Shakubelenga 22
22
Mwaami wa kuMoabu mbwaakeeta Balaamu
1Lyalo bene Isilaeli bakalonga akuya mukuyaka misumba muliwesa lya kuMoabu, kwicwe lya Joodani alimwi lilangene aJeliko.
2Ono mwaami Balaki wa kuMoabu mwanaakwe Sipo ndyaakanyumfwa bene Isilaeli nshebakacita kubene Amoli alimwi akwishiba kufula kwabo, 3lakwe wakaloonda abuumbi pantu pomwi abene Moabu bamwi boonse. 4Mpeeke bene Moabu bakaambila bamatanjilili ba bene Midyani ayi, “Likoto ili onoonobo litoomanisha shintu shitushingulukite shoonse, bweenka mbuli mucende utoolya bwiisu kumafulo.” Aboobo mwaami Balaki 5wakatuma beshinkombe mukwiita Balaamu mwanaakwe Beyo, uyo wakalinga kuPeto kufwaafwi aMulonga wa Yufuletisi mucishi ca Amawu. Makani ngobakamuletela kuswa kuli Balaki ngakwaamba ayi,#Shakube 31:8; 2 Pita 2:15-16; Judi 11
“Ntookushibisha ayi mushobo woonse wakaswa mucishi ca Ijipiti alimwi mbaanji abuumbi, ono besa mukwikala pafwaafwi akumisheesu. 6Bantu aba mbayumu kwiinda ndiswe, ono ndakusenga ayi wise unshinganineeko. Mpashi ndyeenga twabakoma akubatanda mucishi cesu. Nebo ndishi kwaamba ayi abo mbowapa coolwe, ncakwiila balaba acoolwe. Abo mbooshingana, ncakwiila balashinganwa.”
7Aboobo bamatanjilili ba bene Moabu alimwi abene Midyani bakatolelela ashakulipila pamashingo akuya kuli Balaamu akumulwiita makani akaswa kuli Balaki. 8Mpeeke Balaamu wakabaambila ayi, “Amoone kuno kwaamba ayi ciilo nkamulwiite shoonse Mwaami Lesa nsheshi andwiite.” Lyalo bamatanjilili ba bene Moabu bakacaala kuli Balaamu.
9Kuswawaawo Lesa wakesa kuli Balaamu akumwiipusha ayi, “Ino basankwa aba mbooli abo mbaani?” 10Lakwe wakakumbula ayi, “Mwaami Balaki wa bene Moabu mwanaakwe Sipo wabatuma kwisa mukundwiita 11ayi bantu bakaswa mucishi ca Ijipiti mbaanji abuumbi. Ono ulisuni ayi mushinganineeko kwaamba ayi akonshe kubalwana akubatanda mucishi cakwe.” 12Sombi Lesa wakaambila Balaamu ayi, “Uteeleshi kuya abasankwa aba alimwi utashingani bene Isilaeli ceebo balicite coolwe.”
13Bushiku bwakaboolaawo, Balaamu wakaya kubantu abo Balaki mbwaakatuma akubaambila ayi, “Amuboolele kumishaanu ceebo Mwaami Lesa wankasha kuya amwebo.” 14Abalo bakumbuluka kuya kuli Balaki akumulwiita ayi Balaamu wakaka kwisaabo.
15Mpomunyaawo Balaki wakatuma bamatanjilili baanji beenda bataanshi alimwi bakalinga kwiindaawo kulemekwa. 16Bakaya kuli Balaamu akumulwiita makani aya akwaamba ayi,
“Ndakukombelela ayi kutabi cintu nabi comwi nceshi cikukashe kwisa kuli ndime. 17Nebo ntookulambula cakusanyaako alimwi akucita coonse nceshi waambe. Ndakombelela kosa unshinganineeko bantu aba.”
18Sombi Balaamu wakakumbula ayi, “Nabi Balaki wampa silifa agolodi yoonse ili muŋanda yakubwalo, inga nsheeleshi kusotoka mulawo wa Mwaami Lesa wangu napaceyi. 19Ono nacibi boobo, amoone kuno bweenka bwakacita bamwi kwaamba ayi nshibe na Mwaami Lesa ulicite maswi amwi akundwiita nabi taau.”
20Pabushiku ubo mashiku, Lesa wakesa kuli Balaamu akumwaambila ayi, “Na basankwa aba besa mukukwiita, libambile uyaabo, sombi ucitebo ceenka nceshi nkulwiite.” 21Ingayi buce macuunsa, Balaamu wakabika cakwikalaawo pambongolo yakwe akuya abamatanjilili ba bene Moabu abo.
