Shakubelenga 9
9
Bushiku bwa Pasika bwakwiibaluka kusotokela bwabili
1Mumweenshi wakutaanguna, mumwaaka wabili kuswa bene Isilaeli ndibakaswa mucishi ca Ijipiti, Mwaami Lesa wakaambila Mose muluyanga lwa Sinayi ayi, 2“Bene Isilaeli balyeelete kusekelela bushiku bwa Pasika bwakwiibaluka kusotokela paciindi ceelete. 3Kamusekelela bushiku ubu ciindi ca macolesha pabushiku bwalikumi alimwi ashone mumweenshi uno, kweelana amilawo alimwi amilasho yoonse ya mbubo.” 4Aboobo Mose wakalwiita bantu ayi banoolama bushiku bwa Pasika bwakwiibaluka kusotokela. 5Lyalo bakacita mbomunya ubo muluyanga lwa Sinayi macolesha pabushiku bwalikumi ashone mumweenshi wakutaanguna. Anu bantu bakacita shintu shoonse kweelana aMwaami Lesa mbwaakaambila Mose.#Kulo 12:1-13
6Sombi pakalinga basankwa bamwi abo batakalinga kusalalite kweelana aMilawo ceebo bakakumya mutuntu, aboobo tabakwe kukonsha kulama bushiku bwa Pasika pabushiku ubo. Mpeeke bakaya kuli Mose aAloni 7mukwaamba ayi, “Swebo tatusalalite ceebo twakumya mutuntu, sombi inga twakashikwa buyani kubenga mulambu kuMwaami Lesa pantu pomwi abene Isilaeli bamwi boonse?” 8Mose wakabakumbula ayi, “Amulindile kushikila Mwaami Lesa andwiite bwakucita pali ndimwe.”
9Mpeeke Mwaami Lesa wakaambila Mose ayi, 10“Lwiita bene Isilaeli ayi na umwi uli woonse mulikoto lyanu nabi bamulunyungu lwanu tabasalalite ceebo bakumya mutuntu nabi bali pamushinso kumwi kulaale, sombi kabasuni kulama bushiku bwa Pasika bwakwiibaluka kusotokela, 11basuminishikwa kulama bushiku ubo macolesha pabushiku bwalikumi ashone mumweenshi wabili. Balyeelete kulya mwanaambelele wa Pasika pantu pomwi acimaande alimwi abucisa bulula. 12Tabeelete kushiyako shakulya nashiceyi kushikila macuunsa, alimwi tabeelete kupwaya shifuwa sha mwanaambelele uli woonse. Kabalama bushiku ubo bwa Pasika kweelana amilasho yoonse.#Kulo 12:46; Joni 19:36 13Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.
14“Ono na muswamashi ukala pakati kanu ulisuni kulama bushiku bwa Pasika, ulyeelete kulama bushiku ubo kweelana amilawo alimwi amilasho yoonse. Anu milawo iyi yeenka ilikumite kumuntu uli woonse, mwine Isilaeli nabi muswamashi.”
Likumbi lya mulilo
(Kulo 40:34-38)
15Ono pabushiku Tente ya Cipangano ndiyakayakwa, likumbi lyakesa akwiifwekelesha. Kuswa macolesha kushikila amacuunsa, likumbi lyakalinga peculu lya Tente lyakalinga kuboneka anga ngumulilo. 16Lyakatolelela kunooboneka mbomunya ubo. Likumbi lyakafwekelesha Tente alimwi mashiku lyakalinga kuboneka anga ngumulilo. 17Lyoonse na likumbi lyaswa paTente ya Cipangano, bene Isilaeli bakalinga kulonga, akuyaka misumba pali poonse mpweenga lyeemikana. 18Anu bantu abo bakalinga kulongabo na Mwaami Lesa wabaambila, alimwi akuyaka misumba na wabaambila. Kulilabo na likumbi kalili paTente, bakalinga kwikala pamusena womwi. 19Na likumbi lyatola ciindi cilaamfu kalili paTente, abalo bakalinga kunyumfwila Mwaami Lesa, aboobo tebakalinga kulonga. 20Mushiindi shimwi, likumbi lyakalinga kwikalabo nshiku shiniini paTente. Sombi ciindi coonse bakalinga kwikala mumisumba nabi kulonga kweelana abwaamba Mwaami Lesa. 21Mushiindi shimwi likumbi lyakalinga kubawobo kuswa macolesha kushikila amacuunsa, mpeeke bakalinga kulonga macuunsa paciindi ceenka ico likumbi ndyeenga lyaswaawo. Ono malumwi nabi mashiku na likumbi lyaswaawobo, abalo nkulonga. 22Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga. 23Nkokwaamba ayi bakalinga kuyaka misumba na Mwaami Lesa wabaambila, alimwi akulonga na wabaambila. Bakalinga kucita boobo mukunyumfwila maswi ayo Mwaami Lesa ngaakalinga kubapa kwiinda muli Mose.
