Shakubelenga 11
11
Musena wiitwa ayi Tabela
1Mpeeke bantu bakatalika kutongooka kuMwaami Lesa pamakatasho abo. Ono Mwaami Lesa ndyaakabanyumfwa, wakakalala akutuma mulilo pabantu. Wakanyaka pakati kabo alimwi akunyonyoola lubasu lomwi lwa misumba. 2Mpomunyaawo bantu bakalilila Mose ayi abacaafwe. Alakwe wakapaila kuMwaami Lesa, lyalo mulilo uyo wakashimika. 3Paceebo ceeci musena uyo bakootumba ayi Tabela mukwiinga mulilo wa Mwaami Lesa mpowakanyakila pakati kabo.
Mose mbwaakasala bamatanjilili makumi osanwe aobilo
4Pamulongo wa bene Isilaeli pakalinga abaswamashi bamwi abo bakanyumfwa nkosha abuumbi, alimwi abalo bene Isilaeli boonse bakatalika kutongooka ayi, “Kubota bulya kulyawo nyama! 5Mucishi ca Ijipiti twakalinga kulya nswi cakutoola. Amwiibaluke shibimbi, banamunwa, maliiki alimwi aanyensi wa mishobo ipusenepusene. 6Sombi bulya ankusu shesu shamana. Taaku cakulya naciceyi, sombibo mana aya ngotutoolya bushiku abushiku!”
7Mana aya akalinga kuboneka anga ninseke shiniini shiboneka anga ngumushobo wa cibobo utubulukite. 8Bantu bakalinga kuya cibwesa macuunsa alimwi akupela nabi kutwa muncili. Mana ayo bakalinga kwaatelekabo nabi kupangaamo shili anga nshimaande. Mpeeke akalinga kunyumfwika anga ngushinkwa wakapangwa amafuta a olifi. 9Ono na kwaba mume pamisumba mashiku, mana aalo ndyaakalinga kuloka.
10Mose wakanyumfwa bantu boonse kabatongooka ndibakalinga kwiimfwi mumikowa mikowa pamilyango ya misumba yabo. Wakapenshekwa mumoyo mukwiinga Mwaami Lesa wakabakalalila. 11Lyalo wakeepusha Mwaami Lesa ayi, “Ceebonshi mwancitila shintu ishi? Ceebonshi tamutoosangalala muli ndime? Ceebonshi mwakampa mulimo wa kweendelesha bantu boonse aba? 12Teshi ndime ndakabamita nabi kubashala. Ceebonshi mwandwiita ayi noobalela akubanyamuna mumaansaangu anga mbakateta kushikila mucishi ico ncemwakalasha bamashali babo bakulukulu? 13Ino inga ndeecana kuli nyama njeenga yakumana bantu boonse aba? Mbeshi kunootongookabo akusenga nyama. 14Nebo neenka inga nshicikoonshi kweendelesha bantu boonse aba, mulimo uyu wankomenena! 15Na mbweshi munooncita bulya, munyumfwile nkumbu akuncaya, kwaamba ayi ntakapengiwo lyobilo kubukali bwanu.”
