Room 4
4
Abraham wɛnaʋ lidaʋ Ɛsɔ yɔɔ yɔ
1Đɩyɔɔdʋʋ ɖɔ-cɔzɔ Abraham tɔm se we yɔ? Ɛbɛ ehiɣ Ɛsɔ cɔlɔ? 2Toovenim lɛ, yee Ɛsɔ ɛɛpɩsɩ Abraham kʋtʋʋzʋ tʋma wena ɛlaba yɔ a-yɔɔ yɔ, pʋbʋ ɛɛkʋndaa. Ŋgʋ́, pɩtamʋnɩ ḿbʋ́ Ɛsɔ ɛsɩndaa. 3Ɛlɛ́, pama Ɛsɔtɔm Takayaɣ taa se: «Abraham wɛnɩ lidaʋ Ɛsɔ yɔɔ yɔɔ, ɛ́lɛ́ kpaɣ-ɩ se ɛkɛ kʋtʋʋzʋ.» 4Ŋgʋ́, weyi ɛlabɩ tʋmɩyɛ nɛ pɛhɛyɩ-ɩ yɔ, paatɔŋ se kʋjɔʋ palabɩ-ɩ. Ɛlɛ́, ɛ-kɩmɩyɛ pɛhɛyɩ-ɩ. 5Weyi ɛ́lɛ́ ñaalakɩ naɖɩyɛ se papɩsɩ-ɩ kʋtʋʋzʋ, ɛlɛ́, ɛwɛnɩ lidaʋ Ɛsɔ yɔɔ yɔ, ɛpɩsɩɣ kʋtʋʋzʋ ɛ-ɛsɩndaa. Mbʋ́ pʋyɔɔ yɔ, Ɛsɔ pɩsɩɣnɩ kɩwɛɛkɩm laɖaa kʋtʋʋzaa. 6Ḿbʋ́ ɖɔɖɔ Daaviidi yɔɔdɩ weyi Ɛsɔ pɩsɩ-ɩ kʋtʋʋzʋ yɔ ɛ-tɩ hiɣu tɔm. Ŋgʋ́, ɛ́lɛ́ taakpaɣ ɛ-tʋmɩyɛ nɛ ɛ́yáa pʋyʋ. Ɛyɔɔdaa se:
7«Mbá pɛwɛ koboyaɣ taa yɔ, ḿbá yɔ:
mbá payʋsaa nɛ Ɛsɔ kpeɣ-wɛ
nɛ ehuuzi pa-kɩwɛɛkɩm yɔɔ yɔ.
8Weyi ɛwɛ koboyaɣ taa yɔ, ɛnʋ yɔ:
Kɩpaɣlʋ takpaɣ ɛ-kɩwɛɛkɩm nɛ ɛ́yáa pʋyʋ.»
Pɩtɛkɛ pɛlʋʋ lakɩna nɛ ɛyʋ pɩsɩ kʋtʋʋzʋ
9Yuda ñɩma koboyaɣ ɖeke tɔm pɔyɔɔdʋʋ ḿbʋ́ yaa we? Yaa kedeŋa yɔɔ ɛyáa lɛlaa pɩzɩɣ pehiɣ koboyaɣ ŋ́gá ɖɔɖɔ? Ɖɩyɔɔdɩ lɛɛlɛɛyɔ se: «Abraham wɛnɩ lidaʋ Ɛsɔ yɔɔ yɔɔ ɛ́lɛ́ kpaɣ-ɩ se ɛkɛ kʋtʋʋzʋ.» 10Ɛzɩma ɛɛwɛ alɩwaatʋ ndʋ́ Ɛsɔ kpaɣ-ɩ ḿbʋ́ yɔ? Paapɛlɩ-ɩ yaa we? Aayɩ, pataapɛlɩ-ɩ nɛ pʋcɔ. 11Pʋwayɩ pɛpɛlɩ-ɩ nɛ pɩkɛnɩ-ɩ yʋsaɣ: ŋ́gá wɩlɩɣna se Ɛsɔ kpaɣ-ɩ se ɛkɛ kʋtʋʋzʋ lidaʋ ŋgʋ́ ɛɛwɛna nɛ pʋcɔ pɛpɛlɩ-ɩ yɔ kʋ-yɔɔ. Ḿbʋ́ yebina nɛ Abraham kɛ mbá pɛtɛpɛlɩ-wɛ nɛ pɛwɛnɩ lidaʋ Ɛsɔ yɔɔ nɛ ɛ́lɛ́ kpaɣ-wɛ se pɛkɛ kʋtʋʋzaa yɔ patɩŋa payɩ pɔ-cɔzɔ. 12Ɛkɛ ɖɔɖɔ mbá pɛpɛlɩ-wɛ yɔ pɔ-cɔzɔ. Ɛlɛ́, pɩtasɩnɩ pɛ-pɛlʋʋ ɖeke, pɛwɛnɩ lidaʋ ɖɔɖɔ Ɛsɔ yɔɔ ɛzɩ ɖɔ-cɔzɔ Abraham kɛwɛnaʋ nɛ pʋcɔ pɛpɛlɩ-ɩ yɔ.
