Matalikilo 47
47
1Mpeeke Josefu wakabwesa bamakwabo bali bosanwe akuya kumwaami Falawo, akumwaambila ayi, “Bata abamakwesu besa kuswa kuKenani amatanga ambelele, mpongo aŋombe, alimwi ashintu shabo shimwi shoonse. Bashikila kumusena wa Gosheni.” 2Kuswawaawo wakatondesha mwaami bamakwabo bosanwe. 3Mpomunyaawo mwaami wakabeepusha ayi, “Mulacitanshi mubuumi bwanu?” Bakakumbula ayi, “Tuli beembeshi bweenka bwakalinga bashali besu bakulukulu nkambo. 4Twesa mukwikala mucishi cino ceebo mucishi ca Kenani nsala yakomena abuumbi cakwaamba ayi taaku abwiisu bwa shifubwa shesu. Twaseenga mutusuminishe kwikala mumusena wa Gosheni.” 5Lyalo mwaami wakaambila Josefu ayi, “Bulya ono baiso abamakwanu mbobesa, 6cishi ca Ijipiti ncabo. Basuminishe bekale mumusena wa Gosheni, musena wiindaawo kubota mucishi cino. Alimwi na pali basankwa bakonsha kulama shifubwa, ubape bweendeleshi bwa shifubwa shangu.”
7Lyalo Josefu wakaleta Jakobo baishi, akubatondesha kumwaami. Jakobo wakapa coolwe mwaami. 8Mpeeke mwaami wakamwiipusha ayi, “Ulicite myaaka yongaye?” 9Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.” 10Jakobo wakapa mwaami coolwe cakumulasha akumushiya. 11Mpeeke Josefu wakekalika baishi abamakwabo muIjipiti, akubapa musena kulubasu lwakalinga kwiindaawo kubota mucishi ico. Musena uyo wakalinga kufwaafwi andabala inene ya Lamesesi, bweenka bwakaamba Falawo. 12Josefu wakapa shakulya baishi, bamakwabo, alimwi abamwi boonse bamuŋanda ya baishi kubikaako awooyo wakalinga mwanike paboonse.
Nsala
13Nsala yakakomena cakwaamba ayi taaku akwakalinga cakulya. Aboobo bene Ijipiti abene Kenani bakalefuka kunsala. 14Bantu ndibakalinga kuula witi, Josefu wakalinga kubwesa maali oonse mucishi ca Ijipiti aKenani akwaatola kuŋanda ya mwaami Falawo. 15Maali oonse muIjipiti amuKenani ndyaakamana, bene Ijipiti bakaya kuli Josefu akwaamba ayi, “Amutupe shakulya, mutatuleeki ayi tufwe, amuciteewo comwi, swebo maali esu oonse amana.”
16Josefu wakabakumbula ayi, “Amulete shifubwa shanu tushintane ashakulya na maali anu amana.” 17Aboobo bakaleta shifubwa shabo kuli Josefu alakwe wakabapa shakulya mukushintana amaaki, mbelele, mpongo, ŋombe, ambongolo shabo. Mwaaka uyo wakabapa shakulya mukushintana ashifubwa shabo shoonse.
18Mwaaka wakaboolaawo bakaya kuli nguwe akwaamba ayi, “Nkambo, teshi tushiseewo ayi maali esu oonse amana, ashifubwa shoonse shaba shanu. Taaku acimwi cacaala kumupa kulekabo mibili amyuunda yesu. 19Mutatuleeki ayi tufwe. Amuciteewo comwi! Mutaleki myuunda yesu kucaala cisuukila. Amutuule amyuunda yesu mukushinta ashakulya. Tutooba basha ba mwaami Falawo alimwi myuunda yesu itooba yaakwe. Amutupe witi tunoolyaako kwaamba ayi tutafwi, ambuuto tushange mumyuunda yesu.”
20Josefu wakoolila mwaami myuunda yoonse muIjipiti. Mwine Ijipiti woonse wakakakatishikwa kuulisha muunda wakwe, ceebo nsala yakakomena. Alimwi myuunda yoonse muIjipiti yakaba ya mwaami. 21Josefu wakaalula busha bantu boonse mucishi ca Ijipiti coonse. 22Myuunda njaatakwe kuulabo, njeeyo yakalinga ya bapailishi. Tebakalinga kweelete kuulisha myuunda yabo ceebo mwaami wakalinga kubapa pakucanina buumi. 23Josefu wakaambila bantu ayi, “Mwaboona ndamuula amyuunda yanu yoonse kwaamba ayi mube bakwe Falawo. Ono mbuto njeeyi, mushange mumyuunda yanu. 24Pakutebula mulyeelete kupa mwaami cipansha comwi ca shosanwe. Shacaala inga mwakushaawo mbuto acakulya canu nobeene abamuŋanda yanu.”
