Matalikilo 37
37
1Jakobo wakatolelela kwikala mucishi ca Kenani umo mwakalinga kwikala baishi. 2Ono ici ncikani ca bamuŋanda yakwe Jakobo.
Josefu, cikulabwaangu wa myaaka likumi ayosanwe ayobilo, wakalinga ngushikweembela mbelele ampongo abamakwabo basankwa baana bakwe Biluya aSilupa bakasuwa bakwe Jakobo. Ono wakalinga kuluula nshebakalinga kucita.
3Jakobo wakalinga kusuni Josefu abuumbi kwiinda bana bakwe bamwi ceebo wakamushalila kubucembele. Wakamutungila cakufwala ca peculu cibotu cilaamfu maansa. 4Mpeeke bamakwabo ndibakabona kwaamba ayi ishiwabo ulisunishi Josefu kwiinda mbabo, bakamupata cakwaamba ayi tebakalinga kusuni akwaambaakwe mukabotu.
5Bushiku bumwi Josefu wakalota. Ono ingayi alwiite bamakwabo, bakeendaawo kumupata. 6Wakabalwiita ayi, “Amukutike mbondalota. 7Soonse twalinga mumuunda katwaanga mile ya witi, mule wangu ndiwaliimika cakuteengashila. Mpeeke yaanu yashinguluka waangu akuukotamina.” 8Mpomunyaawo bamakwabo bakeepusha ayi, “Sa utoyeeya ayi ulaakuba mwaami akulela ndiswe?” Aboobo bakeendaawo kumupata ceebo ca shiloto shakwe alimwi anshaakalinga kwaamba pali mbabo. 9Lyalo Josefu wakalota alimwi. Mpeeke wakaambila bamakwabo ayi, “Ndaloota alimwi akubona lisuba, mweenshi anyenyeenshi likumi ayomwi shankotamina.”
10Ndyaakalwiitaako abaishi ciloto ico, bakamukalalila akwaamba ayi, “Anu nciloto buyani acalo ico? Sa utoyeeya kwaamba ayi banyoko, bamakwanu anebo tulaakwisa mukukukotamina?” 11Bamakwabo Josefu bakafwa munyono, sombi baishi, cikani ici bakalinga kuciyeeya lyoonse.#Mili 7:9
Josefu mbwaakoolishikwa akutolwa kuIjipiti
12Bumwi bushiku bamakwabo Josefu bakaya mukweembelela kuShekemu. 13Jakobo wakaambila Josefu ayi, “Ndisuni kwaamba ayi uye kuShekemu, uko bamakwanu nkobatokweembelela.” Josefu wakakumbula ayi, “Ncibotu.”
14Baishi bakaamba ayi, “Koya ukabone na bamakwanu bali kabotu alimwi mbelele ampongo na shili kabotu. Lyalo ukese ukandwiite.” Mpeeke baishi bakamutuma kuswa mucinyika ca Ebuloni.
Josefu wakashika kuShekemu 15alimwi wakalinga kuyandoola uku akooku muluundu uko. Lyalo muntu umwi wamucana akumwiipusha ayi, “Ino utooyandoolanshi?” 16Wakakumbula ayi, “Ntooyandoola bamakwesu batokweembela mbelele ampongo. Sa inga mwandwiita nkobabete?”
17Musankwa uyo wakaamba ayi, “Baswaako kale. Ndabanyumfwa kabaamba ayi batooya kuDotani.” Mpomunyaawo Josefu wakabakonkela akubacana kuDotani. 18Bamakwabo abo bakamubona kaacilibo kulaale. Ono kaatana kushika bakapangana ayi bamucaaye. 19Bakalwiitana ayi, “Inoolya shikulota waashika. 20Ono atumucaaye, mubili wakwe tuuwaale mumukalo womwi wakayuminina. Inga twaya mukwaamba ayi walumwa munyama wamuluundu. Lyalo tukabone shiloto shakwe mbweshi shikabe.”
21Lubeni wakabanyumfwa, mpeeke wakeelesha kupulusha Josefu. Wakaamba ayi, “Tutamucaayi, 22tumuwaalebo mumukalo umu wa muluundu muno, sombi tutamuciisi.” Wakaamba boobo kaasuni kumupulusha kuli mbabo akumutuma kuli baishi. 23Josefu ndyaakashika pabamakwabo, bakamufuula cakufwala cakwe capeculu cilaamfu maansa. 24Lyalo bakamubwesa akumuwaala mumukalo wakalinga kuyuminite.