16Mpomunyaawo Mwaami Lesa wakaambila Mose ayi, “Bunganya bamaloba bali makumi osanwe aobilo abo bashibikitwe ayi mbamatanjilili ba bene Isilaeli. Ubalete kuli ndime kuTente ya Cipangano alimwi akubalwiita ayi beemikane peenka apo awebo. 17Ndaakuseluka kwisa mukwaamba awebo peenka apo, alimwi ndaakubwesa Mushimu eenka ngondakakupaawo akubapa abalo. Lyalo balaakunookucafwa mulimo wa kweendelesha bene Isilaeli aba, anu teshi ukanoocita mulimo uyo weenka. 18Ono ulwiite bantu ayi, ‘Mulisalashishe limwi bushiku bwaciilo ndyeshi mukalye nyama kabutana kushikila. Mwaami Lesa wakamunyumfwa kamutongooka akwaamba ayi kubota bulya kulyawo nyama, alimwi ayi mwakalinga kwikala kabotu mucishi ca Ijipiti. Ono Mwaami Lesa ulaakumupa nyama, alimwi mulyeelete kwiilya. 19Teshi mukeelyebo bushiku bomwi na shobilo, shosanwe, likumi nabibo makumi obilo, taau, 20sombi mweenshi wakabumbulu. Mulaakwiilya kushikila ikanoopulila amumatwi anu alimwi kushikila ikamuleemye. Ici cilaakucitika ceebo mwakaka Mwaami Lesa uyo ngomuli akwe pakati kanu, akutongooka kuli nguwe ayi naakwiinga tamuswikobo kucishi ca Ijipiti.’ ”
21Mpeeke Mose wakaambila Mwaami Lesa ayi, “Nebo mbulya ntootanjilila bantu bali 600,000, ono mwebo mwaamba ayi mulaakubapa nyama njeshi bakakwane kulya mweenshi wakabumbulu! 22Sa ŋombe alimwi mbelele inga shacanika isho nsheenga shacaikwa ayi bakumane? Sa inswi shoonse shili mulweenge inga bakumana?” 23Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”
24Aboobo Mose wakaya mukulwiita bantu isho Mwaami Lesa nshaakaamba. Wakabunganya bamaloba abo bali makumi osanwe aobilo akubaambila ayi beemikane kushinguluka Tente ya Cipangano yoonse. 25Lyalo Mwaami Lesa wakaseluka mulikumbi akwaamba anguwe. Wakabwesa Mushimu ngomunya uyo ngwaakapawo Mose akupa bamaloba abo. Ono Mushimu ndiwakesa pali mbabo, bakatalika kulaluka, sombi tabakwe kutolelela kucita boobo.
26Lyalo bamaloba bobilo pabaabo bali makumi osanwe aobilo bakalinga kwiitwa ayi Elidadi alimwi aMedadi bakacaala mumisumba, tabakwe kuya kuTente. Mweenka mumisumba umo, Mushimu wakesa pali mbabo, mpeeke abalo bakatalika kulaluka. 27Musankwa umwi wakacica lubilo kuya mukulwiita Mose ayi, “Elidadi alimwi aMedadi abalo batoolaluka mumisumba.”
28Lyalo Joshuwa mwanaakwe Nani, uyo wakalinga kucafwa Mose kuswabo kubwanike bwakwe, wakaponsomoka akwaambila Mose ayi, “Nkambo, amubakaashe!”
29Lakwe Mose wakakumbula ayi, “Ino webo walisukama buyani kuleka ayi nebo ndisukame? Nebo inga ndakondwa kwaamba ayi Mwaami Lesa wapa Mushimu kubantu boonse akubalengesha ayi banoolaluka!” 30Kuswawaawo Mose alimwi abamaloba ba bene Isilaeli abo bakaboolela kumisumba.
Mwaami Lesa mbwaakatuma bakancele
31Paciindi ceenka ico Mwaami Lesa wakatuma muuwo uyo wakaleta bakancele kuswa kulweenge. Mpobakalinga kweendela kuswa panshi apeculu pakalinga kulaampabo mita yomwi. Bakekala pamisumba alimwi akuyabo kwamakilomita aanji kumbasu shoonse. 32Paceebo ceeci, bushiku boonse ubo, mashiku oonse alimwi abushiku bwakaboolaawo boonse, bantu bakalinga kunoocatabo bakancele. Taaku utakwe kukumanisha makilogilamu ali cuulu alimwi bakabayanika kushingulusha misumba yoonse. 33Ono ndibakalinga kucicitebo nyama iinji yakulya, Mwaami Lesa wakakalalila bantu akuleta mwaalu pakati kabo. 34Mpeeke musena uyo bakootumba ayi Kibuloti Ataafa, nkokwaamba ayi, “Shuumbwe shalunkosha” mukwiinga mpopaapo mpobakafukila beshinkosha.
35Kuswawaawo bantu bakalongela kuAseloti, uko nkobakaya mukuyakila misumba.
