Josué 6
6
Jericó llaqtata vencesqankumanta
1Jericó llaqtapa punkunkunatam Israelpa mirayninkuna mana yaykunankupaq suma-sumaqta wichqarurqaku. Manam pipas lloqsirqachu nitaq yaykurqachu. 2Ichaqa Josueytam Tayta Dios nirqa:
Kunanmi Jericó llaqtata, reyninta chaynataq soldadonkunatapas makikiman churani. 3Chaynaqa, qanmi tropaykikunapiwan kay llaqtata sapa punchaw huk kutita muyunkichik. Soqta punchawmi chaynata ruwankichik. 4Arcapa ñawpaqnintam qanchis sacerdotekuna rinqaku, sapakama carneropa waqranmanta cornetayuqkama. Qanchis kaq punchawpim kay llaqtata qanchis kutitakama muyunkichik, sacerdotekunañataqmi cornetankuta tocanqaku. 5Cornetata unay waqaqta uyariykuspaykichikmi, llapallaykichik tukuy kallpaykichikwan qaparinkichik, hinaptinmi llaqtapa muyuriqninpi perqakuna tuñiykunqa. Chayñam llaqtaman sapakama mana imata manchakuspa yaykunkichik, nispa.
6Chaymi sacerdotekunata qayaykuspan Nunpa churin Josué nirqa:
Diospa Arcanta apaychik, qanchis sacerdotekunañataqyá carnerokunapa waqranmanta cornetayuqkama, Tayta Diospa Arcanpa ñawpaqninta richunku, nispa.
7Llaqtatapas kaynatam nirqa:
Riychik hinaspa kay llaqtata muyumuychik. Guerrapaq tropakunañataqyá Diospa Arcanpa ñawpaqninta richunku, nispa.
8Josué rimayta tukuruptinmi, qanchisnintin sacerdotekuna carneropa waqranmanta cornetayuqkama, Tayta Diospa Arcanpa ñawpaqninta cornetankuta tocastin rirqaku. Tayta Diospa Arcanñataqmi paykunapa qepanta rirqa. 9Guerrapaq tropakunam, corneta tocaq sacerdotekunapa ñawpaqninta rirqaku. Llapa runakunapas Diospa Arcanpa qepantam rirqaku, sacerdotekunañataqmi cornetata manaña tukuyta tocarqaku. 10Runakunatam Josué kamachirqa:
Qamkunaqa amam qaparinkichikchu, nitaqmi imatapas rimarinkichikchu, aswanqa upallallam rinkichik. ¡Qapariychik! niptiyñam llapallan kallpaykichikwan lliw qaparinkichik, nispa.
Jericó llaqtata vencesqankumanta
11Josué kamachiptinmi llaqtapa muyuriqninta, Tayta Diospa Arcanta huk kutita muyuchirqaku. Hinaspam campamentoman kutimuspanku tuta samarqaku. 12Paqarinnintin tutapaytam Josué hatarirurqa, sacerdotekunañataqmi Tayta Diospa Arcanta hombrorqaku. 13Diospa Arcanpa ñawpaqnintam qanchis sacerdotekuna carneropa waqranmanta cornetayuqkama, cornetata manaña tukuyta tocastin rirqaku. Guerrapaq tropakunañataqmi paykunapa ñawpaqninta rirqaku. Llapa runakunapas Tayta Diospa Arcanpa qepantam rirqaku. Sacerdotekunapas mana tukuytam cornetata tocarqaku. 14Chaynatam iskay kaq punchawpipas llaqtata huk kutitawan muyuramuspanku campamentoman kutimurqaku. Soqtantin punchawmi chaynallata ruwarqaku.
15Qanchis kaq punchawpiñataqmi tutapayta hatariruspanku llaqtata muyumurqaku wakin punchawpi muyumusqankuta hina. Ichaqa chay punchawpim qanchis kutikama llaqtata muyumurqaku. 16Qanchis kaq kuti muyumuyninkupim sacerdotekuna cornetankuta tocaykuptinku, llapa runakunata Josué kamachirqa: ¡Qapariychik! Llaqtatam Tayta Dios qoykusunkichik. 17Tayta Diospa ñakasqan kasqanraykum kay llaqtaqa tukuy ima kaqninkunawan kuska chinkachisqa kanqa. Rahabllañam wasinpi kaqkunapiwan kawsanqa, wateqanankupaq kachamusqanchikkunata pakaykusqanrayku. 18Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik. 19Qorimanta, qollqemanta, broncemanta, fierromanta ruwasqa kaqkunam ichaqa Tayta Diospaq sapaqchasqa kanqa, hinaspam Tayta Diospa kaqninkunawan kuska churasqa kanqa, nispa.
