Josué 9
9
Gabaón llaqtayuqkunawan contrato ruwasqankumanta
1Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku. 2Hinaspam huk runa hinalla, Josueypa chaynataq Israelpa contranpi peleanankupaq huñunakururqaku. 3Gabaón llaqtapi yachaqkunam ichaqa, Jericó llaqtatawan Hai llaqtata Josueypa imam ruwarusqanta uyariruspanku, 4sakrillawan sumaqta tanteanakuruspanku, karumantaraq hamuq tukuspanku, mawka costalkunata hinaspa llikipasqa chaynataq remiendasqa mawka odrekunata asnonkuman cargakuykuspanku, 5mawka usutakunawan, mawka pachawan churakuykuspanku, ñanninkupaqpas qoqarasqa chaki tantakunata aparikuspanku pasarqaku. 6Hinaspam Josueypa kasqanman chayarurqaku, Gilgalpi campamentonta sayarachispa kachkaptin. Chayaruspankum Josueytawan Israelpa mirayninkunata nirqaku:
Ñoqaykuqa karumantaraqmi hamuchkaniku. Qamkunawanmi contrato ruwayta munaniku, nispanku.
7 #
Ex 23.32; 34.12; Dt 7.2. Israelpa mirayninkunam ichaqa chay heveokunata nirqaku:
Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.
8Hinaptinmi Josueyta paykuna nirqaku:
Ñoqaykuqa serviqnikikunam kaniku, nispanku.
Chaymi paykunata Josué nirqa:
¿Pikunataq kankichik? ¿Maymantataq hamuchkankichik? nispa.
9Paykunañataqmi nirqaku:
Kay serviqnikikunaqa karu llaqtamantaraqmi hamuchkaniku, Diosnikichikpa tukuy ima ruwasqantam yacharurqaniku. Uyarirqanikum Egipto nacionpi tukuy ima ruwasqankunatawan, 10#Nm 21.21-35.Jordán mayupa waklaw chimpanpi kaq amorreokunapa iskaynin reyninkunata, Hesbonpa reynin Sehontapas chaynataq Basanpa reynin Astarot lawpi yachaq Ogta imatam ruwasqantapas. 11Chayraykum llaqtaykupi ancianokunawan llapallan runakuna niwarqaku: “Ñannikichikpaq necesitasqaykichikta apaspayá paykunapa kasqanman riychik hinaspa nimuychik: Ñoqaykuqa serviqnikikunam kaniku, kunanyá ñoqaykuwan contratota ruwaychik”, nispaykichik. 12Wasiykumanta lloqsimuspaykuqa kay tantaykutapas qonichkaqllatam apamurqaniku, kayqaya kunanqa chakiruspan qoqarachkanña. 13Kay odreykumanpas musoqllamanmi vinota hillpukamurqaniku, kayqaya kunanqa llikipasqaña. Pachaykupas, usutaykupas karu-karumantaraq hamusqaykurayku pasaypaq mawkayasqaña, nispanku.
14Chaymi Israelpa mirayninkuna, Gabaón llaqtayuq runakunapa apamusqanta chaskiykurqaku. Ichaqa manam Tayta Diosta tapurqakuchu. 15Hinaptinmi paykunawan hawkalla kaspanku mana wañuchinankupaq contratota Josué ruwarqa. Israelpa kamachiqninkunapas, chaynata ruwanankupaqmi jurarqaku.
16Ichaqa paykunawan contrato ruwasqankumanta kimsa punchawllanmanmi yacharurqaku chay runakunaqa Gabaón llaqtamanta kaspa hichpallankupi yachaq kasqankuta. 17Chayraykum Israelpa mirayninkuna lloqsiruspanku chay sakri runakunapa llaqtanku Gabaonman, Cafiraman, Beerotman hinaspa Quiriat-jearimman kimsa punchawpi chayarurqaku. 18Ichaqa Israelpa mirayninkunam paykunata mana wañurachirqakuchu, paykunapa kamachiqninkuna Israelpa yupaychasqan Tayta Diospa sutinpi jurasqankurayku.