Balaamu ambongolo yakwe
22Mpeeke Lesa wakakalala ceebo Balaamu wakaya. Ono ndyaakalinga kuya pambongolo yakwe, kaali abasebenshi bakwe bobilo, munjelo wa Mwaami Lesa wakeemikana munshila kukasha Balaamu ayi ateendi. 23Ono mbongolo ndiyakabona munjelo uyo kaaimfwi apo kaacite amupeeni, yakaswa munshila akuya mumuunda. Balaamu wakayuuma akwiiboosha munshila. 24Lyalo munjelo wakeemikana mpoyakaceyela nshila, pakati pamyuunda ya minyansa yobilo alimwi kwakalinga alubumbu lwa mabwe kumbasu shoonse shobilo. 25Mbongolo ndiyakabona munjelo, yakaya mukulishanikisha kulubumbu akushankanya mweendo wakwe Balaamu kuli ndulo. Balaamu wakayuuma alimwi. 26Munjelo wakaswaawo apo akuya mukwiimikana panembo. Lyalo wakeemikana pamusena uniini, patakalinga musena wakupambukilaawo kumbasu shoonse shobilo. 27Paciindi ico, mbongolo ndiyakabona munjelo, yakoona panshi. Balaamu wakakalala akutalika kuuma mbongolo ankoli yakwe.
28Lyalo Mwaami Lesa wakapa mbongolo nkusu shakwaamba, lyalo yakeepusha Balaamu ayi, “Ino ncendacita kuli ndimwe ncemwangumina mankanda otatwe nciinshi?” 29Balaamu wakakumbula ayi, “Mukwiinga waneenga buluya! Naakwiinga kaancite mupeeni, nindakucaya.” 30Ayalo mbongolo yakamwiipusha ayi, “Sa nebo teshi ndime mbongolo iyo njemutantaawo mubuumi bwanu boonse? Sa ndakacitawo kale camushobo wooyu kuli ndimwe?” Lyalo Balaamu wakakumbula ayi, “Sobwe.”
31Kuswawaawo Mwaami Lesa wakalengesha ayi Balaamu abone munjelo kaaimfwi apo kaacite amupeeni. Abonebo boobo, wakaliwaala panshi akuya mukushishawo ciwa. 32Mpomunyaawo munjelo wakamwiipusha ayi, “Nciinshi ncewoomina bobulya mbongolo yako mankanda otatwe? Nebo ndesa mukukushinkila ceebo lweendo lwako ulu lwambicila. 33Sombi mbongolo yako iyi yambona akupambukila kulubasu mankanda otatwe. Niyatacita boobo, naakwiinga webo ndakucaya, sombi mbongolo nindeeshiyawo.” 34Mpeeke Balaamu wakakumbula ayi, “Ndabiisha. Nshindalinga kwishi ayi muliimfwi munshila ayi munkaashe kuya. Sombi bulya na lweendo ulu lwamubicila, ntooboolabo kumisheesu.” 35Sombi munjelo wakaamba ayi, “Koyabo abasankwa aba, sombi ukaambebo ceenka nceshi nkakulwiite.” Aboobo, Balaamu wakaya abantu bakwe Balaki.
Balaki mbwaakatambula Balaamu
36Ono Balaki ndyaakanyumfwa ayi Balaamu utoosa, wakamuciinsha kuAli, ndabala inene kuMulonga wa Anoni munyinsa ya cishi ca Moabu. 37Balaki wakaambila Balaamu ayi, “Tookwe kwisitanshi ndindakatuma bantu mukukwiita pakutaanguna? Sa wakalinga kuyeeya ayi inga nshicikoonshi kukulambula?” 38Balaamu wakakumbula ayi, “Ndesa ono? Ono teshi ŋambe cili coonse nceensuni, sombibo ceeco Mwaami Lesa nceshi andwiite.”
39Mpomunyaawo Balaamu wakaya aBalaki kundabala ya Usoti, 40uko Balaki nkwaakacaila ŋombe ambelele ayi njimilambu alimwi akupa nyama imwi kuli Balaamu abamatanjilili mbwaakalingaabo.
Kulaluka kwakutaanguna kwakwe Balaamu
41Bushiku bwakaboolaawo, Balaki wakatola Balaamu paKalundu ka Bamoti Baali, uko Balaamu nkwaakalinga kukonsha kubona cipansha ca misumba ya bene Isilaeli.
