Éxodo 9
9
Peste onqoywan castigasqanmanta
1Moisestam Tayta Dios nirqa:
Faraonpa qayllanman yaykuspa kaynata nimuy, hebreo runakunapa Diosninmi kaynata nin: Llaqtayta kachariy yupaychamuwanankupaq. 2Mana kacharispa harkaptikiqa, 3ñoqa Tayta Diosmi manchakuypaq peste onqoywan llapallan campopi animalkunata castigasaq, hinaptinmi caballokuna, asnokuna, camellokuna, vacakuna hinaspa ovejakunapas wañunqaku. 4Ichaqa Tayta Diosmi Israelpa mirayninkunapa animalninkunata Egipto runakunapa animalninkumanta sapaqchanqa, manam chullallapas wañunqachu. 5Paqarinpunim kay nacionpi chaynata ruwasaq, nispa.
6Paqarinnintin punchawmi Tayta Dios chaynata ruwarqa. Egipto nacionpi animalkunam lliw wañururqa, Israelpa mirayninkunapa animalninkum ichaqa mana chullallapas wañurqachu. 7Faraonñataqmi Israel miraykunapa animalninkuta qawachimurqa, hinaptinmi chullallapas mana wañusqachu. Chaywanpas sonqon rumiyaruptinmi Faraonqa Israelpa mirayninkunata mana kachariyta munarqachu.
Chupu onqoywan castigasqanmanta
8Moisestawan Aarontam Tayta Dios nirqa:
Hornomanta huk aptiyninka uchpata hoqariychik, hinaptin cielo lawman Faraonpa qayllanpi Moisés machqechun. 9Chay uchpam lliw Egipto nacionpa hawanpi polvoyaruspan chupukunata rikurirachinqa runakunapi chaynataq animalkunapipas, nispa.
10 #
Ap 16.2. Moiseswan Aaronmi hornomanta uchpata hoqarispanku Faraonpa ñawpaqninpi sayaykurqaku, hinaptinmi cieloman Moisés machqeruptin runakunapipas chaynataq animalkunapipas chupu rikurirurqa. 11Layqakunapas Moisespa ñawpaqninpiqa chupuwan kasqankuraykum mana aguantayta atirqakuchu. Chupum layqakunapi chaynataq lliw Egipto runakunapipas rikurirurqa. 12Ichaqa Tayta Diosmi Moisesman nisqanpi hina Faraonpa sonqonta rumiyarachirqa, hinaptinmi paykunata mana kasurqachu.
Runtu parawan castigasqanmanta
13Moisestam Tayta Dios nirqa:
Tutapayta hatarispa, Faraonpa qayllanman yaykuspa kaynata nimuy; hebreo runakunapa Diosninmi kaynata nin: “Yupaychamuwanankupaq llaqtayta kachariy, 14kunanmi llapallan castigoyta kacharimusaq qanman, serviqnikikunaman hinaspa runaykikunaman, chaynapim yachanki tukuy kay pachapi ñoqa hina huk Diosqa mana kasqanta. 15Sichum qanmanwan runaykikunaman peste onqoyta kachaykamuptiyqa ñam kay pachamanta chinkaruwaqña karqa. 16#Ro 9.17.Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq. 17¿Chaywanpas hinallaraqchu runaykunata mana kachariyta munanki? 18Paqarinmi kay horata nisyu-nisyu runtu parata chayachimusaq. Chayna paraqa Egipto nacionpa hatarisqan punchawmantapas manam karqachu. 19Chaynaqa, campopi animalnikikunata hinaspa tukuy imayki kaqkunata wasiki ukuman huñuchimuy. Runapas, animalpas wasiman mana yaykuspa hina campollapi qeparuqqa runtu parawanmi wañurunqa”, nispa.
20Chaywanpas Faraonpa wakiqnin serviqninkunallam Tayta Diospa nisqanta manchakuspanku serviqninkunata chaynataq animalninkutapas wasi ukuman pusaykurqaku. 21Wakiqninmi ichaqa Tayta Diospa nisqanta mana kasukuspanku serviqninkutawan animalninkuta hina campopi saqeramurqaku. 22Chaymantam Moisesta Tayta Dios nirqa:
Makikita cieloman haywariy, chaynapi Egipto runakunapa, animalkunapa hinaspa campopi lliw qorakunapa hawanman runtu para chayamunanpaq, nispa.
