Levítico 13
13
Lepra onqoymanta
1Moisestawan Aarontam Tayta Dios kaynata nirqa:
2Sichum hukkaqnin runapa aychanpi punkiy, siksipakuy, yuraq mancha, otaq lepraman rikchakuq ima isupas rikuriruptinqa, sacerdote Aaronmanmi otaq hukkaqnin churin sacerdotemanmi apanqaku. 3Chay sacerdotem runapa aychanpi isuta qawanqa. Sichum chay isupi kaq chukcha yuraqman tikrakurunqa chaynataq isupas ukuniqman yaykuruptinqa, chayqa lepra onqoymi. Chayta sacerdote sumaqta qawaykuspanmi chay runata millakuypaqña kasqanta ninqa.
4Sichum chay runapa aychanpi yuraq mancha mana ukuniqman yaykuruptinqa chaynataq chukchapas yuraqman mana tikrakuruptinqa, sacerdotem chay runata qanchis punchawpaq wichqarunqa.
5Qanchis punchawmantam huktawan sacerdote chay runapa aychanta qawanqa, sichum chay aychanpi isu hinalla kaspa mana miraruptinqa, sacerdotem yapatawan chay runata qanchis punchawtawanraq wichqarunqa.
6Qanchis punchawmantam huktawan qawanqa, sichum chay aychanpi isu chinkaypi rinqa hinaspa manaña wiñaptinqa, sacerdotem chay runata chuya kasqantaña ninqa; chay onqoyninqa siksipakuyllam. Chaynapim chay runaqa pachanta taqsakuspan chuyaña kanqa.
7Sichum chay runa qawarachikuspan sanopaqña chaskisqa kachkaptin, aychanpi pusllucha mirayta qallaykuptinqa sacerdotemanmi qawachikunanpaq kutinqa. 8Chaymi sacerdoteñataq chay runapa aychanpi isu mirarusqanta qawaykuspan chay runata millakuypaqña kasqanta ninqa. Payqa leprawanmi onqochkan.
9Sichum huk runapa aychanpi lepra onqoy rikuriruptinqa, chay runatam sacerdoteman pusamunqaku. 10Hinaptinmi chay runapa onqoyninta sacerdote qawanqa, sichum chay aychanpi punkiy yuraq kaptinqa hinaspa chaypi chukchapas yuraqman tikrakuruptinqa chaynataq llullu aychapas sutilla rikuriptinqa, 11chay runapa onqoyninqa mana sanoyaq lepra onqoymi. Chay runataqa amañam wichqanqañapaschu, ñam yachakunña lepra onqoy kasqanta.
12Sichum runapa aychanpi chaki puntanmanta uma puntankama lepra apurawman miraruptinqa, 13sacerdotem qawanqa. Chay runapa aychan yuraqman tikrakuruptinqa sacerdotem ninqa allinyarusqantaña. Chay onqoyqa yuraqmanmi tikrakurun, chayraykum chay runaqa allinyarunña.
14Sichum chay runapa isunpi llullu aycha rikuriruptinqa millakuypaqñam rikurirun. 15Sacerdotem chay llullu aychata qawaspan chay runata millakuypaqña kasqanta ninqa; chayqa lepra onqoymi.
16Sichum chay llullu aycha yuraqman tikrakuruptinqa chay runam sacerdoteman hamunqa 17qawachikunanpaq, sichum chay isu yuraqman tikrakurunqa hinaptinqa sacerdotem chay runata chuya kasqantaña ninqa; payqa manam lepra onqoywanñachu kachkan.
18Hukkaqnin runapa aychanpi isu rikuriruspan sanoyarunqa, 19hinaspa punkiramunqa otaq pukayasqa yuraq mancha rikuriramunqa, hinaptinqa sacerdotewanmi qawachikunqa. 20Sichum sacerdote qawaspan chay isupa kasqan ukuniqña kaptinqa chaynataq chaypi chukchapas yuraqman tikrakuruptinqa chay onqoqtam millakuypaqña kasqanta ninqa. Chay isupi rikuriqqa lepra onqoymi. 21Chay isupa kasqanpi chukcha mana yuraqyaptinqa hinaspa isupas ukuniqman mana yaykuptinqa chaynapi sanoyaytaña qallaykuptinqa chay runatam sacerdote qanchis punchawpaq wichqarunqa.