Currently Selected:
Shakubelenga 22: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 22
22
Mwaami wa kuMoabu mbwaakeeta Balaamu
1Lyalo bene Isilaeli bakalonga akuya mukuyaka misumba muliwesa lya kuMoabu, kwicwe lya Joodani alimwi lilangene aJeliko.
2Ono mwaami Balaki wa kuMoabu mwanaakwe Sipo ndyaakanyumfwa bene Isilaeli nshebakacita kubene Amoli alimwi akwishiba kufula kwabo, 3lakwe wakaloonda abuumbi pantu pomwi abene Moabu bamwi boonse. 4Mpeeke bene Moabu bakaambila bamatanjilili ba bene Midyani ayi, “Likoto ili onoonobo litoomanisha shintu shitushingulukite shoonse, bweenka mbuli mucende utoolya bwiisu kumafulo.” Aboobo mwaami Balaki 5wakatuma beshinkombe mukwiita Balaamu mwanaakwe Beyo, uyo wakalinga kuPeto kufwaafwi aMulonga wa Yufuletisi mucishi ca Amawu. Makani ngobakamuletela kuswa kuli Balaki ngakwaamba ayi,#Shakube 31:8; 2 Pita 2:15-16; Judi 11
“Ntookushibisha ayi mushobo woonse wakaswa mucishi ca Ijipiti alimwi mbaanji abuumbi, ono besa mukwikala pafwaafwi akumisheesu. 6Bantu aba mbayumu kwiinda ndiswe, ono ndakusenga ayi wise unshinganineeko. Mpashi ndyeenga twabakoma akubatanda mucishi cesu. Nebo ndishi kwaamba ayi abo mbowapa coolwe, ncakwiila balaba acoolwe. Abo mbooshingana, ncakwiila balashinganwa.”
7Aboobo bamatanjilili ba bene Moabu alimwi abene Midyani bakatolelela ashakulipila pamashingo akuya kuli Balaamu akumulwiita makani akaswa kuli Balaki. 8Mpeeke Balaamu wakabaambila ayi, “Amoone kuno kwaamba ayi ciilo nkamulwiite shoonse Mwaami Lesa nsheshi andwiite.” Lyalo bamatanjilili ba bene Moabu bakacaala kuli Balaamu.
9Kuswawaawo Lesa wakesa kuli Balaamu akumwiipusha ayi, “Ino basankwa aba mbooli abo mbaani?” 10Lakwe wakakumbula ayi, “Mwaami Balaki wa bene Moabu mwanaakwe Sipo wabatuma kwisa mukundwiita 11ayi bantu bakaswa mucishi ca Ijipiti mbaanji abuumbi. Ono ulisuni ayi mushinganineeko kwaamba ayi akonshe kubalwana akubatanda mucishi cakwe.” 12Sombi Lesa wakaambila Balaamu ayi, “Uteeleshi kuya abasankwa aba alimwi utashingani bene Isilaeli ceebo balicite coolwe.”
13Bushiku bwakaboolaawo, Balaamu wakaya kubantu abo Balaki mbwaakatuma akubaambila ayi, “Amuboolele kumishaanu ceebo Mwaami Lesa wankasha kuya amwebo.” 14Abalo bakumbuluka kuya kuli Balaki akumulwiita ayi Balaamu wakaka kwisaabo.
15Mpomunyaawo Balaki wakatuma bamatanjilili baanji beenda bataanshi alimwi bakalinga kwiindaawo kulemekwa. 16Bakaya kuli Balaamu akumulwiita makani aya akwaamba ayi,
“Ndakukombelela ayi kutabi cintu nabi comwi nceshi cikukashe kwisa kuli ndime. 17Nebo ntookulambula cakusanyaako alimwi akucita coonse nceshi waambe. Ndakombelela kosa unshinganineeko bantu aba.”
18Sombi Balaamu wakakumbula ayi, “Nabi Balaki wampa silifa agolodi yoonse ili muŋanda yakubwalo, inga nsheeleshi kusotoka mulawo wa Mwaami Lesa wangu napaceyi. 19Ono nacibi boobo, amoone kuno bweenka bwakacita bamwi kwaamba ayi nshibe na Mwaami Lesa ulicite maswi amwi akundwiita nabi taau.”
20Pabushiku ubo mashiku, Lesa wakesa kuli Balaamu akumwaambila ayi, “Na basankwa aba besa mukukwiita, libambile uyaabo, sombi ucitebo ceenka nceshi nkulwiite.” 21Ingayi buce macuunsa, Balaamu wakabika cakwikalaawo pambongolo yakwe akuya abamatanjilili ba bene Moabu abo.
