Matalikilo 49
49
Maswi akwe Jakobo akweelaako
1Jakobo wakeeta bana bakwe basankwa akwaamba ayi, “Amubungane pano, mulwiite ceshi cikamucitikile kunembo.
2“Kamwisa mubungane akukutika, nobana bakwe Jakobo.
Amukutike Isilaeli ishiwanu.
3“Lubeni, mwanaangu wakwiiya,
ndiwe nkusu shangu.
Alimwi uli mwaana mutaanshi mubusankwa bwangu.
Uleendaawo bulemu ankusu
pabana bangu basankwa boonse.
4Webo uli anga ngamaanshi aanji atookunka,
ono sombi teshi ukabe muntu uyandika kwiinda bamwi boonse,
mukwiinga wakakumana akasuwa wangu,
akunyansha bulo bwa baiso.
5“Simyoni aLefi mbamukowa
Balasebensesha mipeeni yabo kucita shimfulunganya.
6Teshi nkanjile mumibandi yabo ya bushishi,
nabi kusenkaanaabo mukubungana kwabo.
Bakacaya bantu mubukali bwabo
alimwi bakatyoloola bacende mukulisangalasha.
7Lishingo alibe pabukali bwabo buyoosha,
ncakwiila pabukali bwabo bwalunkutwe.
Ndaakubapalanganya mucishi coonse cakwe Jakobo,
ndaakubapalanganishisha mucishi coonse cakwe Isilaeli.
8“Juda, bamakwanu balaakukulumba,
balwani bako ulaakubacata panshingo,
alimwi bamakwanu balaakukukotamina.
9Juda uli anga mwanaankalamu,
ucaya paya moyo akuboolela mucimfwengo cakwe.
Mbuli nkalamu ulabwandama akoona panshi,
nabi nkalamu yanakashi,
anu ngani weenga wamusonkomona?#Shakube 24:9; Ciyu 5:5
10Nkooli ya bwaami Juda unanoicitebo lyoonse.
Bamulunyungu lwakwe bananoolibo ankooli ya bweendeleshi lyoonse,
kushikila akese uyo weelete kubaayo,
alimwi uyo mishobo ngweshi ikanoonyumfwila.
11Ulaanga mwanaambongolo kucisamu ca munyansa,
munyansa ubotu abuumbi.
Ulacapa shakufwala shakwe muwaini usalala,
mumaanshi aminyansa asalala anga mbulowa.
12Meenso akwe alasalala kwiinda mukunwa waini,
alimwi meeno akwe alatuba kwiinda mukunwa mukupa.
13“Sebuluni ulaakwikala kufwaafwi alweenge,
cito cakwe cilaakuba cito kwakushisila maato.
Cishi cakwe cilaakushika akuSidoni.
14“Isaka uli anga nimbongolo iyumu,
yoona pakati ka mikuli cakutandabala.
15Ndyaakabona kubota kwa musena wakookesha,
akubona ayi ayalo inshi njibotu,
wakatyankamika musana ayi abwese mukuli,
lyalo camulengesha kusebensa mbuli musha.
16“Dani ulaakuba moomboloshi wa bantu bakwe,
balaakuba anga njimishobo imwi yoonse ya bene Isilaeli.
17Dani ulaakuba anga ninsoka mweelanshila,
nsooka icite buyoka bucaya mweelanshila,
iluma liaki mukapokoso,
kwaamba ayi ushiiteewo alokele kwisule.
18“Ono oMwaami Lesa, ntoolindilila lupulusho lwako.
19“Gadi ulaakulwanwa alikoto lya bapambi,
sombi ulaakupiluka akubatandaanya.
20“Mumusena wakwe Asha mulaakunooswa shakulya shibotu abuumbi.
Ulaakunoolima shakulya sheelete mwaami.
21“Nafutali ninsefu ilicicila cakwaanguluka,
uyo ushala baana beebeleka.
22“Josefu uli anga ngumunyansa ucata shisepo abuumbi,
ee munyansa uli kufwaafwi akantupu.
Misampi ya nguwo ilatandabala kulubumbu.
23Balwani bakwe bakamulwana ciyoosha
akumutandaanya kabacite mata amifwi.
24Nakubi boobo buta bwakwe lakwe tabutenkaani.
