Bene Lefi 13
13
Milawo ikumite kumanata
1Mpomunyaawo Mwaami Lesa wakaambila Mose aAloni ayi, 2“Na muntu umwi ulicite cilonda pamubili, cuute nabi kutumbwa bulwashi nsheenga shatola kumanata, ulyeelete kuletwa kuli Aloni nabi kumwanaakwe womwi mupailishi. 3Mupailishi ulaakubona cilonda ico mbuli mbocitooboneka. Ono na booya buliimo bwatuba alimwi acilonda na cenjila bunene mukati kwiindilila pacikanda, nkokwaamba ayi ngamanata. Lyalo mupailishi ulyeelete kumwaamba ayi taasalalite kweelana aMilawo. 4Sombi na cilonda ncituba alimwi tacina kwinjila bunene mukati kwiindilila cikanda, abooya mukati kabutana kutuba, mupailishi ulyeelete kupatula muntu uyo kwanshiku shosanwe ashobilo. 5Kuswawaawo, mupailishi ulyeelete kumubona alimwi pabushiku bwasanu ashobilo. Na cilonda ico wacibona ayi cilibo mushobo womwi cakubula kwiindaawo, ulaakumunungilako nshiku shosanwe ashobilo ashimwi shakwikala eenka. 6Mupailishi ulaakubona muntu uyo alimwi pabushiku bwasanu ashobilo. Ono na cilonda coosha cakubula kwiindaawo, ulaakumwaamba ayi ulisalalite kweelana aMilawo. Nkokwaamba ayi ncilondabo. Muntu uyo ulaakucapabo shakufwala shakwe lyalo ulaakunoosalalite kweelana aMilawo. 7Sombi na cilonda ico ceendaawo kuswa lyeelyo mupailishi ndyaakacibona akumwaamba ayi ulisalalite, ulyeelete kuya kumupailishi alimwi. 8Mpeeke mupailishi ulaakumubona alimwi. Ono na ceendaawo, ulaakumwaamba ayi taasalalite. Nkokwaamba ayi ngamanata.
9“Na muntu ulicite manata, ulyeelete kuletwa kumupailishi 10uyo weelete kumubona. Ono na pacikanda pali cilonda calengesha booya kutuba alimwi kaciswite mashina, 11nkokwaamba ayi ngamanata anene. Mupailishi ulaakumwaamba ayi taasalalite, sombi teelete kumupatula ayi anoocibonwa, ceebo cilibwenekete kale ayi taasalalite. 12Ono na manata anene akukumanabo muntu uyo kuswa kumutwi kushikila akumyeendo, 13mupailishi ulyeelete kumubona alimwi. Na wacana ayi ncakwiila akumanabo mubili woonse, ulaakumwaamba ayi ulisalalite kweelana aMilawo. Na cikanda cakwe coonse catuba, nkokwaamba ayi ulisalalite kweelana aMilawo. 14Sombi kuswa paciindi ico cilonda ciceneme ndyecaboneka, ingayi taasalalite. 15Anu mupailishi ulaakumubona alimwi, ono na wacana cilonda ciceneme, ulaakumwaamba ayi taasalalite. Cilonda ciceneme cilabonesha ayi ngamanata, aboobo muntu uyo taasalalite. 16Sombi na cilonda ico coosha akuboneka kutuba, muntu uyo ulyeelete kuya kumupailishi 17uyo weelete kumubona alimwi. Na cilonda catuba, nkokwaamba ayi ulisalalite, alakwe mupailishi ulaakumwaamba ayi ulisalalite.
18“Ono na muntu umwi wakalinga kucite cuute, lyalo coosha, 19sombi kunembo paboneka cituba cimwi nceenga cashimba nabi kuboneka kalonda kafubela apo pakalinga cuute, ulyeelete kuya kumupailishi. 20Mupailishi ulaakumubona, ono na wabona ayi kalonda kenjila bunene mukati kwiinda cikanda alimwi na booya buliimo bwatuba, nkokwaamba ayi ulaakumwaamba ayi taasalalite. Ingayi ngamanata atalikila mucuute. 21Sombi na mupailishi wabona mbuli mbokabete akucana ayi booya buliimo tabuna kutuba alimwi takana kwinjila mukati bunene kwiindilila cikanda, koosha, ulyeelete kumupatula kwanshiku shosanwe ashobilo. 22Ono na kalonda ako keendaawo mupailishi ulaakumwaamba ayi taasalalite. Nkokwaamba ayi ulicite manata. 23Sombi na kacilibo mushobo womwi, akubula kwiindaawo, ngumubatabo wa cuute, lyalo mupailishi ulaakumwaamba ayi ulisalalite kweelana aMilawo.
