Bene Loma 11
11
Lesa mbwaakanyumfwila nkumbu bene Isilaeli
1Ono ntoomwiipusha ayi, “Sa Lesa wakakaka bantu bakwe?” Napaceyi! Nebo ndimwine Isilaeli alimwi ndi wamulunyungu lwakwe Abulaamu, mumukowa wakwe Benjameni.#Fili 3:5 2Lesa taakwe kukaka bene Isilaeli abo mbwaakasala kuswabo kumatalikilo. Sa tamushi bwaamba Malembo akwe Lesa mucikani cilya Elija ndyaakasenga cankusu ayi Lesa ape mulandu bene Isilaeli? 3Wakaamba ayi, “Nkambo, abo bantu bakacaya balaluki banu bakulukulu akumwaaya shipaililo shanu. Aboobo ndacaalabo neenka, nakubi boobo balisuni kuncaya anebo.”#1 Baami 19:10, 14 4Sombi Lesa wakakumbula ayi, “Ndilamite basankwa bali shuulu shosanwe ashobilo abo batana kulambilawo Baali, lesa wakubumba.”#1 Baami 19:18 5Acecino ciindi nkobali bantu baniini bakacaala abo Lesa mbwaakasala kwiinda muluse lwakwe. 6Lesa ulasala bantu kwiinda munkumbu shakwe kuteshi ceebo ca milimo njebacita. Ceebo necatalinga boobo, naakwiinga nkumbu shakwe teshi nkumbu shancinencine.
7Anu twaambe buyani? Ncakwiila bene Isilaeli tabakwe kucicana ncibakalinga kuyandoola. Sombi baniini abo Lesa mbwaakasala. Paceebo ceeco bamwi boonse bakaba beshicimpamya. 8Mbweeke bwaamba Malembo akwe Lesa ayi,
“Lesa wakalengesha ayi babe beshicimpamya
ono abobulya tababoni alimwi tabanyumfwi.”#Duto 29:4; Isa 29:10
9Alakwe Defedi wakaamba ayi,
“Bacatwe anga mutukuka amushinsaala ndibatoosekelela
kwaamba ayi Lesa abawiishe akubapa mulandu.
10Abapofole kwaamba ayi bacileeke kubona,
bapenshekwe ceebo ca mikuli yabo.”#Kulu 69:22-23
11Ono ntoomwiipusha ayi, “Sa baJuda ndibakalisuntula bakawita limwi mulushomo?” Napaceyi! Mukwiinga baJuda bakabisha, baswamashi bakunsengwe bakacana lupulusho. Ici cakacitika kwaamba ayi baJuda banyumfwile munyono baswamashi bakunsengwe. 12Ceebo cakubisha kwa baJuda, bantu bamucishi ca panshi bakatambula shoolwe. Ceebo cakwaalilwa kwa baJuda, baswamashi bakunsengwe bakatambula shoolwe. Ino cilaakweela kuli na baJuda boonse bakasalwa, bakasenkane abashomi?
Lesa mbwaakapulusha baswamashi bakunsengwe
13Ono ntokwaambila ndimwe nobaswamashi bakunsengwe. Ceebo cakwaamba ayi ndi mutumwi kubaswamashi bakunsengwe, ndalumba Lesa lyoonse pamulimo uyu ngwaakampa ayi ncite. 14Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo. 15Ono Lesa ndyaakabakaka, wakalengesha ayi abantu bamwi boonse bamucishi babe beshicibusanyina. Mukwiinga na boonse bakatambulwe, cilaakubabo bweenka mbuli kubuka kuswa kubafu.
16Na muntu wapa Lesa kapansha ka shinkwa kakutaanguna ingayi shinkwa woonse ngwakwe Lesa. Na muntu wapa Lesa muyanda wa cisamu, nkokwaamba ayi amisampi yoonse njakwe Lesa. 17Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli. 18Paceebo ceeco tamweelete kulisumpula pabaabo Lesa mbwaakatyola anga njimisampi. Taapu nceenga mwalisumpwitaawo mukwiinga mwebo mulibo anga njimisampi. Tamupi nkusu kumiyanda, sombi yalo njeipa nkusu kumisampi.
