Bene Loma 3
3
1Sa mutooyeeya ayi baJuda kuli mbobeendawo baswamashi bakunsengwe? Mbubotunshi buli mukupalulwa? 2Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame. 3Ono na bamwi pakati kabo tabakwe kushomeka, sa kutashomeka kwabo inga kwalengesha Lesa alakwe kutashomeka? 4Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi,
“Kulilabo na waamba, bantu balyeelete kwishiba ayi nshalushinisho.
Alimwi lyoonse ulyeelete kucanikwa ayi toocite mulandu pakukoombolosha.”#Kulu 51:4
5Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.) 6Napaceyuubo! Na Lesa taaluleme, ino inga woombolosha buyani bantu mucishi? 7Bamwi inga baamba ayi, “Na kubeca kwangu kulabonesha patuba kushomeka kwakwe Lesa akufusha bulemu bwakwe, ono inga waŋombolosha buyani ayi ndimucita shibi?” 8Ino ceebonshi inga tatwaambi ayi, “Atucite shibiibi kwaamba ayi shibotu shiboneke?” Ncakwiila bantu bamwi balantukana kwiinda mukumbekesha ayi ndaamba cikani ceenka ici. Bantu abo Lesa ulaakubapa mulandu weelete.
Taaku muntu ululeme pameenso akwe Lesa
9Ono nkokwaamba ayi sa swebo sobaJuda kuli mpotwiindilawo baswamashi bakunsengwe pameenso akwe Lesa? Taapuuwo, mukwiinga ndasansulula kale kwaamba ayi baJuda abaswamashi bakunsengwe boonse mbamucita shibi. 10Bweenka bwaamba Malembo akwe Lesa ayi,
“Taaku nabi womwi ululeme.
11Taaku muntu unyumfwisha shiluleme,
nabi uyandoola Lesa.
12Bantu boonse basuula Lesa,
alimwi boonse babisha,
taaku nabi womwi ucita shibotu.#Kulu 14:1-3; Kulu 53:1-3
13Myaambo yabo njabubeshi, ilacaisha.
Kwiinda mumilaka yabo mbeshi kwaamba shakubeca,
alimwi mumilomo yabo mulaswabo maswi abucayi,
mbuli busoka bwa nsoka.#Kulu 5:9; Kulu 140:3
14Milomo yabo iliswitebo mashingo abiibi abuumbi.#Kulu 10:7
15Mbantu bafwambaana kucisa akucaya babyaabo.
16Balanyonyoola akupensha bantu kuli koonse nkobaya
17alimwi tabacishi kwikala pantu pomwi muluumuno.#Isa 59:7-8
18Tabalemeki Lesa, napaceyi.”#Kulu 36:1
19Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape. 20Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.#Kulu 143:2; Gala 3:6
Lesa mbwaalulamika bantu
21Sombi bulya Lesa wayubulula nshila njaalulamikilamo bantu pameenso akwe. Nshila iyo teekumite kunshila yakukonkela Milawo. Milawo iyi alimwi amaswi akaamba balaluki bakulukulu, shoonse shilaamba panshila iyi. 22Nshila Lesa njaalulamikilamo bantu, nkushoma muli Jesu Klistu. Ulacita boobo kubantu boonse mukwiinga taaku bupusano buli pabaJuda abaswamashi bakunsengwe 23ceebo bantu boonse bakabisha akulela kubulemu bwakwe Lesa. 24Sombi Lesa kwiinda muluse lwakwe lwabupebo, ulalulamika bantu kwiinda muli Jesu Klistu uyo wakabaangulula. 25Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela. 26Sombi bulya ulatondesha ayi ulalulamika bantu bashoma muli Jesu Klistu kwaamba ayi beshibe ayi lakwe mwiine uliluleme.
27Aboobo apa taapu nceenga walisumpwitaawo muntu, sobwe. Ceebo taalulamikwi pameenso akwe Lesa kwiinda mukukonkela Milawo, sombi ceebo cakushoma muli Jesu. 28Paceebo ceeci tulaamba ayi muntu ulalulamikwabo kwiinda mulushomo, kuteshi kukonkela Milawo, sobwe. 29Sa Lesa ngwa baJudabo beenka? Sa teshi wa baswamashi bakunsengwe abalo? Ee, nguLesa wa baswamashi bakunsengwe abalo. 30Kuli Lesa womwibo ndondoli alimwi ngoolulamika baJuda mulushomo alimwi abaswamashi bakunsengwe mbomunya. 31Ono sa ici cilaamba ayi Milawo teecite ncito nditutokwaamba ayi nkwiinda mulushomo? Napaceyuubo! Tutooyumyabo Milawo.