24“Pacikani ca muntu wakapya, na pacilonda patalika kuboneka kutuba nabi kufubela, 25mupailishi ulyeelete kumubona. Na booya buli mucilonda bwatuba alimwi na cilonda cili mukati bunene kwiindilila cikanda, ingayi ngamanata atalika apo mpwaakapya. Aboobo mupailishi ulaakumwaamba ayi taasalalite. 26Ono na booya buliimo tabukwe kutuba, alimwi tacikwe kwinjila bunene mukati, sombi coosha, mupailishi ulyeelete kumupatula kwanshiku shosanwe ashobilo. 27Mupailishi uyo ulaakumubona alimwi pabushiku bwasanu ashobilo. Na wacana ayi ceendaawo, ingayi ngamanata. Lyalo mupailishi ulaakumwaamba ayi taasalalite kweelana aMilawo. 28Sombi na wacana ayi cilonda ico cilibo mushobo womwi, coosha cabula kwiindaawo, nkokwaamba ayi teshi manata. Anu mupailishi ulaakumwaamba ayi ulisalalite kweelana aMilawo ceebo ngumubatabo wakupya.
29“Na musankwa nabi mwanakashi ulicite cilonda pamutwi nabi pamubanga, 30mupailishi ulyeelete kumubona. Na cilonda caboneka ayi cakenjila bunene kwiinda pacikanda alimwi abooya buliimo kunooboneka mushobo wacibobo akuceyaceya, ingayi ngamanata. Aboobo ulaakumwaamba ayi taasalalite. 31Ono mupailishi pakumubona na wacana ayi cilonda tacina kwinjila bunene, sombi kamutaboneki booya buli kabotu, ulyeelete kumupatula kwanshiku shosanwe ashobilo. 32Mpomunyaawo mupailishi ulaakubona cilonda ico alimwi pabushiku bwasanu ashobilo. Ono na wacana ayi tacina kwiindaawo alimwi taamu booya bwacibobo, akutenjila bunene kwiindilila cikanda, 33muntu uyo ulyeelete kukulula misusu kukushakobo waawo pali cilonda. Mpeeke mupailishi ulaakumunungilako ashimwi nshiku shosanwe ashobilo shakunookala eenka. 34Pabushiku bwasanu ashobilo, mupailishi ulaakubona cilonda cakwe alimwi. Ono na tacikwe kwiindaawo akutenjila bunene kwiindilila cikanda, ulaakumwaamba ayi ulisalalite kweelana aMilawo. Muntu uyo ulyeelete kucapa shakufwala shakwe, lyalo ulaakunoosalalite. 35Sombi na cilonda ceendaawo kuswa lyeelyo mupailishi ndyaakamwaamba ayi ulisalalite, 36mupailishi ulyeelete kumubona alimwi. Na cilonda ceendaawo, teelete akwaamba ayi abone booya bwacibobo. Cilibwenekete kale ayi muntu uyo taasalalite. 37Ono na mupailishi mwiine wabona ayi tacina kwiindaawo alimwi na booya buli kabotu butookula mucilonda, ingayi camana. Nkokwaamba ayi mupailishi ulaakumwaamba ayi ulisalalite kweelana aMilawo.
38“Na musankwa nabi mwanakashi ulicite tulonda tutuba pacikanda, 39mupailishi ulyeelete kubona muntu uyo. Ono na tulonda tutootubulukatubuluka, ingayi nkufumukwabo pacikanda. Nkokwaamba ayi ulisalalite kweelana aMilawo.
40“Na musankwa waba lubala, ingayi ulisalalite kweelana aMilawo. 41Na wabeta lubala kukatuutu, pamutwi nabi kufwaafwi ankumo, ulisalalite. 42Sombi na waba cilonda cifubela palubala, nkokwaamba ayi ngamanata. 43Aboobo mupailishi ulyeelete kumubona. Ono na pali cilonda cifubela 44mupailishi ulaakumwaamba ayi taasalalite mukwiinga wa manata ali pamutwi wakwe.
45“Anu muntu ucite manata ulyeelete kufwala shakufwala sha masempele. Teelete kusakula alimwi ulyeelete kufweka camulomo akunokoolobesha ayi, ‘Nshisalalite! Nshisalalite!’ 46Kulilabo na akanoocicite bulwashi ubo, teshi akanoosalaliteewo, alimwi ulyeelete kwikala pansengwe lya misumba kantalamukila abamwi boonse.
