Kulonga 33
33
Bene Isilaeli mbobakaswa kuKalundu ka Sinayi
1Mpeeke Mwaami Lesa wakaambila Mose ayi, “Webo alimwi abantu mbowakakusha mucishi ca Ijipiti, musweeko kumusena uno, muye kucishi ico ncendakashomesha Abulaamu, Isaki, Jakobo alimwi abamulunyungu lwabo.#Mata 12:7; Mata 26:3; Mata 28:19 2Ndaakutuma munjelo ayi akamutanjilile, alimwi mucishi ico ndaakutandamo bene Kenani, bene Amoli, bene Iti, bene Pelisi, bene Ifi alimwi abene Jebusi. 3Mutooya kucishi ico muli bubile abulongo bubotu. Sombi nebo neenka teshi njaanu, mukwiinga muli bantu beshicimpamya, aboobo inga ndaakumunyonyoola munshila.”
4Ono bantu ndibakanyumfwa boobo, bakatalika kuungumana alimwi bakacileka akufwala shakulibotesha shili anga ngamakosa. 5Ceebo Mwaami Lesa wakaambila Mose ayi, “Ulwiite bene Isilaeli maswi angu ayi, ‘Muli bantu beshicimpamya. Na ndayaanu kwaciindi ciniinibo, inga ndamunyonyoola cakumaninina. Ono amufuule shakulibotesha shanu, nebo ntooshiba cakucita pali ndimwe.’ ” 6Aboobo ndibakaswa paKalundu ka Sinayi, bene Isilaeli bakacileka kufwala shakulibotesha shabo.
Tente ya Cipangano
7Ono lyoonse na bene Isilaeli batooyaka misumba, Mose wakalinga kuyaka Tente isalalite pamusena utalamukite amisumba. Yakalinga kwiitwa ayi “Tente ya Cipangano.” Na kuli muntu usuni kwiipusha kuMwaami Lesa, wakalinga kuya nkomunya uko. 8Lyoonse na Mose wayaako uko, bantu bakalinga kwiimikana pamilyango ya misumba yabo akunokweebela Mose kushikila weenjila muTente ya Cipangano. 9Lyalo na weenjila, licincilo lya likumbi lyakalinga kuswa kwiculu akwiimikana pamulyango wa Tente iyo. Mpeeke Mwaami Lesa wakalinga kwaamba aMose. 10Ono bantu kulilabo na licincilo lya likumbi balibona pamulyango wa Tente, boonse bakalinga kunyamuka akukotamina Mwaami Lesa, womwi awomwi kaaimfwi kumulyango wa musumba wakwe. 11Nkokwaamba ayi Mwaami Lesa wakalinga kubandika aMose, bweenka mbuli muntu mbwaamba amubye. Pesule, mose wakalinga kuboola kumusumba. Sombi Joshuwa mwanaakwe Nani uyo wakalinga shikumucafwa, wakalinga kwikalabo muTente ya Cipangano iyo.
Mwaami Lesa mbwaakalasha bene Isilaeli kuba bantu bakwe
12Mpomunyaawo Mose wakaambila Mwaami Lesa ayi, “Ncakwiila mwandwiita ayi ntanjilile bantu aba kucishi ico, sombi tamuna kundwiita wooyo ngweshi muntumaakwe. Mwaamba ayi mulinshi kabotu alimwi ayi mulikondetwe mumilimo yangu. 13Ono na mbocibete ubo, amundwiite nshila shanu, kwaamba ayi noomusebensela akutolelela kumusangalasha. Mwiibaluke alimwi ayi mwakasala mushobo uyu kuba waanu.”
14Mwaami Lesa wakakumbula ayi, “Ndaakuya amwebo alimwi ndaakumupa nkusu shakukoma.” 15Lyalo Mose wakaamba ayi, “Na mukabule kuya aswebo, mutatusuminishi kuswa pamusena uno. 16Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.” 17Mpeeke Mwaami Lesa wakaambila Mose ayi, “Ndaakucita kweelana ambowasenga ceebo ndikwishi kabotu alimwi ndikondetwe muli ndiwe.”
18Lyalo Mose wakaamba ayi, “Ndamusenga ayi mumboneshe bulemu bwanu.” 19Mwaami Lesa wakumbula ayi, “Ntoolengesha ayi bulemu bwangu boonse bwiinde panembo lyako, alimwi ntoobanda pameenso ako liina lyangu lisalalite ayi Mwaami Lesa. Nebo ndime Mwaami Lesa alimwi ndabonesha lulekelelo alimwi ankuumbu kubaabo mboonsuni. 20Teshi nkuboneshe ciwa cangu, ceebo taaku weenga wambona akutolelela kuba muumi, 21sombi kuno kufwaafwi anebo nkooli musena palibwe, apo mpweenga weemikana. 22Ono na bulemu bwangu bunokwiinda, ntookubika mucimfwengo ca mulibwe, akukufweka lyaansa lyangu kushikila nyinde. 23Lyalo ntookushawo lyaansa lyangu, mpeeke utoombonabo kwisule, kuteshi kuciwa cangu, sobwe.”