22Sichum chay runapa aychanpi isu miraruptinqa sacerdotem chay runata millakuypaqña kasqanta ninqa. Chayqa lepra onqoymi. 23Chay yuraq mancha mana miraptinmi ichaqa chay isu chakichkanña, hinaptinqa sacerdotem chay runata chuya kasqantaña ninqa.
24Huk runa ninawan pusllurachikuptin chay pusllusqa aychanpi pukayasqa otaq yuraq mancha rikuriruptinqa 25sacerdotem qawanqa. Sichum chay manchapi chukcha yuraqman tikrakuruptinqa hinaspa chay manchapas ukuniqman yaykuruptinqa, lepra onqoymi chay pusllusqapi rikurirun. Chaynaqa, sacerdotem chay runata millakuypaqña kasqanta ninqa; chayqa lepra onqoymi.
26Sichum chay manchata qawaspan sacerdote mana ima yuraq chukchatapas tarinqachu chaynataq isupas mana ukuniqman yaykuspa aswan menosyaptinqa, chay runatam qanchis punchawpaq sacerdote wichqarunqa.
27Qanchis punchawpiñataqmi sacerdote huktawan chay runata qawanqa. Sichum chay mancha miraruptinqa chay runatam millakuypaqña kasqanta ninqa; chay isupiqa lepra onqoymi rikurirun. 28Chay mancha mana wiñaspan taksayaptinqa kañakurusqanpa punkiyllanmi. Chaynaqa, sacerdotem chay runata chuyaña kasqanta ninqa. Chayqa kañakurusqanpa chakisqallanmi.
29Qaripa otaq warmipa umanpi isu rikuriruptinqa otaq kakichunpipas isu rikuriruptinqa 30sacerdotem qawanqa. Sichum chay isu ukuniqman yaykuruptinqa hinaspa chaypi tarikuq chukchapas qelluyaspa asllayaptinqa, sacerdotem chay runata millakuypaqña kasqanta ninqa. Chay runataqa caracham hapirun, chayqa umanpi otaq kakichunpi rikuriruq lepra onqoymi.
31Sichum sacerdote qawanqa chay carachata hinaspa mana tarinqachu ukuniqman yaykurusqanta manataq ima yana chukchatapas tarinqachu, hinaptinqa carachawan onqoqtam qanchis punchawpaq wichqarunqa.
32Qanchis kaq punchawpiñataqmi sacerdote qawanqa chay carachata, sichum chay caracha mana mirarispa ukuniqman mana yaykuruptinqa chaynataq chukchapas mana qelluyaptinqa, 33chay runatam sacerdote kamachinqa chukchanta kachiy-kachiyta rutuchikunanpaq, carachapa kasqantam ichaqa ama rutuchikunqachu; sacerdotem chay runata huk qanchis punchawtawanraq wichqanqa.
34Qanchis kaq punchawpiñataqmi huktawan sacerdote chay carachata qawanqa, sichum chay caracha mana wiñaruptinqa hinaspa ukuniqman mana yaykuruptinqa sacerdotem chay runata chuyaña kasqanta ninqa. Chay runañataqmi pachanta taqsakuspan chuyaña kanqa.
35Sichum sanopaqña hapisqa kachkaptin chay caracha miraruptinmi ichaqa, 36sacerdote huktawan qawanqa. Sichum chay caracha miraruptinqa amañam maskanqachu qellu chukchatapas. Chay runaqa millakuypaqñam rikurirun.
37Sacerdotepaq chay caracha allinyaruqpaq hinaña rikchakapuptinqa hinaspa yana chukchapas chaypi wiñaruptinqa, chay runaqa chuyañam. Hinaptinqa sacerdotem chay runata chuya kasqantaña ninqa.