Milawo ikumite kukubunda
47“Na kubunda kwaboneka pacakufwala ca booya bwa mbelele nabi cakufwala ca cisani citeshimite, 48nabi cintu cili coonse ca cisani citeshimite, ca booya bwa mbelele, pacipaya nabi cimwi cintu coonse ca cipaya, 49na citooboneka canyansabili nabi kufubela, ingayi nkubunda kuya ciindaawo. Aboobo cilyeelete kuboneshekwa kumupailishi. 50Mupailishi uyo ulyeelete kucibona akucibika palubasu ceenka kwanshiku shosanwe ashobilo. 51Ulyeelete kucibona alimwi pabushiku bwasanu ashobilo. Na kubunda kweendaawo, ingayi cintu ico tacisalalite. 52Kuswawaawo mupailishi ulaakucitenta mukwiinga nkubunda kuya ciindaawo. Nkokwaamba ayi cilyeelete kunyonyoolwa amulilo.
53“Sombi na mupailishi pakucibona wacana ayi kubunda takuna kwiindaawo, 54ulaakwaamba ayi cilyeelete kucapwa akubikwa palubasu ceenka kwanshiku shosanwe ashobilo. 55Ono na cacapwa, mupailishi ulyeelete kucibona. Na mubala wa kubunda uko tauna kusanduka nabi kubunda uko kwabula kwiindaawo, ingayi tacisalalite. Nkokwaamba ayi cilyeelete kutentwa mumulilo nacibi kwaamba ayi cabundabo lubasu lomwi nabi lumwi. 56Sombi na mupailishi wacibona akucana ayi mubala wa kubunda watubulukatubuluka ulyeelete kutimbulaako kushakufwala nabi kucipaya. 57Lyalo na kubunda uko kwatalika alimwi, nkokwaamba ayi kubunda kutooyabo ciindaawo. Anu mwine cintu ulyeelete kucitenta. 58Na wacicapa, mpeeke kubunda kwamana, ulyeelete kucicapa alimwi. Lyalo cilaakunoosalalite kweelana aMilawo.”
59Anu iyi njemilawo ya kubunda kwa pacakufwala ca booya bwa mbelele, cakufwala ca cisani citeshimite, cintu cili coonse ca cisani citeshimite, ca booya bwa mbelele, nabi cintu cili coonse ca cipaya. Iyi njenshila yakwishiba na cilisalalite nabi tacisalalite kweelana aMilawo.
Currently Selected:
Bene Lefi 13: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 13
13
Milawo ikumite kumanata
1Mpomunyaawo Mwaami Lesa wakaambila Mose aAloni ayi, 2“Na muntu umwi ulicite cilonda pamubili, cuute nabi kutumbwa bulwashi nsheenga shatola kumanata, ulyeelete kuletwa kuli Aloni nabi kumwanaakwe womwi mupailishi. 3Mupailishi ulaakubona cilonda ico mbuli mbocitooboneka. Ono na booya buliimo bwatuba alimwi acilonda na cenjila bunene mukati kwiindilila pacikanda, nkokwaamba ayi ngamanata. Lyalo mupailishi ulyeelete kumwaamba ayi taasalalite kweelana aMilawo. 4Sombi na cilonda ncituba alimwi tacina kwinjila bunene mukati kwiindilila cikanda, abooya mukati kabutana kutuba, mupailishi ulyeelete kupatula muntu uyo kwanshiku shosanwe ashobilo. 5Kuswawaawo, mupailishi ulyeelete kumubona alimwi pabushiku bwasanu ashobilo. Na cilonda ico wacibona ayi cilibo mushobo womwi cakubula kwiindaawo, ulaakumunungilako nshiku shosanwe ashobilo ashimwi shakwikala eenka. 6Mupailishi ulaakubona muntu uyo alimwi pabushiku bwasanu ashobilo. Ono na cilonda coosha cakubula kwiindaawo, ulaakumwaamba ayi ulisalalite kweelana aMilawo. Nkokwaamba ayi ncilondabo. Muntu uyo ulaakucapabo shakufwala shakwe lyalo ulaakunoosalalite kweelana aMilawo. 7Sombi na cilonda ico ceendaawo kuswa lyeelyo mupailishi ndyaakacibona akumwaamba ayi ulisalalite, ulyeelete kuya kumupailishi alimwi. 8Mpeeke mupailishi ulaakumubona alimwi. Ono na ceendaawo, ulaakumwaamba ayi taasalalite. Nkokwaamba ayi ngamanata.