23Chaymi cieloman tawnanta Moisés haywarirqa, hinaptinmi rayokunata llipyakunata hinaspa runtu parata Egiptoman Tayta Dios chayachimurqa. 24#Ap 8.7; 16.21.Chay llipyantin, rayontin runtu param mana samaykuspa chayamurqa. Chayna runtu paraqa Egipto nacionpa hatarisqanmantapas manam karqachu. 25Chay runtu param lliw Egipto nacionpi tukuy ima kaqkunata, runakunata, animalkunata, tukuy qorakunata tukuparurqa; llapa sachakunatapas pakiparurqam. 26Israelpa mirayninkunapa yachasqan Gosén allpamanmi ichaqa chay runtu para mana chayarqachu.
27Chaymi Moisestawan Aaronta qayachispan Faraón nirqa:
Kunanpas huchallikurunim. Tayta Diosqa allin ruwaqmi, ñoqam ichaqa runaykunapiwan huchasapa kaniku. 28Tayta Diosta mañakuychik kay rayontin llipyantin runtu para pasananpaq. Ñoqaqa kachaykusqaykichikñam, manañam qepankichikñachu, nispa.
29Chaymi Moisés nirqa:
Kay pachaqa Tayta Diospa kasqanta yachanaykipaqmi, kay llaqtamanta lloqsispalla Tayta Diosman makiyta hoqarisaq, hinaptinmi rayokuna llipyakuna chaynataq runtu parapas taniramunqa, chaynapim yachanki kay pachaqa Tayta Diosllapa kasqanta. 30Ichaqa yachanim qampas chaynataq serviqnikikunapas Tayta Diostaqa manaraq manchakunaykichikta.
31Linazatawan cebadatam paqwayta tukurun; cebadaqa espigayuqñam karqa, linazapas sisapiñam karqa. 32Trigowan wakin kawsaykunam ichaqa allinlla qeparun, qepa tarpuyña kasqanrayku, nispa.
33Chaymantam Faraonpa ñawpaqninmanta llaqtapa hawa lawninman Moisés lloqsirqa, hinaspam brazonta kicharispa Tayta Diosta mañakurqa. Chayraqmi chay rayokunapas llipyawan runtu parapas taniramurqa, manañam mastaqa paramurqachu. 34Runtu parapas, rayokunapas llipyakunapas taniramusqanta qawaykuspanmi Faraonqa huktawan huchallikururqa, hinaspam paypas chaynataq serviqninkunapas sonqonkuta rumiyarachirqaku. 35Faraonpa sonqonmi rumiyarurqa, chaynapim Israelpa mirayninkunata mana kacharirqachu, Moisesnintakama Tayta Diospa nisqanman hina.
Currently Selected:
Éxodo 9: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Éxodo 9
9
Peste onqoywan castigasqanmanta
1Moisestam Tayta Dios nirqa:
Faraonpa qayllanman yaykuspa kaynata nimuy, hebreo runakunapa Diosninmi kaynata nin: Llaqtayta kachariy yupaychamuwanankupaq. 2Mana kacharispa harkaptikiqa, 3ñoqa Tayta Diosmi manchakuypaq peste onqoywan llapallan campopi animalkunata castigasaq, hinaptinmi caballokuna, asnokuna, camellokuna, vacakuna hinaspa ovejakunapas wañunqaku. 4Ichaqa Tayta Diosmi Israelpa mirayninkunapa animalninkunata Egipto runakunapa animalninkumanta sapaqchanqa, manam chullallapas wañunqachu. 5Paqarinpunim kay nacionpi chaynata ruwasaq, nispa.
6Paqarinnintin punchawmi Tayta Dios chaynata ruwarqa. Egipto nacionpi animalkunam lliw wañururqa, Israelpa mirayninkunapa animalninkum ichaqa mana chullallapas wañurqachu. 7Faraonñataqmi Israel miraykunapa animalninkuta qawachimurqa, hinaptinmi chullallapas mana wañusqachu. Chaywanpas sonqon rumiyaruptinmi Faraonqa Israelpa mirayninkunata mana kachariyta munarqachu.
Chupu onqoywan castigasqanmanta
8Moisestawan Aarontam Tayta Dios nirqa:
Hornomanta huk aptiyninka uchpata hoqariychik, hinaptin cielo lawman Faraonpa qayllanpi Moisés machqechun. 9Chay uchpam lliw Egipto nacionpa hawanpi polvoyaruspan chupukunata rikurirachinqa runakunapi chaynataq animalkunapipas, nispa.
10 #
Ap 16.2. Moiseswan Aaronmi hornomanta uchpata hoqarispanku Faraonpa ñawpaqninpi sayaykurqaku, hinaptinmi cieloman Moisés machqeruptin runakunapipas chaynataq animalkunapipas chupu rikurirurqa. 11Layqakunapas Moisespa ñawpaqninpiqa chupuwan kasqankuraykum mana aguantayta atirqakuchu. Chupum layqakunapi chaynataq lliw Egipto runakunapipas rikurirurqa. 12Ichaqa Tayta Diosmi Moisesman nisqanpi hina Faraonpa sonqonta rumiyarachirqa, hinaptinmi paykunata mana kasurqachu.
