Juan 5
5
Huk suchuta Betesdapi sanoyachisqanmanta
1Chaykunapa qepantam, judiokunapa fiestan karqa, chaymi Jerusalenman Jesús rirqa. 2Jerusalenpim, Oveja sutiyuq punkupa hichpanpi, pichqa punkuyuq estanque kachkan, hebreo rimaypi #5.2 Betesdapa huknin sutinmi karqa Betsaida.Betesda sutiyuq. 3Chaypim rikchaqmana onqoyniyuqkunawan, ñawsakuna, wistukuna hinaspa suchukuna karqaku, #5.3 Kay parteqa ñawpaq manuscritokunapiqa manam kanchu.[yakupa kuyuparikuyninta suyaspanku. 4Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq] 5Chaypim huk onqoq runa kachkarqa, payqa kimsa chunka pusaqniyuq watañam onqorqa. 6Chaymi Jesusñataq qawarispan, unay watakunaña onqosqanta yachaspan, tapuykurqa:
¿Munankichu sanoyayta? nispan.
7Chay suchuñataqmi nirqa:
Señor, manam piniypas kanchu yaku kuyuriptin apaykuwananpaq, chaymi yaykuyta munaptiypas hukkuna puntata yaykurunku, nispa.
8Chaymi Jesusñataq nirqa:
Hatariy, chakanaykita hoqarispa puriy, nispa.
9Chaynata niykuptinmi chay runa sanoyarurqa, hinaspanmi chakananta hoqarispan puriyta qallaykurqa. Chay punchawqa karqa samana punchawmi. 10#Neh 13.19; Jer 17.21.Chaymi llapa judiokuna chay sanoyaruq runata nirqaku:
Kunanqa samana punchawmi, chakanaykita apaspa puriynikiqa leyman hinaqa manam allinchu, nispanku.
11Hinaptinmi payñataq nirqa:
Sanoyarachiqniymi niwarqa: Chakanaykita hoqarispa puriy, nispan.
12Chaymi paykuna nirqaku:
¿Pitaq nisurqanki: “Chakanaykita hoqarispa puriy”, nispa?
13Chay sanoyaruqñataqmi mana yacharqachu pim sanoyachisqantapas, Jesusqa achkallaña runapi chinkarusqanrayku. 14Jesusmi tumpa unaymanta chay runawan templopi tuparurqa, hinaspam nirqa:
Sanoyaruchkaspaykiqa amañam huchallikunkiñachu, yanqañataq imapas aswanraq hamusunkiman, nispa.
15Hinaptinmi chay runaqa pasaspan llapa judiokunaman willaykamurqa, sanoyarachiqninqa Jesús kasqanta.
16Chaymi llapa judiokuna Jesusta qatikachaspanku wañurachiyta munarqaku, samana punchawpi chaykunata ruwasqanmanta. 17Jesusmi ichaqa nirqa:
Taytayqa kunankamam llamkachkan, ñoqapas llamkachkanitaqmi, nispa.
18Chaywanmi judiokunaqa aswanraq wañurachiypi rirqaku, samana punchawta mana kasukuchkaspapas, Diostapas “Taytaymi” nispa Diosman igualakusqanrayku.
Diospa Churinqa munayniyuq kasqanmanta
19Jesusmi nirqa:
Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan. 20Taytaqa Churitam kuyan, hinaspam tukuy ima ruwasqanta qawachin; kaykunamantapas aswan hatun kaqkunataraqmi qawachinqa, chaynapi qamkuna admirakunaykichikpaq. 21Imaynam wañuqkunata Dios Tayta kawsarichispa kawsayta qon, chaynam Churipas pim munasqanman kawsayta qon. 22Taytaqa manam pitapas juzganchu, aswanqa Churinmanmi juzgananpaq tukuy atiyta qoykurqa, 23chaynapi Taytata yupaychasqankuta hina Churitapas yupaychanankupaq. Churita mana yupaychaqqa manam kachamuqnin Taytatapas yupaychanchu.
24Cheqaptapunim nikichik, pipas palabraykunata uyarispa kachamuwaqniyta creeqqa wiñay kawsayniyuqmi, payqa manam condenasqañachu kanqa, aswanqa wañuymantam kawsaymanña pasarun. 25Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku. 26Imaynam Dios Taytapas kikillanmanta kawsayniyuq, chaynam Churimanpas kikillanmanta kawsayniyuq kayta qorqa. 27Qorqataqmi juzgananpaq atiytapas, qorqaqa runapa Churin kasqanraykum.
28Amayá kaywanqa admirakuychikchu, chayamunqam punchaw panteonpi wañusqakuna paypa qayakuyninta uyarinankupaq. 29#Dn 12.2.Hinaspa allin ruwaqkuna wiñay kawsakuymanña kawsarimunqaku, mana allin ruwaqkunañataq condenasqa kanankupaq.
Jesusqa munayniyuq kasqanmanta
30Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.
31Sichum kikillaymanta willakuptiyqa manachá willakuyniypas cheqapchu kanman. 32Ñoqamantaqa hukmi willakun, yachanim paypa willakuyninqa cheqap kasqanta.
33 #
Jn 1.19-27; 3.27-30. Qamkunam Juanta tapuchimurqankichik, chaymi payqa cheqap kaqmanta willakurqa. 34Chaywanpas ñoqaqa manam runakuna ñoqapa allinniypi rimanantaraqchu munani, kaykunataqa nikichik salvacionta qamkuna haypanaykichikpaqmi.
35Juanqa achkiq mechero hinam karqa, chaymi chay achkiywan pisi tiempollapas kusikuyta munarqankichik. 36Ichaqa Juanpa willakusqanmantapas aswan valorniyuq testigoyqa, ruwanaypaq Taytapa kamachimuwasqan kaqkuna ruwasqaymi, chaykunam Taytapa kachamuwasqanmantaqa willakunku.
37 #
Mt 3.17; Mr 1.11; Lc 3.22. Chaynataqmi kachamuwaqniy Dios Taytapas ñoqamanta willakun. Qamkunaqa manam haykapipas paytaqa uyarirqankichikchu, nitaqmi rikchaynintapas rikurqankichikchu. 38Manataqmi palabrantapas qamkunapiqa takyachinkichikchu, pim kamachimusqanpi mana creesqaykichikrayku.
39Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun 40Chaywanpas wiñay kawsayniyuq kanaykichikpaqqa manam ñoqaman hamuyta munankichikchu.
41Runakunapa hatunchasqan kaytaqa manam munanichu. 42Qamkunataqa reqsikichikmi, chaymi yachani Diosta mana kuyasqaykichikta.
43Ñoqaqa Taytaypa sutinpim hamurqani, qamkunam ichaqa mana chaskiwarqankichikchu, sichum pipas kikinpa sutinpi hamuptinmi ichaqa chaskiwaqchik.
44Qamkunaqa kikikichikpurallam hatunchanakunkichik, Diospa hatunchasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?
45Qamkunaqa amayá piensaychikchu Taytapa qayllanpi acusanaytaqa, aswanqa hapipakusqaykichik Moisesmi acusasunkichikqa. 46Sichum Moisespa nisqankunata creespaykichikqa ñoqatapas creewankichikmanmi, Moisesqa ñoqamantam qellqarqa.
47Sichum paypa qellqasqanpi mana creespaykichikqa ¿imaynataq ñoqapa nisqaykunataqa creewaqchik? nispa.
Currently Selected:
Juan 5: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012