9“Na muntu ulicite manata, ulyeelete kuletwa kumupailishi 10uyo weelete kumubona. Ono na pacikanda pali cilonda calengesha booya kutuba alimwi kaciswite mashina, 11nkokwaamba ayi ngamanata anene. Mupailishi ulaakumwaamba ayi taasalalite, sombi teelete kumupatula ayi anoocibonwa, ceebo cilibwenekete kale ayi taasalalite. 12Ono na manata anene akukumanabo muntu uyo kuswa kumutwi kushikila akumyeendo, 13mupailishi ulyeelete kumubona alimwi. Na wacana ayi ncakwiila akumanabo mubili woonse, ulaakumwaamba ayi ulisalalite kweelana aMilawo. Na cikanda cakwe coonse catuba, nkokwaamba ayi ulisalalite kweelana aMilawo. 14Sombi kuswa paciindi ico cilonda ciceneme ndyecaboneka, ingayi taasalalite. 15Anu mupailishi ulaakumubona alimwi, ono na wacana cilonda ciceneme, ulaakumwaamba ayi taasalalite. Cilonda ciceneme cilabonesha ayi ngamanata, aboobo muntu uyo taasalalite. 16Sombi na cilonda ico coosha akuboneka kutuba, muntu uyo ulyeelete kuya kumupailishi 17uyo weelete kumubona alimwi. Na cilonda catuba, nkokwaamba ayi ulisalalite, alakwe mupailishi ulaakumwaamba ayi ulisalalite.
18“Ono na muntu umwi wakalinga kucite cuute, lyalo coosha, 19sombi kunembo paboneka cituba cimwi nceenga cashimba nabi kuboneka kalonda kafubela apo pakalinga cuute, ulyeelete kuya kumupailishi. 20Mupailishi ulaakumubona, ono na wabona ayi kalonda kenjila bunene mukati kwiinda cikanda alimwi na booya buliimo bwatuba, nkokwaamba ayi ulaakumwaamba ayi taasalalite. Ingayi ngamanata atalikila mucuute. 21Sombi na mupailishi wabona mbuli mbokabete akucana ayi booya buliimo tabuna kutuba alimwi takana kwinjila mukati bunene kwiindilila cikanda, koosha, ulyeelete kumupatula kwanshiku shosanwe ashobilo. 22Ono na kalonda ako keendaawo mupailishi ulaakumwaamba ayi taasalalite. Nkokwaamba ayi ulicite manata. 23Sombi na kacilibo mushobo womwi, akubula kwiindaawo, ngumubatabo wa cuute, lyalo mupailishi ulaakumwaamba ayi ulisalalite kweelana aMilawo.
24“Pacikani ca muntu wakapya, na pacilonda patalika kuboneka kutuba nabi kufubela, 25mupailishi ulyeelete kumubona. Na booya buli mucilonda bwatuba alimwi na cilonda cili mukati bunene kwiindilila cikanda, ingayi ngamanata atalika apo mpwaakapya. Aboobo mupailishi ulaakumwaamba ayi taasalalite. 26Ono na booya buliimo tabukwe kutuba, alimwi tacikwe kwinjila bunene mukati, sombi coosha, mupailishi ulyeelete kumupatula kwanshiku shosanwe ashobilo. 27Mupailishi uyo ulaakumubona alimwi pabushiku bwasanu ashobilo. Na wacana ayi ceendaawo, ingayi ngamanata. Lyalo mupailishi ulaakumwaamba ayi taasalalite kweelana aMilawo. 28Sombi na wacana ayi cilonda ico cilibo mushobo womwi, coosha cabula kwiindaawo, nkokwaamba ayi teshi manata. Anu mupailishi ulaakumwaamba ayi ulisalalite kweelana aMilawo ceebo ngumubatabo wakupya.
29“Na musankwa nabi mwanakashi ulicite cilonda pamutwi nabi pamubanga, 30mupailishi ulyeelete kumubona. Na cilonda caboneka ayi cakenjila bunene kwiinda pacikanda alimwi abooya buliimo kunooboneka mushobo wacibobo akuceyaceya, ingayi ngamanata. Aboobo ulaakumwaamba ayi taasalalite. 31Ono mupailishi pakumubona na wacana ayi cilonda tacina kwinjila bunene, sombi kamutaboneki booya buli kabotu, ulyeelete kumupatula kwanshiku shosanwe ashobilo. 32Mpomunyaawo mupailishi ulaakubona cilonda ico alimwi pabushiku bwasanu ashobilo. Ono na wacana ayi tacina kwiindaawo alimwi taamu booya bwacibobo, akutenjila bunene kwiindilila cikanda, 33muntu uyo ulyeelete kukulula misusu kukushakobo waawo pali cilonda. Mpeeke mupailishi ulaakumunungilako ashimwi nshiku shosanwe ashobilo shakunookala eenka. 34Pabushiku bwasanu ashobilo, mupailishi ulaakubona cilonda cakwe alimwi. Ono na tacikwe kwiindaawo akutenjila bunene kwiindilila cikanda, ulaakumwaamba ayi ulisalalite kweelana aMilawo. Muntu uyo ulyeelete kucapa shakufwala shakwe, lyalo ulaakunoosalalite. 35Sombi na cilonda ceendaawo kuswa lyeelyo mupailishi ndyaakamwaamba ayi ulisalalite, 36mupailishi ulyeelete kumubona alimwi. Na cilonda ceendaawo, teelete akwaamba ayi abone booya bwacibobo. Cilibwenekete kale ayi muntu uyo taasalalite. 37Ono na mupailishi mwiine wabona ayi tacina kwiindaawo alimwi na booya buli kabotu butookula mucilonda, ingayi camana. Nkokwaamba ayi mupailishi ulaakumwaamba ayi ulisalalite kweelana aMilawo.
