Matalikilo 35
35
Lesa mbwaakapa coolwe Jakobo kuBetelo
1Lesa wakaambila Jakobo ayi, “Bulya onoono koya kuBetelo ukekaale nkuko. Ukanjakile cipaililo uko, neLesa uyo wakaboneka kuli ndiwe ndiwakalinga kucica nandumi yako Esau.”#Mata 28:11-17
2Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu. 3Tutooswaako kuno akuya kuBetelo uko nkweshi nkayakile Lesa cipaililo, uyo wakancafwa muciindi ca makatasho alimwi uyo wakalinga anebo kuli koonse nkondakaya.” 4Aboobo bakapa Jakobo balesa beensu boonse amasikiyo ngobakalinga kufwete. Mpeeke lakwe wakashifukila muunshi lya mubanga pafwaafwi andabala ya Shekemu.
5Jakobo abana bakwe ndibakalinga kunyamuka, bantu ba mumandabala akalinga pafwaafwi bakanyumfwa boowa buswa kuli Lesa. Aboobo tabakwe kubakonkela ayi babalwaane. 6Jakobo wakashika abantu bakwe boonse kuLusi, uko kwiitwa ayi Betelo bulya, mucishi ca Kenani. 7Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo. 8Ono musebenshi wakwe Labeka wiitwa ayi Debola, wakafwa alimwi bakamufukila muunshi lya mubanga kumalenge a Betelo. Aboobo bakautumba ayi, “Mubanga wakulila.”
9Jakobo ndyaakaboolela kuswa kuMesopotamya, Lesa wakaboneka alimwi kuli nguwe akumupa coolwe. 10Lesa wakamwaambila ayi, “Liina lyako ndiwe Jakobo, sombi kuswa sunu ndiwe Isilaeli.” Munshila iyo Lesa wakamutumba ayi Isilaeli.#Mata 32:28 11Lyalo Lesa wakaamba ayi, “Ndime Lesa Shinkusu shoonse. Koba abaana baanji. Mishobo iinji ilaakuswa mulunyungu lwako alimwi ulaakuba mushali wa bamaami. 12Ndaakukupa cishi ncendakapa Abulaamu aIsaki alimwi ndaakucipa abamulunyungu lwako webo waakufwa.”#Mata 17:4-8 13Lyalo Lesa wakamushiya. 14Palya peenka Lesa mpaakaamba kuli nguwe, Jakobo wakabikaawo libwe lyakwiibalukilaawo akulisalasha kwiinda mukupuumwitaawo waini alimwi amafuta a olifi.#Mata 28:18-19 15Mpomunyaawo wakatumbaawo ayi Betelo.
Lakelo mbwaakafwa
16Ono Jakobo abamuŋanda yakwe bakaswaako kuBetelo. Sombi ndibakashika kufwaafwi aEfulati, Lakelo mumala mwakabuka. Ono cakashupa kutumbuka. 17Mumala ndimwakashinisha kunyona, shikutumbusha wakaamba ayi, “Mutaloondi baLakelo ngumusankwa alimwi.” 18Sombi Lakelo wakalinga kuya cifwa, mpeeke ndyaakayanda kutula moyo wakatumba mwanaakwe ayi Benoni, nakubi boobo baishi bakamutumba ayi Benjameni.
19Lakelo ndyaakafwa, bakamubika mweela nshila iya kuEfulati uko bulya kwiitwa ayi Betileemu. 20Jakobo wakabikaawo libwe lyakwiibalukilaawo apo. Ono abobulya licitondesha cuumbwe cakwe Lakelo. 21Jakobo wakatolelela lweendo lwakwe akuyaka misumba kulubasu lumwi lwa ŋanda ilaamfu ya Eda.
Bana basankwa bakwe Jakobo
(1 Maka 2:1-2)
22Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi.#Mata 49:4
Jakobo wakalinga kucite baana bali likumi abobilo. 23Bana bakwe Leya basankwa bakalinga Lubeni, uyo wakalinga ngomwaana musankwa munene wakwe Jakobo, Simyoni, Lefi, Juda, Isaka, aSebuluni. 24Bana bakwe Lakelo nguJosefu alimwi aBenjameni. 25Bana bakwe Biluya, musha wakwe Lakelo nguDani alimwi aNafutali. 26Bana bakwe Silupa, musha wakwe Leya, nguGadi alimwi aAsha. Aba baana bakashalilwa kuMesopotamya.
Isaki mbwaakafwa
27Mpeeke Jakobo wakaya kuli baishi baIsaki kuMamule, pafwaafwi aEbuloni, uko Abulaamu aIsaki nkobakekala.#Mata 13:18 28Isaki wakekala myaaka ili 180 29akufwa kaali wacembela abuumbi. Mpeeke Esau aJakobo bana bakwe basankwa, bakamubika.