Lyaansa lyakwe lyayuma
ceebo ca nkusu shakwe Lesa Shinkusu shoonse, Lesa wakwe Jakobo,
Mweembeshi alimwi Mukwabilishi wa bene Isilaeli.
25NguLesa wa baiso ukucafwa,
Lesa Shinkusu shoonse ukupa shoolwe,
shoolwe sha mfula kuswa kwiculu,
alimwi asha maanshi aanji eshi kuswa panshi.
Ulakupa shoolwe shakuba aŋombe shiinji alimwi abaana baanji,
26shoolwe shakuba awiti alimwi amaluba,
shoolwe sha tulundu twa kale kale,
shintu shikondelesha sha tulundu twa muyayaya.
Shoolwe shoonse ishi ashibe pamutwi wakwe Josefu,
Ee pankumo ya wooyo wakapatulwa kubamakwabo.
27“Benjameni nguumpe mukali.
Macuunsa amacolesha ulacaya akulya.”
28Iyi njemikowa ili likumi ayobilo ya bene Isilaeli, alimwi ishi nshesheesho ishiwabo nshaakaamba ndyaakalinga kupa maswi akulasha kweelete mwanaakwe musankwa womwi awomwi.
Kufwa akubikwa kwakwe Jakobo
29Lyalo Jakobo wakaamba ayi, “Bulya mboontoofwa, kukonkela bamakwesu, mukambike kulete bashali bangu bakulukulu mucimfwengo cili mumuunda wakwe Efuloni mwine Iti, 30kuMakipela kwicwe lya Mamule mucishi ca Kenani. Abulaamu wakoola cimfwengo amuunda kuli Efuloni kwaamba ayi abe maanda.#Mata 23:3-20 31Nkokooko nkobakabika baAbulaamu abaSala bakaabo. Abalo baIsaki abaLabeka bakaabo nkobakababika. Anebo nkokooko nkondakabika Leya.#Mata 25:9-10; Mata 35:29 32Muunda acimfwengo cakalinga mumo wakoolwa kubene Iti. Amukambike kooko.” 33Jakobo ndyaakamanisha kulasha bana bakwe, wakoona alimwi, mpeeke wakafwa.#Mili 7:15
Currently Selected:
Matalikilo 49: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 49
49
Maswi akwe Jakobo akweelaako
1Jakobo wakeeta bana bakwe basankwa akwaamba ayi, “Amubungane pano, mulwiite ceshi cikamucitikile kunembo.
2“Kamwisa mubungane akukutika, nobana bakwe Jakobo.
Amukutike Isilaeli ishiwanu.
3“Lubeni, mwanaangu wakwiiya,
ndiwe nkusu shangu.
Alimwi uli mwaana mutaanshi mubusankwa bwangu.
Uleendaawo bulemu ankusu
pabana bangu basankwa boonse.
4Webo uli anga ngamaanshi aanji atookunka,
ono sombi teshi ukabe muntu uyandika kwiinda bamwi boonse,
mukwiinga wakakumana akasuwa wangu,
akunyansha bulo bwa baiso.
5“Simyoni aLefi mbamukowa
Balasebensesha mipeeni yabo kucita shimfulunganya.
6Teshi nkanjile mumibandi yabo ya bushishi,
nabi kusenkaanaabo mukubungana kwabo.
Bakacaya bantu mubukali bwabo
alimwi bakatyoloola bacende mukulisangalasha.
7Lishingo alibe pabukali bwabo buyoosha,
ncakwiila pabukali bwabo bwalunkutwe.
Ndaakubapalanganya mucishi coonse cakwe Jakobo,
ndaakubapalanganishisha mucishi coonse cakwe Isilaeli.
8“Juda, bamakwanu balaakukulumba,
balwani bako ulaakubacata panshingo,
alimwi bamakwanu balaakukukotamina.
9Juda uli anga mwanaankalamu,
ucaya paya moyo akuboolela mucimfwengo cakwe.
Mbuli nkalamu ulabwandama akoona panshi,
nabi nkalamu yanakashi,
anu ngani weenga wamusonkomona?#Shakube 24:9; Ciyu 5:5
10Nkooli ya bwaami Juda unanoicitebo lyoonse.
Bamulunyungu lwakwe bananoolibo ankooli ya bweendeleshi lyoonse,
kushikila akese uyo weelete kubaayo,
alimwi uyo mishobo ngweshi ikanoonyumfwila.
