Joni 10
10
Cikoshanyo ca mweembeshi
1Jesu wakaamba ayi, “Ntoomulwiita calushinisho ayi muntu utanjilili kumulyango wa cimpati ca mbelele, sombi watantilabo pamwi, ngumwiipi alimwi ngumupambi. 2Sombi muntu uyo unjilila kumulyango, ngomweembeshi wa mbelele. 3Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo. 4Na washikusha ulashitanjilila ashalo shilamukonkela mukwiinga shilishi liswi lyakwe. 5Mweensu inga tashimukonkeli napaceyi, sombi lakwe shilamuloonda mukwiinga liswi lyakwe tashilishi.”
6Jesu wakasebensesha cikoshanyo ici, sombi tabakwe kunyumfwishisha.
Jesu ngomweembeshi mubotu
7Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele. 8Boonse abo bakesa nebo kaantana kwisa, mbeepi alimwi mbapambi, ashalo mbelele tashikwe kubanyumfwila. 9Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya. 10Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.
11“Ndi mweembeshi mubotu. Mweembeshi mubotu ulaaba buumi bwakwe ceebo ca mbelele shakwe. 12Sombi mweembeshi wakenjilabo ncito uteshi mwinesho, na wabona umpe keesa kumbelele ulashishiya, wacica. Lyalo umpe ulacatawo shimwi mpeeke shimwi shilapalangana. 13Muntu uyo ulacica ceebo teshi ngomwinesho, aboobo taalisukami. 14Nebo ndi mweembeshi mubotu, ndishi mbelele shangu ashalo shilinshi. 15Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.#Mate 11:27; Luka 10:22 16Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.
17“BaTa ncebansunini ncakwaamba ayi ndisuminite kwaaba buumi bwangu kwaamba ayi nkabaabo alimwi. 18Taaku muntu weenga wanyaya buumi, ntoobwaaba nemwiine mukuyanda kwangu. Ndicite nkusu sha kubwaaba akububoosha. Uyu ngomulawo wakampa baTa.”
19Ceebo ca maswi aya baJuda bakapansaana alimwi. 20Baanji mulikoto lyabo bakaamba ayi, “Ulicite shikaswa, ngushincinko, anu ngwaanshi wakukutika?”
21Sombi bamwi bakaamba ayi, “Ucite shikaswa teshi mbwaamba ubo. Sa shikaswa inga wabonya bantu boofu?”
BaJuda mbobakakaka Jesu
22Cakalinga ciindi ca kusekelela kwiibaluka kusalashikwa akuyakwa cipya kwa Ŋanda yakwe Lesa muJelusalemu alimwi wakalinga mupewo. 23Ono Jesu wakalinga kweendeenda mumwinjililo ushitilishitwe wakwe Solomoni muŊanda yakwe Lesa. 24Mpeeke baJuda bakabungana akwaamba ayi, “Ino ulaakutuyubulwita lili na ndiwe Usalitwe wakwe Lesa kwaamba ayi tucileeke kutonsha? Ono tulwiite cakuteenda mweela.”
25Jesu wakakumbula ayi, “Ndakamulwiita kale, sombi tamushomi. Milimo ya nkusu sha kwiculu njeencita muliina lya baTa, njeincitila bukamboni. 26Nakubi boobo tamushomi mukwiinga tamwishi mbelele shangu. 27Mbelele shangu shilanyumfwa liswi lyangu, ndishishi ashalo shilankonkela. 28Ndashipa buumi butamaani alimwi teshi shikafweewo. Taaku muntu weenga wanyaya. 29BaTa abo bakampa mbelele ishi baleendaawo nkusu pabantu boonse. Taaku weenga washikusha mulyaansa lyabo. 30Nebo abaTa tulibo womwi.”
31BaJuda bakabwesa mabwe alimwi kwaamba ayi baume Jesu. 32Sombi Jesu wakabaambila ayi, “Ndakamubonesha milimo ibotu iyo yakaswa kuli baTa. Ono pamilimo yoonse iyi, ngumulimonshi ngomutooyanda kunguminaawo mabwe?”
33Balo bakakumbula ayi, “Tatutookuuma mabwe ceebo ca milimo ibotu, sobwe, sombi mukwiinga wa kucobola Lesa. Webo uli muntubo, sombi utoolyaamba ayi ndiwe Lesa.”#Bene Lefi 24:16
34Jesu wakakumbula ayi, “Sa muMilawo yanu tamulembetweewo ayi Lesa wakaamba ayi, ‘Muli balesa.’#Kulu 82:6 35Lesa wakabanda bantu abo bakapekwa maswi akwe ayi mbalesa. Tulishi ayi Malembo akwe Lesa ngalushinisho lyoonse. 36Ono cilaakweela kuli kuwooyo Ishi ngwaakasala akutuma mucishi ca panshi? Anu nceebonshi mutokwaamba ayi ndacobola Lesa mukwiinga ndaamba ayi, ‘Ndi Mwanaakwe Lesa?’ 37Na nshintoocita milimo ya baTa, mutanshomi. 38Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.” 39Apalo apa bakeelesha kumucata, sombi wakabapusumuka.
40Lyalo Jesu wakaboolela kwitala lya Mulonga wa Joodani, uko nkwaakalinga kubombekela Joni kaaciliiwo, akwikala nkomunya uko.#Joni 1:28 41Mpeeke bantu baanji bakesa kuli nguwe akwaamba ayi, “Joni taakwe kucitawo caankamiko, sombi shintu shoonse nshaakaamba pamuntu uyu nshalushinisho.” 42Aboobo bantu baanji kumusena uyo bakashoma muli Jesu.