Hinaptinmi Israelpa mirayninkuna llapa kamachiqninkupa contranpi rimarqaku. 19Chaymi llapa kamachiqninkuna Israelpa mirayninkunata nirqaku:
Ñoqaykuqa Israelpa yupaychasqan Tayta Diosraykum jurarqaniku. Chayraykum paykunataqa mana imanachwanchu. 20Aswanqa kaynatam ruwasunchik: Paykunataqa manam wañuchichwanchu, juramento ruwasqanchikraykum Tayta Diospa piñakuynin chayaramuwachwan, nispanku.
21Israelpa kamachiqninkunaqa nirqakutaqmi:
Ama wañuchisunchikchu, aswanqa paykuna kachunku llapallan runakunapaq yantaqkuna hinaspa yaku apamuqkuna, nispanku.
Chaynatam llapa kamachikuqkunaqa imam nisqankuta cumplirqaku.
22Josueymi Gabaón llaqtayuqkunata tapurqa:
Hichpallaykupi yachachkaspaqa ¿imanasqataq “Llumpay karumantam hamuniku” nispa llullakuwarqankiku? 23Chayraykum ñakasqa kaspa wiñaypaq criado kankichik. Yantatawan yakutam Diosniypa wasinpaq astamunkichik, nispa.
24Chaymi Josueyta nirqaku:
Yupaychasqayki Tayta Dios tukuy kay allpata qamkunaman qosunaykichikpaq hinaspa kay allpapi llapallan yachaqkunata wañuchinanpaq serviqnin Moisesman kamachisqanta yacharusqaykuraykum, wañuchiwanaykikumanta manchakuspa chaynataqa ruwarqaniku. 25Kunanqa makikipim kaniku. Tanteasqaykiman hinayá ñoqaykuwan ruway, nispanku.
26Chaynata ruwaspam, Gabaón llaqtapa runankunata Israelpa mirayninkuna wañurachinanmanta Josué librarqa. 27Chay punchawmantapunim paykunata Josué churarurqa Israelpa mirayninkunapaqwan Tayta Diospa altarninpaq, maymi akllasqan sitiopi altarninpaq yantatawan yakuta astamunankupaq. Gabaón castakunapaqqa hina chaymi ruwayninku kunankamapas.
Currently Selected:
Josué 9: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Josué 9
9
Gabaón llaqtayuqkunawan contrato ruwasqankumanta
1Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku. 2Hinaspam huk runa hinalla, Josueypa chaynataq Israelpa contranpi peleanankupaq huñunakururqaku. 3Gabaón llaqtapi yachaqkunam ichaqa, Jericó llaqtatawan Hai llaqtata Josueypa imam ruwarusqanta uyariruspanku, 4sakrillawan sumaqta tanteanakuruspanku, karumantaraq hamuq tukuspanku, mawka costalkunata hinaspa llikipasqa chaynataq remiendasqa mawka odrekunata asnonkuman cargakuykuspanku, 5mawka usutakunawan, mawka pachawan churakuykuspanku, ñanninkupaqpas qoqarasqa chaki tantakunata aparikuspanku pasarqaku. 6Hinaspam Josueypa kasqanman chayarurqaku, Gilgalpi campamentonta sayarachispa kachkaptin. Chayaruspankum Josueytawan Israelpa mirayninkunata nirqaku:
Ñoqaykuqa karumantaraqmi hamuchkaniku. Qamkunawanmi contrato ruwayta munaniku, nispanku.
7 #
Ex 23.32; 34.12; Dt 7.2. Israelpa mirayninkunam ichaqa chay heveokunata nirqaku:
Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.
8Hinaptinmi Josueyta paykuna nirqaku:
Ñoqaykuqa serviqnikikunam kaniku, nispanku.
Chaymi paykunata Josué nirqa:
¿Pikunataq kankichik? ¿Maymantataq hamuchkankichik? nispa.
