Jueces 3
3
Canaán allpapi puchuq runakunamanta
1Tayta Diosmi kay nacionkunata puchuchirqa Israelpa qepa nacemuq mirayninkunata pruebananpaq, paykunaqa manam Canaán allpapi guerrakunataqa rikurqakuchu. 2Chayraykum Israelpa mirayninkuna guerrapi peleayta yachanankupaq kay nacionkunata Tayta Dios puchuchirqa: 3Filisteamanta pichqa kamachikuqkunata, cananeokunata, sidoniokunata chaynataq Líbano orqopi yachaq heveokunatapas Baal-hermón orqomanta qallarispa Hamat lawman yaykuna qasakama. 4Chay runakunawanmi Israel miraykunata Tayta Dios pruebarqa, chaynapi kasukusqankuta otaq mana kasukusqantapas yachananpaq, chay kamachikuykunatam ñawpaq taytankuman Moisesnintakama Tayta Dios kamachirqa. 5Chaynapim Israelpa mirayninkunaqa cananeokunawan, heteokunawan, amorreokunawan, ferezeokunawan, heveokunawan hinaspa jebuseokunawan yacharqaku. 6Warmi churinkutawan qari churinkutapas chay nacionniyuq runakunapa wawa-churinkuwanñam casarachirqaku, hinaspam chay runakunapa idolonkunatañam yupaycharqaku.
Otonielmanta
7Israelpa mirayninkunam mana allinkunata ruwaspa Tayta Diospa qayllanpi huchallikurqaku, hinaspam Tayta Diosmanta karunchakuruspanku Baal idolokunatawan Asera idolokunataña servirqaku. 8Chaymi Israel castakunapaq Tayta Dios piñakuspan #3.8 Mesopotamiapa huknin sutinmi karqa Aram-naharaim.Mesopotamiapa reynin Cusan-risataimmanña qoykurqa, chaynapim Israelpa mirayninkunaqa Cusan-risataimtaña pusaq wata servirqaku. 9Hinaptinmi Israelpa mirayninkuna qaparispa Tayta Diosta mañakurqaku, chaymi librananpaq Calebpa sullka wawqen Cenazpa churin Otonielta Tayta Dios hatarichirqa. 10Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa. 11Chaymi Israel nacionpi tawa chunka wata guerra mana karqachu, chaymantam Cenazpa churin Otoniel wañukurqa.
Aodmanta
12Israelpa mirayninkunam kasqallan Tayta Diospa qayllanpi mana allinkunata ruwarqaku, chaymi Moab nacionpa reynin Eglonta Israel miraykunapa contranpi Tayta Dios kallpanchaykurqa. 13Rey Eglonmi Amonpa chaynataq Amalecpa mirayninkunata huñuruspan Israel miraykunawan peleaspan Palmeras sutiyuq llaqtata hapikuykurqa. 14Chaymi Moabpa reynin Eglonta Israelpa mirayninkuna chunka pusaqniyuq wata servirqaku. 15Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku. 16Aodmi parte metro sayayniyuq chaynataq iskay lawnin filoyuq espadata ruwakuruspan pachanpa alleq lawnin ukunman churakuykurqa. 17Hinaspam Moabpa reynin Eglonman impuestota aparqa. Eglonqa llumpay wirasapam karqa. 18Eglonman impuesto apasqanta qoykuspanmi, riqmasinkunata aviarurqa. 19Hinaspanmi Gilgal llaqtapi idolokunapa kasqankama riruspan rey Eglonpa kasqanman kutirispan nirqa:
Reynilláy, willanaymi kachkan, nispan.
Chaymi reyñataq nirqa:
¡Upallay! nispan.
Hinaspanmi serviqninkunata kamachirqa qayllanmanta lloqsinankupaq, chaymi ñawpaqninmanta lliw lloqsirurqaku. 20Wayraparikuna salapi rey Eglón tiyachkaptinmi, sapallankupiña asuykuspan Aod nirqa:
Diospa palabranmi qanman willanay kachkan, nispa.