25Ndibakalinga kulya, bakabonabo likoto lya bene Ishimaeli kabali pamushinso wakuswa kuGilyadi kuya kuIjipiti. Ngamela shabo shakalinga kuyumwite mashina a shisamu anunkila kabotu, misamu alimwi amule. 26Mpomunyaawo Juda wakaambila bamakwabo ayi, “Tutoocanamoonshi mukucaya mukwabesu akushisa cikani ici? Taakuuwo. 27Atumuulishebo kubene Ishimaeli aba, kwiinda kwaamba ayi tumuciise. Uyu ngumukwabesu kale, bulowa bomwi.” Bamakwabo bakasumina. 28Lyalo beshimakwebo bamwi bene Midyani ndibakashika pafwaafwi, bamakwabo bakamukwelaamo mumukalo akumuulisha maali asilifa ali makumi obilo kubene Ishimaeli abo bakamutola kuIjipiti.#Mili 7:9
29Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba. 30Wakaboolela kubamakwabo akubaambila ayi, “Mwanike taamo! Anu ntoocita buyani?”
31Mpeeke bakacaya mpongo akukulubinganya cakufwala cakwe ca peculu mubulowa bwa njiyo. 32Lyalo bakabwesa cakufwala ico akucitola kuli baishiwabo akubaambila ayi, “Twakacana ceeci. Sa ncamwanaanu?”
33Wakacishiba akwaamba ayi, “Ee, ncaakwe! Munyama wamucaya. Ncakwiila mwanaangu Josefu wakwamoonwa mutupanshapansha!” 34Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu. 35Mpeeke boonse bana bakwe basankwa abanakashi bakesa mukumutontosha kulila, sombi wakakaka akwaamba ayi, “Ndaakufwitaamobo kaandila mwanaangu musankwa.” Aboobo wakatolelela kulila Josefu mwanaakwe.
36Paciindi ico, muIjipiti, bene Midyani balya bakoolisha Josefu kuli Potifa, womwi pabacinenenene bakwe Falawo, uyo wakalinga munene wa beshikulindilila kuŋanda yakwe Falawo.
Currently Selected:
Matalikilo 37: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 37
37
1Jakobo wakatolelela kwikala mucishi ca Kenani umo mwakalinga kwikala baishi. 2Ono ici ncikani ca bamuŋanda yakwe Jakobo.
Josefu, cikulabwaangu wa myaaka likumi ayosanwe ayobilo, wakalinga ngushikweembela mbelele ampongo abamakwabo basankwa baana bakwe Biluya aSilupa bakasuwa bakwe Jakobo. Ono wakalinga kuluula nshebakalinga kucita.
3Jakobo wakalinga kusuni Josefu abuumbi kwiinda bana bakwe bamwi ceebo wakamushalila kubucembele. Wakamutungila cakufwala ca peculu cibotu cilaamfu maansa. 4Mpeeke bamakwabo ndibakabona kwaamba ayi ishiwabo ulisunishi Josefu kwiinda mbabo, bakamupata cakwaamba ayi tebakalinga kusuni akwaambaakwe mukabotu.
5Bushiku bumwi Josefu wakalota. Ono ingayi alwiite bamakwabo, bakeendaawo kumupata. 6Wakabalwiita ayi, “Amukutike mbondalota. 7Soonse twalinga mumuunda katwaanga mile ya witi, mule wangu ndiwaliimika cakuteengashila. Mpeeke yaanu yashinguluka waangu akuukotamina.” 8Mpomunyaawo bamakwabo bakeepusha ayi, “Sa utoyeeya ayi ulaakuba mwaami akulela ndiswe?” Aboobo bakeendaawo kumupata ceebo ca shiloto shakwe alimwi anshaakalinga kwaamba pali mbabo. 9Lyalo Josefu wakalota alimwi. Mpeeke wakaambila bamakwabo ayi, “Ndaloota alimwi akubona lisuba, mweenshi anyenyeenshi likumi ayomwi shankotamina.”