Currently Selected:
Kulonga 33: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Kulonga 33
33
Bene Isilaeli mbobakaswa kuKalundu ka Sinayi
1Mpeeke Mwaami Lesa wakaambila Mose ayi, “Webo alimwi abantu mbowakakusha mucishi ca Ijipiti, musweeko kumusena uno, muye kucishi ico ncendakashomesha Abulaamu, Isaki, Jakobo alimwi abamulunyungu lwabo.#Mata 12:7; Mata 26:3; Mata 28:19 2Ndaakutuma munjelo ayi akamutanjilile, alimwi mucishi ico ndaakutandamo bene Kenani, bene Amoli, bene Iti, bene Pelisi, bene Ifi alimwi abene Jebusi. 3Mutooya kucishi ico muli bubile abulongo bubotu. Sombi nebo neenka teshi njaanu, mukwiinga muli bantu beshicimpamya, aboobo inga ndaakumunyonyoola munshila.”
4Ono bantu ndibakanyumfwa boobo, bakatalika kuungumana alimwi bakacileka akufwala shakulibotesha shili anga ngamakosa. 5Ceebo Mwaami Lesa wakaambila Mose ayi, “Ulwiite bene Isilaeli maswi angu ayi, ‘Muli bantu beshicimpamya. Na ndayaanu kwaciindi ciniinibo, inga ndamunyonyoola cakumaninina. Ono amufuule shakulibotesha shanu, nebo ntooshiba cakucita pali ndimwe.’ ” 6Aboobo ndibakaswa paKalundu ka Sinayi, bene Isilaeli bakacileka kufwala shakulibotesha shabo.
Tente ya Cipangano
7Ono lyoonse na bene Isilaeli batooyaka misumba, Mose wakalinga kuyaka Tente isalalite pamusena utalamukite amisumba. Yakalinga kwiitwa ayi “Tente ya Cipangano.” Na kuli muntu usuni kwiipusha kuMwaami Lesa, wakalinga kuya nkomunya uko. 8Lyoonse na Mose wayaako uko, bantu bakalinga kwiimikana pamilyango ya misumba yabo akunokweebela Mose kushikila weenjila muTente ya Cipangano. 9Lyalo na weenjila, licincilo lya likumbi lyakalinga kuswa kwiculu akwiimikana pamulyango wa Tente iyo. Mpeeke Mwaami Lesa wakalinga kwaamba aMose. 10Ono bantu kulilabo na licincilo lya likumbi balibona pamulyango wa Tente, boonse bakalinga kunyamuka akukotamina Mwaami Lesa, womwi awomwi kaaimfwi kumulyango wa musumba wakwe. 11Nkokwaamba ayi Mwaami Lesa wakalinga kubandika aMose, bweenka mbuli muntu mbwaamba amubye. Pesule, mose wakalinga kuboola kumusumba. Sombi Joshuwa mwanaakwe Nani uyo wakalinga shikumucafwa, wakalinga kwikalabo muTente ya Cipangano iyo.
Mwaami Lesa mbwaakalasha bene Isilaeli kuba bantu bakwe
12Mpomunyaawo Mose wakaambila Mwaami Lesa ayi, “Ncakwiila mwandwiita ayi ntanjilile bantu aba kucishi ico, sombi tamuna kundwiita wooyo ngweshi muntumaakwe. Mwaamba ayi mulinshi kabotu alimwi ayi mulikondetwe mumilimo yangu. 13Ono na mbocibete ubo, amundwiite nshila shanu, kwaamba ayi noomusebensela akutolelela kumusangalasha. Mwiibaluke alimwi ayi mwakasala mushobo uyu kuba waanu.”
14Mwaami Lesa wakakumbula ayi, “Ndaakuya amwebo alimwi ndaakumupa nkusu shakukoma.” 15Lyalo Mose wakaamba ayi, “Na mukabule kuya aswebo, mutatusuminishi kuswa pamusena uno. 16Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.” 17Mpeeke Mwaami Lesa wakaambila Mose ayi, “Ndaakucita kweelana ambowasenga ceebo ndikwishi kabotu alimwi ndikondetwe muli ndiwe.”
18Lyalo Mose wakaamba ayi, “Ndamusenga ayi mumboneshe bulemu bwanu.” 19Mwaami Lesa wakumbula ayi, “Ntoolengesha ayi bulemu bwangu boonse bwiinde panembo lyako, alimwi ntoobanda pameenso ako liina lyangu lisalalite ayi Mwaami Lesa. Nebo ndime Mwaami Lesa alimwi ndabonesha lulekelelo alimwi ankuumbu kubaabo mboonsuni. 20Teshi nkuboneshe ciwa cangu, ceebo taaku weenga wambona akutolelela kuba muumi, 21sombi kuno kufwaafwi anebo nkooli musena palibwe, apo mpweenga weemikana. 22Ono na bulemu bwangu bunokwiinda, ntookubika mucimfwengo ca mulibwe, akukufweka lyaansa lyangu kushikila nyinde. 23Lyalo ntookushawo lyaansa lyangu, mpeeke utoombonabo kwisule, kuteshi kuciwa cangu, sobwe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.