Runtu parawan castigasqanmanta
13Moisestam Tayta Dios nirqa:
Tutapayta hatarispa, Faraonpa qayllanman yaykuspa kaynata nimuy; hebreo runakunapa Diosninmi kaynata nin: “Yupaychamuwanankupaq llaqtayta kachariy, 14kunanmi llapallan castigoyta kacharimusaq qanman, serviqnikikunaman hinaspa runaykikunaman, chaynapim yachanki tukuy kay pachapi ñoqa hina huk Diosqa mana kasqanta. 15Sichum qanmanwan runaykikunaman peste onqoyta kachaykamuptiyqa ñam kay pachamanta chinkaruwaqña karqa. 16#Ro 9.17.Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq. 17¿Chaywanpas hinallaraqchu runaykunata mana kachariyta munanki? 18Paqarinmi kay horata nisyu-nisyu runtu parata chayachimusaq. Chayna paraqa Egipto nacionpa hatarisqan punchawmantapas manam karqachu. 19Chaynaqa, campopi animalnikikunata hinaspa tukuy imayki kaqkunata wasiki ukuman huñuchimuy. Runapas, animalpas wasiman mana yaykuspa hina campollapi qeparuqqa runtu parawanmi wañurunqa”, nispa.
20Chaywanpas Faraonpa wakiqnin serviqninkunallam Tayta Diospa nisqanta manchakuspanku serviqninkunata chaynataq animalninkutapas wasi ukuman pusaykurqaku. 21Wakiqninmi ichaqa Tayta Diospa nisqanta mana kasukuspanku serviqninkutawan animalninkuta hina campopi saqeramurqaku. 22Chaymantam Moisesta Tayta Dios nirqa:
Makikita cieloman haywariy, chaynapi Egipto runakunapa, animalkunapa hinaspa campopi lliw qorakunapa hawanman runtu para chayamunanpaq, nispa.
23Chaymi cieloman tawnanta Moisés haywarirqa, hinaptinmi rayokunata llipyakunata hinaspa runtu parata Egiptoman Tayta Dios chayachimurqa. 24#Ap 8.7; 16.21.Chay llipyantin, rayontin runtu param mana samaykuspa chayamurqa. Chayna runtu paraqa Egipto nacionpa hatarisqanmantapas manam karqachu. 25Chay runtu param lliw Egipto nacionpi tukuy ima kaqkunata, runakunata, animalkunata, tukuy qorakunata tukuparurqa; llapa sachakunatapas pakiparurqam. 26Israelpa mirayninkunapa yachasqan Gosén allpamanmi ichaqa chay runtu para mana chayarqachu.
27Chaymi Moisestawan Aaronta qayachispan Faraón nirqa:
Kunanpas huchallikurunim. Tayta Diosqa allin ruwaqmi, ñoqam ichaqa runaykunapiwan huchasapa kaniku. 28Tayta Diosta mañakuychik kay rayontin llipyantin runtu para pasananpaq. Ñoqaqa kachaykusqaykichikñam, manañam qepankichikñachu, nispa.
29Chaymi Moisés nirqa:
Kay pachaqa Tayta Diospa kasqanta yachanaykipaqmi, kay llaqtamanta lloqsispalla Tayta Diosman makiyta hoqarisaq, hinaptinmi rayokuna llipyakuna chaynataq runtu parapas taniramunqa, chaynapim yachanki kay pachaqa Tayta Diosllapa kasqanta. 30Ichaqa yachanim qampas chaynataq serviqnikikunapas Tayta Diostaqa manaraq manchakunaykichikta.
31Linazatawan cebadatam paqwayta tukurun; cebadaqa espigayuqñam karqa, linazapas sisapiñam karqa. 32Trigowan wakin kawsaykunam ichaqa allinlla qeparun, qepa tarpuyña kasqanrayku, nispa.
33Chaymantam Faraonpa ñawpaqninmanta llaqtapa hawa lawninman Moisés lloqsirqa, hinaspam brazonta kicharispa Tayta Diosta mañakurqa. Chayraqmi chay rayokunapas llipyawan runtu parapas taniramurqa, manañam mastaqa paramurqachu. 34Runtu parapas, rayokunapas llipyakunapas taniramusqanta qawaykuspanmi Faraonqa huktawan huchallikururqa, hinaspam paypas chaynataq serviqninkunapas sonqonkuta rumiyarachirqaku. 35Faraonpa sonqonmi rumiyarurqa, chaynapim Israelpa mirayninkunata mana kacharirqachu, Moisesnintakama Tayta Diospa nisqanman hina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012