Kulonga 8
8
Mwaalu wa babombwe
1Mpomunyaawo Mwaami Lesa wakaambila Mose ayi, “Koya kumwaami Falawo ukamulwiite ayi Mwaami Lesa waamba ayi, ‘Leka bantu bangu baye kwaamba ayi bakanambile. 2Na ukake, ntoopensha cishi cako coonse kwaamba ayi musule babombwe. 3Mulonga wa Nailo utoosula abuumbi babombwe cakwaamba ayi batooswaamo akuya mukwinjila muŋanda yako ya bwaami, mucipinda ncewoonaamo, pabulo bwako, mumaanda a bacinenenene bako alimwi abantu bali mucishi cako. Balaakwinjila amoomo momupangila shinkwa alimwi amumbale shakupangilaamo shinkwa. 4Babombwe balaakunoosotookabo pamubili wako, mibili ya bantu ba mucishi cako alimwi aya bacinenenene bako.’ ”
5Mwaami Lesa wakaambila Mose alimwi ayi, “Lwiita Aloni ayi atandabike nkoli yakwe pamilonga yoonse, tulonga twakupanga alimwi amyaala yoonse, akulengesha ayi cishi coonse ca Ijipiti cisule babombwe.” 6Aboobo Aloni wakeetandabika pamaanshi oonse. Mpeeke mwakaswa babombwe akukumanabo cishi coonse ca Ijipiti. 7Sombi abalo beshimampelampela bakasebensesha nkusu shabo akukusha babombwe mumaanshi akwisa kwitala mucishi ca Ijipiti.
8Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.” 9Mose wakakumbula mwaami Falawo ayi, “Inga ndakondwa abuumbi kumupailila, ono mulyeelete kusala ciindi ndyeshi mpailile ndimwe, bacinenenene banu alimwi abantu ba mucishi canu. Lyalo babombwe boonse balaakukushikwaawo pali ndimwe, sombibo muMulonga wa Nailo.”
10Mwaami wakakumbula ayi, “Ukampailile ciilo.” Mose alakwe wakakumbula ayi, “Ndaakucita kweelana ambomwasenga, alimwi mulaakwishiba ayi taaku aumwi uli anga nguMwaami Lesa, Lesa wesu. 11Anu babombwe balaakukushikwaawo pali ndimwe, bacinenenene banu, alimwi abantu ba mucishi canu. Balaakucaalabo muMulonga wa Nailo.” 12Kuswawaawo Mose aAloni bakaswaako kumwaami Falawo. Mpeeke Mose wakapaila kuMwaami Lesa ayi akushe babombwe aba mbwaakaleta kuli Falawo. 13Mwaami Lesa wakacita kweelana abwakasenga Mose. Lyalo babombwe boonse bakalinga mumaanda, mumansa alimwi amumyuunda bakamana kufwa. 14Bene Ijipiti bakabunjika babombwe abo bakafwa mumilwimilwi. Mpeeke cishi coonse cakanunkabo nununu kubabombwe. 15Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.
Mwaalu wa mpoben
16Mpomunyaawo Mwaami Lesa wakaambila Mose ayi, “Lwiita Aloni ayi oome nkoli yakwe panshi. Mpeeke lusuko luli mucishi ca Ijipiti coonse lutokwaaluka mpobe.” 17Alakwe Aloni wakooma nkoli yakwe panshi. Lyalo lusuko loonse lwa mucishi ca Ijipiti coonse lwakaaluka mpobe isho shakakumanabo bantu alimwi abanyama. 18Beshimampelampela bakeelesha kusebensesha nkusu shabo kwaamba ayi balete mpobe, sombi bakaalilwa. Nakubi boobo mpobe shakakumanabo poonse poonse. 19Pesule beshimampelampela bakaambila mwaami Falawo ayi, “NguLesa wacita sheeshi!” Sombi mwaami Falawo wakacita cimpamya akukaka kunyumfwila Mose aAloni kweelana abwakaamba Mwaami Lesa.#Luka 11:20
Mwaalu wa baloonshi
20Lyalo Mwaami Lesa wakaambila Mose ayi, “Ciilo macuunsacuunsa, ukaye mukukumana amwaami paciindi ncaaitamo kumulonga akumulwiita ayi Mwaami Lesa waamba ayi, ‘Leka bantu bangu baye, kwaamba ayi bakanambile. 21Sombi na ukake, ntookulwiitilabo limwi ayi ndaakukupensha kwiinda mukutuma baloonshi pali ndiwe, bacinenenene bako, bantu ba mucishi cako amumaandaanu. Ncakwiila maandaanu oonse nobene Ijipiti alaakwisulabo baloonshi alimwi apanshi poonse. 22Sombi kumusena wa Gosheni, uko kwikala bantu bangu kwalo ndaakulekakobo, teshi kukabewo baloonshi. Ndaakucita boobo kwaamba ayi mukeshibe ayi nebo neMwaami Lesa ntoosebensa mucishi ici. 23Ndaakupansaanya pakati ka bantu bangu alimwi abantu ba mucishi cako. Caankamiko ici cilaakucitika ciilo.’ ” 24Mpeeke Mwaami Lesa wakatuma baloonshi baanji abuumbi muŋanda ya mwaami alimwi amumaanda a bacinenenene bakwe. Cishi ca Ijipiti coonse cakanyonyooka kubaloonshi.