Currently Selected:
Bene Loma 3: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Loma 3
3
1Sa mutooyeeya ayi baJuda kuli mbobeendawo baswamashi bakunsengwe? Mbubotunshi buli mukupalulwa? 2Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame. 3Ono na bamwi pakati kabo tabakwe kushomeka, sa kutashomeka kwabo inga kwalengesha Lesa alakwe kutashomeka? 4Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi,
“Kulilabo na waamba, bantu balyeelete kwishiba ayi nshalushinisho.
Alimwi lyoonse ulyeelete kucanikwa ayi toocite mulandu pakukoombolosha.”#Kulu 51:4
5Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.) 6Napaceyuubo! Na Lesa taaluleme, ino inga woombolosha buyani bantu mucishi? 7Bamwi inga baamba ayi, “Na kubeca kwangu kulabonesha patuba kushomeka kwakwe Lesa akufusha bulemu bwakwe, ono inga waŋombolosha buyani ayi ndimucita shibi?” 8Ino ceebonshi inga tatwaambi ayi, “Atucite shibiibi kwaamba ayi shibotu shiboneke?” Ncakwiila bantu bamwi balantukana kwiinda mukumbekesha ayi ndaamba cikani ceenka ici. Bantu abo Lesa ulaakubapa mulandu weelete.
Taaku muntu ululeme pameenso akwe Lesa
9Ono nkokwaamba ayi sa swebo sobaJuda kuli mpotwiindilawo baswamashi bakunsengwe pameenso akwe Lesa? Taapuuwo, mukwiinga ndasansulula kale kwaamba ayi baJuda abaswamashi bakunsengwe boonse mbamucita shibi. 10Bweenka bwaamba Malembo akwe Lesa ayi,
“Taaku nabi womwi ululeme.
11Taaku muntu unyumfwisha shiluleme,
nabi uyandoola Lesa.
12Bantu boonse basuula Lesa,
alimwi boonse babisha,
taaku nabi womwi ucita shibotu.#Kulu 14:1-3; Kulu 53:1-3
13Myaambo yabo njabubeshi, ilacaisha.
Kwiinda mumilaka yabo mbeshi kwaamba shakubeca,
alimwi mumilomo yabo mulaswabo maswi abucayi,
mbuli busoka bwa nsoka.#Kulu 5:9; Kulu 140:3
14Milomo yabo iliswitebo mashingo abiibi abuumbi.#Kulu 10:7
15Mbantu bafwambaana kucisa akucaya babyaabo.
16Balanyonyoola akupensha bantu kuli koonse nkobaya
17alimwi tabacishi kwikala pantu pomwi muluumuno.#Isa 59:7-8
18Tabalemeki Lesa, napaceyi.”#Kulu 36:1
19Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape. 20Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.#Kulu 143:2; Gala 3:6
Lesa mbwaalulamika bantu
21Sombi bulya Lesa wayubulula nshila njaalulamikilamo bantu pameenso akwe. Nshila iyo teekumite kunshila yakukonkela Milawo. Milawo iyi alimwi amaswi akaamba balaluki bakulukulu, shoonse shilaamba panshila iyi. 22Nshila Lesa njaalulamikilamo bantu, nkushoma muli Jesu Klistu. Ulacita boobo kubantu boonse mukwiinga taaku bupusano buli pabaJuda abaswamashi bakunsengwe 23ceebo bantu boonse bakabisha akulela kubulemu bwakwe Lesa. 24Sombi Lesa kwiinda muluse lwakwe lwabupebo, ulalulamika bantu kwiinda muli Jesu Klistu uyo wakabaangulula. 25Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela. 26Sombi bulya ulatondesha ayi ulalulamika bantu bashoma muli Jesu Klistu kwaamba ayi beshibe ayi lakwe mwiine uliluleme.
27Aboobo apa taapu nceenga walisumpwitaawo muntu, sobwe. Ceebo taalulamikwi pameenso akwe Lesa kwiinda mukukonkela Milawo, sombi ceebo cakushoma muli Jesu. 28Paceebo ceeci tulaamba ayi muntu ulalulamikwabo kwiinda mulushomo, kuteshi kukonkela Milawo, sobwe. 29Sa Lesa ngwa baJudabo beenka? Sa teshi wa baswamashi bakunsengwe abalo? Ee, nguLesa wa baswamashi bakunsengwe abalo. 30Kuli Lesa womwibo ndondoli alimwi ngoolulamika baJuda mulushomo alimwi abaswamashi bakunsengwe mbomunya. 31Ono sa ici cilaamba ayi Milawo teecite ncito nditutokwaamba ayi nkwiinda mulushomo? Napaceyuubo! Tutooyumyabo Milawo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.