Shakubelenga 16
16
Kola, Datani alimwi aAbilamu mbobakabukila Mose
1Mpeeke Kola mwanaakwe Isa, uyo wakalinga mwanaakwe Koati wa mucipani cimwi ca mumukowa wakwe Lefi, kubikaawo aDatani, Abilamu bana bakwe Eliyabu, alimwi aOni mwanaakwe Peleti beenka ba mumukowa wakwe Lubeni#Judi 11 2bakabukila Mose. Mwakenjila abene Isilaeli bamwi bali 250, abo bakalinga bamatanjilili abo bakasalwa kuba munkuta. 3Lyalo bakabungana kuli Mose aAloni akubaambila ayi, “Mweendilisha! Boonse bene Isilaeli mba Mwaami Lesa, alimwi Mwaami Lesa uli pakati kesu soonse. Ino nceebonshi webo Mose, walipa bunene kwiinda bantu ba Mwaami Lesa boonse?”
4Ono Mose ndyaakanyumfwa boobo, wakaliwaala panshi akupaila. 5Kuswawaawo wakaambila Kola alimwi abaabo bakalinga kumukonkela ayi, “Ciilo macuunsa Mwaami Lesa ulaakutubonesha muntu wakwe. Ulaakulengesha ayi uyo waakwe, ngwaakasala, akasene kuli nguwe kucipaililo. 6Webo Kola alimwi abaabo batookukonkela mukalete shikaye shakubikawo mulilo. 7Mpeeke mukabikewo mulilo alimwi atununkila kabotu pakutenta akushileta kucipaililo ca Mwaami Lesa ciilo. Lyalo muntu uyo Mwaami Lesa ngweshi akasaale, ingayi ngoosalalite. Mwebo nobene Lefi ndimwe mweendilisha!”
8Mpomunyaawo Mose wakatolelela kwaambila Kola ayi, “Amunyumfwe mwebo nobene Lefi! 9Sa mulimo uyo Mwaami Lesa wa bene Isilaeli ngwaakamupa wamuceela? Wakamupatula kubene Isilaeli bamwi boonse ayi munoomusebensela muTente yakwe alimwi akunoosebensela bene Isilaeli boonse. 10Wakasenya ndimwe alimwi abene Lefi bamwi boonse kuli nguwe ayi mumusebensele, sombi mulisuni kubwesa amulimo wa bupailishi! 11Na mutootongooka pali Aloni, nkokwaamba ayi nguMwaami Lesa uyo webo alimwi abaabo batookukonkela ngomutoobukila.”
12Kuswawaawo Mose wakeeta Datani aAbilamu, bana bakwe Eliyabu. Sombi bakaamba ayi, “Teshi twiseeko! 13Sa kutukusha mucishi ca Ijipiti umo mwakalinga bubile alimwi abulongo bubotu, akwisa mukutucaila muluyanga kwakuceyela? Ono ucisuni kuba mwaami wesu? 14Ncakwiila tookwe kutuleta mucishi mwakalinga bubile abulongo bubotu akutupa myuunda imwi aya minyansa. Sa ulisuni kutucenjeeka? Swebo twakaaka, teshi twiseeko!”
15Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”
16Kuswawaawo Mose wakaambila Kola ayi, “Ciilo, webo alimwi abaabo batookukonkela bali 250 mukese kuTente ya Cipangano. Aloni alakwe ulaakunooliiko. 17Ono muntu woonse ulyeelete kubwesa cikaye cakwe cakubikawo mulilo, kubikaawo atununkila kabotu pakutenta akutola kucipaililo ca Mwaami Lesa. Webo alimwi aAloni mukabwese shikaye shanu shakubikawo mulilo akushitola kucipaililo.” 18Aboobo muntu womwi awomwi wakabwesa cikaye cakwe akubikawo mulilo alimwi atununkila kabotu pakutenta. Mpeeke bakeemikana pamulyango wa Tente ya Cipangano apo pakalinga Mose aAloni. 19Ono Kola ndyaakamana kubunganya bantu abo bakalinga kumukonkela pamulyango waTente ya Cipangano kabalangene aMose alimwi aAloni, bulemu bwa Mwaami Lesa bwakaboneka kubantu boonse bakalinga kubungene. 20Lyalo Mwaami Lesa wakaambila Mose aAloni ayi, 21“Amusoonoke bantu aba kwaamba ayi mbanyonyoole bweenka bulya.”
22Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?” 23Mpeeke Mwaami Lesa wakaambila Mose ayi, 24“Lwiita bene Isilaeli ayi basoonoke kumisumba yakwe Kola, Datani alimwi aAbilamu.”
25Mpomunyaawo Mose pantu pomwi abamaloba ba bene Isilaeli bakaya kuli Datani alimwi aAbilamu. 26Mpeeke wakaambila bantu ayi, “Amusoonoke misumba ya bamucita shibi aba! Tamweelete kukumya cintu cabo nabi comwi, mukwiinga amwebo inga mwanyonyweetwa kumwi ceebo ca shibiibi shabo.” 27Paceebo ceeci bakasoonoka musumba wakwe Kola, Datani alimwi awakwe Abilamu. Paciindi ico Datani aAbilamu bakalinga kwiimfwi pamilyango ya misumba yabo pantu pomwi abamakaabo alimwi abana babo. 28Mose wakaambila bantu ayi, “Ono mulaakwishiba bobulya ayi nguMwaami Lesa wakantuma kucita shintu shoonse ishi alimwi ayi teshi kuyanda kwangu nemwiine, sobwe. 29Na bantu aba bakafwe lufubo, nkokwaamba ayi teshi Mwaami Lesa wakantuma. 30Sombi na Mwaami Lesa acite cintu cimwi citana kunyumfwikaawo, inshi iyi ilakame akubamina pantu pomwi ashintu shabo shoonse alimwi baye kabalasha pacishi ca bafu, ingayi mulaakwishiba ayi bantu aba bakanyansha Mwaami Lesa.”
31Ndyaakamanabo kwaamba maswi aya, inshi yakalakama apo mpobakalinga kwiimfwi 32akubamina pantu pomwi abamumaandaabo kubikaawo abaabo bakalinga kukonkela Kola pantu pomwi ashintu shabo shoonse. 33Anu bakaya mumusena wa bafu kabalasha, pantu pomwi ashintu shabo. Mpeeke inshi yakacalika akubalobya. 34Ono bene Isilaeli bakalinga kubashingulukite ndibakanyumfwa kulila kwabo, bakacica akunokoolobesha ayi, “Atucice, aswebo inshi inga yaakutuminina kumwi!”
35Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.
Shikaye shakubikawo mulilo
36Mpomunyaawo Mwaami Lesa wakaambila Mose ayi, 37“Lwiita Eliyasa mwanaakwe Aloni mupailishi ayi akushe shikaye sha bulonse shakashiya bantu abo bakafwa akusowa makalangasha kulaale ceebo shikaye shalo shilisalalite. 38Shikaye shakubikawo mulilo isho sha bantu aba bakacaikwa ceebo ca shibiibi shabo shakasalashikwa ndibakashileta kuMwaami Lesa. Ono mushuume ayi shipampamane akuba shakufweka pacipaililo. Ici cilaakuba cicenjesho kubene Isilaeli boonse.” 39Aboobo Eliyasa mupailishi wakabwesa shikaye isho sha baabo bakatentwa, akupa bantu ayi bashuume shipampamane ayi shibe shakufweka pacipaililo, 40kweelana aMwaami Lesa mbwaakamulwiita kwiinda muli Mose. Ici cakaba cicenjesho kubene Isilaeli boonse ayi taaku muntu uteshi wamulunyungu lwakwe Aloni weelete kwisa kucipaililo mukutentela Mwaami Lesa tununkila kabotu pakutenta. Na wacita boobo, inga wanyonyoolwa bweenka bwakanyonyooka Kola abaabo bakalinga kumukonkela.