Mbá pɛwɛnɩ lidaʋ Ɛsɔ yɔɔ yɔ, ɛlakɩ-wɛ mbʋ́ pɩtɩŋa ɛɖʋwa yɔ
13Toovenim lɛ, pɩtɛkɛ paɣtʋ yɔɔ ɖɔm yɔɔ pɩtɩŋnaa nɛ Ɛsɔ heyi Abraham nɛ ɛ-sayɩnaa se pɔkɔŋ tɩɣyʋʋ kedeŋa kpeekpe. Ɛlɛ́, ɛwɛʋnɩ lidaʋ nɛ Ɛsɔ kpaɣ-ɩ se ɛkɛ kʋtʋʋzʋ yɔ, pʋ-yɔɔ pɩtɩŋnaa. 14Yee mbá pɔɖɔŋ paɣtʋ yɔɔ se Ɛsɔ ɛkpaɣ-wɛ se pɛkɛ kʋtʋʋzaa yɔ ɛɖʋwa se patɩɣyɩ-kɛ yɔ, pʋbʋ pɩɩwɩlaa se lidaʋ nɛ mbʋ́ ɛɖʋwa se ɛlakɩ yɔ, pɩɩwazɩɣ pʋyʋ. 15Mbʋ́ pʋyɔɔ yɔ, paɣtʋ kulusuu Ɛsɔ pana. Ɛlɛ́, ɖenɖe tɩfɛyɩ yɔ, paatɔŋ se pɔtɔɖɔ tɩ-yɔɔ ɖɔɖɔ.
16Pʋ-yɔɔ lɛ, lidaʋ ŋgʋ́ ɖɩwɛnɩ Ɛsɔ yɔɔ yɔ, kʋ-yɔɔ ɛɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ falaa se pʋwazɩ Abraham sayɩnaa tɩŋa payɩ. Pɩtɛkɛ mbá pɛcɛlɩ-wɛ paɣtʋ yɔ, pe-ɖeke pʋwazɩɣ. Ɛlɛ́, pɩkpɛndɩnɩ mbá pɛwɛnɩ lidaʋ ɖɔɖɔ ɛzɩ ɖɔ-cɔzɔ Abraham yɔ, mbʋ́ pʋyɔɔ yɔ, ɛnʋ lɛ ɖatɩŋa payɩ ɖɔ-cɔzɔ. 17Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Malɩzɩnɩ-ŋ se ŋkɛ ajɛya ndɩ ndɩ taa ñɩma cɔzɔ.» Ɛkɛ ɖɔ-cɔzɔ Ɛsɔ weyi ɛwɛnɩ ɛ-yɔɔ lidaʋ yɔ ɛ-ɛsɩndaa. Ɛnʋ feziɣni sɩɖaa nɛ ɛyɔɔdʋʋ nɛ mbʋ́ pɩtaawɛɛ yɔ, pʋwɛɣ. 18Abraham kɛwɛnɩ lidaʋ nɛ ɛɖaŋ nɛ ɛkɔɔ ɛkɛ ajɛya ndɩ ndɩ taa ñɩma cɔzɔ ɛzɩ Ɛsɔ keheyuu-i yɔ. Eeheyi-i se: «Ḿbʋ́ ña-sayɩnaa ɖɔʋ.» 19Abraham kɛwɛna ɛzɩ pɩnzɩ mɩnʋʋ yɔ. Ɛlɛ́, pɩtaalabɩ-ɩ ɛjandʋ e-lidaʋ wɛnaʋ taa, ŋgʋ́, ɛɛñɔtɩnɩ pɩlaʋ kpam. Đɔɖɔ lɛ, ɛɛnawa se ɛ-halʋ Saara tapɩzɩɣ se ɛlʋlɩ. 