38Qaripapas otaq warmipapas aycha qaranpi yuraq manchakuna rikuriruptinqa 39sacerdotem qawanqa, sichum tarirunqa oqeyariq manchakunata hinaptinqa chayqa suchillam. Chay runaqa chuyam kachkan.
40Sichum huk qaripa chukchankuna wichiruptinqa payqa paqlayarunmi. Payqa chuyam. 41Urkun lawmanta chukchan wichiruptinqa paqla urkullam kachkan. Payqa chuyam. 42Sichum umanpa qepa lawnin paqlayasqanpi otaq urkun paqlayasqanpi pukayasqa yuraq isu rikuriruptinqa lepra onqoymi rikurichkan.
43Chaytaqa sacerdotem qawanqa. Sichum chay paqlanpi punkisqa isu pukayasqa yuraq kaptinqa, 44chay runaqa leprawanmi onqochkan, chay runaqa millakuypaqmi kachkan. Sacerdotem chay runata millakuypaqña kasqanta ninqa.
45Lepra onqoyniyuq runaqa llikipasqa pachayuq hinaspa qala umallam purinqa. Payqa uyanta tapakuykuspanmi qaparinqa: “¡Millakuypaqmi kani! ¡Millakuypaqmi kani!” nispa.
46Leprayuq runaqa isun chinkanankamam millakuypaq kanqa; campamentomanta karupim sapallan yachanqa.
Qoqarasqamanta yachachikuykuna
47Sichum millwamanta otaq linomanta pachapi qoqarasqa mancha rikuriruptinqa, 48chaynataq linomanta otaq millwamanta awasqapi qoqarasqa mancha rikuriruptinqa chaynataq qarapi otaq qaramanta ruwasqapi 49verdeyasqa otaq pukayasqa qoqaraykuna rikuriruptinqa, chayqa lepra onqoymi. Chaykunataqa sacerdotemanmi qawachinqaku.
50Sacerdote qawaykuspanmi, chay qoqarasqakunata qanchis punchawpaq wichqanqa. 51Qanchis kaq punchawpim chay qoqarasqakunata sacerdote qawanqa; sichum pachapi, awasqapi, qarapi, otaq qaramanta imapas ruwasqapi qoqaraykuna miraruptinqa, chay qoqarayqa lepra onqoymi. Chaykunaqa millakuypaqmi kanqa. 52Imapas chayna qoqarasqa kaqqa kañasqam kanqa; chay qoqarayqa lepra onqoymi.
53Sichum sacerdote imapipas chay qoqarayta mana mirasqanta tarispaqa, 54kamachikunqam chay qoqarayuq kaqkunata taqsanankupaq, hinaspam qanchis punchawtawanraq wichqarunqa. 55Chay qoqarayuq kaqta taqsaruptinkum sacerdote qawanqa. Sichum chay qoqaray mana miraruspa hinalla kaptinqa, chaykunaqa millakuypaq kasqanraykum kañasqa kanqa; chayqa hawanpi kaspa otaq ukunpi kaspapas uchkuq qoqaraymi.
56Sichum chay qoqarasqata taqsaruptinku yanayaspa taksayasqanta sacerdote qawaspanqa, pachamanta, qaramanta, awasqamanta kaptinpas, chay qoqarasqa lawtam kuchurunqa.
57Sichum pachapi, awasqapi, otaq imapas qaramanta ruwasqa kaqpi qoqaray huktawan rikuriruspa miraptinqa, chaytaqa kañanqakupunim. 58Ichaqa pachata, awasqata, otaq imapas qaramanta ruwasqa kaqta taqsaruptinku qoqaray chinkaruptinqa yapamantam taqsanqaku, hinaptinmi chuyaña kanqa.
59Kaykunam qoqaray lepra onqoymanta yachachikuykuna, millwamanta pachapi kaptin, linomanta pachapi kaptin, awasqapi kaptin, otaq ima qarapi kaptinpas. Chaynapi chuya kasqanta otaq millakuypaq kasqantapas yachanaykichikpaq, nispa.
