2 Crónicas 1
1
Salomonpa yachay mañakusqanmanta
(1 R 3.3-15)
1Davidpa churin Salomonmi munaychakuyninta allinta takyarachirqa. Tayta Diosmi paywan kaspan ancha atiyniyuqta ruwarurqa. 2Salomonmi huñurachirqa Israel runakunata, waranqa soldadopi kamachikuqkunata, pachak soldadokunapi kamachiqkunata, juezkunata, Israel nacionpi kamachikuqkunata hinaspa ayllukunapi kamachikuqkunatapas. 3Kay huñusqa runakunawanmi Salomón rirqa Gabaón moqopi santuarioman, chaypim tarikurqa Diospa serviqnin Moisespa ruwachisqan Diosman asuykuna carpa, chaytam chunniqpi ruwachirqa. 4#2 S 6.1-17; 1 Cr 13.5-14; 15.25—16.1.Davidmi Tayta Diospa Arcanta Quiriat-jearim llaqtamanta apachimurqa Jerusalén llaqtapi hatarichisqan carpaman. 5#Ex 38.1-7.Hurpa willkan otaq Uripa churin Bezaleelpa broncemanta ruwasqan altarpas Gabaón orqopim tarikurqa Tayta Diosman asuykuna carpapa ñawpaqninpi, chaymanmi Salomón rirqa llapan huñunasqa runakunawan Tayta Diosta tapukamunankupaq.
6Chaypim Tayta Diospa ñawpaqninpi, Diosman asuykuna carpapa ñawpaqninpi broncemanta altarman Salomón seqarurqa, hinaspanmi waranqa lliw kañana sacrificiota ofrecerqa.
7Chay tutam Salomonman Tayta Dios rikuriykuspan nirqa:
Mañakuway imam munasqaykita, ñoqam qosqayki, nispa. 8Chaymi Salomón nirqa:
Qanmi taytay Davidta anchata kuyaspayki, paypa rantinpi rey kanaypaq churaykuwarqanki. 9#Gn 13.16; 28.14.Chaynaqa, Dios Taytalláy, taytay Davidman prometesqaykiyá cumplikuchun, qanmi ñutu allpa hinaña nana-nanaq runakunapi munaychakunaypaq churaykuwarqanki. 10¿Pitaq kay achkallaña runaykikunata munaychakunman? Chaynaqa, kunanyá kay llaqtapi munaychakunaypaq yachaytawan yuyayta qoykuway, nispa.
11Hinaptinmi Salomonta Dios nirqa:
Kaytaqa allintam tantearunki, qamqa manam mañakuchkanki apuyaytachu, qori-qollqetachu, reqsisqa kaytachu, enemigoykikuna wañunantachu, nitaq unay kawsakuytachu, aswanqa reyninku kanaykipaq churasqay runaykunapi munaychakunaykipaqmi yachaytawan yuyayta mañakuchkanki. 12Chayraykum yachaytawan yuyayta qosqayki, qosqaykitaqmi apuyaytawan qori-qollqetapas chaynataq ancha reqsisqa kaytapas. Qam hina reyqa manam ñawpaqtapas karqachu, nitaqmi qepamanpas kanqachu, nispa.
13Gabaón moqopi Diosman asuykuna carpamantam Jerusalén llaqtaman Salomón kutimurqa, hinaspam Israel nacionpi munaychakurqa.
Rey Salomonpa rantisqankunamanta
(1 R 10.26-29; 2 Cr 9.25-28)
14 # 1 R 4.26. Rey Salomonmi huñurachirqa waranqa tawa pachaknin carretankunata hinaspa chunka iskayniyuq waranqa silladakunatapas; chaykunatam rakinarurqa wakinta chaypaq akllasqa llaqtakunaman, wakinñataq palacionpi waqaychaqninkuna kananpaq. 15#Dt 17.17.Reymi qorita qollqeta Jerusalén llaqtapi huñurachirqa rumita hinaña, cedrokunapas karqa purunpi wiñaq higos sachakuna hinañam. 16#Dt 17.16.Salomonpaqmi caballokunata rantimurqaku Egipto nacionmantawan Cilicia lawmanta. 17Egiptomantam allinnin carretata rantimuqku qanchis kilo qollqewan, caballotañataqmi iskay kilo qollqewan. Het nacionpa reyninwan Siria nacionpa reyninñataqmi Salomonmantaña rantirqaku.
Currently Selected:
2 Crónicas 1: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012