Maako 3
3
Musankwa wakalinga kuyuminite lyaansa
(Mate 12:9-14; Luka 6:6-11)
1Lyalo Jesu wakaboolela alimwi mucoonde ca baJuda, umo mwakalinga musankwa wakalinga kuyuminite lyaansa. 2Bamwi bantu bakalingaawo, bakalinga kusuni kucana cilubo muli Jesu. Bakalinga kumulangilisha ayi baboneshe na inga wamushilika pabushiku bwakookesha bwa Cibelu. 3Jesu wakaambila musankwa uyo wakalinga kuyuminite lyaansa ayi, “Kosa kuno kunembo.” 4Wakeepusha bantu ayi, “Ino Milawo ilatusuminisha kucitanshi pabushiku bwakookesha bwa Cibelu? Kucita cibotu nabi kucita cibiibi kumuntu? Kupulusha buumi bwa muntu nabi kubunyonyoola?” Sombi taaku ncebakaambaawo.
5Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi. 6Lyalo baFalisi bakaswaamo, baya balifuyafuya pantu pomwi abantu bakwe Elodi bamwi kwaamba ayi bacane nshila yakumucailaamo.
Bantu baanji kuLweenge lwa Galili
7Jesu abashikwiiya bakwe bakaya kuLweenge lwa Galili alimwi bantu baanji bakamukonkela. Bakaswa kucishi ca Galili, Judeya, 8Jelusalemu, Idumeya alimwi akwicwe lya Joodani. Bamwi bakaswa kulubasu lwa mandabala anene a Taya aSidoni. Boonse aba bantu bakaya kuli Jesu mukwiinga bakanyumfwa shintu shoonse isho nshaakalinga kucita. 9Likoto lyakakomenesha abuumbi. Paceebo ceeco Jesu wakaambila bashikwiiya bakwe ayi bamuletele bwaato, kuloonda kumushaankanya. 10Mukwiinga bakanyumfwa ayi Jesu wakashilika baanji, boonse balwashi bakalinga kuya cilimbana kuli nguwe kwaamba ayi mpashi inga bamukumya akuba kabotu.#Maako 4:1; Luka 5:1-3 11Bantu bakalinga kucite bashikaswa kulilabo na bamubona, bakalinga kuwa panshi muliimfwa lyakwe akoolobesha ayi, “Uli Mwanaakwe Lesa!”
12Jesu wakakonkomesha bashikaswa ayi batalwiiti nabi womwi ayi nguMwanaakwe Lesa.
Jesu mbwaakasala batumwi bali likumi abobilo
(Mate 10:1-4; Luka 6:12-16)
13Lyalo Jesu wakaya kukalundu akwiita baabo mbwaakalinga kuyandoola. Abalo bakaya kuli nguwe. 14Mpeeke wakasala bali likumi abobilo abo mbwaakatumba ayi batumwi. Wakabalwiita ayi, “Ndamusala ayi munooli anebo, alimwi ndaakumutuma mukushimikila. 15Aboobo mulaakuba ankusu shakukusha bashikaswa.”
16Aya ngomeena abantu bali likumi abobilo mbwaakasala. Simoni uyo ngwaakapa liina lya Pita, 17Jemusi aJoni mwanike wakwe, bana bakwe Sebedi (Jesu wakabapa liina lya Bonajesi, lipandulula ayi, “Baana baloondesha anga nkalumba”), 18Andulu, Filipo, Batolomeyo, Mateyo, Tomasi, Jemusi mwanaakwe Alufeyasi, Tadeyasi, Simoni shikulwanina lwaanguluko 19alimwi aJudasi Isikalyoti uyo wakaaba Jesu.
Jesu aBilusebulu
(Mate 12:22-32; Luka 11:14-23; 12:10)
20Lyalo Jesu wakaya kuŋanda. Aboobo bantu baanji baanji bakabungana cakwaamba ayi Jesu abashikwiiya bakwe bakabula aciindi cakulya. 21Bashikamukowa ndibakanyumfwa boobo, bakanyamuka ayi baye mukumukushaako, mukwiinga bantu bakalinga kwaamba ayi, “Wacinkuka!”