20Paa ḿbʋ́, ɛcɔnɩ mbʋ́ Ɛsɔ ɖʋwa se ɛlakɩ-ɩ yɔ lɛ, ɛtapʋtɩ. Ɛlɛ́, e-lidaʋ yele nɛ ɛkpa ɖoŋ nɛ ɛsa Ɛsɔ. 21Ɛnawa kpem se Ɛsɔ pɩzɩɣ ɛla mbʋ́ ɛɖʋwa se ɛlakɩ yɔ. 22Pʋ-yɔɔ ɛ́lɛ́ kpaɣ-ɩ se ɛkɛ kʋtʋʋzʋ. 23Ɛlɛ́, tɔm ndʋ́ pamawa se: «Ɛsɔ kpaɣ-ɩ se ɛkɛ kʋtʋʋzʋ» yɔ, pɩtɛkɛ e-ɖeke ɛ-yɔɔ pama-tʋ. 24Mbá ɖa ɛpɩsɩ-ɖʋ kʋtʋʋzaa yɔ, ɖɔ-yɔɔ ɖɔɖɔ pama-tʋ. Mbʋ́ pʋyɔɔ yɔ, ɖɩwɛnɩ lidaʋ Ɛsɔ weyi efezi ɖa-Kɩpaɣlʋ Yesu nɛ sɩm taa yɔ ɛ-yɔɔ. 25Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.
Currently Selected:
Room 4: KABI
Highlight
Share
Compare
Copy
Want to have your highlights saved across all your devices? Sign up or sign in
Room 4
4
Abraham wɛnaʋ lidaʋ Ɛsɔ yɔɔ yɔ
1Đɩyɔɔdʋʋ ɖɔ-cɔzɔ Abraham tɔm se we yɔ? Ɛbɛ ehiɣ Ɛsɔ cɔlɔ? 2Toovenim lɛ, yee Ɛsɔ ɛɛpɩsɩ Abraham kʋtʋʋzʋ tʋma wena ɛlaba yɔ a-yɔɔ yɔ, pʋbʋ ɛɛkʋndaa. Ŋgʋ́, pɩtamʋnɩ ḿbʋ́ Ɛsɔ ɛsɩndaa. 3Ɛlɛ́, pama Ɛsɔtɔm Takayaɣ taa se: «Abraham wɛnɩ lidaʋ Ɛsɔ yɔɔ yɔɔ, ɛ́lɛ́ kpaɣ-ɩ se ɛkɛ kʋtʋʋzʋ.» 4Ŋgʋ́, weyi ɛlabɩ tʋmɩyɛ nɛ pɛhɛyɩ-ɩ yɔ, paatɔŋ se kʋjɔʋ palabɩ-ɩ. Ɛlɛ́, ɛ-kɩmɩyɛ pɛhɛyɩ-ɩ. 5Weyi ɛ́lɛ́ ñaalakɩ naɖɩyɛ se papɩsɩ-ɩ kʋtʋʋzʋ, ɛlɛ́, ɛwɛnɩ lidaʋ Ɛsɔ yɔɔ yɔ, ɛpɩsɩɣ kʋtʋʋzʋ ɛ-ɛsɩndaa. Mbʋ́ pʋyɔɔ yɔ, Ɛsɔ pɩsɩɣnɩ kɩwɛɛkɩm laɖaa kʋtʋʋzaa. 6Ḿbʋ́ ɖɔɖɔ Daaviidi yɔɔdɩ weyi Ɛsɔ pɩsɩ-ɩ kʋtʋʋzʋ yɔ ɛ-tɩ hiɣu tɔm. Ŋgʋ́, ɛ́lɛ́ taakpaɣ ɛ-tʋmɩyɛ nɛ ɛ́yáa pʋyʋ. Ɛyɔɔdaa se:
7«Mbá pɛwɛ koboyaɣ taa yɔ, ḿbá yɔ:
mbá payʋsaa nɛ Ɛsɔ kpeɣ-wɛ
nɛ ehuuzi pa-kɩwɛɛkɩm yɔɔ yɔ.