10Ndyaakalwiitaako abaishi ciloto ico, bakamukalalila akwaamba ayi, “Anu nciloto buyani acalo ico? Sa utoyeeya kwaamba ayi banyoko, bamakwanu anebo tulaakwisa mukukukotamina?” 11Bamakwabo Josefu bakafwa munyono, sombi baishi, cikani ici bakalinga kuciyeeya lyoonse.#Mili 7:9
Josefu mbwaakoolishikwa akutolwa kuIjipiti
12Bumwi bushiku bamakwabo Josefu bakaya mukweembelela kuShekemu. 13Jakobo wakaambila Josefu ayi, “Ndisuni kwaamba ayi uye kuShekemu, uko bamakwanu nkobatokweembelela.” Josefu wakakumbula ayi, “Ncibotu.”
14Baishi bakaamba ayi, “Koya ukabone na bamakwanu bali kabotu alimwi mbelele ampongo na shili kabotu. Lyalo ukese ukandwiite.” Mpeeke baishi bakamutuma kuswa mucinyika ca Ebuloni.
Josefu wakashika kuShekemu 15alimwi wakalinga kuyandoola uku akooku muluundu uko. Lyalo muntu umwi wamucana akumwiipusha ayi, “Ino utooyandoolanshi?” 16Wakakumbula ayi, “Ntooyandoola bamakwesu batokweembela mbelele ampongo. Sa inga mwandwiita nkobabete?”
17Musankwa uyo wakaamba ayi, “Baswaako kale. Ndabanyumfwa kabaamba ayi batooya kuDotani.” Mpomunyaawo Josefu wakabakonkela akubacana kuDotani. 18Bamakwabo abo bakamubona kaacilibo kulaale. Ono kaatana kushika bakapangana ayi bamucaaye. 19Bakalwiitana ayi, “Inoolya shikulota waashika. 20Ono atumucaaye, mubili wakwe tuuwaale mumukalo womwi wakayuminina. Inga twaya mukwaamba ayi walumwa munyama wamuluundu. Lyalo tukabone shiloto shakwe mbweshi shikabe.”
21Lubeni wakabanyumfwa, mpeeke wakeelesha kupulusha Josefu. Wakaamba ayi, “Tutamucaayi, 22tumuwaalebo mumukalo umu wa muluundu muno, sombi tutamuciisi.” Wakaamba boobo kaasuni kumupulusha kuli mbabo akumutuma kuli baishi. 23Josefu ndyaakashika pabamakwabo, bakamufuula cakufwala cakwe capeculu cilaamfu maansa. 24Lyalo bakamubwesa akumuwaala mumukalo wakalinga kuyuminite.
25Ndibakalinga kulya, bakabonabo likoto lya bene Ishimaeli kabali pamushinso wakuswa kuGilyadi kuya kuIjipiti. Ngamela shabo shakalinga kuyumwite mashina a shisamu anunkila kabotu, misamu alimwi amule. 26Mpomunyaawo Juda wakaambila bamakwabo ayi, “Tutoocanamoonshi mukucaya mukwabesu akushisa cikani ici? Taakuuwo. 27Atumuulishebo kubene Ishimaeli aba, kwiinda kwaamba ayi tumuciise. Uyu ngumukwabesu kale, bulowa bomwi.” Bamakwabo bakasumina. 28Lyalo beshimakwebo bamwi bene Midyani ndibakashika pafwaafwi, bamakwabo bakamukwelaamo mumukalo akumuulisha maali asilifa ali makumi obilo kubene Ishimaeli abo bakamutola kuIjipiti.#Mili 7:9
29Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba. 30Wakaboolela kubamakwabo akubaambila ayi, “Mwanike taamo! Anu ntoocita buyani?”
31Mpeeke bakacaya mpongo akukulubinganya cakufwala cakwe ca peculu mubulowa bwa njiyo. 32Lyalo bakabwesa cakufwala ico akucitola kuli baishiwabo akubaambila ayi, “Twakacana ceeci. Sa ncamwanaanu?”
33Wakacishiba akwaamba ayi, “Ee, ncaakwe! Munyama wamucaya. Ncakwiila mwanaangu Josefu wakwamoonwa mutupanshapansha!” 34Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu. 35Mpeeke boonse bana bakwe basankwa abanakashi bakesa mukumutontosha kulila, sombi wakakaka akwaamba ayi, “Ndaakufwitaamobo kaandila mwanaangu musankwa.” Aboobo wakatolelela kulila Josefu mwanaakwe.
36Paciindi ico, muIjipiti, bene Midyani balya bakoolisha Josefu kuli Potifa, womwi pabacinenenene bakwe Falawo, uyo wakalinga munene wa beshikulindilila kuŋanda yakwe Falawo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.