25Lyalo bakakumbula ayi, “Mwapulusha buumi bwesu. Mwatunyumfwila nkumbu nkambo, alimwi tulisuminite kuba basha ba mwaami.” 26Aboobo Josefu wakabika mulawo wa cishi ca Ijipiti wakwaamba ayi comwi ca shosanwe pakutebula nca mwaami. Uyu mulawo abobulya ucisebensa. Myuunda yeenka yakalinga ya bapailishi njeitakwebo kuba ya mwaami.
Kusenga kwakwe Jakobo kwakweelaako
27Bene Isilaeli bakekala mucishi ca Ijipiti mumusena wa Gosheni uko nkobakabilila akuba abaana baanji. 28Jakobo wakekala myaaka ili likumi ayosanwe ayobilo muIjipiti, kushikila waba amyaaka mwaanda amakumi one amyaaka yosanwe ayobilo ya buumi bwakwe. 29Ciindi cakufwa ndicakashika pafwaafwi, wakatuma nkombe kuli Josefu mwanaakwe ayi ese. Mpeeke wakamwaambila ayi, “Bika maansa ako pakati ka mabelo angu, ushomeshe cakulumbila ayi teshi ukambike muIjipiti. 30Ndisuni kubikwa kwakabikwa bamashali bangu bakulukulu. Mukanyamune kunkusha muIjipiti akumbika kooko nkobakabikwa.” Mpeeke Josefu wakakumbula ayi, “Ndaakucita bweenka mbomwaamba.”#Mata 49:29-32; 50:6 31Mpomunyaawo Jakobo wakaamba ayi, “Shomesha cakulumbila ayi ulaakucita ubo.” Josefu wakashomesha cakulumbila. Lyalo Jakobo wakalumba kaali pabulo bwakwe.
Currently Selected:
Matalikilo 47: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 47
47
1Mpeeke Josefu wakabwesa bamakwabo bali bosanwe akuya kumwaami Falawo, akumwaambila ayi, “Bata abamakwesu besa kuswa kuKenani amatanga ambelele, mpongo aŋombe, alimwi ashintu shabo shimwi shoonse. Bashikila kumusena wa Gosheni.” 2Kuswawaawo wakatondesha mwaami bamakwabo bosanwe. 3Mpomunyaawo mwaami wakabeepusha ayi, “Mulacitanshi mubuumi bwanu?” Bakakumbula ayi, “Tuli beembeshi bweenka bwakalinga bashali besu bakulukulu nkambo. 4Twesa mukwikala mucishi cino ceebo mucishi ca Kenani nsala yakomena abuumbi cakwaamba ayi taaku abwiisu bwa shifubwa shesu. Twaseenga mutusuminishe kwikala mumusena wa Gosheni.” 5Lyalo mwaami wakaambila Josefu ayi, “Bulya ono baiso abamakwanu mbobesa, 6cishi ca Ijipiti ncabo. Basuminishe bekale mumusena wa Gosheni, musena wiindaawo kubota mucishi cino. Alimwi na pali basankwa bakonsha kulama shifubwa, ubape bweendeleshi bwa shifubwa shangu.”
7Lyalo Josefu wakaleta Jakobo baishi, akubatondesha kumwaami. Jakobo wakapa coolwe mwaami. 8Mpeeke mwaami wakamwiipusha ayi, “Ulicite myaaka yongaye?” 9Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.” 10Jakobo wakapa mwaami coolwe cakumulasha akumushiya. 11Mpeeke Josefu wakekalika baishi abamakwabo muIjipiti, akubapa musena kulubasu lwakalinga kwiindaawo kubota mucishi ico. Musena uyo wakalinga kufwaafwi andabala inene ya Lamesesi, bweenka bwakaamba Falawo. 12Josefu wakapa shakulya baishi, bamakwabo, alimwi abamwi boonse bamuŋanda ya baishi kubikaako awooyo wakalinga mwanike paboonse.