22Bamwi bafundishi ba Milawo bakaswa kuJelusalemu bakalinga kwaamba ayi, “Ulicite Bilusebulu muli nguwe! Ngumwaami wa bashikaswa umupa nkusu shakubakusha.”#Mate 9:34; 10:25
23Mpomunyaawo Jesu wakabeeta akubaambila mushikoshanyo ayi, “Ino Satana inga wakusha buyani Satananyina? 24Na cishi calyaabanya mushipansha akutalika kulwana shiine, cishi ico cilawa. 25Na bantu ba muŋanda yomwi balyaabanya mushipansha akutalika kulwana beene, iyo ŋanda ilawa. 26Aboobo na buleelo bwakwe Satana bwabaanika mushipansha, tabukoonshi kwiimikana, sombi bulawa akumaninina.
27“Taaku weenga wapwaya ŋanda ya muntu shinkusu akwiipa shintu shakwe, sombibo na wamwaanga. Lyalo ncalushinisho inga weepa sha muŋanda ya muntu uyo.
28“Ntoomulwiita calushinisho ayi bantu boonse inga balekelelwa shibiibi shabo shoonse alimwi abubi boonse mbweenga baamba. 29Sombi uyo woonse wacobola Mushimu Usalashi, Lesa teshi akamulekelele mukwiinga wacita cibiibi nceshi akekalaaco nshiku shoonse.”#Luka 12:10 30(Jesu wakabaambila boobo mukwiinga bamwi bantu bakalinga kwaamba ayi, “Ulicite shikaswa.”)
Banyina Jesu abamakwabo
(Mate 12:46-50; Luka 8:19-21)
31Lyalo banyina Jesu abamakwabo bakashika beemikana pansengwe akutuma muntu ayi eete Jesu. 32Bantu baanji bakalinga kushingulukite Jesu bakamwaambila ayi, “Amubone, banyinawanu abamakwabanu bali pansengwe, batoomuyandoola.”
33Jesu wakakumbula ayi, “Anu bama mbaani? Abamakwesu mbaani?” 34Wakalangilisha bantu bakalinga kumushingulukite akwaamba ayi, “Aba mbobama alimwi mbobamakwesu. 35Mukwiinga uyo woonse ucita buyanda Lesa ngunandumi yangu, ngunankashi yangu alimwi mbobama.”
Currently Selected:
Maako 3: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Maako 3
3
Musankwa wakalinga kuyuminite lyaansa
(Mate 12:9-14; Luka 6:6-11)
1Lyalo Jesu wakaboolela alimwi mucoonde ca baJuda, umo mwakalinga musankwa wakalinga kuyuminite lyaansa. 2Bamwi bantu bakalingaawo, bakalinga kusuni kucana cilubo muli Jesu. Bakalinga kumulangilisha ayi baboneshe na inga wamushilika pabushiku bwakookesha bwa Cibelu. 3Jesu wakaambila musankwa uyo wakalinga kuyuminite lyaansa ayi, “Kosa kuno kunembo.” 4Wakeepusha bantu ayi, “Ino Milawo ilatusuminisha kucitanshi pabushiku bwakookesha bwa Cibelu? Kucita cibotu nabi kucita cibiibi kumuntu? Kupulusha buumi bwa muntu nabi kubunyonyoola?” Sombi taaku ncebakaambaawo.
5Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi. 6Lyalo baFalisi bakaswaamo, baya balifuyafuya pantu pomwi abantu bakwe Elodi bamwi kwaamba ayi bacane nshila yakumucailaamo.
Bantu baanji kuLweenge lwa Galili
7Jesu abashikwiiya bakwe bakaya kuLweenge lwa Galili alimwi bantu baanji bakamukonkela. Bakaswa kucishi ca Galili, Judeya, 8Jelusalemu, Idumeya alimwi akwicwe lya Joodani. Bamwi bakaswa kulubasu lwa mandabala anene a Taya aSidoni. Boonse aba bantu bakaya kuli Jesu mukwiinga bakanyumfwa shintu shoonse isho nshaakalinga kucita. 9Likoto lyakakomenesha abuumbi. Paceebo ceeco Jesu wakaambila bashikwiiya bakwe ayi bamuletele bwaato, kuloonda kumushaankanya. 10Mukwiinga bakanyumfwa ayi Jesu wakashilika baanji, boonse balwashi bakalinga kuya cilimbana kuli nguwe kwaamba ayi mpashi inga bamukumya akuba kabotu.#Maako 4:1; Luka 5:1-3 11Bantu bakalinga kucite bashikaswa kulilabo na bamubona, bakalinga kuwa panshi muliimfwa lyakwe akoolobesha ayi, “Uli Mwanaakwe Lesa!”