19Sombi umwi inga waamba ayi, “Ee mbocibete, sombi misampi iyo yakatyolwa kwaamba ayi swebo tubikwe mumisena ya njiyo.” 20Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela. 21Ono na Lesa taakwe kulekabo bene Isilaeli, abo bali anga njimisampi iineiine, sa mutooyeeya ayi inga wamulekabo mwebo? 22Ono mulyeelete kwishiba ayi Lesa ngushinkumbu alimwi ngumukali. Ngumukali kubaabo bakabisha, sombi ulicite nkumbu kuli ndimwe, kulilabo na kamucita sheesho nsheenga shaleta nkumbu shakwe. Sombi na mwabula kucita boobo, Lesa ulaakumutyola amwebo. 23Abalo baJuda na basanduka kuswa kushibiibi shabo akutalika kushoma Lesa alimwi, inga wababooshaako kucisamu. Ceebo Lesa ulacikonsha kucita boobo. 24Mwebo nobaswamashi bakunsengwe, muli anga njimisampi ya cisamu ca olifi ca muluundu, iyo Lesa njaakatyola akulengesha ayi isonse pacisamu ca olifi cakushanga, ico citakoonshi kucitika ciine. BaJuda bali anga ncisamu ca olifi cakushanga. Aboobo ncuubu Lesa kuboosha misampi yakatyolwa pacisamu ca njiyo.
Lesa mbwaanyumfwila nkumbu bantu boonse
25Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa. 26Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi,
“Mupulushi ulaakuswa kuSiyoni,
alimwi ulaakulekelela bubi boonse bwa bene Isilaeli.#Isa 59:20-21
27Cipangano ici cilaakucitika,
ndaakubalekelela bubi bwabo.”#Isa 27:9
28Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu. 29Na Lesa wasala akupa coolwe muntu, taasanduki. 30Kale kale mwebo nobaswamashi bakunsengwe temwakalinga kunyumfwila Lesa, sombi bulya Lesa wamunyumfwila nkumbu ceebo baJuda bakakaka kumunyumfwila. 31Mbweeke ubo mukwiinga Lesa wakamunyumfwila nkumbu, baJuda tabatoonyumfwila Lesa kwaamba ayi abalo inga wabanyumfwila nkumbu. 32Lesa walengesha bantu boonse kuba anga mbakaili ceebo cakutamunyumfwila. Wakacita boobo kwaamba ayi abanyumfwile nkumbu boonse.
Lesa ulyeelete kulumbaishikwa
33Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.#Isa 55:8 34Bweenka bwaamba Malembo akwe Lesa ayi,
“Anu ngani ushi Lesa mbwaayeeya?
Ngani weenga wapanda maano Lesa?#Isa 40:13
35Anu ngani weenga wapa Lesa cintu
kwaamba ayi alakwe akamuboshesheewo cimwi?”#Jobo 41:11
36Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!#1 Koli 8:6
Currently Selected:
Bene Loma 11: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Loma 11
11
Lesa mbwaakanyumfwila nkumbu bene Isilaeli
1Ono ntoomwiipusha ayi, “Sa Lesa wakakaka bantu bakwe?” Napaceyi! Nebo ndimwine Isilaeli alimwi ndi wamulunyungu lwakwe Abulaamu, mumukowa wakwe Benjameni.#Fili 3:5 2Lesa taakwe kukaka bene Isilaeli abo mbwaakasala kuswabo kumatalikilo. Sa tamushi bwaamba Malembo akwe Lesa mucikani cilya Elija ndyaakasenga cankusu ayi Lesa ape mulandu bene Isilaeli? 3Wakaamba ayi, “Nkambo, abo bantu bakacaya balaluki banu bakulukulu akumwaaya shipaililo shanu. Aboobo ndacaalabo neenka, nakubi boobo balisuni kuncaya anebo.”#1 Baami 19:10, 14 4Sombi Lesa wakakumbula ayi, “Ndilamite basankwa bali shuulu shosanwe ashobilo abo batana kulambilawo Baali, lesa wakubumba.”#1 Baami 19:18 5Acecino ciindi nkobali bantu baniini bakacaala abo Lesa mbwaakasala kwiinda muluse lwakwe. 6Lesa ulasala bantu kwiinda munkumbu shakwe kuteshi ceebo ca milimo njebacita. Ceebo necatalinga boobo, naakwiinga nkumbu shakwe teshi nkumbu shancinencine.
7Anu twaambe buyani? Ncakwiila bene Isilaeli tabakwe kucicana ncibakalinga kuyandoola. Sombi baniini abo Lesa mbwaakasala. Paceebo ceeco bamwi boonse bakaba beshicimpamya. 8Mbweeke bwaamba Malembo akwe Lesa ayi,
“Lesa wakalengesha ayi babe beshicimpamya
ono abobulya tababoni alimwi tabanyumfwi.”#Duto 29:4; Isa 29:10
9Alakwe Defedi wakaamba ayi,
“Bacatwe anga mutukuka amushinsaala ndibatoosekelela
kwaamba ayi Lesa abawiishe akubapa mulandu.