Currently Selected:
Levítico 13: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Levítico 13
13
Lepra onqoymanta
1Moisestawan Aarontam Tayta Dios kaynata nirqa:
2Sichum hukkaqnin runapa aychanpi punkiy, siksipakuy, yuraq mancha, otaq lepraman rikchakuq ima isupas rikuriruptinqa, sacerdote Aaronmanmi otaq hukkaqnin churin sacerdotemanmi apanqaku. 3Chay sacerdotem runapa aychanpi isuta qawanqa. Sichum chay isupi kaq chukcha yuraqman tikrakurunqa chaynataq isupas ukuniqman yaykuruptinqa, chayqa lepra onqoymi. Chayta sacerdote sumaqta qawaykuspanmi chay runata millakuypaqña kasqanta ninqa.
4Sichum chay runapa aychanpi yuraq mancha mana ukuniqman yaykuruptinqa chaynataq chukchapas yuraqman mana tikrakuruptinqa, sacerdotem chay runata qanchis punchawpaq wichqarunqa.
5Qanchis punchawmantam huktawan sacerdote chay runapa aychanta qawanqa, sichum chay aychanpi isu hinalla kaspa mana miraruptinqa, sacerdotem yapatawan chay runata qanchis punchawtawanraq wichqarunqa.
6Qanchis punchawmantam huktawan qawanqa, sichum chay aychanpi isu chinkaypi rinqa hinaspa manaña wiñaptinqa, sacerdotem chay runata chuya kasqantaña ninqa; chay onqoyninqa siksipakuyllam. Chaynapim chay runaqa pachanta taqsakuspan chuyaña kanqa.
7Sichum chay runa qawarachikuspan sanopaqña chaskisqa kachkaptin, aychanpi pusllucha mirayta qallaykuptinqa sacerdotemanmi qawachikunanpaq kutinqa. 8Chaymi sacerdoteñataq chay runapa aychanpi isu mirarusqanta qawaykuspan chay runata millakuypaqña kasqanta ninqa. Payqa leprawanmi onqochkan.
9Sichum huk runapa aychanpi lepra onqoy rikuriruptinqa, chay runatam sacerdoteman pusamunqaku. 10Hinaptinmi chay runapa onqoyninta sacerdote qawanqa, sichum chay aychanpi punkiy yuraq kaptinqa hinaspa chaypi chukchapas yuraqman tikrakuruptinqa chaynataq llullu aychapas sutilla rikuriptinqa, 11chay runapa onqoyninqa mana sanoyaq lepra onqoymi. Chay runataqa amañam wichqanqañapaschu, ñam yachakunña lepra onqoy kasqanta.
12Sichum runapa aychanpi chaki puntanmanta uma puntankama lepra apurawman miraruptinqa, 13sacerdotem qawanqa. Chay runapa aychan yuraqman tikrakuruptinqa sacerdotem ninqa allinyarusqantaña. Chay onqoyqa yuraqmanmi tikrakurun, chayraykum chay runaqa allinyarunña.
14Sichum chay runapa isunpi llullu aycha rikuriruptinqa millakuypaqñam rikurirun. 15Sacerdotem chay llullu aychata qawaspan chay runata millakuypaqña kasqanta ninqa; chayqa lepra onqoymi.
16Sichum chay llullu aycha yuraqman tikrakuruptinqa chay runam sacerdoteman hamunqa 17qawachikunanpaq, sichum chay isu yuraqman tikrakurunqa hinaptinqa sacerdotem chay runata chuya kasqantaña ninqa; payqa manam lepra onqoywanñachu kachkan.
18Hukkaqnin runapa aychanpi isu rikuriruspan sanoyarunqa, 19hinaspa punkiramunqa otaq pukayasqa yuraq mancha rikuriramunqa, hinaptinqa sacerdotewanmi qawachikunqa. 20Sichum sacerdote qawaspan chay isupa kasqan ukuniqña kaptinqa chaynataq chaypi chukchapas yuraqman tikrakuruptinqa chay onqoqtam millakuypaqña kasqanta ninqa. Chay isupi rikuriqqa lepra onqoymi. 21Chay isupa kasqanpi chukcha mana yuraqyaptinqa hinaspa isupas ukuniqman mana yaykuptinqa chaynapi sanoyaytaña qallaykuptinqa chay runatam sacerdote qanchis punchawpaq wichqarunqa.
