Josué 20
20
Amparakuna llaqtakunamanta
(Nm 35.6-34. Dt 4.41-43, 19.1-13)
1Josueytam Tayta Dios nirqa:
2 #
Nm 35.6-32; Dt 4.41-43; 19.1-13. Israelpa mirayninkunata niy, Moisesman kamachisqayman hina amparakuna llaqtakunata akllanankupaq. 3Chaynapi pipas qonqaymanta runamasinta wañurachispanqa, wañurachisqan runapa ayllun vengakurunanmanta hukkaqnin llaqtaman lluptikunanpaq. 4Chay hukkaqnin llaqtaman ayqekuspam llaqtapa punkunpi ancianokunaman imam ruwaramusqanta willakunqa. Llapa ancianokunañataqmi uyarispanku chaskinqaku wasichakuspa paykunawanña yachananpaq. 5Wañuchisqan runapa ayllun wañurachinanpaq qatimuptinpas llapa ancianokunaqa manam chay wañuchiqtaqa qonqakuchu, mana cheqnichkaspan qonqaymanta wañurachisqanrayku. 6Wañuchiq runañataqmi chay llaqtallapi yachanqa, llaqta huñunakuptin juzgasqa kanankama chaynataq sumo sacerdote wañukunankama. Chaymantañam chay wañurachiq runaqa lluptimusqan llaqtanpi wasinman kutinqa, nispa.
7Chaynapim Israelpa mirayninkunaqa akllarqaku, Neftalí ayllupa orqonkunapi kaq Galilea lawpi Cedes llaqtata, Efraín ayllupa orqonkunapi kaq Siquem llaqtata hinaspa Judá ayllupa orqonkunapi kaq Quiriat-arba otaq Hebrón llaqtata, 8Jericó llaqtapa chimpan Jordán mayupa intipa qespimunan lawninpi Rubén ayllupa allpanpi Beser llaqtata, Galaad lawpi Gad ayllupa allpanpi Ramot llaqtata hinaspa Basán lawpi Manasés ayllupa allpanpi Golán llaqtatapas. 9Chay llaqtakunatam akllarqaku Israelpa mirayninkunapaq chaynataq paykunawan yachaq huklaw llaqtayuqkunapaqpas. Chay llaqtakunam karqa qonqaymanta runamasinta wañurachiq runapa lluptikunanpaq, chaynapi wañurachisqan runapa ayllunkuna wañuchinanmanta ayqenanpaq, llaqta huñunakuspa juzganankama.
Currently Selected:
Josué 20: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Josué 20
20
Amparakuna llaqtakunamanta
(Nm 35.6-34. Dt 4.41-43, 19.1-13)
1Josueytam Tayta Dios nirqa:
2 #
Nm 35.6-32; Dt 4.41-43; 19.1-13. Israelpa mirayninkunata niy, Moisesman kamachisqayman hina amparakuna llaqtakunata akllanankupaq. 3Chaynapi pipas qonqaymanta runamasinta wañurachispanqa, wañurachisqan runapa ayllun vengakurunanmanta hukkaqnin llaqtaman lluptikunanpaq. 4Chay hukkaqnin llaqtaman ayqekuspam llaqtapa punkunpi ancianokunaman imam ruwaramusqanta willakunqa. Llapa ancianokunañataqmi uyarispanku chaskinqaku wasichakuspa paykunawanña yachananpaq. 5Wañuchisqan runapa ayllun wañurachinanpaq qatimuptinpas llapa ancianokunaqa manam chay wañuchiqtaqa qonqakuchu, mana cheqnichkaspan qonqaymanta wañurachisqanrayku. 6Wañuchiq runañataqmi chay llaqtallapi yachanqa, llaqta huñunakuptin juzgasqa kanankama chaynataq sumo sacerdote wañukunankama. Chaymantañam chay wañurachiq runaqa lluptimusqan llaqtanpi wasinman kutinqa, nispa.
7Chaynapim Israelpa mirayninkunaqa akllarqaku, Neftalí ayllupa orqonkunapi kaq Galilea lawpi Cedes llaqtata, Efraín ayllupa orqonkunapi kaq Siquem llaqtata hinaspa Judá ayllupa orqonkunapi kaq Quiriat-arba otaq Hebrón llaqtata, 8Jericó llaqtapa chimpan Jordán mayupa intipa qespimunan lawninpi Rubén ayllupa allpanpi Beser llaqtata, Galaad lawpi Gad ayllupa allpanpi Ramot llaqtata hinaspa Basán lawpi Manasés ayllupa allpanpi Golán llaqtatapas. 9Chay llaqtakunatam akllarqaku Israelpa mirayninkunapaq chaynataq paykunawan yachaq huklaw llaqtayuqkunapaqpas. Chay llaqtakunam karqa qonqaymanta runamasinta wañurachiq runapa lluptikunanpaq, chaynapi wañurachisqan runapa ayllunkuna wañuchinanmanta ayqenanpaq, llaqta huñunakuspa juzganankama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012