Currently Selected:
Shakubelenga 11: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Shakubelenga 11
11
Musena wiitwa ayi Tabela
1Mpeeke bantu bakatalika kutongooka kuMwaami Lesa pamakatasho abo. Ono Mwaami Lesa ndyaakabanyumfwa, wakakalala akutuma mulilo pabantu. Wakanyaka pakati kabo alimwi akunyonyoola lubasu lomwi lwa misumba. 2Mpomunyaawo bantu bakalilila Mose ayi abacaafwe. Alakwe wakapaila kuMwaami Lesa, lyalo mulilo uyo wakashimika. 3Paceebo ceeci musena uyo bakootumba ayi Tabela mukwiinga mulilo wa Mwaami Lesa mpowakanyakila pakati kabo.
Mose mbwaakasala bamatanjilili makumi osanwe aobilo
4Pamulongo wa bene Isilaeli pakalinga abaswamashi bamwi abo bakanyumfwa nkosha abuumbi, alimwi abalo bene Isilaeli boonse bakatalika kutongooka ayi, “Kubota bulya kulyawo nyama! 5Mucishi ca Ijipiti twakalinga kulya nswi cakutoola. Amwiibaluke shibimbi, banamunwa, maliiki alimwi aanyensi wa mishobo ipusenepusene. 6Sombi bulya ankusu shesu shamana. Taaku cakulya naciceyi, sombibo mana aya ngotutoolya bushiku abushiku!”
7Mana aya akalinga kuboneka anga ninseke shiniini shiboneka anga ngumushobo wa cibobo utubulukite. 8Bantu bakalinga kuya cibwesa macuunsa alimwi akupela nabi kutwa muncili. Mana ayo bakalinga kwaatelekabo nabi kupangaamo shili anga nshimaande. Mpeeke akalinga kunyumfwika anga ngushinkwa wakapangwa amafuta a olifi. 9Ono na kwaba mume pamisumba mashiku, mana aalo ndyaakalinga kuloka.
10Mose wakanyumfwa bantu boonse kabatongooka ndibakalinga kwiimfwi mumikowa mikowa pamilyango ya misumba yabo. Wakapenshekwa mumoyo mukwiinga Mwaami Lesa wakabakalalila. 11Lyalo wakeepusha Mwaami Lesa ayi, “Ceebonshi mwancitila shintu ishi? Ceebonshi tamutoosangalala muli ndime? Ceebonshi mwakampa mulimo wa kweendelesha bantu boonse aba? 12Teshi ndime ndakabamita nabi kubashala. Ceebonshi mwandwiita ayi noobalela akubanyamuna mumaansaangu anga mbakateta kushikila mucishi ico ncemwakalasha bamashali babo bakulukulu? 13Ino inga ndeecana kuli nyama njeenga yakumana bantu boonse aba? Mbeshi kunootongookabo akusenga nyama. 14Nebo neenka inga nshicikoonshi kweendelesha bantu boonse aba, mulimo uyu wankomenena! 15Na mbweshi munooncita bulya, munyumfwile nkumbu akuncaya, kwaamba ayi ntakapengiwo lyobilo kubukali bwanu.”