22Sichum chay runapa aychanpi isu miraruptinqa sacerdotem chay runata millakuypaqña kasqanta ninqa. Chayqa lepra onqoymi. 23Chay yuraq mancha mana miraptinmi ichaqa chay isu chakichkanña, hinaptinqa sacerdotem chay runata chuya kasqantaña ninqa.
24Huk runa ninawan pusllurachikuptin chay pusllusqa aychanpi pukayasqa otaq yuraq mancha rikuriruptinqa 25sacerdotem qawanqa. Sichum chay manchapi chukcha yuraqman tikrakuruptinqa hinaspa chay manchapas ukuniqman yaykuruptinqa, lepra onqoymi chay pusllusqapi rikurirun. Chaynaqa, sacerdotem chay runata millakuypaqña kasqanta ninqa; chayqa lepra onqoymi.
26Sichum chay manchata qawaspan sacerdote mana ima yuraq chukchatapas tarinqachu chaynataq isupas mana ukuniqman yaykuspa aswan menosyaptinqa, chay runatam qanchis punchawpaq sacerdote wichqarunqa.
27Qanchis punchawpiñataqmi sacerdote huktawan chay runata qawanqa. Sichum chay mancha miraruptinqa chay runatam millakuypaqña kasqanta ninqa; chay isupiqa lepra onqoymi rikurirun. 28Chay mancha mana wiñaspan taksayaptinqa kañakurusqanpa punkiyllanmi. Chaynaqa, sacerdotem chay runata chuyaña kasqanta ninqa. Chayqa kañakurusqanpa chakisqallanmi.
29Qaripa otaq warmipa umanpi isu rikuriruptinqa otaq kakichunpipas isu rikuriruptinqa 30sacerdotem qawanqa. Sichum chay isu ukuniqman yaykuruptinqa hinaspa chaypi tarikuq chukchapas qelluyaspa asllayaptinqa, sacerdotem chay runata millakuypaqña kasqanta ninqa. Chay runataqa caracham hapirun, chayqa umanpi otaq kakichunpi rikuriruq lepra onqoymi.
31Sichum sacerdote qawanqa chay carachata hinaspa mana tarinqachu ukuniqman yaykurusqanta manataq ima yana chukchatapas tarinqachu, hinaptinqa carachawan onqoqtam qanchis punchawpaq wichqarunqa.
32Qanchis kaq punchawpiñataqmi sacerdote qawanqa chay carachata, sichum chay caracha mana mirarispa ukuniqman mana yaykuruptinqa chaynataq chukchapas mana qelluyaptinqa, 33chay runatam sacerdote kamachinqa chukchanta kachiy-kachiyta rutuchikunanpaq, carachapa kasqantam ichaqa ama rutuchikunqachu; sacerdotem chay runata huk qanchis punchawtawanraq wichqanqa.
34Qanchis kaq punchawpiñataqmi huktawan sacerdote chay carachata qawanqa, sichum chay caracha mana wiñaruptinqa hinaspa ukuniqman mana yaykuruptinqa sacerdotem chay runata chuyaña kasqanta ninqa. Chay runañataqmi pachanta taqsakuspan chuyaña kanqa.
35Sichum sanopaqña hapisqa kachkaptin chay caracha miraruptinmi ichaqa, 36sacerdote huktawan qawanqa. Sichum chay caracha miraruptinqa amañam maskanqachu qellu chukchatapas. Chay runaqa millakuypaqñam rikurirun.
37Sacerdotepaq chay caracha allinyaruqpaq hinaña rikchakapuptinqa hinaspa yana chukchapas chaypi wiñaruptinqa, chay runaqa chuyañam. Hinaptinqa sacerdotem chay runata chuya kasqantaña ninqa.