12Jesu wakakonkomesha bashikaswa ayi batalwiiti nabi womwi ayi nguMwanaakwe Lesa.
Jesu mbwaakasala batumwi bali likumi abobilo
(Mate 10:1-4; Luka 6:12-16)
13Lyalo Jesu wakaya kukalundu akwiita baabo mbwaakalinga kuyandoola. Abalo bakaya kuli nguwe. 14Mpeeke wakasala bali likumi abobilo abo mbwaakatumba ayi batumwi. Wakabalwiita ayi, “Ndamusala ayi munooli anebo, alimwi ndaakumutuma mukushimikila. 15Aboobo mulaakuba ankusu shakukusha bashikaswa.”
16Aya ngomeena abantu bali likumi abobilo mbwaakasala. Simoni uyo ngwaakapa liina lya Pita, 17Jemusi aJoni mwanike wakwe, bana bakwe Sebedi (Jesu wakabapa liina lya Bonajesi, lipandulula ayi, “Baana baloondesha anga nkalumba”), 18Andulu, Filipo, Batolomeyo, Mateyo, Tomasi, Jemusi mwanaakwe Alufeyasi, Tadeyasi, Simoni shikulwanina lwaanguluko 19alimwi aJudasi Isikalyoti uyo wakaaba Jesu.
Jesu aBilusebulu
(Mate 12:22-32; Luka 11:14-23; 12:10)
20Lyalo Jesu wakaya kuŋanda. Aboobo bantu baanji baanji bakabungana cakwaamba ayi Jesu abashikwiiya bakwe bakabula aciindi cakulya. 21Bashikamukowa ndibakanyumfwa boobo, bakanyamuka ayi baye mukumukushaako, mukwiinga bantu bakalinga kwaamba ayi, “Wacinkuka!”
22Bamwi bafundishi ba Milawo bakaswa kuJelusalemu bakalinga kwaamba ayi, “Ulicite Bilusebulu muli nguwe! Ngumwaami wa bashikaswa umupa nkusu shakubakusha.”#Mate 9:34; 10:25
23Mpomunyaawo Jesu wakabeeta akubaambila mushikoshanyo ayi, “Ino Satana inga wakusha buyani Satananyina? 24Na cishi calyaabanya mushipansha akutalika kulwana shiine, cishi ico cilawa. 25Na bantu ba muŋanda yomwi balyaabanya mushipansha akutalika kulwana beene, iyo ŋanda ilawa. 26Aboobo na buleelo bwakwe Satana bwabaanika mushipansha, tabukoonshi kwiimikana, sombi bulawa akumaninina.
27“Taaku weenga wapwaya ŋanda ya muntu shinkusu akwiipa shintu shakwe, sombibo na wamwaanga. Lyalo ncalushinisho inga weepa sha muŋanda ya muntu uyo.
28“Ntoomulwiita calushinisho ayi bantu boonse inga balekelelwa shibiibi shabo shoonse alimwi abubi boonse mbweenga baamba. 29Sombi uyo woonse wacobola Mushimu Usalashi, Lesa teshi akamulekelele mukwiinga wacita cibiibi nceshi akekalaaco nshiku shoonse.”#Luka 12:10 30(Jesu wakabaambila boobo mukwiinga bamwi bantu bakalinga kwaamba ayi, “Ulicite shikaswa.”)
Banyina Jesu abamakwabo
(Mate 12:46-50; Luka 8:19-21)
31Lyalo banyina Jesu abamakwabo bakashika beemikana pansengwe akutuma muntu ayi eete Jesu. 32Bantu baanji bakalinga kushingulukite Jesu bakamwaambila ayi, “Amubone, banyinawanu abamakwabanu bali pansengwe, batoomuyandoola.”
33Jesu wakakumbula ayi, “Anu bama mbaani? Abamakwesu mbaani?” 34Wakalangilisha bantu bakalinga kumushingulukite akwaamba ayi, “Aba mbobama alimwi mbobamakwesu. 35Mukwiinga uyo woonse ucita buyanda Lesa ngunandumi yangu, ngunankashi yangu alimwi mbobama.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.