11Ulaanga mwanaambongolo kucisamu ca munyansa,
munyansa ubotu abuumbi.
Ulacapa shakufwala shakwe muwaini usalala,
mumaanshi aminyansa asalala anga mbulowa.
12Meenso akwe alasalala kwiinda mukunwa waini,
alimwi meeno akwe alatuba kwiinda mukunwa mukupa.
13“Sebuluni ulaakwikala kufwaafwi alweenge,
cito cakwe cilaakuba cito kwakushisila maato.
Cishi cakwe cilaakushika akuSidoni.
14“Isaka uli anga nimbongolo iyumu,
yoona pakati ka mikuli cakutandabala.
15Ndyaakabona kubota kwa musena wakookesha,
akubona ayi ayalo inshi njibotu,
wakatyankamika musana ayi abwese mukuli,
lyalo camulengesha kusebensa mbuli musha.
16“Dani ulaakuba moomboloshi wa bantu bakwe,
balaakuba anga njimishobo imwi yoonse ya bene Isilaeli.
17Dani ulaakuba anga ninsoka mweelanshila,
nsooka icite buyoka bucaya mweelanshila,
iluma liaki mukapokoso,
kwaamba ayi ushiiteewo alokele kwisule.
18“Ono oMwaami Lesa, ntoolindilila lupulusho lwako.
19“Gadi ulaakulwanwa alikoto lya bapambi,
sombi ulaakupiluka akubatandaanya.
20“Mumusena wakwe Asha mulaakunooswa shakulya shibotu abuumbi.
Ulaakunoolima shakulya sheelete mwaami.
21“Nafutali ninsefu ilicicila cakwaanguluka,
uyo ushala baana beebeleka.
22“Josefu uli anga ngumunyansa ucata shisepo abuumbi,
ee munyansa uli kufwaafwi akantupu.
Misampi ya nguwo ilatandabala kulubumbu.
23Balwani bakwe bakamulwana ciyoosha
akumutandaanya kabacite mata amifwi.
24Nakubi boobo buta bwakwe lakwe tabutenkaani.
Lyaansa lyakwe lyayuma
ceebo ca nkusu shakwe Lesa Shinkusu shoonse, Lesa wakwe Jakobo,
Mweembeshi alimwi Mukwabilishi wa bene Isilaeli.
25NguLesa wa baiso ukucafwa,
Lesa Shinkusu shoonse ukupa shoolwe,
shoolwe sha mfula kuswa kwiculu,
alimwi asha maanshi aanji eshi kuswa panshi.
Ulakupa shoolwe shakuba aŋombe shiinji alimwi abaana baanji,
26shoolwe shakuba awiti alimwi amaluba,
shoolwe sha tulundu twa kale kale,
shintu shikondelesha sha tulundu twa muyayaya.
Shoolwe shoonse ishi ashibe pamutwi wakwe Josefu,
Ee pankumo ya wooyo wakapatulwa kubamakwabo.
27“Benjameni nguumpe mukali.
Macuunsa amacolesha ulacaya akulya.”
28Iyi njemikowa ili likumi ayobilo ya bene Isilaeli, alimwi ishi nshesheesho ishiwabo nshaakaamba ndyaakalinga kupa maswi akulasha kweelete mwanaakwe musankwa womwi awomwi.
Kufwa akubikwa kwakwe Jakobo
29Lyalo Jakobo wakaamba ayi, “Bulya mboontoofwa, kukonkela bamakwesu, mukambike kulete bashali bangu bakulukulu mucimfwengo cili mumuunda wakwe Efuloni mwine Iti, 30kuMakipela kwicwe lya Mamule mucishi ca Kenani. Abulaamu wakoola cimfwengo amuunda kuli Efuloni kwaamba ayi abe maanda.#Mata 23:3-20 31Nkokooko nkobakabika baAbulaamu abaSala bakaabo. Abalo baIsaki abaLabeka bakaabo nkobakababika. Anebo nkokooko nkondakabika Leya.#Mata 25:9-10; Mata 35:29 32Muunda acimfwengo cakalinga mumo wakoolwa kubene Iti. Amukambike kooko.” 33Jakobo ndyaakamanisha kulasha bana bakwe, wakoona alimwi, mpeeke wakafwa.#Mili 7:15
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.