Currently Selected:
Matalikilo 35: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 35
35
Lesa mbwaakapa coolwe Jakobo kuBetelo
1Lesa wakaambila Jakobo ayi, “Bulya onoono koya kuBetelo ukekaale nkuko. Ukanjakile cipaililo uko, neLesa uyo wakaboneka kuli ndiwe ndiwakalinga kucica nandumi yako Esau.”#Mata 28:11-17
2Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu. 3Tutooswaako kuno akuya kuBetelo uko nkweshi nkayakile Lesa cipaililo, uyo wakancafwa muciindi ca makatasho alimwi uyo wakalinga anebo kuli koonse nkondakaya.” 4Aboobo bakapa Jakobo balesa beensu boonse amasikiyo ngobakalinga kufwete. Mpeeke lakwe wakashifukila muunshi lya mubanga pafwaafwi andabala ya Shekemu.
5Jakobo abana bakwe ndibakalinga kunyamuka, bantu ba mumandabala akalinga pafwaafwi bakanyumfwa boowa buswa kuli Lesa. Aboobo tabakwe kubakonkela ayi babalwaane. 6Jakobo wakashika abantu bakwe boonse kuLusi, uko kwiitwa ayi Betelo bulya, mucishi ca Kenani. 7Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo. 8Ono musebenshi wakwe Labeka wiitwa ayi Debola, wakafwa alimwi bakamufukila muunshi lya mubanga kumalenge a Betelo. Aboobo bakautumba ayi, “Mubanga wakulila.”
9Jakobo ndyaakaboolela kuswa kuMesopotamya, Lesa wakaboneka alimwi kuli nguwe akumupa coolwe. 10Lesa wakamwaambila ayi, “Liina lyako ndiwe Jakobo, sombi kuswa sunu ndiwe Isilaeli.” Munshila iyo Lesa wakamutumba ayi Isilaeli.#Mata 32:28 11Lyalo Lesa wakaamba ayi, “Ndime Lesa Shinkusu shoonse. Koba abaana baanji. Mishobo iinji ilaakuswa mulunyungu lwako alimwi ulaakuba mushali wa bamaami. 12Ndaakukupa cishi ncendakapa Abulaamu aIsaki alimwi ndaakucipa abamulunyungu lwako webo waakufwa.”#Mata 17:4-8 13Lyalo Lesa wakamushiya. 14Palya peenka Lesa mpaakaamba kuli nguwe, Jakobo wakabikaawo libwe lyakwiibalukilaawo akulisalasha kwiinda mukupuumwitaawo waini alimwi amafuta a olifi.#Mata 28:18-19 15Mpomunyaawo wakatumbaawo ayi Betelo.
Lakelo mbwaakafwa
16Ono Jakobo abamuŋanda yakwe bakaswaako kuBetelo. Sombi ndibakashika kufwaafwi aEfulati, Lakelo mumala mwakabuka. Ono cakashupa kutumbuka. 17Mumala ndimwakashinisha kunyona, shikutumbusha wakaamba ayi, “Mutaloondi baLakelo ngumusankwa alimwi.” 18Sombi Lakelo wakalinga kuya cifwa, mpeeke ndyaakayanda kutula moyo wakatumba mwanaakwe ayi Benoni, nakubi boobo baishi bakamutumba ayi Benjameni.
19Lakelo ndyaakafwa, bakamubika mweela nshila iya kuEfulati uko bulya kwiitwa ayi Betileemu. 20Jakobo wakabikaawo libwe lyakwiibalukilaawo apo. Ono abobulya licitondesha cuumbwe cakwe Lakelo. 21Jakobo wakatolelela lweendo lwakwe akuyaka misumba kulubasu lumwi lwa ŋanda ilaamfu ya Eda.
Bana basankwa bakwe Jakobo
(1 Maka 2:1-2)
22Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi.#Mata 49:4
Jakobo wakalinga kucite baana bali likumi abobilo. 23Bana bakwe Leya basankwa bakalinga Lubeni, uyo wakalinga ngomwaana musankwa munene wakwe Jakobo, Simyoni, Lefi, Juda, Isaka, aSebuluni. 24Bana bakwe Lakelo nguJosefu alimwi aBenjameni. 25Bana bakwe Biluya, musha wakwe Lakelo nguDani alimwi aNafutali. 26Bana bakwe Silupa, musha wakwe Leya, nguGadi alimwi aAsha. Aba baana bakashalilwa kuMesopotamya.
Isaki mbwaakafwa
27Mpeeke Jakobo wakaya kuli baishi baIsaki kuMamule, pafwaafwi aEbuloni, uko Abulaamu aIsaki nkobakekala.#Mata 13:18 28Isaki wakekala myaaka ili 180 29akufwa kaali wacembela abuumbi. Mpeeke Esau aJakobo bana bakwe basankwa, bakamubika.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.