay wirakunataqa rurunninkunatawan kuskatam hurqonqa.
10Ñoqawan allinlla kasqanmanta wañuchisqa toropa wiranta hinam sacerdote tukuy chaykunata altarpi lliwta kañanqa. 11Ichaqa malta toropa qaranta, aychanta, umanta, piernankunata, ukunninkunata, akanta, 12otaq chay nakasqan torotam lliwta campamentomanta uchpa wischunanku limpio sitioman hurqorunqa, hinaspam yantapa hawanpi otaq chay uchpapa hawanpi kañaykunqa.
13Sichum ñoqa Tayta Diospa kamachikuyniykunapa contranpi Israelpa mirayninkuna qonqayta huchallikurunmanku, hinaptin chay huchallikusqankumanta mana musyakuptinkuqa, chay huchankumantam llapallan huchayuq kanqaku.
14Huchallikusqankuta musyakuruspankuñataqmi, llapallankupa rantinpi huk malta torota apamuspa ofrecewanqaku huchankumanta pampachasqa kanankupaq. Apamuwanqakuqa asuykuwananku carpamanmi.
15Chaypim ñoqa Tayta Diospa qayllaypi llaqtapa ancianonkuna malta toropa umanman makinkuta churaykunqaku, hinaspam wañuchinqaku.
16Chaymi sumo sacerdote chay malta toropa wakin yawarninta asuykuwananku carpaman apamunqa. 17Hinaspam dedonta yawarman challpuykuspan qanchis kutikama ñoqapa qayllaypi challanqa, chaytaqa santuariota rakinaq velopa qepanpim ruwanqa.
18Chay yawarllawantaqmi ñoqaman asuykuna carpapi kaq ñoqa Tayta Diospa ñawpaqniypi altarpa waqrachankunamanpas llusinqa. Puchuq yawartañataqmi kañana altarpa sikinman talliykunqa, chay altarqa kachkan ñoqaman asuykuna carpapa punkunpim. 19Malta toropa llapallan wirankunata hurqoruspam altarpi kañanqa.
20Chay malta torowanqa ruwanqa hucha pampachanapaq wañuchisqa animalwan hinam. Chaytaqa sacerdotem runakunapa huchan pampachasqa kananpaq ruwanqa, chaynapim huchanku pampachasqa kanqa.
21Chaymantam chay wañuchisqa malta torota campamentomanta karuman hurqoruspa kañanqaku, hucha pampachanapaq punta kaq malta toro kañasqanta hina. Chayqa llaqtapa huchan pampachasqa kananpaq ofrendam.
22Sichum llaqtapi hukkaqnin kamachikuq huchallikurunqa ñoqa Tayta Diospa hukkaqnin kamachikuyniykunapa contranpi hinaspaqa huchayuqmi kanqa.
23Chaynaqa, chay huchanta pipas reqsiykachiptinmi huk sano chivato ofrendata apamunqa. 24Hinaspanmi chay chivatopa umanman makinta churaykunqa, chaymantam wañuchinqa animal kañanapaq wañuchinanku sitiopi, chaytaqa ñoqa Tayta Diospa qayllaypim ruwanqa. Chayqa hucha pampachanapaq ofrendam.
25Chaymantam sacerdote hucha pampachanapaq wañuchisqa chivatopa yawarninman dedonta challpuykuspan kañana altarpa waqrachankunata llusinqa, puchuq yawartañataqmi hina chay altarpa sikinman talliykunqa. 26Hinaspam ñoqawan allinlla kasqanmanta animalpa wirankunata kañachkaq hina, chay chivatopa llapallan wirankunatam altarpi sacerdote kañanqa. Chaynatam sacerdote ruwanqa chay kamachikuqpa huchan pampachasqa kananpaq, hinaptinmi chay huchanta pampachasaq.
27Sichum ñoqa Tayta Diospa kamachikuyniykunapa contranpi hukkaqnin huchallikuruspanqa, chay ruwasqanmantam huchayuq kanqa. 28Chay huchanta pipas reqsiykachiptinmi hucha ruwasqanmanta huk sano cabra ofrendata apamuwanqa. 29Hinaspam chay animalpa umanman makinta churaykunqa, chaymantañam chay cabrata wañuchinqa kañanapaq wañuchinanku sitiopi.
30Sacerdoteñataqmi dedonta yawarman challpuykuspan kañana altarpa waqrachankunaman llusiykunqa, puchuq yawartañataqmi hina chay altarpa sikinman talliykunqa. 31#Nm 15.27-28.Hinaspam ñoqawan allinlla kasqanmanta animalpa wirankunata hurqochkaq hina, chay cabrapa llapallan wirankunata sacerdote hurqorunqa, hinaspam altarpi kañanqa ñoqa Tayta Diospaq miskillaña asnariq ofrendata hina. Chaynatam sacerdote ruwanqa runapa huchan pampachasqa kananpaq, chaynapim paypa huchanqa pampachasqa kanqa.
32Sichum chay runa huchanmanta apamunqa ovejakunamanta ofrendata, hinaspaqa sano ovejatam apamunqa. 33Hinaspam chay animalpa umanman makinta churaykunqa huchan pampachasqa kananpaq, chaymantañam chay animalta kañanapaq sitiopi wañuchinqa, chaynapi huchan pampachasqa kananpaq.
34Chaymantam sacerdoteñataq hucha pampachanapaq wañuchisqa animalpa yawarninman dedonta challpuykuspan kañana altarpa waqrachankunaman llusinqa, puchuq yawartañataqmi hina chay altarpa sikinman talliykunqa. 35Hinaspam ovejapa llapallan wirankunata hurqonqa, imaynam ñoqawan allinlla kasqanmanta wañuchisqan carneropa wirankunata hurqochkaq hina, chaytaqa sacerdotem altarpi kañanqa ñoqa Tayta Diospaq ofrendakunatawan kuskata. Chaynatam sacerdote ruwanqa chay runapa huchan pampachasqa kananpaq, chaynapim huchan pampachasqa kanqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012