Esita 1
1
Fashiti Mbwaakakakila Mwaami Sakisesi Ibaye
1Ono nceeci cakacitika munshiku shakwe Sakisesi uyo wakalela shishi shili 127 kuswa kuIndiya kushika kuKushi.#Esita 4:6 2Cuuna cakwe ca bwaami cakalinga mundabala inene ya Susa umo mwaakalinga kweendeleshesha.
3Mumwaaka watatu wa bwaami bwakwe, wakabambila bacinenenene bakwe boonse kusekelela. Abalo bamatanjilili ba bashilumamba ba kuPesha akuMediya, beendeleshi alimwi abamatanjilili ba shishi shoonse isho bakalingaako. 4Kwanshiku shili 180 wakalinga kubonesha buboni bwa bwaami bwakwe bukankamanisha akukomena kwa bulemu bwa mbubo.
5Kuswawaawo, mwaami wakabambila bantu boonse bakalinga mundabala inene ya Susa kusekelela. Wakabambila babile abakandu kusekelela uko kwakatola nshiku shosanwe ashobilo mulubansa lwa ŋanda ya bwaami. 6Lubansa lwakaboteshekwa ashisani shakushitilishisha sha busalu buboneka anga ndiculu abutuba isho shakalinga kwaangitwe antaambo sha busalu buteshimite bufubelafubela. Ntaambo isho shakalinga kwaangitwe kuninga sha silifa isho shakalinga kumacinko amabwe akuyakisha. Malo a golodi asilifa akabikwa mulubansa ulo lwakaboteshekwa panshi amabwe akuyakisha atuba amabwe amakwebo amwi apusenepusene. 7Shakunwa shakaabwa munkomeshi sha golodi shipusenepusene alimwi waini wa bwaami wakaabwa uunji ceebo ca bwaabi bwa mwaami. 8Mweensu womwi awomwi wakanwa kweelana ambwaakalinga kusuni ceebo mwaami wakaambila basebenshi bakwe kupa muntu mbuli mbwaasuni.
9Alakwe Fashiti muka mwaami wakabambila banakashinyina kusekelela muŋanda ya bwaami yakwe Sakisesi.
10Ono pabushiku bwasanu ashobilo, mwaami Sakisesi kaasangalete ceebo ca waini, wakeeta basankwa bakwe bakacaikwa lushalo bali bosanwe abobilo, nkokwaamba ayi Meyumani, Bisita, Alibona, Bigita, Abagita, Seta alimwi aKakasi. 11Mpeeke wakabatuma ayi balete Fashiti mukaakwe kunembo lyakwe kaafwete mushini wa bwaami kwaamba ayi bantu abamatanjilili babone mbwaakalinga mubotu. Fashiti wakalinga mubotu abuumbi. 12Sombi basebenshi ndibakamwaambila ico cakaamba mwaami, Fashiti wakakaka. Aboobo mwaami wakakalala abuumbi.
13Mbuli mbwaakalinga kushibite pashikani shakalinga kukuma kumilawo akoombolosha kululeme, mwaami wakeeta beshikumupandako maano kwaamba ayi bamulwiite mbwaaelete kucita. 14Bantu mbwaakalinga kwiita pamakani amushobo wooyu nguKashena, Sheta, Adimata, Tashishi, Melesi, Masena alimwi aMemukani. Abo bakalinga mbobacinenenene bali bosanwe abobilo ba kuPesha aMediya alimwi abo bakalinga kucite shuuna shiindaawo mubwaami bwakwe. 15Sakisesi wakabeepusha ayi, “Nciinshi ceelete kucitwa kuli Fashiti mukaangu kweelana amulawo? Wakaka kunyumfwila maswi angu ayo nebo nemwaami ngondatuma basebenshi bangu.”
16Lyalo Memukani wakakumbula kunembo lya mwaami abacinenenene bakwe ayi, “Bayoosha bakubwalo baFashiti tabakwe kubishishabo ndimwe nobaami baSakisesi, sombi babishisha abacinenenene banu alimwi abasankwa bamwi boonse bali mubwaami bwanu. 17Cacita bayoosha ba kubwalo cilaakunyumfwika kubanakashi boonse ba mubwaami bwanu. Lyalo balaakutalika kunyansha bameebaabo. Balaakunokwaamba ayi, ‘Baami baSakisesi bakeeta bayoosha babo baFashiti, sombi bakakaka.’ 18Kalitana kwipila sunu, bamakaabo bacinenenene bene Pesha abene Mediya abo banyumfwa cikani ici, bananoonyansha bameebaabo. Lyalo bameebaabo bananookalalila bamakaabo. 19Anu nobaami na mwasumina, amupe mulawo alimwi ulembwe mulibuku lya milawo ya bene Pesha abene Mediya, itakoonshi kusandulwa kwaamba ayi baFashiti tabeelete kwisa alimwi kunembo lyanu. Kuswawaawo mupe musena wabo wakuba muka mwaami kuli umwi wiindaawo kubota. 20Lyalo na mulawo wanu nobaami waambilishikwe mubwaami bwanu bunene ubu, banakashi boonse balaakunoolemeka bameebaabo, babile nabi bakandu.”
21Makani aya akasangalasha mwaami abacinenenene bakwe. Aboobo mwaami wakacita kweelana abwakaamba Memukani. 22Mpomunyaawo mwaami wakatuma makalata kushipansha shoonse sha cishi cakwe coonse, comwi acomwi kweelana amushobo wakulemba kwa ncico alimwi kumushobo womwi awomwi mumulaka wa nguwo ayi musankwa woonse ulyeelete kuba ngomunene muŋanda yakwe mwiine.
Currently Selected:
Esita 1: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.