38“Na musankwa nabi mwanakashi ulicite tulonda tutuba pacikanda, 39mupailishi ulyeelete kubona muntu uyo. Ono na tulonda tutootubulukatubuluka, ingayi nkufumukwabo pacikanda. Nkokwaamba ayi ulisalalite kweelana aMilawo.
40“Na musankwa waba lubala, ingayi ulisalalite kweelana aMilawo. 41Na wabeta lubala kukatuutu, pamutwi nabi kufwaafwi ankumo, ulisalalite. 42Sombi na waba cilonda cifubela palubala, nkokwaamba ayi ngamanata. 43Aboobo mupailishi ulyeelete kumubona. Ono na pali cilonda cifubela 44mupailishi ulaakumwaamba ayi taasalalite mukwiinga wa manata ali pamutwi wakwe.
45“Anu muntu ucite manata ulyeelete kufwala shakufwala sha masempele. Teelete kusakula alimwi ulyeelete kufweka camulomo akunokoolobesha ayi, ‘Nshisalalite! Nshisalalite!’ 46Kulilabo na akanoocicite bulwashi ubo, teshi akanoosalaliteewo, alimwi ulyeelete kwikala pansengwe lya misumba kantalamukila abamwi boonse.
Milawo ikumite kukubunda
47“Na kubunda kwaboneka pacakufwala ca booya bwa mbelele nabi cakufwala ca cisani citeshimite, 48nabi cintu cili coonse ca cisani citeshimite, ca booya bwa mbelele, pacipaya nabi cimwi cintu coonse ca cipaya, 49na citooboneka canyansabili nabi kufubela, ingayi nkubunda kuya ciindaawo. Aboobo cilyeelete kuboneshekwa kumupailishi. 50Mupailishi uyo ulyeelete kucibona akucibika palubasu ceenka kwanshiku shosanwe ashobilo. 51Ulyeelete kucibona alimwi pabushiku bwasanu ashobilo. Na kubunda kweendaawo, ingayi cintu ico tacisalalite. 52Kuswawaawo mupailishi ulaakucitenta mukwiinga nkubunda kuya ciindaawo. Nkokwaamba ayi cilyeelete kunyonyoolwa amulilo.
53“Sombi na mupailishi pakucibona wacana ayi kubunda takuna kwiindaawo, 54ulaakwaamba ayi cilyeelete kucapwa akubikwa palubasu ceenka kwanshiku shosanwe ashobilo. 55Ono na cacapwa, mupailishi ulyeelete kucibona. Na mubala wa kubunda uko tauna kusanduka nabi kubunda uko kwabula kwiindaawo, ingayi tacisalalite. Nkokwaamba ayi cilyeelete kutentwa mumulilo nacibi kwaamba ayi cabundabo lubasu lomwi nabi lumwi. 56Sombi na mupailishi wacibona akucana ayi mubala wa kubunda watubulukatubuluka ulyeelete kutimbulaako kushakufwala nabi kucipaya. 57Lyalo na kubunda uko kwatalika alimwi, nkokwaamba ayi kubunda kutooyabo ciindaawo. Anu mwine cintu ulyeelete kucitenta. 58Na wacicapa, mpeeke kubunda kwamana, ulyeelete kucicapa alimwi. Lyalo cilaakunoosalalite kweelana aMilawo.”
59Anu iyi njemilawo ya kubunda kwa pacakufwala ca booya bwa mbelele, cakufwala ca cisani citeshimite, cintu cili coonse ca cisani citeshimite, ca booya bwa mbelele, nabi cintu cili coonse ca cipaya. Iyi njenshila yakwishiba na cilisalalite nabi tacisalalite kweelana aMilawo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.