Chaymi rey Eglón tiyananmanta hatariruptin, 21Aodñataq ichoq makinwan alleq lawninmanta espadanta hurqoykuspan reypa wiksanta tuksirurqa, 22espadapas cabontin usturuspa wiksanpi chinkaykunankama, espadanta Aod mana hurqoptinmi, rey Eglonpa hatun ispayninpas lliw taqtakaramurqa. 23Aodñataqmi corredorman lloqsiramuspan salapa punkunkunata cerrojowan as allinta wichqaruspan ventananta lloqsikururqa.
24Aod lloqsiruptinñam reypa serviqninkuna hamururqaku, hinaspam salapa punkunkunata wichqasqata qawaykuspanku nirqaku:
Reyqa ispakuchkanchá, nispanku.
25Salapa punkunkunata manaña kichamuptinmi, suyasqankumanta muspaypi hinaña kaspanku llavewan kicharurqaku, hinaptinmi reyninkuqa wañusqaña pampapi chutarayachkasqa.
26Reypa serviqninkuna suyanankukamam Aodqa lluptirurqa, hinaspam Gilgal llaqtapi idolokunapa kasqanta pasaruspan Seirat lawman ayqekurqa. 27Chayman chayaruspanmi Efraín law orqokunapi trompetata tocaykurqa, hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa ñawpaqninta rispan 28nirqa:
Qatiwaychik, enemigonchik Moab castakunatam Tayta Dios makinchikman churaykamun, nispa.
Chaymi payta qatispa Moabman chimpana Jordán mayupa vadonkunapi churakururqaku hinaspankum manaña pitapas chaynintaqa pasachirqakuñachu. 29Chay tiempopim Moabpa yaqa chunka waranqa allinnin qari-qari soldadonkunata wañurachirqaku, manam chulla runatapas lluptichirqakuchu. 30Chaynapim Moab nacionqa Israel castakunapa munaychakusqanña karqa, chaymantam pusaq chunka wata guerra mana karqachu.
Samgarmanta
31Aodpa qepantañataqmi Anatpa churin Samgarña hatarirqa, paymi torokunata tuksina puyawan filisteokunamanta soqta pachak runakunata wañurachirqa, paypas Israelpa mirayninkunatam librarqa.
Currently Selected:
Jueces 3: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Jueces 3
3
Canaán allpapi puchuq runakunamanta
1Tayta Diosmi kay nacionkunata puchuchirqa Israelpa qepa nacemuq mirayninkunata pruebananpaq, paykunaqa manam Canaán allpapi guerrakunataqa rikurqakuchu. 2Chayraykum Israelpa mirayninkuna guerrapi peleayta yachanankupaq kay nacionkunata Tayta Dios puchuchirqa: 3Filisteamanta pichqa kamachikuqkunata, cananeokunata, sidoniokunata chaynataq Líbano orqopi yachaq heveokunatapas Baal-hermón orqomanta qallarispa Hamat lawman yaykuna qasakama. 4Chay runakunawanmi Israel miraykunata Tayta Dios pruebarqa, chaynapi kasukusqankuta otaq mana kasukusqantapas yachananpaq, chay kamachikuykunatam ñawpaq taytankuman Moisesnintakama Tayta Dios kamachirqa. 5Chaynapim Israelpa mirayninkunaqa cananeokunawan, heteokunawan, amorreokunawan, ferezeokunawan, heveokunawan hinaspa jebuseokunawan yacharqaku. 6Warmi churinkutawan qari churinkutapas chay nacionniyuq runakunapa wawa-churinkuwanñam casarachirqaku, hinaspam chay runakunapa idolonkunatañam yupaycharqaku.
Otonielmanta
7Israelpa mirayninkunam mana allinkunata ruwaspa Tayta Diospa qayllanpi huchallikurqaku, hinaspam Tayta Diosmanta karunchakuruspanku Baal idolokunatawan Asera idolokunataña servirqaku. 8Chaymi Israel castakunapaq Tayta Dios piñakuspan #3.8 Mesopotamiapa huknin sutinmi karqa Aram-naharaim.Mesopotamiapa reynin Cusan-risataimmanña qoykurqa, chaynapim Israelpa mirayninkunaqa Cusan-risataimtaña pusaq wata servirqaku. 9Hinaptinmi Israelpa mirayninkuna qaparispa Tayta Diosta mañakurqaku, chaymi librananpaq Calebpa sullka wawqen Cenazpa churin Otonielta Tayta Dios hatarichirqa. 10Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa. 11Chaymi Israel nacionpi tawa chunka wata guerra mana karqachu, chaymantam Cenazpa churin Otoniel wañukurqa.