20 #
Heb 11.30. Chaymi runakuna qaparirqaku, sacerdotekunapas cornetatam tocarqaku. Cornetapa waqasqanta uyarispanku llapa runakuna tukuy kallpankuwan qapariptinkum llaqtapa muyuriqninpi perqakuna tuñiykamurqa, hinaptinmi llaqtaman yaykuruspanku lliwta puchukarachirqaku. 21Llaqtapi kaqtaqa lliwtam espadawan wañuchirqaku, qaritapas, warmitapas, warmatapas machutapas hinaspa payatapas; wañuchirqakutaqmi vacakunatapas, ovejakunatapas, asnokunatapas.
22Josueyñataqmi llaqtata wateqanankupaq kachasqan iskay runakunata kamachirqa:
Prometesqaykichikman hina, chay chuchumika warmipa wasinman yaykuspa hurqomuychik payta chaynataq llapallan paywan kuska wasinpi kaqkunatapas, nispa.
23Hinaptinmi chay runakuna yaykuspa Rahabta, tayta-mamanta, turinkunata ñañankunata chaynataq llapa ayllunkunatapas hurqomurqaku. Hinaspam Israelpa campamentopa hawa lawninman paykunata pusarqaku. 24Chaymantam llaqtata kañaykurqaku chaypi tukuy ima kaqkunatawan kuskata. Qorita, qollqeta hinaspa broncemanta chaynataq fierromanta ruwasqa kaqkunatam ichaqa apaspanku Tayta Diospa kapuqninkunawan kuskata churarqaku. 25#Heb 11.31.Rahabtapas wasinpi kaqkunatawan kuskatam Josué salvarqa, chaynapim paykunaqa Israel castakunawanña kunankama yachachkanku. Rahabtaqa salvarqa Jericó llaqta wateqamuqkunata pakaykusqanraykum.
26 # 1 R 16.34. Chay tiempopim juraspan Josué kaynata nirqa:
Pipas kay Jericó llaqtata musoqmanta hatarichiqqa Tayta Diospa ñakasqanyá kachun. Piwi churinpa hawanpiyá cimientonkunatapas hatarichichun, sullka churinpa hawanpiyá punkunkunatapas churachun, nispa.
27Tayta Dios yanapasqanraykum Josueyqa tukuy hinastinpi ancha reqsisqa karqa.
Currently Selected:
Josué 6: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Josué 6
6
Jericó llaqtata vencesqankumanta
1Jericó llaqtapa punkunkunatam Israelpa mirayninkuna mana yaykunankupaq suma-sumaqta wichqarurqaku. Manam pipas lloqsirqachu nitaq yaykurqachu. 2Ichaqa Josueytam Tayta Dios nirqa:
Kunanmi Jericó llaqtata, reyninta chaynataq soldadonkunatapas makikiman churani. 3Chaynaqa, qanmi tropaykikunapiwan kay llaqtata sapa punchaw huk kutita muyunkichik. Soqta punchawmi chaynata ruwankichik. 4Arcapa ñawpaqnintam qanchis sacerdotekuna rinqaku, sapakama carneropa waqranmanta cornetayuqkama. Qanchis kaq punchawpim kay llaqtata qanchis kutitakama muyunkichik, sacerdotekunañataqmi cornetankuta tocanqaku. 5Cornetata unay waqaqta uyariykuspaykichikmi, llapallaykichik tukuy kallpaykichikwan qaparinkichik, hinaptinmi llaqtapa muyuriqninpi perqakuna tuñiykunqa. Chayñam llaqtaman sapakama mana imata manchakuspa yaykunkichik, nispa.
6Chaymi sacerdotekunata qayaykuspan Nunpa churin Josué nirqa:
Diospa Arcanta apaychik, qanchis sacerdotekunañataqyá carnerokunapa waqranmanta cornetayuqkama, Tayta Diospa Arcanpa ñawpaqninta richunku, nispa.
7Llaqtatapas kaynatam nirqa:
Riychik hinaspa kay llaqtata muyumuychik. Guerrapaq tropakunañataqyá Diospa Arcanpa ñawpaqninta richunku, nispa.
8Josué rimayta tukuruptinmi, qanchisnintin sacerdotekuna carneropa waqranmanta cornetayuqkama, Tayta Diospa Arcanpa ñawpaqninta cornetankuta tocastin rirqaku. Tayta Diospa Arcanñataqmi paykunapa qepanta rirqa. 9Guerrapaq tropakunam, corneta tocaq sacerdotekunapa ñawpaqninta rirqaku. Llapa runakunapas Diospa Arcanpa qepantam rirqaku, sacerdotekunañataqmi cornetata manaña tukuyta tocarqaku. 10Runakunatam Josué kamachirqa:
Qamkunaqa amam qaparinkichikchu, nitaqmi imatapas rimarinkichikchu, aswanqa upallallam rinkichik. ¡Qapariychik! niptiyñam llapallan kallpaykichikwan lliw qaparinkichik, nispa.