Aloni mbwaakapulusha bantu
41Ndibwakaca, bene Isilaeli bakatongooka kuli Mose aAloni. Bakaamba ayi, “Mwakacaya bantu ba Mwaami Lesa.” 42Mpeeke ndibakabungana kabatongookela Mose aAloni, bakacebukila kuTente ya Cipangano akubona likumbi lyafwekeleshaawo alimwi abulemu bwa Mwaami Lesa bwakaboneka. 43Lyalo Mose aAloni bakaya mukwiimikana kunembo lya Tente. 44Ono Mwaami Lesa wakaambila Mose ayi, 45“Amusoonoke kwaamba ayi bantu aba mbanyonyoole peenka apa!” Ono boonse bobilo bakafukama cakushisha shiwa panshi.
46Mpomunyaawo Mose wakaambila Aloni ayi, “Bwesa cikaye cako cakubikawo mulilo akubikawo makalangasha a pacipaililo. Kuswawaawo ubike tununkila kabotu pakutenta pamakalangasha ayo, akufwambaana kuya mukucita shiyandika pakusalasha bantu abo kweelana amulawo ceebo bukali bwa Mwaami Lesa bwatalika kale. Mwaalu awalo watalika!”
47Aboobo Aloni wakacita kweelana abwakaamba Mose, akucica kuya kubantu abo. Wakacana mwaalu watalika kale pabantu, sombi Aloni wakabika tununkila kabotu pakutenta pamakalangasha akucita shiyandika pakusalasha kweelana amulawo. 48Ici cakalengesha ayi mwaalu umane, mpeeke Aloni wakacaala kaaimfwi pakati ka boomi abafu. 49Anu bantu bakafwa kumwaalu uyu bakalinga 14,700 kukushako baabo bakafwa ceebo cakwe Kola. 50Mwaalu ndiwakamana Aloni wakaboolela kuli Mose pamulyango wa Tente ya Cipangano.
Currently Selected:
Shakubelenga 16: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 16
16
Kola, Datani alimwi aAbilamu mbobakabukila Mose
1Mpeeke Kola mwanaakwe Isa, uyo wakalinga mwanaakwe Koati wa mucipani cimwi ca mumukowa wakwe Lefi, kubikaawo aDatani, Abilamu bana bakwe Eliyabu, alimwi aOni mwanaakwe Peleti beenka ba mumukowa wakwe Lubeni#Judi 11 2bakabukila Mose. Mwakenjila abene Isilaeli bamwi bali 250, abo bakalinga bamatanjilili abo bakasalwa kuba munkuta. 3Lyalo bakabungana kuli Mose aAloni akubaambila ayi, “Mweendilisha! Boonse bene Isilaeli mba Mwaami Lesa, alimwi Mwaami Lesa uli pakati kesu soonse. Ino nceebonshi webo Mose, walipa bunene kwiinda bantu ba Mwaami Lesa boonse?”
4Ono Mose ndyaakanyumfwa boobo, wakaliwaala panshi akupaila. 5Kuswawaawo wakaambila Kola alimwi abaabo bakalinga kumukonkela ayi, “Ciilo macuunsa Mwaami Lesa ulaakutubonesha muntu wakwe. Ulaakulengesha ayi uyo waakwe, ngwaakasala, akasene kuli nguwe kucipaililo. 6Webo Kola alimwi abaabo batookukonkela mukalete shikaye shakubikawo mulilo. 7Mpeeke mukabikewo mulilo alimwi atununkila kabotu pakutenta akushileta kucipaililo ca Mwaami Lesa ciilo. Lyalo muntu uyo Mwaami Lesa ngweshi akasaale, ingayi ngoosalalite. Mwebo nobene Lefi ndimwe mweendilisha!”