38Qaripapas otaq warmipapas aycha qaranpi yuraq manchakuna rikuriruptinqa 39sacerdotem qawanqa, sichum tarirunqa oqeyariq manchakunata hinaptinqa chayqa suchillam. Chay runaqa chuyam kachkan.
40Sichum huk qaripa chukchankuna wichiruptinqa payqa paqlayarunmi. Payqa chuyam. 41Urkun lawmanta chukchan wichiruptinqa paqla urkullam kachkan. Payqa chuyam. 42Sichum umanpa qepa lawnin paqlayasqanpi otaq urkun paqlayasqanpi pukayasqa yuraq isu rikuriruptinqa lepra onqoymi rikurichkan.
43Chaytaqa sacerdotem qawanqa. Sichum chay paqlanpi punkisqa isu pukayasqa yuraq kaptinqa, 44chay runaqa leprawanmi onqochkan, chay runaqa millakuypaqmi kachkan. Sacerdotem chay runata millakuypaqña kasqanta ninqa.
45Lepra onqoyniyuq runaqa llikipasqa pachayuq hinaspa qala umallam purinqa. Payqa uyanta tapakuykuspanmi qaparinqa: “¡Millakuypaqmi kani! ¡Millakuypaqmi kani!” nispa.
46Leprayuq runaqa isun chinkanankamam millakuypaq kanqa; campamentomanta karupim sapallan yachanqa.
Qoqarasqamanta yachachikuykuna
47Sichum millwamanta otaq linomanta pachapi qoqarasqa mancha rikuriruptinqa, 48chaynataq linomanta otaq millwamanta awasqapi qoqarasqa mancha rikuriruptinqa chaynataq qarapi otaq qaramanta ruwasqapi 49verdeyasqa otaq pukayasqa qoqaraykuna rikuriruptinqa, chayqa lepra onqoymi. Chaykunataqa sacerdotemanmi qawachinqaku.
50Sacerdote qawaykuspanmi, chay qoqarasqakunata qanchis punchawpaq wichqanqa. 51Qanchis kaq punchawpim chay qoqarasqakunata sacerdote qawanqa; sichum pachapi, awasqapi, qarapi, otaq qaramanta imapas ruwasqapi qoqaraykuna miraruptinqa, chay qoqarayqa lepra onqoymi. Chaykunaqa millakuypaqmi kanqa. 52Imapas chayna qoqarasqa kaqqa kañasqam kanqa; chay qoqarayqa lepra onqoymi.
53Sichum sacerdote imapipas chay qoqarayta mana mirasqanta tarispaqa, 54kamachikunqam chay qoqarayuq kaqkunata taqsanankupaq, hinaspam qanchis punchawtawanraq wichqarunqa. 55Chay qoqarayuq kaqta taqsaruptinkum sacerdote qawanqa. Sichum chay qoqaray mana miraruspa hinalla kaptinqa, chaykunaqa millakuypaq kasqanraykum kañasqa kanqa; chayqa hawanpi kaspa otaq ukunpi kaspapas uchkuq qoqaraymi.
56Sichum chay qoqarasqata taqsaruptinku yanayaspa taksayasqanta sacerdote qawaspanqa, pachamanta, qaramanta, awasqamanta kaptinpas, chay qoqarasqa lawtam kuchurunqa.
57Sichum pachapi, awasqapi, otaq imapas qaramanta ruwasqa kaqpi qoqaray huktawan rikuriruspa miraptinqa, chaytaqa kañanqakupunim. 58Ichaqa pachata, awasqata, otaq imapas qaramanta ruwasqa kaqta taqsaruptinku qoqaray chinkaruptinqa yapamantam taqsanqaku, hinaptinmi chuyaña kanqa.
59Kaykunam qoqaray lepra onqoymanta yachachikuykuna, millwamanta pachapi kaptin, linomanta pachapi kaptin, awasqapi kaptin, otaq ima qarapi kaptinpas. Chaynapi chuya kasqanta otaq millakuypaq kasqantapas yachanaykichikpaq, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012