Currently Selected:
Shakubelenga 9: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 9
9
Bushiku bwa Pasika bwakwiibaluka kusotokela bwabili
1Mumweenshi wakutaanguna, mumwaaka wabili kuswa bene Isilaeli ndibakaswa mucishi ca Ijipiti, Mwaami Lesa wakaambila Mose muluyanga lwa Sinayi ayi, 2“Bene Isilaeli balyeelete kusekelela bushiku bwa Pasika bwakwiibaluka kusotokela paciindi ceelete. 3Kamusekelela bushiku ubu ciindi ca macolesha pabushiku bwalikumi alimwi ashone mumweenshi uno, kweelana amilawo alimwi amilasho yoonse ya mbubo.” 4Aboobo Mose wakalwiita bantu ayi banoolama bushiku bwa Pasika bwakwiibaluka kusotokela. 5Lyalo bakacita mbomunya ubo muluyanga lwa Sinayi macolesha pabushiku bwalikumi ashone mumweenshi wakutaanguna. Anu bantu bakacita shintu shoonse kweelana aMwaami Lesa mbwaakaambila Mose.#Kulo 12:1-13
6Sombi pakalinga basankwa bamwi abo batakalinga kusalalite kweelana aMilawo ceebo bakakumya mutuntu, aboobo tabakwe kukonsha kulama bushiku bwa Pasika pabushiku ubo. Mpeeke bakaya kuli Mose aAloni 7mukwaamba ayi, “Swebo tatusalalite ceebo twakumya mutuntu, sombi inga twakashikwa buyani kubenga mulambu kuMwaami Lesa pantu pomwi abene Isilaeli bamwi boonse?” 8Mose wakabakumbula ayi, “Amulindile kushikila Mwaami Lesa andwiite bwakucita pali ndimwe.”
9Mpeeke Mwaami Lesa wakaambila Mose ayi, 10“Lwiita bene Isilaeli ayi na umwi uli woonse mulikoto lyanu nabi bamulunyungu lwanu tabasalalite ceebo bakumya mutuntu nabi bali pamushinso kumwi kulaale, sombi kabasuni kulama bushiku bwa Pasika bwakwiibaluka kusotokela, 11basuminishikwa kulama bushiku ubo macolesha pabushiku bwalikumi ashone mumweenshi wabili. Balyeelete kulya mwanaambelele wa Pasika pantu pomwi acimaande alimwi abucisa bulula. 12Tabeelete kushiyako shakulya nashiceyi kushikila macuunsa, alimwi tabeelete kupwaya shifuwa sha mwanaambelele uli woonse. Kabalama bushiku ubo bwa Pasika kweelana amilasho yoonse.#Kulo 12:46; Joni 19:36 13Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.
14“Ono na muswamashi ukala pakati kanu ulisuni kulama bushiku bwa Pasika, ulyeelete kulama bushiku ubo kweelana amilawo alimwi amilasho yoonse. Anu milawo iyi yeenka ilikumite kumuntu uli woonse, mwine Isilaeli nabi muswamashi.”
Likumbi lya mulilo
(Kulo 40:34-38)
15Ono pabushiku Tente ya Cipangano ndiyakayakwa, likumbi lyakesa akwiifwekelesha. Kuswa macolesha kushikila amacuunsa, likumbi lyakalinga peculu lya Tente lyakalinga kuboneka anga ngumulilo. 16Lyakatolelela kunooboneka mbomunya ubo. Likumbi lyakafwekelesha Tente alimwi mashiku lyakalinga kuboneka anga ngumulilo. 17Lyoonse na likumbi lyaswa paTente ya Cipangano, bene Isilaeli bakalinga kulonga, akuyaka misumba pali poonse mpweenga lyeemikana. 18Anu bantu abo bakalinga kulongabo na Mwaami Lesa wabaambila, alimwi akuyaka misumba na wabaambila. Kulilabo na likumbi kalili paTente, bakalinga kwikala pamusena womwi. 19Na likumbi lyatola ciindi cilaamfu kalili paTente, abalo bakalinga kunyumfwila Mwaami Lesa, aboobo tebakalinga kulonga. 20Mushiindi shimwi, likumbi lyakalinga kwikalabo nshiku shiniini paTente. Sombi ciindi coonse bakalinga kwikala mumisumba nabi kulonga kweelana abwaamba Mwaami Lesa. 21Mushiindi shimwi likumbi lyakalinga kubawobo kuswa macolesha kushikila amacuunsa, mpeeke bakalinga kulonga macuunsa paciindi ceenka ico likumbi ndyeenga lyaswaawo. Ono malumwi nabi mashiku na likumbi lyaswaawobo, abalo nkulonga. 22Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga. 23Nkokwaamba ayi bakalinga kuyaka misumba na Mwaami Lesa wabaambila, alimwi akulonga na wabaambila. Bakalinga kucita boobo mukunyumfwila maswi ayo Mwaami Lesa ngaakalinga kubapa kwiinda muli Mose.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.