25Lyalo mwaami Falawo wakeeta Mose aAloni akubaambila ayi, “Kamuya mukabenge milambu kuli Lesa wanu mucishi ceenka cino.” 26Mose wakakumbula ayi, “Inga tacibotiiwo kucita boobo mukwiinga inga bene Ijipiti twabakalasha kwiinda mumilambu ya banyama njetubenga kuMwaami Lesa, Lesa wesu. Ono na tukalashe bene Ijipiti kwiinda mukubenga milambu ya banyama abo kabatubwene, batootuuma mabwe kushikila tufwe. 27Swebo tulyeelete kweenda nshiku shotatwe muluyanga kwaamba ayi tukabenge milambu kuMwaami Lesa, Lesa wesu, kweelana ambuli mbwaakatulwiita.”
28Mwaami Falawo wakaamba ayi, “Ntoomusuminisha kuya mukubenga milambu kuMwaami Lesa, Lesa wanu muluyanga na mubule kuya kulaale. Ono kamumpaililaako.” 29Mpeeke Mose wakakumbula ayi, “Kulilabo na nswe waano, ntoopaila kuMwaami Lesa ayi ciilo baloonshi boonse bakasweewo pali ndimwe, bacinenenene banu alimwi abantu ba mucishi canu. Sombi tamweelete kutubeca alimwi, akukasha bantu kuya mukubenga milambu kuMwaami Lesa.”
30Kuswawaawo Mose wakaswaako kumwaami Falawo akupaila kuMwaami Lesa. 31Alakwe Mwaami Lesa wakacita kweelana abwakasenga Mose. Aboobo baloonshi bakaswaawo pamwaami, bacinenenene bakwe alimwi abantu ba mucishi cakwe. Taaku loonshi nabi womwi wakacaala. 32Nacibi boobo mwaami wakacita cimpamya akubooshaawo kukasha bantu kuya.
Currently Selected:
Kulonga 8: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 8
8
Mwaalu wa babombwe
1Mpomunyaawo Mwaami Lesa wakaambila Mose ayi, “Koya kumwaami Falawo ukamulwiite ayi Mwaami Lesa waamba ayi, ‘Leka bantu bangu baye kwaamba ayi bakanambile. 2Na ukake, ntoopensha cishi cako coonse kwaamba ayi musule babombwe. 3Mulonga wa Nailo utoosula abuumbi babombwe cakwaamba ayi batooswaamo akuya mukwinjila muŋanda yako ya bwaami, mucipinda ncewoonaamo, pabulo bwako, mumaanda a bacinenenene bako alimwi abantu bali mucishi cako. Balaakwinjila amoomo momupangila shinkwa alimwi amumbale shakupangilaamo shinkwa. 4Babombwe balaakunoosotookabo pamubili wako, mibili ya bantu ba mucishi cako alimwi aya bacinenenene bako.’ ”
5Mwaami Lesa wakaambila Mose alimwi ayi, “Lwiita Aloni ayi atandabike nkoli yakwe pamilonga yoonse, tulonga twakupanga alimwi amyaala yoonse, akulengesha ayi cishi coonse ca Ijipiti cisule babombwe.” 6Aboobo Aloni wakeetandabika pamaanshi oonse. Mpeeke mwakaswa babombwe akukumanabo cishi coonse ca Ijipiti. 7Sombi abalo beshimampelampela bakasebensesha nkusu shabo akukusha babombwe mumaanshi akwisa kwitala mucishi ca Ijipiti.
8Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.” 9Mose wakakumbula mwaami Falawo ayi, “Inga ndakondwa abuumbi kumupailila, ono mulyeelete kusala ciindi ndyeshi mpailile ndimwe, bacinenenene banu alimwi abantu ba mucishi canu. Lyalo babombwe boonse balaakukushikwaawo pali ndimwe, sombibo muMulonga wa Nailo.”