8Mpomunyaawo Mose wakatolelela kwaambila Kola ayi, “Amunyumfwe mwebo nobene Lefi! 9Sa mulimo uyo Mwaami Lesa wa bene Isilaeli ngwaakamupa wamuceela? Wakamupatula kubene Isilaeli bamwi boonse ayi munoomusebensela muTente yakwe alimwi akunoosebensela bene Isilaeli boonse. 10Wakasenya ndimwe alimwi abene Lefi bamwi boonse kuli nguwe ayi mumusebensele, sombi mulisuni kubwesa amulimo wa bupailishi! 11Na mutootongooka pali Aloni, nkokwaamba ayi nguMwaami Lesa uyo webo alimwi abaabo batookukonkela ngomutoobukila.”
12Kuswawaawo Mose wakeeta Datani aAbilamu, bana bakwe Eliyabu. Sombi bakaamba ayi, “Teshi twiseeko! 13Sa kutukusha mucishi ca Ijipiti umo mwakalinga bubile alimwi abulongo bubotu, akwisa mukutucaila muluyanga kwakuceyela? Ono ucisuni kuba mwaami wesu? 14Ncakwiila tookwe kutuleta mucishi mwakalinga bubile abulongo bubotu akutupa myuunda imwi aya minyansa. Sa ulisuni kutucenjeeka? Swebo twakaaka, teshi twiseeko!”
15Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”
16Kuswawaawo Mose wakaambila Kola ayi, “Ciilo, webo alimwi abaabo batookukonkela bali 250 mukese kuTente ya Cipangano. Aloni alakwe ulaakunooliiko. 17Ono muntu woonse ulyeelete kubwesa cikaye cakwe cakubikawo mulilo, kubikaawo atununkila kabotu pakutenta akutola kucipaililo ca Mwaami Lesa. Webo alimwi aAloni mukabwese shikaye shanu shakubikawo mulilo akushitola kucipaililo.” 18Aboobo muntu womwi awomwi wakabwesa cikaye cakwe akubikawo mulilo alimwi atununkila kabotu pakutenta. Mpeeke bakeemikana pamulyango wa Tente ya Cipangano apo pakalinga Mose aAloni. 19Ono Kola ndyaakamana kubunganya bantu abo bakalinga kumukonkela pamulyango waTente ya Cipangano kabalangene aMose alimwi aAloni, bulemu bwa Mwaami Lesa bwakaboneka kubantu boonse bakalinga kubungene. 20Lyalo Mwaami Lesa wakaambila Mose aAloni ayi, 21“Amusoonoke bantu aba kwaamba ayi mbanyonyoole bweenka bulya.”
22Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?” 23Mpeeke Mwaami Lesa wakaambila Mose ayi, 24“Lwiita bene Isilaeli ayi basoonoke kumisumba yakwe Kola, Datani alimwi aAbilamu.”
25Mpomunyaawo Mose pantu pomwi abamaloba ba bene Isilaeli bakaya kuli Datani alimwi aAbilamu. 26Mpeeke wakaambila bantu ayi, “Amusoonoke misumba ya bamucita shibi aba! Tamweelete kukumya cintu cabo nabi comwi, mukwiinga amwebo inga mwanyonyweetwa kumwi ceebo ca shibiibi shabo.” 27Paceebo ceeci bakasoonoka musumba wakwe Kola, Datani alimwi awakwe Abilamu. Paciindi ico Datani aAbilamu bakalinga kwiimfwi pamilyango ya misumba yabo pantu pomwi abamakaabo alimwi abana babo. 28Mose wakaambila bantu ayi, “Ono mulaakwishiba bobulya ayi nguMwaami Lesa wakantuma kucita shintu shoonse ishi alimwi ayi teshi kuyanda kwangu nemwiine, sobwe. 29Na bantu aba bakafwe lufubo, nkokwaamba ayi teshi Mwaami Lesa wakantuma. 30Sombi na Mwaami Lesa acite cintu cimwi citana kunyumfwikaawo, inshi iyi ilakame akubamina pantu pomwi ashintu shabo shoonse alimwi baye kabalasha pacishi ca bafu, ingayi mulaakwishiba ayi bantu aba bakanyansha Mwaami Lesa.”
