2 Pedro 2
2
Pantaykuna yachachikuqkunamanta
(Judas 4-13)
1Israel ukupiqa karqataqmi pantachikuq profetakunapas, chaynam qamkuna ukupipas pantay yachachikuqkuna kanqa. Paykunam mana musyachikuspalla pantay yachachikuykunata yachachinqaku, salvaqnin Señortapas neganqakum, chayqa kanqa kikinkupa condenasqa kanankupaqmi. 2Achkam qatinqaku paykunapa qanra vidankuta, paykunaraykum runakunapas cheqap ñanpa contranpi rimanqaku. 3Qollqe ganakuyta munaspankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi sentenciasqaña kachkanku, chaylla chinkarunankupaq.
4Diosqa manam huchallikuq angelkunatapas pampacharqachu, paykunataqa infiernoman wischuykuspanmi juicio punchawkama tutayaypi cadenasqata saqerurqa. 5#Gn 6.1—7.24.Diosqa manataqmi ñawpaq runakunatapas pampacharqachu, sinchi paratam kachaykamurqa huchasapa runakunaman, hinaspam salvacionmanta willakuq Noeytawan qanchis runakunallata salvarqa. 6#Gn 19.24.Chaynataqmi Sodoma Gomorra llaqtakunatapas uchpayanankama kañaspa chinkarachirqa, chaynapi qepa punchawkunapi Diosta mana kasukuq runakuna manchakuy yachanankupaq. 7#Gn 19.1-16.Allin ruwaq Lot sutiyuq runatam ichaqa librarqa, payqa mana allin runakunapa qanra vidanta qawaspanmi anchata llakikurqa. 8Paykunapa chawpinpi yachaq Lotmi kay huchasapa runakunapa mana allinkuna ruwasqankuta qawaq hinaspa uyariq, chaymi sapa punchaw llumpayta sonqonpi llakikuq. 9Señorqa yachanmi, sasachakuykunamanta serviqninkuna libraytaqa, mana allin runakunatañataqmi ñakarichisparaq juicio punchawpaq waqaychachkan.
10Diosqa aswanraqmi castiganqa aychanpa munasqanpi hinaspa qanra vidapi puriqkunataqa, paykunaqa hatun tukusparaqmi atiyniyuqkunatapas desprecianku, nitaqmi manchakunkuchu hanaq pachapi atiyniyuqkunatapas. 11Angelkunaqa aswan atiyniyuqmi chay pantachikuq profetakunamantaqa, ichaqa manam paykunataqa Señorpa qayllanpiqa ñakay simiwanqa kaminkuchu.
12Chayna runakunaqa animalkuna hina mana yuyayniyuqmi hinaspa kikillankupaq munasqallanpi kawsaqkunam kanku, nacemurqakupas hapispa wañuchisqa kanankupaqmi, rimankupas mana yachasqankutam, ichaqa animalkuna hinam wañunqaku, 13pitapas ñakarichisqankuman hinam ñakarinqaku. Paykunaqa kusisqapaq hapikuspankum millakuypaq kaqkunata punchaw pacha ruwanku, fiestaykichikpipas qamkunawan kuspa mikuspankum mana allinkunata ruwaspa kusikunku, paykunaqa penqakuypaq mana allin qanra runakunam.
14Warmitapas waqllikuy ñawinkuwanmi qawanku, huchallikuytaqa manam aminkuchu, pisi iñiyniyuqkunatam engañanku, sonqonpim runapa kaqninta munapayanku, kaykunaqa ñakay runakunam. 15Allin ñanta saqeruspankum pantaypiña purichkanku, Beorpa churin profeta Balaampa ruwasqantañam qatipakuchkanku, Balaammi qollqe ganayta munaspan mana allin kaqta ruwarqa; 16#Nm 22.4-35.chaymi mana rimaq china asno, runa hina rimaruspan huchanmanta anyarqa, hinaspam loco hina ruwasqanta harkakururqa.
17Chayna runakunaqa kachkan mana yakuyuq pukyu hinam, wayrapa apasqan puyukuna hinam, paykunaqa sinchi tutayaypaqñam kachkanku. 18Rimankupas yanqa mana pasaqkunatam, aychapa munasqan mana allin ruwaykunamanmi huchanmanta chayllaraq ayqekuqkunatapas aysanku. 19Kikinkupuni mana allinkunapa esclavon kachkaspankupas, libre kaytaraqmi prometenku. Pipas vencechikuqqa venceqninpa munaychakusqanmi rikurirun. 20Salvaqninchik Señor Jesucristota reqsichkaspa kay pachapa qanra kayninkunamanta wanakuchkaspa kasqallan wichiqqa hinaspa chaykunawan vencechikuq runaqa, ñawpaq kasqanmantapas aswanraqmi rikurirun. 21Paykunapaqqa aswan allinqa kanman karqa Diospa chuya ñanninta mana reqsiyninkum, reqsichkaspaña chuya kamachikuyta qepanchaspa qepaman kutikunankutaqa. 22#Pr 26.11.Paykunapim cumplikurun hukkaqninpa kayna nisqan:
“Allqom kutichisqanta kaqllamanta mikurun, bañasqa kuchiñataqmi huktawan mitupi qochparun”.
Currently Selected:
2 Pedro 2: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012