Nsala
13Nsala yakakomena cakwaamba ayi taaku akwakalinga cakulya. Aboobo bene Ijipiti abene Kenani bakalefuka kunsala. 14Bantu ndibakalinga kuula witi, Josefu wakalinga kubwesa maali oonse mucishi ca Ijipiti aKenani akwaatola kuŋanda ya mwaami Falawo. 15Maali oonse muIjipiti amuKenani ndyaakamana, bene Ijipiti bakaya kuli Josefu akwaamba ayi, “Amutupe shakulya, mutatuleeki ayi tufwe, amuciteewo comwi, swebo maali esu oonse amana.”
16Josefu wakabakumbula ayi, “Amulete shifubwa shanu tushintane ashakulya na maali anu amana.” 17Aboobo bakaleta shifubwa shabo kuli Josefu alakwe wakabapa shakulya mukushintana amaaki, mbelele, mpongo, ŋombe, ambongolo shabo. Mwaaka uyo wakabapa shakulya mukushintana ashifubwa shabo shoonse.
18Mwaaka wakaboolaawo bakaya kuli nguwe akwaamba ayi, “Nkambo, teshi tushiseewo ayi maali esu oonse amana, ashifubwa shoonse shaba shanu. Taaku acimwi cacaala kumupa kulekabo mibili amyuunda yesu. 19Mutatuleeki ayi tufwe. Amuciteewo comwi! Mutaleki myuunda yesu kucaala cisuukila. Amutuule amyuunda yesu mukushinta ashakulya. Tutooba basha ba mwaami Falawo alimwi myuunda yesu itooba yaakwe. Amutupe witi tunoolyaako kwaamba ayi tutafwi, ambuuto tushange mumyuunda yesu.”
20Josefu wakoolila mwaami myuunda yoonse muIjipiti. Mwine Ijipiti woonse wakakakatishikwa kuulisha muunda wakwe, ceebo nsala yakakomena. Alimwi myuunda yoonse muIjipiti yakaba ya mwaami. 21Josefu wakaalula busha bantu boonse mucishi ca Ijipiti coonse. 22Myuunda njaatakwe kuulabo, njeeyo yakalinga ya bapailishi. Tebakalinga kweelete kuulisha myuunda yabo ceebo mwaami wakalinga kubapa pakucanina buumi. 23Josefu wakaambila bantu ayi, “Mwaboona ndamuula amyuunda yanu yoonse kwaamba ayi mube bakwe Falawo. Ono mbuto njeeyi, mushange mumyuunda yanu. 24Pakutebula mulyeelete kupa mwaami cipansha comwi ca shosanwe. Shacaala inga mwakushaawo mbuto acakulya canu nobeene abamuŋanda yanu.”
25Lyalo bakakumbula ayi, “Mwapulusha buumi bwesu. Mwatunyumfwila nkumbu nkambo, alimwi tulisuminite kuba basha ba mwaami.” 26Aboobo Josefu wakabika mulawo wa cishi ca Ijipiti wakwaamba ayi comwi ca shosanwe pakutebula nca mwaami. Uyu mulawo abobulya ucisebensa. Myuunda yeenka yakalinga ya bapailishi njeitakwebo kuba ya mwaami.
Kusenga kwakwe Jakobo kwakweelaako
27Bene Isilaeli bakekala mucishi ca Ijipiti mumusena wa Gosheni uko nkobakabilila akuba abaana baanji. 28Jakobo wakekala myaaka ili likumi ayosanwe ayobilo muIjipiti, kushikila waba amyaaka mwaanda amakumi one amyaaka yosanwe ayobilo ya buumi bwakwe. 29Ciindi cakufwa ndicakashika pafwaafwi, wakatuma nkombe kuli Josefu mwanaakwe ayi ese. Mpeeke wakamwaambila ayi, “Bika maansa ako pakati ka mabelo angu, ushomeshe cakulumbila ayi teshi ukambike muIjipiti. 30Ndisuni kubikwa kwakabikwa bamashali bangu bakulukulu. Mukanyamune kunkusha muIjipiti akumbika kooko nkobakabikwa.” Mpeeke Josefu wakakumbula ayi, “Ndaakucita bweenka mbomwaamba.”#Mata 49:29-32; 50:6 31Mpomunyaawo Jakobo wakaamba ayi, “Shomesha cakulumbila ayi ulaakucita ubo.” Josefu wakashomesha cakulumbila. Lyalo Jakobo wakalumba kaali pabulo bwakwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.