Jericó llaqtata vencesqankumanta
11Josué kamachiptinmi llaqtapa muyuriqninta, Tayta Diospa Arcanta huk kutita muyuchirqaku. Hinaspam campamentoman kutimuspanku tuta samarqaku. 12Paqarinnintin tutapaytam Josué hatarirurqa, sacerdotekunañataqmi Tayta Diospa Arcanta hombrorqaku. 13Diospa Arcanpa ñawpaqnintam qanchis sacerdotekuna carneropa waqranmanta cornetayuqkama, cornetata manaña tukuyta tocastin rirqaku. Guerrapaq tropakunañataqmi paykunapa ñawpaqninta rirqaku. Llapa runakunapas Tayta Diospa Arcanpa qepantam rirqaku. Sacerdotekunapas mana tukuytam cornetata tocarqaku. 14Chaynatam iskay kaq punchawpipas llaqtata huk kutitawan muyuramuspanku campamentoman kutimurqaku. Soqtantin punchawmi chaynallata ruwarqaku.
15Qanchis kaq punchawpiñataqmi tutapayta hatariruspanku llaqtata muyumurqaku wakin punchawpi muyumusqankuta hina. Ichaqa chay punchawpim qanchis kutikama llaqtata muyumurqaku. 16Qanchis kaq kuti muyumuyninkupim sacerdotekuna cornetankuta tocaykuptinku, llapa runakunata Josué kamachirqa: ¡Qapariychik! Llaqtatam Tayta Dios qoykusunkichik. 17Tayta Diospa ñakasqan kasqanraykum kay llaqtaqa tukuy ima kaqninkunawan kuska chinkachisqa kanqa. Rahabllañam wasinpi kaqkunapiwan kawsanqa, wateqanankupaq kachamusqanchikkunata pakaykusqanrayku. 18Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik. 19Qorimanta, qollqemanta, broncemanta, fierromanta ruwasqa kaqkunam ichaqa Tayta Diospaq sapaqchasqa kanqa, hinaspam Tayta Diospa kaqninkunawan kuska churasqa kanqa, nispa.
20 #
Heb 11.30. Chaymi runakuna qaparirqaku, sacerdotekunapas cornetatam tocarqaku. Cornetapa waqasqanta uyarispanku llapa runakuna tukuy kallpankuwan qapariptinkum llaqtapa muyuriqninpi perqakuna tuñiykamurqa, hinaptinmi llaqtaman yaykuruspanku lliwta puchukarachirqaku. 21Llaqtapi kaqtaqa lliwtam espadawan wañuchirqaku, qaritapas, warmitapas, warmatapas machutapas hinaspa payatapas; wañuchirqakutaqmi vacakunatapas, ovejakunatapas, asnokunatapas.
22Josueyñataqmi llaqtata wateqanankupaq kachasqan iskay runakunata kamachirqa:
Prometesqaykichikman hina, chay chuchumika warmipa wasinman yaykuspa hurqomuychik payta chaynataq llapallan paywan kuska wasinpi kaqkunatapas, nispa.
23Hinaptinmi chay runakuna yaykuspa Rahabta, tayta-mamanta, turinkunata ñañankunata chaynataq llapa ayllunkunatapas hurqomurqaku. Hinaspam Israelpa campamentopa hawa lawninman paykunata pusarqaku. 24Chaymantam llaqtata kañaykurqaku chaypi tukuy ima kaqkunatawan kuskata. Qorita, qollqeta hinaspa broncemanta chaynataq fierromanta ruwasqa kaqkunatam ichaqa apaspanku Tayta Diospa kapuqninkunawan kuskata churarqaku. 25#Heb 11.31.Rahabtapas wasinpi kaqkunatawan kuskatam Josué salvarqa, chaynapim paykunaqa Israel castakunawanña kunankama yachachkanku. Rahabtaqa salvarqa Jericó llaqta wateqamuqkunata pakaykusqanraykum.
26 # 1 R 16.34. Chay tiempopim juraspan Josué kaynata nirqa:
Pipas kay Jericó llaqtata musoqmanta hatarichiqqa Tayta Diospa ñakasqanyá kachun. Piwi churinpa hawanpiyá cimientonkunatapas hatarichichun, sullka churinpa hawanpiyá punkunkunatapas churachun, nispa.
27Tayta Dios yanapasqanraykum Josueyqa tukuy hinastinpi ancha reqsisqa karqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012