16Mpomunyaawo Mwaami Lesa wakaambila Mose ayi, “Bunganya bamaloba bali makumi osanwe aobilo abo bashibikitwe ayi mbamatanjilili ba bene Isilaeli. Ubalete kuli ndime kuTente ya Cipangano alimwi akubalwiita ayi beemikane peenka apo awebo. 17Ndaakuseluka kwisa mukwaamba awebo peenka apo, alimwi ndaakubwesa Mushimu eenka ngondakakupaawo akubapa abalo. Lyalo balaakunookucafwa mulimo wa kweendelesha bene Isilaeli aba, anu teshi ukanoocita mulimo uyo weenka. 18Ono ulwiite bantu ayi, ‘Mulisalashishe limwi bushiku bwaciilo ndyeshi mukalye nyama kabutana kushikila. Mwaami Lesa wakamunyumfwa kamutongooka akwaamba ayi kubota bulya kulyawo nyama, alimwi ayi mwakalinga kwikala kabotu mucishi ca Ijipiti. Ono Mwaami Lesa ulaakumupa nyama, alimwi mulyeelete kwiilya. 19Teshi mukeelyebo bushiku bomwi na shobilo, shosanwe, likumi nabibo makumi obilo, taau, 20sombi mweenshi wakabumbulu. Mulaakwiilya kushikila ikanoopulila amumatwi anu alimwi kushikila ikamuleemye. Ici cilaakucitika ceebo mwakaka Mwaami Lesa uyo ngomuli akwe pakati kanu, akutongooka kuli nguwe ayi naakwiinga tamuswikobo kucishi ca Ijipiti.’ ”
21Mpeeke Mose wakaambila Mwaami Lesa ayi, “Nebo mbulya ntootanjilila bantu bali 600,000, ono mwebo mwaamba ayi mulaakubapa nyama njeshi bakakwane kulya mweenshi wakabumbulu! 22Sa ŋombe alimwi mbelele inga shacanika isho nsheenga shacaikwa ayi bakumane? Sa inswi shoonse shili mulweenge inga bakumana?” 23Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”
24Aboobo Mose wakaya mukulwiita bantu isho Mwaami Lesa nshaakaamba. Wakabunganya bamaloba abo bali makumi osanwe aobilo akubaambila ayi beemikane kushinguluka Tente ya Cipangano yoonse. 25Lyalo Mwaami Lesa wakaseluka mulikumbi akwaamba anguwe. Wakabwesa Mushimu ngomunya uyo ngwaakapawo Mose akupa bamaloba abo. Ono Mushimu ndiwakesa pali mbabo, bakatalika kulaluka, sombi tabakwe kutolelela kucita boobo.
26Lyalo bamaloba bobilo pabaabo bali makumi osanwe aobilo bakalinga kwiitwa ayi Elidadi alimwi aMedadi bakacaala mumisumba, tabakwe kuya kuTente. Mweenka mumisumba umo, Mushimu wakesa pali mbabo, mpeeke abalo bakatalika kulaluka. 27Musankwa umwi wakacica lubilo kuya mukulwiita Mose ayi, “Elidadi alimwi aMedadi abalo batoolaluka mumisumba.”
28Lyalo Joshuwa mwanaakwe Nani, uyo wakalinga kucafwa Mose kuswabo kubwanike bwakwe, wakaponsomoka akwaambila Mose ayi, “Nkambo, amubakaashe!”
29Lakwe Mose wakakumbula ayi, “Ino webo walisukama buyani kuleka ayi nebo ndisukame? Nebo inga ndakondwa kwaamba ayi Mwaami Lesa wapa Mushimu kubantu boonse akubalengesha ayi banoolaluka!” 30Kuswawaawo Mose alimwi abamaloba ba bene Isilaeli abo bakaboolela kumisumba.
Mwaami Lesa mbwaakatuma bakancele
31Paciindi ceenka ico Mwaami Lesa wakatuma muuwo uyo wakaleta bakancele kuswa kulweenge. Mpobakalinga kweendela kuswa panshi apeculu pakalinga kulaampabo mita yomwi. Bakekala pamisumba alimwi akuyabo kwamakilomita aanji kumbasu shoonse. 32Paceebo ceeci, bushiku boonse ubo, mashiku oonse alimwi abushiku bwakaboolaawo boonse, bantu bakalinga kunoocatabo bakancele. Taaku utakwe kukumanisha makilogilamu ali cuulu alimwi bakabayanika kushingulusha misumba yoonse. 33Ono ndibakalinga kucicitebo nyama iinji yakulya, Mwaami Lesa wakakalalila bantu akuleta mwaalu pakati kabo. 34Mpeeke musena uyo bakootumba ayi Kibuloti Ataafa, nkokwaamba ayi, “Shuumbwe shalunkosha” mukwiinga mpopaapo mpobakafukila beshinkosha.
35Kuswawaawo bantu bakalongela kuAseloti, uko nkobakaya mukuyakila misumba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.