8Weyi ɛwɛ koboyaɣ taa yɔ, ɛnʋ yɔ:
Kɩpaɣlʋ takpaɣ ɛ-kɩwɛɛkɩm nɛ ɛ́yáa pʋyʋ.»
Pɩtɛkɛ pɛlʋʋ lakɩna nɛ ɛyʋ pɩsɩ kʋtʋʋzʋ
9Yuda ñɩma koboyaɣ ɖeke tɔm pɔyɔɔdʋʋ ḿbʋ́ yaa we? Yaa kedeŋa yɔɔ ɛyáa lɛlaa pɩzɩɣ pehiɣ koboyaɣ ŋ́gá ɖɔɖɔ? Ɖɩyɔɔdɩ lɛɛlɛɛyɔ se: «Abraham wɛnɩ lidaʋ Ɛsɔ yɔɔ yɔɔ ɛ́lɛ́ kpaɣ-ɩ se ɛkɛ kʋtʋʋzʋ.» 10Ɛzɩma ɛɛwɛ alɩwaatʋ ndʋ́ Ɛsɔ kpaɣ-ɩ ḿbʋ́ yɔ? Paapɛlɩ-ɩ yaa we? Aayɩ, pataapɛlɩ-ɩ nɛ pʋcɔ. 11Pʋwayɩ pɛpɛlɩ-ɩ nɛ pɩkɛnɩ-ɩ yʋsaɣ: ŋ́gá wɩlɩɣna se Ɛsɔ kpaɣ-ɩ se ɛkɛ kʋtʋʋzʋ lidaʋ ŋgʋ́ ɛɛwɛna nɛ pʋcɔ pɛpɛlɩ-ɩ yɔ kʋ-yɔɔ. Ḿbʋ́ yebina nɛ Abraham kɛ mbá pɛtɛpɛlɩ-wɛ nɛ pɛwɛnɩ lidaʋ Ɛsɔ yɔɔ nɛ ɛ́lɛ́ kpaɣ-wɛ se pɛkɛ kʋtʋʋzaa yɔ patɩŋa payɩ pɔ-cɔzɔ. 12Ɛkɛ ɖɔɖɔ mbá pɛpɛlɩ-wɛ yɔ pɔ-cɔzɔ. Ɛlɛ́, pɩtasɩnɩ pɛ-pɛlʋʋ ɖeke, pɛwɛnɩ lidaʋ ɖɔɖɔ Ɛsɔ yɔɔ ɛzɩ ɖɔ-cɔzɔ Abraham kɛwɛnaʋ nɛ pʋcɔ pɛpɛlɩ-ɩ yɔ.
Mbá pɛwɛnɩ lidaʋ Ɛsɔ yɔɔ yɔ, ɛlakɩ-wɛ mbʋ́ pɩtɩŋa ɛɖʋwa yɔ
13Toovenim lɛ, pɩtɛkɛ paɣtʋ yɔɔ ɖɔm yɔɔ pɩtɩŋnaa nɛ Ɛsɔ heyi Abraham nɛ ɛ-sayɩnaa se pɔkɔŋ tɩɣyʋʋ kedeŋa kpeekpe. Ɛlɛ́, ɛwɛʋnɩ lidaʋ nɛ Ɛsɔ kpaɣ-ɩ se ɛkɛ kʋtʋʋzʋ yɔ, pʋ-yɔɔ pɩtɩŋnaa. 14Yee mbá pɔɖɔŋ paɣtʋ yɔɔ se Ɛsɔ ɛkpaɣ-wɛ se pɛkɛ kʋtʋʋzaa yɔ ɛɖʋwa se patɩɣyɩ-kɛ yɔ, pʋbʋ pɩɩwɩlaa se lidaʋ nɛ mbʋ́ ɛɖʋwa se ɛlakɩ yɔ, pɩɩwazɩɣ pʋyʋ. 15Mbʋ́ pʋyɔɔ yɔ, paɣtʋ kulusuu Ɛsɔ pana. Ɛlɛ́, ɖenɖe tɩfɛyɩ yɔ, paatɔŋ se pɔtɔɖɔ tɩ-yɔɔ ɖɔɖɔ.
