Bene Lefi 3
3
Cipo ca bwanabwankashi
1“Ono na umwi muntu wapa ŋombe yakwe ayi ncipo ca bwanabwankashi kuli ndime neMwaami Lesa, ulyeelete kuba mucende nabi mpwishi itacite kampenda kali koonse. 2Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo. 3Lyalo ulyeelete kupa nebo neMwaami Lesa ayi ncipo ca shakulya kuli ndime, shipansha sha munyama ishi. Mafuta oonse a shamukati, 4insa shoonse shobilo amafuta a nshisho alimwi acipansha cibotu ca lini. 5Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.
6“Ono na nimbelele nabi mpongo itoopekwa kuli ndime neMwaami Lesa ayi ncipo ca bwanabwankashi, inga yababo isankwa nabi yanakashi, sombi tayeelete kuba akampenda kali koonse. 7Na muntu wapa mbelele, 8ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo. 9Lyalo ulyeelete kupa nebo neMwaami Lesa ayi ncipo ca shakulya kuli nguwe, shipansha sha munyama ishi. Mafuta a njiyo, mucila woonsebo ucite mafuta kutimbwitabo pafwaafwi amusana, mafuta oonsebo ali kushamukati, 10insa shoonse shobilo amafuta a nshisho, alimwi acipansha cibotu ca lini. 11Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa.
12“Na muntu wapa mpongo, 13ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo. 14Lyalo ulyeelete kupa nebo neMwaami Lesa ayi ncipo ca shakulya kuli nguwe, shipansha sha munyama ishi. Mafuta oonse a shamukati, 15insa shoonse shobilo amafuta a nshisho alimwi acipansha cibotu ca lini. 16Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa. Mafuta oonse ngaangu neMwaami Lesa. 17Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”
Currently Selected:
Bene Lefi 3: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 3
3
Cipo ca bwanabwankashi
1“Ono na umwi muntu wapa ŋombe yakwe ayi ncipo ca bwanabwankashi kuli ndime neMwaami Lesa, ulyeelete kuba mucende nabi mpwishi itacite kampenda kali koonse. 2Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo. 3Lyalo ulyeelete kupa nebo neMwaami Lesa ayi ncipo ca shakulya kuli ndime, shipansha sha munyama ishi. Mafuta oonse a shamukati, 4insa shoonse shobilo amafuta a nshisho alimwi acipansha cibotu ca lini. 5Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.
6“Ono na nimbelele nabi mpongo itoopekwa kuli ndime neMwaami Lesa ayi ncipo ca bwanabwankashi, inga yababo isankwa nabi yanakashi, sombi tayeelete kuba akampenda kali koonse. 7Na muntu wapa mbelele, 8ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo. 9Lyalo ulyeelete kupa nebo neMwaami Lesa ayi ncipo ca shakulya kuli nguwe, shipansha sha munyama ishi. Mafuta a njiyo, mucila woonsebo ucite mafuta kutimbwitabo pafwaafwi amusana, mafuta oonsebo ali kushamukati, 10insa shoonse shobilo amafuta a nshisho, alimwi acipansha cibotu ca lini. 11Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa.
12“Na muntu wapa mpongo, 13ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo. 14Lyalo ulyeelete kupa nebo neMwaami Lesa ayi ncipo ca shakulya kuli nguwe, shipansha sha munyama ishi. Mafuta oonse a shamukati, 15insa shoonse shobilo amafuta a nshisho alimwi acipansha cibotu ca lini. 16Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa. Mafuta oonse ngaangu neMwaami Lesa. 17Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.