Currently Selected:
Joni 10: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Joni 10
10
Cikoshanyo ca mweembeshi
1Jesu wakaamba ayi, “Ntoomulwiita calushinisho ayi muntu utanjilili kumulyango wa cimpati ca mbelele, sombi watantilabo pamwi, ngumwiipi alimwi ngumupambi. 2Sombi muntu uyo unjilila kumulyango, ngomweembeshi wa mbelele. 3Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo. 4Na washikusha ulashitanjilila ashalo shilamukonkela mukwiinga shilishi liswi lyakwe. 5Mweensu inga tashimukonkeli napaceyi, sombi lakwe shilamuloonda mukwiinga liswi lyakwe tashilishi.”
6Jesu wakasebensesha cikoshanyo ici, sombi tabakwe kunyumfwishisha.
Jesu ngomweembeshi mubotu
7Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele. 8Boonse abo bakesa nebo kaantana kwisa, mbeepi alimwi mbapambi, ashalo mbelele tashikwe kubanyumfwila. 9Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya. 10Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.
11“Ndi mweembeshi mubotu. Mweembeshi mubotu ulaaba buumi bwakwe ceebo ca mbelele shakwe. 12Sombi mweembeshi wakenjilabo ncito uteshi mwinesho, na wabona umpe keesa kumbelele ulashishiya, wacica. Lyalo umpe ulacatawo shimwi mpeeke shimwi shilapalangana. 13Muntu uyo ulacica ceebo teshi ngomwinesho, aboobo taalisukami. 14Nebo ndi mweembeshi mubotu, ndishi mbelele shangu ashalo shilinshi. 15Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.#Mate 11:27; Luka 10:22 16Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.
17“BaTa ncebansunini ncakwaamba ayi ndisuminite kwaaba buumi bwangu kwaamba ayi nkabaabo alimwi. 18Taaku muntu weenga wanyaya buumi, ntoobwaaba nemwiine mukuyanda kwangu. Ndicite nkusu sha kubwaaba akububoosha. Uyu ngomulawo wakampa baTa.”
19Ceebo ca maswi aya baJuda bakapansaana alimwi. 20Baanji mulikoto lyabo bakaamba ayi, “Ulicite shikaswa, ngushincinko, anu ngwaanshi wakukutika?”
21Sombi bamwi bakaamba ayi, “Ucite shikaswa teshi mbwaamba ubo. Sa shikaswa inga wabonya bantu boofu?”
BaJuda mbobakakaka Jesu
22Cakalinga ciindi ca kusekelela kwiibaluka kusalashikwa akuyakwa cipya kwa Ŋanda yakwe Lesa muJelusalemu alimwi wakalinga mupewo. 23Ono Jesu wakalinga kweendeenda mumwinjililo ushitilishitwe wakwe Solomoni muŊanda yakwe Lesa. 24Mpeeke baJuda bakabungana akwaamba ayi, “Ino ulaakutuyubulwita lili na ndiwe Usalitwe wakwe Lesa kwaamba ayi tucileeke kutonsha? Ono tulwiite cakuteenda mweela.”
25Jesu wakakumbula ayi, “Ndakamulwiita kale, sombi tamushomi. Milimo ya nkusu sha kwiculu njeencita muliina lya baTa, njeincitila bukamboni. 26Nakubi boobo tamushomi mukwiinga tamwishi mbelele shangu. 27Mbelele shangu shilanyumfwa liswi lyangu, ndishishi ashalo shilankonkela. 28Ndashipa buumi butamaani alimwi teshi shikafweewo. Taaku muntu weenga wanyaya. 29BaTa abo bakampa mbelele ishi baleendaawo nkusu pabantu boonse. Taaku weenga washikusha mulyaansa lyabo. 30Nebo abaTa tulibo womwi.”
31BaJuda bakabwesa mabwe alimwi kwaamba ayi baume Jesu. 32Sombi Jesu wakabaambila ayi, “Ndakamubonesha milimo ibotu iyo yakaswa kuli baTa. Ono pamilimo yoonse iyi, ngumulimonshi ngomutooyanda kunguminaawo mabwe?”
33Balo bakakumbula ayi, “Tatutookuuma mabwe ceebo ca milimo ibotu, sobwe, sombi mukwiinga wa kucobola Lesa. Webo uli muntubo, sombi utoolyaamba ayi ndiwe Lesa.”#Bene Lefi 24:16
34Jesu wakakumbula ayi, “Sa muMilawo yanu tamulembetweewo ayi Lesa wakaamba ayi, ‘Muli balesa.’#Kulu 82:6 35Lesa wakabanda bantu abo bakapekwa maswi akwe ayi mbalesa. Tulishi ayi Malembo akwe Lesa ngalushinisho lyoonse. 36Ono cilaakweela kuli kuwooyo Ishi ngwaakasala akutuma mucishi ca panshi? Anu nceebonshi mutokwaamba ayi ndacobola Lesa mukwiinga ndaamba ayi, ‘Ndi Mwanaakwe Lesa?’ 37Na nshintoocita milimo ya baTa, mutanshomi. 38Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.” 39Apalo apa bakeelesha kumucata, sombi wakabapusumuka.
40Lyalo Jesu wakaboolela kwitala lya Mulonga wa Joodani, uko nkwaakalinga kubombekela Joni kaaciliiwo, akwikala nkomunya uko.#Joni 1:28 41Mpeeke bantu baanji bakesa kuli nguwe akwaamba ayi, “Joni taakwe kucitawo caankamiko, sombi shintu shoonse nshaakaamba pamuntu uyu nshalushinisho.” 42Aboobo bantu baanji kumusena uyo bakashoma muli Jesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.