10Abapofole kwaamba ayi bacileeke kubona,
bapenshekwe ceebo ca mikuli yabo.”#Kulu 69:22-23
11Ono ntoomwiipusha ayi, “Sa baJuda ndibakalisuntula bakawita limwi mulushomo?” Napaceyi! Mukwiinga baJuda bakabisha, baswamashi bakunsengwe bakacana lupulusho. Ici cakacitika kwaamba ayi baJuda banyumfwile munyono baswamashi bakunsengwe. 12Ceebo cakubisha kwa baJuda, bantu bamucishi ca panshi bakatambula shoolwe. Ceebo cakwaalilwa kwa baJuda, baswamashi bakunsengwe bakatambula shoolwe. Ino cilaakweela kuli na baJuda boonse bakasalwa, bakasenkane abashomi?
Lesa mbwaakapulusha baswamashi bakunsengwe
13Ono ntokwaambila ndimwe nobaswamashi bakunsengwe. Ceebo cakwaamba ayi ndi mutumwi kubaswamashi bakunsengwe, ndalumba Lesa lyoonse pamulimo uyu ngwaakampa ayi ncite. 14Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo. 15Ono Lesa ndyaakabakaka, wakalengesha ayi abantu bamwi boonse bamucishi babe beshicibusanyina. Mukwiinga na boonse bakatambulwe, cilaakubabo bweenka mbuli kubuka kuswa kubafu.
16Na muntu wapa Lesa kapansha ka shinkwa kakutaanguna ingayi shinkwa woonse ngwakwe Lesa. Na muntu wapa Lesa muyanda wa cisamu, nkokwaamba ayi amisampi yoonse njakwe Lesa. 17Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli. 18Paceebo ceeco tamweelete kulisumpula pabaabo Lesa mbwaakatyola anga njimisampi. Taapu nceenga mwalisumpwitaawo mukwiinga mwebo mulibo anga njimisampi. Tamupi nkusu kumiyanda, sombi yalo njeipa nkusu kumisampi.
19Sombi umwi inga waamba ayi, “Ee mbocibete, sombi misampi iyo yakatyolwa kwaamba ayi swebo tubikwe mumisena ya njiyo.” 20Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela. 21Ono na Lesa taakwe kulekabo bene Isilaeli, abo bali anga njimisampi iineiine, sa mutooyeeya ayi inga wamulekabo mwebo? 22Ono mulyeelete kwishiba ayi Lesa ngushinkumbu alimwi ngumukali. Ngumukali kubaabo bakabisha, sombi ulicite nkumbu kuli ndimwe, kulilabo na kamucita sheesho nsheenga shaleta nkumbu shakwe. Sombi na mwabula kucita boobo, Lesa ulaakumutyola amwebo. 23Abalo baJuda na basanduka kuswa kushibiibi shabo akutalika kushoma Lesa alimwi, inga wababooshaako kucisamu. Ceebo Lesa ulacikonsha kucita boobo. 24Mwebo nobaswamashi bakunsengwe, muli anga njimisampi ya cisamu ca olifi ca muluundu, iyo Lesa njaakatyola akulengesha ayi isonse pacisamu ca olifi cakushanga, ico citakoonshi kucitika ciine. BaJuda bali anga ncisamu ca olifi cakushanga. Aboobo ncuubu Lesa kuboosha misampi yakatyolwa pacisamu ca njiyo.
Lesa mbwaanyumfwila nkumbu bantu boonse
25Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa. 26Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi,
“Mupulushi ulaakuswa kuSiyoni,
alimwi ulaakulekelela bubi boonse bwa bene Isilaeli.#Isa 59:20-21
27Cipangano ici cilaakucitika,
ndaakubalekelela bubi bwabo.”#Isa 27:9
28Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu. 29Na Lesa wasala akupa coolwe muntu, taasanduki. 30Kale kale mwebo nobaswamashi bakunsengwe temwakalinga kunyumfwila Lesa, sombi bulya Lesa wamunyumfwila nkumbu ceebo baJuda bakakaka kumunyumfwila. 31Mbweeke ubo mukwiinga Lesa wakamunyumfwila nkumbu, baJuda tabatoonyumfwila Lesa kwaamba ayi abalo inga wabanyumfwila nkumbu. 32Lesa walengesha bantu boonse kuba anga mbakaili ceebo cakutamunyumfwila. Wakacita boobo kwaamba ayi abanyumfwile nkumbu boonse.
Lesa ulyeelete kulumbaishikwa
33Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.#Isa 55:8 34Bweenka bwaamba Malembo akwe Lesa ayi,
“Anu ngani ushi Lesa mbwaayeeya?
Ngani weenga wapanda maano Lesa?#Isa 40:13
35Anu ngani weenga wapa Lesa cintu
kwaamba ayi alakwe akamuboshesheewo cimwi?”#Jobo 41:11
36Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!#1 Koli 8:6
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.