16Pʋ-yɔɔ lɛ, lidaʋ ŋgʋ́ ɖɩwɛnɩ Ɛsɔ yɔɔ yɔ, kʋ-yɔɔ ɛɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ falaa se pʋwazɩ Abraham sayɩnaa tɩŋa payɩ. Pɩtɛkɛ mbá pɛcɛlɩ-wɛ paɣtʋ yɔ, pe-ɖeke pʋwazɩɣ. Ɛlɛ́, pɩkpɛndɩnɩ mbá pɛwɛnɩ lidaʋ ɖɔɖɔ ɛzɩ ɖɔ-cɔzɔ Abraham yɔ, mbʋ́ pʋyɔɔ yɔ, ɛnʋ lɛ ɖatɩŋa payɩ ɖɔ-cɔzɔ. 17Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Malɩzɩnɩ-ŋ se ŋkɛ ajɛya ndɩ ndɩ taa ñɩma cɔzɔ.» Ɛkɛ ɖɔ-cɔzɔ Ɛsɔ weyi ɛwɛnɩ ɛ-yɔɔ lidaʋ yɔ ɛ-ɛsɩndaa. Ɛnʋ feziɣni sɩɖaa nɛ ɛyɔɔdʋʋ nɛ mbʋ́ pɩtaawɛɛ yɔ, pʋwɛɣ. 18Abraham kɛwɛnɩ lidaʋ nɛ ɛɖaŋ nɛ ɛkɔɔ ɛkɛ ajɛya ndɩ ndɩ taa ñɩma cɔzɔ ɛzɩ Ɛsɔ keheyuu-i yɔ. Eeheyi-i se: «Ḿbʋ́ ña-sayɩnaa ɖɔʋ.» 19Abraham kɛwɛna ɛzɩ pɩnzɩ mɩnʋʋ yɔ. Ɛlɛ́, pɩtaalabɩ-ɩ ɛjandʋ e-lidaʋ wɛnaʋ taa, ŋgʋ́, ɛɛñɔtɩnɩ pɩlaʋ kpam. Đɔɖɔ lɛ, ɛɛnawa se ɛ-halʋ Saara tapɩzɩɣ se ɛlʋlɩ. 20Paa ḿbʋ́, ɛcɔnɩ mbʋ́ Ɛsɔ ɖʋwa se ɛlakɩ-ɩ yɔ lɛ, ɛtapʋtɩ. Ɛlɛ́, e-lidaʋ yele nɛ ɛkpa ɖoŋ nɛ ɛsa Ɛsɔ. 21Ɛnawa kpem se Ɛsɔ pɩzɩɣ ɛla mbʋ́ ɛɖʋwa se ɛlakɩ yɔ. 22Pʋ-yɔɔ ɛ́lɛ́ kpaɣ-ɩ se ɛkɛ kʋtʋʋzʋ. 23Ɛlɛ́, tɔm ndʋ́ pamawa se: «Ɛsɔ kpaɣ-ɩ se ɛkɛ kʋtʋʋzʋ» yɔ, pɩtɛkɛ e-ɖeke ɛ-yɔɔ pama-tʋ. 24Mbá ɖa ɛpɩsɩ-ɖʋ kʋtʋʋzaa yɔ, ɖɔ-yɔɔ ɖɔɖɔ pama-tʋ. Mbʋ́ pʋyɔɔ yɔ, ɖɩwɛnɩ lidaʋ Ɛsɔ weyi efezi ɖa-Kɩpaɣlʋ Yesu nɛ sɩm taa yɔ ɛ-yɔɔ. 25Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in