10Mwaami wakakumbula ayi, “Ukampailile ciilo.” Mose alakwe wakakumbula ayi, “Ndaakucita kweelana ambomwasenga, alimwi mulaakwishiba ayi taaku aumwi uli anga nguMwaami Lesa, Lesa wesu. 11Anu babombwe balaakukushikwaawo pali ndimwe, bacinenenene banu, alimwi abantu ba mucishi canu. Balaakucaalabo muMulonga wa Nailo.” 12Kuswawaawo Mose aAloni bakaswaako kumwaami Falawo. Mpeeke Mose wakapaila kuMwaami Lesa ayi akushe babombwe aba mbwaakaleta kuli Falawo. 13Mwaami Lesa wakacita kweelana abwakasenga Mose. Lyalo babombwe boonse bakalinga mumaanda, mumansa alimwi amumyuunda bakamana kufwa. 14Bene Ijipiti bakabunjika babombwe abo bakafwa mumilwimilwi. Mpeeke cishi coonse cakanunkabo nununu kubabombwe. 15Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.
Mwaalu wa mpoben
16Mpomunyaawo Mwaami Lesa wakaambila Mose ayi, “Lwiita Aloni ayi oome nkoli yakwe panshi. Mpeeke lusuko luli mucishi ca Ijipiti coonse lutokwaaluka mpobe.” 17Alakwe Aloni wakooma nkoli yakwe panshi. Lyalo lusuko loonse lwa mucishi ca Ijipiti coonse lwakaaluka mpobe isho shakakumanabo bantu alimwi abanyama. 18Beshimampelampela bakeelesha kusebensesha nkusu shabo kwaamba ayi balete mpobe, sombi bakaalilwa. Nakubi boobo mpobe shakakumanabo poonse poonse. 19Pesule beshimampelampela bakaambila mwaami Falawo ayi, “NguLesa wacita sheeshi!” Sombi mwaami Falawo wakacita cimpamya akukaka kunyumfwila Mose aAloni kweelana abwakaamba Mwaami Lesa.#Luka 11:20
Mwaalu wa baloonshi
20Lyalo Mwaami Lesa wakaambila Mose ayi, “Ciilo macuunsacuunsa, ukaye mukukumana amwaami paciindi ncaaitamo kumulonga akumulwiita ayi Mwaami Lesa waamba ayi, ‘Leka bantu bangu baye, kwaamba ayi bakanambile. 21Sombi na ukake, ntookulwiitilabo limwi ayi ndaakukupensha kwiinda mukutuma baloonshi pali ndiwe, bacinenenene bako, bantu ba mucishi cako amumaandaanu. Ncakwiila maandaanu oonse nobene Ijipiti alaakwisulabo baloonshi alimwi apanshi poonse. 22Sombi kumusena wa Gosheni, uko kwikala bantu bangu kwalo ndaakulekakobo, teshi kukabewo baloonshi. Ndaakucita boobo kwaamba ayi mukeshibe ayi nebo neMwaami Lesa ntoosebensa mucishi ici. 23Ndaakupansaanya pakati ka bantu bangu alimwi abantu ba mucishi cako. Caankamiko ici cilaakucitika ciilo.’ ” 24Mpeeke Mwaami Lesa wakatuma baloonshi baanji abuumbi muŋanda ya mwaami alimwi amumaanda a bacinenenene bakwe. Cishi ca Ijipiti coonse cakanyonyooka kubaloonshi.
25Lyalo mwaami Falawo wakeeta Mose aAloni akubaambila ayi, “Kamuya mukabenge milambu kuli Lesa wanu mucishi ceenka cino.” 26Mose wakakumbula ayi, “Inga tacibotiiwo kucita boobo mukwiinga inga bene Ijipiti twabakalasha kwiinda mumilambu ya banyama njetubenga kuMwaami Lesa, Lesa wesu. Ono na tukalashe bene Ijipiti kwiinda mukubenga milambu ya banyama abo kabatubwene, batootuuma mabwe kushikila tufwe. 27Swebo tulyeelete kweenda nshiku shotatwe muluyanga kwaamba ayi tukabenge milambu kuMwaami Lesa, Lesa wesu, kweelana ambuli mbwaakatulwiita.”
28Mwaami Falawo wakaamba ayi, “Ntoomusuminisha kuya mukubenga milambu kuMwaami Lesa, Lesa wanu muluyanga na mubule kuya kulaale. Ono kamumpaililaako.” 29Mpeeke Mose wakakumbula ayi, “Kulilabo na nswe waano, ntoopaila kuMwaami Lesa ayi ciilo baloonshi boonse bakasweewo pali ndimwe, bacinenenene banu alimwi abantu ba mucishi canu. Sombi tamweelete kutubeca alimwi, akukasha bantu kuya mukubenga milambu kuMwaami Lesa.”
30Kuswawaawo Mose wakaswaako kumwaami Falawo akupaila kuMwaami Lesa. 31Alakwe Mwaami Lesa wakacita kweelana abwakasenga Mose. Aboobo baloonshi bakaswaawo pamwaami, bacinenenene bakwe alimwi abantu ba mucishi cakwe. Taaku loonshi nabi womwi wakacaala. 32Nacibi boobo mwaami wakacita cimpamya akubooshaawo kukasha bantu kuya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.