Aodmanta
12Israelpa mirayninkunam kasqallan Tayta Diospa qayllanpi mana allinkunata ruwarqaku, chaymi Moab nacionpa reynin Eglonta Israel miraykunapa contranpi Tayta Dios kallpanchaykurqa. 13Rey Eglonmi Amonpa chaynataq Amalecpa mirayninkunata huñuruspan Israel miraykunawan peleaspan Palmeras sutiyuq llaqtata hapikuykurqa. 14Chaymi Moabpa reynin Eglonta Israelpa mirayninkuna chunka pusaqniyuq wata servirqaku. 15Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku. 16Aodmi parte metro sayayniyuq chaynataq iskay lawnin filoyuq espadata ruwakuruspan pachanpa alleq lawnin ukunman churakuykurqa. 17Hinaspam Moabpa reynin Eglonman impuestota aparqa. Eglonqa llumpay wirasapam karqa. 18Eglonman impuesto apasqanta qoykuspanmi, riqmasinkunata aviarurqa. 19Hinaspanmi Gilgal llaqtapi idolokunapa kasqankama riruspan rey Eglonpa kasqanman kutirispan nirqa:
Reynilláy, willanaymi kachkan, nispan.
Chaymi reyñataq nirqa:
¡Upallay! nispan.
Hinaspanmi serviqninkunata kamachirqa qayllanmanta lloqsinankupaq, chaymi ñawpaqninmanta lliw lloqsirurqaku. 20Wayraparikuna salapi rey Eglón tiyachkaptinmi, sapallankupiña asuykuspan Aod nirqa:
Diospa palabranmi qanman willanay kachkan, nispa.
Chaymi rey Eglón tiyananmanta hatariruptin, 21Aodñataq ichoq makinwan alleq lawninmanta espadanta hurqoykuspan reypa wiksanta tuksirurqa, 22espadapas cabontin usturuspa wiksanpi chinkaykunankama, espadanta Aod mana hurqoptinmi, rey Eglonpa hatun ispayninpas lliw taqtakaramurqa. 23Aodñataqmi corredorman lloqsiramuspan salapa punkunkunata cerrojowan as allinta wichqaruspan ventananta lloqsikururqa.
24Aod lloqsiruptinñam reypa serviqninkuna hamururqaku, hinaspam salapa punkunkunata wichqasqata qawaykuspanku nirqaku:
Reyqa ispakuchkanchá, nispanku.
25Salapa punkunkunata manaña kichamuptinmi, suyasqankumanta muspaypi hinaña kaspanku llavewan kicharurqaku, hinaptinmi reyninkuqa wañusqaña pampapi chutarayachkasqa.
26Reypa serviqninkuna suyanankukamam Aodqa lluptirurqa, hinaspam Gilgal llaqtapi idolokunapa kasqanta pasaruspan Seirat lawman ayqekurqa. 27Chayman chayaruspanmi Efraín law orqokunapi trompetata tocaykurqa, hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa ñawpaqninta rispan 28nirqa:
Qatiwaychik, enemigonchik Moab castakunatam Tayta Dios makinchikman churaykamun, nispa.
Chaymi payta qatispa Moabman chimpana Jordán mayupa vadonkunapi churakururqaku hinaspankum manaña pitapas chaynintaqa pasachirqakuñachu. 29Chay tiempopim Moabpa yaqa chunka waranqa allinnin qari-qari soldadonkunata wañurachirqaku, manam chulla runatapas lluptichirqakuchu. 30Chaynapim Moab nacionqa Israel castakunapa munaychakusqanña karqa, chaymantam pusaq chunka wata guerra mana karqachu.
Samgarmanta
31Aodpa qepantañataqmi Anatpa churin Samgarña hatarirqa, paymi torokunata tuksina puyawan filisteokunamanta soqta pachak runakunata wañurachirqa, paypas Israelpa mirayninkunatam librarqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012