31Ndyaakamanabo kwaamba maswi aya, inshi yakalakama apo mpobakalinga kwiimfwi 32akubamina pantu pomwi abamumaandaabo kubikaawo abaabo bakalinga kukonkela Kola pantu pomwi ashintu shabo shoonse. 33Anu bakaya mumusena wa bafu kabalasha, pantu pomwi ashintu shabo. Mpeeke inshi yakacalika akubalobya. 34Ono bene Isilaeli bakalinga kubashingulukite ndibakanyumfwa kulila kwabo, bakacica akunokoolobesha ayi, “Atucice, aswebo inshi inga yaakutuminina kumwi!”
35Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.
Shikaye shakubikawo mulilo
36Mpomunyaawo Mwaami Lesa wakaambila Mose ayi, 37“Lwiita Eliyasa mwanaakwe Aloni mupailishi ayi akushe shikaye sha bulonse shakashiya bantu abo bakafwa akusowa makalangasha kulaale ceebo shikaye shalo shilisalalite. 38Shikaye shakubikawo mulilo isho sha bantu aba bakacaikwa ceebo ca shibiibi shabo shakasalashikwa ndibakashileta kuMwaami Lesa. Ono mushuume ayi shipampamane akuba shakufweka pacipaililo. Ici cilaakuba cicenjesho kubene Isilaeli boonse.” 39Aboobo Eliyasa mupailishi wakabwesa shikaye isho sha baabo bakatentwa, akupa bantu ayi bashuume shipampamane ayi shibe shakufweka pacipaililo, 40kweelana aMwaami Lesa mbwaakamulwiita kwiinda muli Mose. Ici cakaba cicenjesho kubene Isilaeli boonse ayi taaku muntu uteshi wamulunyungu lwakwe Aloni weelete kwisa kucipaililo mukutentela Mwaami Lesa tununkila kabotu pakutenta. Na wacita boobo, inga wanyonyoolwa bweenka bwakanyonyooka Kola abaabo bakalinga kumukonkela.
Aloni mbwaakapulusha bantu
41Ndibwakaca, bene Isilaeli bakatongooka kuli Mose aAloni. Bakaamba ayi, “Mwakacaya bantu ba Mwaami Lesa.” 42Mpeeke ndibakabungana kabatongookela Mose aAloni, bakacebukila kuTente ya Cipangano akubona likumbi lyafwekeleshaawo alimwi abulemu bwa Mwaami Lesa bwakaboneka. 43Lyalo Mose aAloni bakaya mukwiimikana kunembo lya Tente. 44Ono Mwaami Lesa wakaambila Mose ayi, 45“Amusoonoke kwaamba ayi bantu aba mbanyonyoole peenka apa!” Ono boonse bobilo bakafukama cakushisha shiwa panshi.
46Mpomunyaawo Mose wakaambila Aloni ayi, “Bwesa cikaye cako cakubikawo mulilo akubikawo makalangasha a pacipaililo. Kuswawaawo ubike tununkila kabotu pakutenta pamakalangasha ayo, akufwambaana kuya mukucita shiyandika pakusalasha bantu abo kweelana amulawo ceebo bukali bwa Mwaami Lesa bwatalika kale. Mwaalu awalo watalika!”
47Aboobo Aloni wakacita kweelana abwakaamba Mose, akucica kuya kubantu abo. Wakacana mwaalu watalika kale pabantu, sombi Aloni wakabika tununkila kabotu pakutenta pamakalangasha akucita shiyandika pakusalasha kweelana amulawo. 48Ici cakalengesha ayi mwaalu umane, mpeeke Aloni wakacaala kaaimfwi pakati ka boomi abafu. 49Anu bantu bakafwa kumwaalu uyu bakalinga 14,700 kukushako baabo bakafwa ceebo cakwe Kola. 50Mwaalu ndiwakamana Aloni wakaboolela kuli Mose pamulyango wa Tente ya Cipangano.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.