Eclesiastés 4
4
1Kay pachata qawarispaymi rikchaqmana ñakarichinakuyta rikurqani:
Ñakarichisqakunam waqanku,
ichaqa manam pipas consuelaqninku kanchu;
atiyniyuqkunam ñakarichinku,
manam pipas consuelaqninku kanchu.
2Chayraykum nirqani:
Mayna kusisqam wañukuqkunaqa,
mayna llakikuypaqmi kawsaqkunaqa;
3ichaqa kay iskayninmantapas aswan allinqa kachkanku
manaraq nacemuqkunam,
paykunaqa manaraqmi kay pachapi
tukuy mana allin ruwaykunata rikunkuraqchu, nispay.
4Kaytapas rikurqanim:
Pipas llamkakuspa imatapas armakuptinqa
runakunam envidiakunku.
Chaypas yanqallam, waspiy hina chinkaruqllam.
5Mana yuyayniyuq runaqa
makinkunata oqllapakuykuspam
yarqaymanta wañun.
6Iskay hora llamkanamantaqa
huk horata samaykuymi aswan allinqa,
llumpayta llamkayqa yanqapaqmi.
7Huktawan qawarispaymi kay pachapi kay mana pasaq kaqkunata rikurqani:
8Mana wawqeyuq, mana churiyuq, mana piniyuq runatam rikurqani.
Mana samaykuspam llamkan,
tukuy imayuq kasqanwanpas manam contentakunchu.
Payqa manam tapukunchu:
“¿Pipaqtaq kusikuytapas qepancharispay kaynataña llamkani?” nispaqa.
Chaypas waspiy hina chinkaruqllam.
Huñulla kaspaqa imatapas atinamanta
9Chullalla runamantaqa
iskay runam aswan allinqa,
iskayninkuqa achkatam ganakunqakupas.
10Huknin wichiptinpas
hukninmi hatarichinqa.
Ichaqa ¡mayna llakikuypaqmi chullalla runaqa!
Wichiykuptinpas manam pipas hatarichiqnin kanqachu.
11Iskayqa puñuspapas qonichinakunqakum,
chullallaqa ¿imaynatataq qonirinman?
12Chullallaqa vencerachikunmanmi,
iskaymi ichaqa allinta sayanqaku;
kimsa patawan kawchusqa waskaqa sasa tipiymi.
Yachayniyuq kanamanta
13Allin consejokunata mana chaskiy munaq machuyasqa reymantaqa, wakcha kaspapas yachayniyuq jovenmi aswan allinqa. 14Chay joventaqa carcelmanta lloqsimuqña kaptinpas otaq chay nacionninpi wakchaña naceruspa munaychakuyman chayaruptinpas, 15rikurqanim kay pachapi llapa runakuna chay joventa yanapasqankuta. 16Manaña yupay atina runakunam payta qatirqaku, chaywanpas qepa wiñaykunaqa manam paywanqa kusisqachu karqaku. Chaypas yanqallam, waspiy hina chinkaruqllam.
Currently Selected:
Eclesiastés 4: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012