Balaamu ambongolo yakwe
22Mpeeke Lesa wakakalala ceebo Balaamu wakaya. Ono ndyaakalinga kuya pambongolo yakwe, kaali abasebenshi bakwe bobilo, munjelo wa Mwaami Lesa wakeemikana munshila kukasha Balaamu ayi ateendi. 23Ono mbongolo ndiyakabona munjelo uyo kaaimfwi apo kaacite amupeeni, yakaswa munshila akuya mumuunda. Balaamu wakayuuma akwiiboosha munshila. 24Lyalo munjelo wakeemikana mpoyakaceyela nshila, pakati pamyuunda ya minyansa yobilo alimwi kwakalinga alubumbu lwa mabwe kumbasu shoonse shobilo. 25Mbongolo ndiyakabona munjelo, yakaya mukulishanikisha kulubumbu akushankanya mweendo wakwe Balaamu kuli ndulo. Balaamu wakayuuma alimwi. 26Munjelo wakaswaawo apo akuya mukwiimikana panembo. Lyalo wakeemikana pamusena uniini, patakalinga musena wakupambukilaawo kumbasu shoonse shobilo. 27Paciindi ico, mbongolo ndiyakabona munjelo, yakoona panshi. Balaamu wakakalala akutalika kuuma mbongolo ankoli yakwe.
28Lyalo Mwaami Lesa wakapa mbongolo nkusu shakwaamba, lyalo yakeepusha Balaamu ayi, “Ino ncendacita kuli ndimwe ncemwangumina mankanda otatwe nciinshi?” 29Balaamu wakakumbula ayi, “Mukwiinga waneenga buluya! Naakwiinga kaancite mupeeni, nindakucaya.” 30Ayalo mbongolo yakamwiipusha ayi, “Sa nebo teshi ndime mbongolo iyo njemutantaawo mubuumi bwanu boonse? Sa ndakacitawo kale camushobo wooyu kuli ndimwe?” Lyalo Balaamu wakakumbula ayi, “Sobwe.”
31Kuswawaawo Mwaami Lesa wakalengesha ayi Balaamu abone munjelo kaaimfwi apo kaacite amupeeni. Abonebo boobo, wakaliwaala panshi akuya mukushishawo ciwa. 32Mpomunyaawo munjelo wakamwiipusha ayi, “Nciinshi ncewoomina bobulya mbongolo yako mankanda otatwe? Nebo ndesa mukukushinkila ceebo lweendo lwako ulu lwambicila. 33Sombi mbongolo yako iyi yambona akupambukila kulubasu mankanda otatwe. Niyatacita boobo, naakwiinga webo ndakucaya, sombi mbongolo nindeeshiyawo.” 34Mpeeke Balaamu wakakumbula ayi, “Ndabiisha. Nshindalinga kwishi ayi muliimfwi munshila ayi munkaashe kuya. Sombi bulya na lweendo ulu lwamubicila, ntooboolabo kumisheesu.” 35Sombi munjelo wakaamba ayi, “Koyabo abasankwa aba, sombi ukaambebo ceenka nceshi nkakulwiite.” Aboobo, Balaamu wakaya abantu bakwe Balaki.
Balaki mbwaakatambula Balaamu
36Ono Balaki ndyaakanyumfwa ayi Balaamu utoosa, wakamuciinsha kuAli, ndabala inene kuMulonga wa Anoni munyinsa ya cishi ca Moabu. 37Balaki wakaambila Balaamu ayi, “Tookwe kwisitanshi ndindakatuma bantu mukukwiita pakutaanguna? Sa wakalinga kuyeeya ayi inga nshicikoonshi kukulambula?” 38Balaamu wakakumbula ayi, “Ndesa ono? Ono teshi ŋambe cili coonse nceensuni, sombibo ceeco Mwaami Lesa nceshi andwiite.”
39Mpomunyaawo Balaamu wakaya aBalaki kundabala ya Usoti, 40uko Balaki nkwaakacaila ŋombe ambelele ayi njimilambu alimwi akupa nyama imwi kuli Balaamu abamatanjilili mbwaakalingaabo.
Kulaluka kwakutaanguna kwakwe Balaamu
41Bushiku bwakaboolaawo, Balaki wakatola Balaamu paKalundu ka Bamoti Baali, uko Balaamu nkwaakalinga kukonsha kubona cipansha ca misumba ya bene Isilaeli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.