9Paykunañataqmi nirqaku:
Kay serviqnikikunaqa karu llaqtamantaraqmi hamuchkaniku, Diosnikichikpa tukuy ima ruwasqantam yacharurqaniku. Uyarirqanikum Egipto nacionpi tukuy ima ruwasqankunatawan, 10#Nm 21.21-35.Jordán mayupa waklaw chimpanpi kaq amorreokunapa iskaynin reyninkunata, Hesbonpa reynin Sehontapas chaynataq Basanpa reynin Astarot lawpi yachaq Ogta imatam ruwasqantapas. 11Chayraykum llaqtaykupi ancianokunawan llapallan runakuna niwarqaku: “Ñannikichikpaq necesitasqaykichikta apaspayá paykunapa kasqanman riychik hinaspa nimuychik: Ñoqaykuqa serviqnikikunam kaniku, kunanyá ñoqaykuwan contratota ruwaychik”, nispaykichik. 12Wasiykumanta lloqsimuspaykuqa kay tantaykutapas qonichkaqllatam apamurqaniku, kayqaya kunanqa chakiruspan qoqarachkanña. 13Kay odreykumanpas musoqllamanmi vinota hillpukamurqaniku, kayqaya kunanqa llikipasqaña. Pachaykupas, usutaykupas karu-karumantaraq hamusqaykurayku pasaypaq mawkayasqaña, nispanku.
14Chaymi Israelpa mirayninkuna, Gabaón llaqtayuq runakunapa apamusqanta chaskiykurqaku. Ichaqa manam Tayta Diosta tapurqakuchu. 15Hinaptinmi paykunawan hawkalla kaspanku mana wañuchinankupaq contratota Josué ruwarqa. Israelpa kamachiqninkunapas, chaynata ruwanankupaqmi jurarqaku.
16Ichaqa paykunawan contrato ruwasqankumanta kimsa punchawllanmanmi yacharurqaku chay runakunaqa Gabaón llaqtamanta kaspa hichpallankupi yachaq kasqankuta. 17Chayraykum Israelpa mirayninkuna lloqsiruspanku chay sakri runakunapa llaqtanku Gabaonman, Cafiraman, Beerotman hinaspa Quiriat-jearimman kimsa punchawpi chayarurqaku. 18Ichaqa Israelpa mirayninkunam paykunata mana wañurachirqakuchu, paykunapa kamachiqninkuna Israelpa yupaychasqan Tayta Diospa sutinpi jurasqankurayku.
Hinaptinmi Israelpa mirayninkuna llapa kamachiqninkupa contranpi rimarqaku. 19Chaymi llapa kamachiqninkuna Israelpa mirayninkunata nirqaku:
Ñoqaykuqa Israelpa yupaychasqan Tayta Diosraykum jurarqaniku. Chayraykum paykunataqa mana imanachwanchu. 20Aswanqa kaynatam ruwasunchik: Paykunataqa manam wañuchichwanchu, juramento ruwasqanchikraykum Tayta Diospa piñakuynin chayaramuwachwan, nispanku.
21Israelpa kamachiqninkunaqa nirqakutaqmi:
Ama wañuchisunchikchu, aswanqa paykuna kachunku llapallan runakunapaq yantaqkuna hinaspa yaku apamuqkuna, nispanku.
Chaynatam llapa kamachikuqkunaqa imam nisqankuta cumplirqaku.
22Josueymi Gabaón llaqtayuqkunata tapurqa:
Hichpallaykupi yachachkaspaqa ¿imanasqataq “Llumpay karumantam hamuniku” nispa llullakuwarqankiku? 23Chayraykum ñakasqa kaspa wiñaypaq criado kankichik. Yantatawan yakutam Diosniypa wasinpaq astamunkichik, nispa.
24Chaymi Josueyta nirqaku:
Yupaychasqayki Tayta Dios tukuy kay allpata qamkunaman qosunaykichikpaq hinaspa kay allpapi llapallan yachaqkunata wañuchinanpaq serviqnin Moisesman kamachisqanta yacharusqaykuraykum, wañuchiwanaykikumanta manchakuspa chaynataqa ruwarqaniku. 25Kunanqa makikipim kaniku. Tanteasqaykiman hinayá ñoqaykuwan ruway, nispanku.
26Chaynata ruwaspam, Gabaón llaqtapa runankunata Israelpa mirayninkuna wañurachinanmanta Josué librarqa. 27Chay punchawmantapunim paykunata Josué churarurqa Israelpa mirayninkunapaqwan Tayta Diospa altarninpaq, maymi akllasqan sitiopi altarninpaq yantatawan yakuta astamunankupaq. Gabaón castakunapaqqa hina chaymi ruwayninku kunankamapas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012